ᔪᐊᓇᓯᐅᑉ ᐊᒡᓚᖏᑦ 15:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑕᒪᓐᓇᓕ ᑍᒤᑉᐳᖅ ᐱᖁᔭᖏᓐᓂ ᐅᖃᕐᓯᒪᔪᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ: ‘ᐱᑦᔪᑎᒃᓴᖃᕋᑎᒃ ᐆᒥᒋᕚᖓ.’

Aglait Ijjurnaittut

²⁵ Tamannali taimaippuq piqujanginni uqaqsimajut nalautsiqullugit imailijut: ‘Pijjutiksaqaratik uumigivaanga.’

ᔪᐊᓇᓯᐅᑉ ᐊᒡᓚᖏᑦ 15:25 Iomraidhean Croise

ᐃᓐᖏᕈᑎᑦ 109:3

ᐊᕙᑎᓕᒫᓐᓃᑦ ᐆᒥᓱᖕᓂᕐᒧᑦ ᐅᖃᐅᓯᖃᕐᐳᑦ; ᐊᑭᕋᕐᑐᕐᐹᖓ ᓱᓇᒥᒃ ᐱᑦᔪᑎᒃᓴᖃᕋᑎᒃ.

ᐃᓐᖏᕈᑎᑦ 35:19

ᐱᑦᔪᑎᒋᓗᖓ ᖁᕕᐊᓲᑎᖃᕐᑎᑦᑍᓕᒃᑭᑦ ᐅᕙᓐᓂᒃ ᐱᑦᔪᑎᒃᓴᖃᕋᑎᒃ ᐊᑭᕋᕐᑐᕐᑐᑦ; ᐆᒥᓱᖕᓂᕐᒧᓪᓗ ᐃᔨᒥᖕᓂᒃ ᓯᑯᓐᖏᓪᓚᒃᑎᑦᑍᓕᒃᑭᑦ ᐅᕙᓐᓂᒃ ᐆᒥᓱᒃᑐᑦ ᓱᓇᐅᖏᑦᑐᒧᑦ.

ᐃᓐᖏᕈᑎᑦ 69:4

ᐅᕙᓐᓂᒃ ᐆᒥᓱᒃᑐᑦ ᐱᑦᔪᑎᒃᓴᖃᕋᑎᒃ ᐅᓄᕐᓂᕐᓴᐅᕗᑦ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᐊᔪᖏᑦᑐᕐᔪᐊᖑᕗᑦ ᐅᕙᓐᓂᒃ ᑐᖁᑦᓯᔪᒪᔪᑦ, ᓱᓕᖏᑦᑐᒧᑦ ᐊᑭᕋᕐᑐᕐᑎᒋᕙᒃᑲ. ᓱᓇᒥᒃ ᑎᒡᓕᓚᐅᕐᓇᖓ, ᐅᑎᕐᑎᑦᓯᔭᕆᐊᖃᕐᐳᖓ?

ᐃᓐᖏᕈᑎᑦ 7:4

ᐃᓅᖃᑎᓐᓂᒃ ᐊᑭᓂᐊᕐᓯᒪᒍᒪ ᐱᐅᖏᑦᑐᒥᒃ ᐅᕙᓐᓂᒃ ᖃᓄᐃᓕᐅᖏᑦᑐᒥᒃ; ᐊᑭᕋᕐᑐᕐᑎᓐᓂᒡᓘᓐᓃᑦ ᑎᒡᓕᒐᕐᕕᖃᕐᓯᒪᒍᒪ ᐱᑦᔪᑎᒃᓴᖃᖏᓪᓗᖓ,

ᒫᑎᐅᓯᐅᑉ ᐊᒡᓚᖏᑦ 10:8

ᖃᓂᒪᔪᑦ ᐋᖅᑭᒃᓯᒋᒃ, ᑐᖁᖓᔪᓪᓗ ᐆᒻᒪᕐᑎᓪᓗᒋᑦ, ᓯᕘᕋᒋᔭᐅᔪᓂᒡᓗ ᐸᕐᑎᕐᑐᑦ ᐸᕐᑎᕈᓐᓃᕐᑎᓯᒋᒃ, ᐊᓂᕐᓂᕐᓗᐃᓪᓗ ᐃᓄᖕᓂᑦ ᐊᓂᑎᓪᓗᒋᑦ. ᐊᑭᖃᖏᑦᑐᒥᒃ ᑐᓂᓯᕕᐅᒐᑦᓯ ᐊᑭᖃᖏᑦᑐᒥᒃᑕᐅᖅ ᑐᓂᓯᐅᒃ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 10:34

ᔩᓱᓯᐅᑉ ᑭᐅᕔᑦ, “ᐱᖁᔭᑦᓯᓐᓂ ᑎᑎᕋᕐᓯᒪᔪᖃᕐᐳᖅ, ‘ᐅᖃᐅᑎᕙᑦᓯ, ᐃᓕᑦᓯ ᒎᑎᐅᕗᓯ.’

ᔪᐊᓇᓯᐅᑉ ᐊᒡᓚᖏᑦ 13:18

“ᑕᒪᑐᒥᖓ ᐅᖃᐅᑎᔧᓐᓇᕆᓐᖏᓚᑦᓯ; ᖃᐅᔨᒪᒐᒃᑭᑦ ᓂᕈᐊᕐᓯᒪᔭᒃᑲ; ᐊᒡᓔᓪᓕ ᓇᓚᐅᑦᓯᔭᕆᐊᖃᕐᒪᑕ ᐅᖃᕐᑐᑦ: ‘ᓂᕆᖃᑎᒋᔭᒪ ᐊᑭᕋᕐᑐᓕᕐᐹᖓ.’

ᔪᐊᓇᓯᐅᑉ ᐊᒡᓚᖏᑦ 19:36

ᑕᒪᒃᑯᐊ ᐱᓂᐊᕐᓂᐅᓚᐅᕐᐳᑦ ᐊᒡᓔᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᑖᑦᓱᒪ ᓴᐅᓂᖏᑦ ᓇᒡᒍᕐᑕᐅᔪᒃᓴᐅᓐᖏᓚᑦ.”

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᕉᒪᒥᐅᓄᑦ 3:24

ᐊᑭᖃᖏᑦᑐᒥᒃ ᐸᓯᔭᒃᓴᐅᔪᓐᓃᕐᑎᑕᐅᕗᑦ ᑖᑦᓱᒪ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᑐᓂᕐᕈᑖᓄᑦ, ᐱᐅᓕᔭᐅᓂᒃᑯᑦ ᙭ᔅᑑᓯ ᔩᓱᓯᒃᑯᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:7

ᐊᔪᕐᑐᓕᓚᐅᕐᐳᖔ ᒥᑭᒡᓕᑎᕋᒪ ᐅᕙᓐᓂᒃ ᐃᓕᑦᓯ ᐊᖏᔪᕈᕐᑎᑕᐅᖁᓪᓗᓯ, ᐊᔪᕆᕐᑐᐃᖃᑦᑕᓚᐅᕋᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ ᐊᑭᓖᔭᕆᐊᖃᕐᑎᓚᐅᓐᖏᓚᑦᓯᓘᓐᓃᑦ?

ᒐᓔᑎᐊᒥᐅᓄᑦ 2:21

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᒋᓐᖏᓚᕋ, ᐱᖁᔭᑎᒍᓪᓕ ᐃᓗᐊᕐᓯᑎᑕᐅᔪᖃᕈᓐᓇᕐᐸᑦ, ᙭ᔅᑑᓯ ᑐᖁᓯᒪᒐᔭᕐᐳᖅ ᐊᑑᑎᖃᖏᑦᑐᒥᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:8

ᐊᑭᖃᖏᑦᑐᒥᒡᓗ ᓂᕿᒃᓴᑦᑎᓐᓂᒃ ᑎᒍᓯᓚᐅᓐᖏᓚᒍᑦ ᑭᓇᒥᓪᓘᓐᓃᑦ, ᐊᒃᓱᕈᕐᓗᑕᓕ ᐱᓇᓱᐊᓚᐅᕐᐳᒍᑦ ᐅᓪᓘᑎᓪᓗᒍ ᐅᓐᓄᐊᒥᓗ, ᐃᓕᑦᓯᓐᓂᒃ ᓇᓕᑦᓯᓐᓂᒃ ᐅᖁᒤᑦᑐᒦᖁᔨᓇᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:6

ᐅᖃᐅᑎᒋᕚᖓᓗ, “ᐱᔭᕇᕐᐳᖅ! ᐋᓪᐸᐅᕗᖓ ᐅᒥᒐᐅᓪᓗᖓᓗ, ᐱᒋᐊᕐᓂᐅᕗᖓ ᐃᓱᓕᓐᓂᐅᓪᓗᖓᓗ. ᐃᒥᕈᒃᑐᖅ ᐃᒥᕐᑎᓐᓂᐊᕐᐸᕋ ᐃᒥᕐᒥᒃ ᐃᓅᓯᖃᕐᓇᕐᑐᒥᑦ ᑯᕕᔪᒥᑦ ᐊᑭᖃᖏᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.