ᔪᐊᓇᓯᐅᑉ ᐊᒡᓚᖏᑦ 15:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᒪᒃᑯᓂᖓᓕᒫᖅ ᐱᓂᐊᕐᕕᒋᔪᒫᕐᐹᓯ ᐅᕙᓐᓂᒃ ᐱᑦᔪᑎᖃᕐᓗᑎᒃ, ᐅᕙᓐᓂᒃ ᑎᓕᓯᔪᖅ ᖃᐅᔨᒪᖏᓐᓇᒥᑦᔪᒃ.

Aglait Ijjurnaittut

²¹ Tamakkuningalimaaq piniarvigijumaaqpaasi uvannik pijjutiqarlutik, uvannik tilisijuq qaujimannginnamijjuk.

ᔪᐊᓇᓯᐅᑉ ᐊᒡᓚᖏᑦ 15:21 Iomraidhean Croise

ᐃᓐᖏᕈᑎᑦ 69:7

ᐱᑦᔪᑎᒋᓪᓗᑎᑦ ᓱᐊᒃᑕᐅᓂᕐᒥᒃ ᐊᑐᕋᒪ, ᑲᓐᖑᓱᖕᓂᕐᒥᒃ ᑮᓇᕋ ᐅᓕᒃᓯᒪᕗᖅ.

ᐂᓮᐊᓯᐅᑉ ᐊᒡᓚᖏᑦ 66:5

“ᐊᑕᓂᐅᑉ ᐅᖃᐅᓯᖓ ᑐᓴᓕᕐᓯᐅᒃ, ᐃᓕᑦᓯ ᐅᖃᐅᓯᖓᓄᑦ ᓴᔪᒃᑐᓯ; ᖃᑕᓐᖑᑎᓯ ᐃᓕᑦᓯᓐᓂᒃ ᐆᒥᓱᖕᒪᑕ, ᐃᓕᑦᓯᓐᓂᒃ ᓇᕐᕈᓕᕐᓯᒪᔪᑦ ᐊᑎᕋ ᐱᓪᓗᒍ ᐅᖃᕐᒪᑕ, ‘ᐊᑕᓂᖅ ᓂᕐᑐᕐᑕᐅᓕ, ᑕᑯᓂᐊᕋᑦᑕ ᖁᕕᐊᓱᒃᑎᓪᓗᓯ’; ᑭᓯᐊᓂᓕ ᑖᒃᑯᐊ ᑲᓐᖑᓱᒃᑎᑕᐅᔪᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 10:18

ᐅᕙᖓᓗ ᐱᑦᔪᑎᒋᓗᖓ ᐃᖅᑲᕐᑐᕐᑕᐅᔪᒫᕐᐳᓯ ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᓄᓪᓗ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕈᓐᓇᖁᓪᓗᓯ ᑖᒃᑯᓄᖓ, ᔫᑎᐅᖏᑦᑐᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 10:22

ᐃᓄᓕᒫᓄᑦ ᐆᒥᒋᔭᐅᓕᕈᒫᕐᐳᓯ ᐅᕙᖓ ᐱᓪᓗᖓ. ᐅᒃᐱᕐᓂᕐᒥᓂᒡᓕ ᑎᒍᒥᐊᖏᓐᓇᕐᓗᓂ ᐃᓱᐊᓄᑦ, ᑖᓐᓇ ᐱᐅᓕᔭᐅᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 10:39

ᐃᓅᓯᕐᒥᓂᒃ ᐊᓐᓂᕈᓱᒃᑐᖅ, ᐃᓅᓯᕐᒥᓂᒃ ᐊᓯᐅᔨᔪᒫᕐᐳᖅ; ᐃᓅᓯᕐᒥᓂᒡᓕ ᐊᓐᓂᕈᓱᖏᑦᑐᖅ ᐅᕙᖓ ᐱᓪᓗᖓ, ᑖᓐᓇ ᐃᓅᓯᕐᒥᓂᒃ ᓇᒡᕚᕈᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 24:9

“ᑭᖑᓂᖓᒍᑦ ᑎᒍᔭᐅᔪᒫᕐᐳᓯ ᑲᑉᐱᐊᓇᕐᑐᒦᑎᑕᐅᓗᓯ, ᑐᖁᑕᐅᓗᓯᓗ; ᐃᓅᖃᑎᒌᒡᔪᐊᓕᒫᓄᑦ ᐆᒥᒋᔭᐅᔪᒫᕐᐳᓯ ᐱᑦᔪᑎᒋᓗᖓ.

ᒫᑎᐅᓯᐅᑉ ᐊᒡᓚᖏᑦ 5:11

“ᓮᒪᓇᕐᑐᒦᑉᐳᓯ ᐃᓄᐃᑦ ᖃᓄᑐᐃᓐᓇᖅ ᐅᖃᕐᓂᕐᓗᒡᕕᒋᒃᐸᓯ, ᐊᑭᕋᕐᑐᕐᑕᐅᒍᑦᓯᓗ, ᓱᓕᖏᑦᑐᒥᒡᓗ ᖃᓄᑐᐃᓐᓇᖅ ᐅᖃᕐᓂᕐᓘᑎᒋᔭᐅᒍᑦᓯ ᐅᕙᓐᓄᑦ ᒪᓕᒡᑎᐅᓂᓯ ᐱᑦᔪᑎᒋᓪᓗᒍ.

ᒫᑯᓯᐅᑉ ᐊᒡᓚᖏᑦ 13:13

ᑕᒤᓐᓄᑦ ᐆᒥᒋᔭᐅᓕᕈᒫᕐᐳᓯ ᐅᕙᖓ ᐱᑦᔪᑎᒋᓗᖓ. ᓇᓪᓕᐊᓪᓕ ᕿᓄᐃᓵᕐᓗᓂ ᐊᓂᒍᐃᔪᖅ ᑖᓐᓇ ᐱᐅᓕᔭᐅᔪᒫᕐᐳᖅ.”

ᓘᑲᓯᐅᑉ ᐊᒡᓚᖏᑦ 21:12

ᑕᒪᒃᑯᐊ ᐱᓚᐅᖅᑳᕐᑎᓐᓇᒋᑦ ᑎᒍᔭᐅᔪᒫᕐᐳᓯ, ᐊᑭᕋᕐᑐᕐᑕᐅᓗᓯ, ᐋᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯᓗ, ᐊᖓᔪᖅᑳᕐᔪᐊᓄᑦ ᐊᐅᓚᑦᓯᔨᓄᓪᓗ ᐱᑎᑕᐅᔪᒫᕐᐳᓯ ᐅᕙᖓ ᐱᑦᔪᑎᒋᓗᖓ.

ᓘᑲᓯᐅᑉ ᐊᒡᓚᖏᑦ 21:17

ᑕᒤᓐᓄᑦ ᐆᒥᒋᔭᐅᔪᒫᕐᐳᓯ ᐅᕙᖓ ᐱᑦᔪᑎᒋᓗᖓ,

ᓘᑲᓯᐅᑉ ᐊᒡᓚᖏᑦ 6:22

“ᓮᒪᕐᑎᑕᐅᓇᕐᑐᒦᑉᐳᓯ ᐃᓄᐃᑦ ᐆᒥᒋᒃᐸᓯ, ᓇᕐᕈᒋᒃᐸᓯᓗ ᐅᖃᕐᓂᕐᓘᑎᒋᒃᐸᓯᓗ, ᐱᐅᖏᑦᑐᐊᓘᓂᕋᕐᐸᓯᓗ, ᐃᓅᑉ ᐃᕐᓂᖓ ᐱᑦᔪᑎᒋᓪᓗᒍ!

ᔪᐊᓇᓯᐅᑉ ᐊᒡᓚᖏᑦ 15:24

ᐱᓂᐊᕐᓂᖃᓚᐅᖏᒃᑯᒪ ᐱᓂᐊᕐᓂᕆᔭᐅᓚᐅᕐᓯᒪᖏᑦᑐᒥᒃ ᑖᒃᑯᓄᖓ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᑕᑯᓯᒪᕗᑦ ᐊᑖᑕᒐᓗ ᑕᒪᓐᓄᒃ ᐆᒥᒋᕚᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 16:3

ᑍᒤᓕᐅᕐᕕᐅᔪᒫᕐᐳᓯ ᐊᑖᑕᒐᓗ ᐅᕙᒍᒃ ᖃᐅᔨᒪᖏᓐᓇᒥᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 17:25

ᓈᓛᒎᕐᑐᑎᑦ ᐊᑖᑖᒃ, ᓯᓚᕐᔪᐊᕐᒥᐅᑦ ᖃᐅᔨᒪᓐᖏᒻᒪᑕ ᐃᓕᖕᓂᒃ, ᐅᕙᖓᓕ ᖃᐅᔨᒪᕙᒋᑦ; ᑖᒃᑯᐊᓗ ᖃᐅᔨᕗᑦ ᑎᓕᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 8:19

ᑍᒤᒻᒪᑦ ᑕᕝᕙ ᐊᐱᕆᕚᑦ, “ᓇᐅᒃᑍᒪ ᐊᑖᑍᑦ?” ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᐊᑖᑕᒥᒡᓘᓐᓃᑦ ᖃᐅᔨᒪᓐᖏᓚᓯ; ᐅᕙᓐᓂᒃ ᖃᐅᔨᒪᒍᑦᓯ, ᐊᑖᑕᒐ ᖃᐅᔨᒪᒐᔭᕆᕙᓯ.”

ᔪᐊᓇᓯᐅᑉ ᐊᒡᓚᖏᑦ 8:54

ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓂᕐᑑᑎᒍᒪ, ᓂᕐᑑᑎᓂᕋ ᐊᑐᕋᔭᓐᖏᓚᖅ; ᐊᑖᑕᒐᓕ ᑖᓐᓇᐅᕗᖅ ᐅᕙᓐᓂᒃ ᓂᕐᑐᕐᓇᕐᑎᑦᓯᔪᖅ, ᑖᓐᓇ ᒎᑎᒋᓂᕋᕐᑕᓯ.

ᔪᐊᓇᓯᐅᑉ ᐊᒡᓚᖏᑦ 8:55

ᑖᓐᓇᓕ ᖃᐅᔨᒪᓐᖏᓐᓇᑦᓯᐅᒃ; ᐅᕙᖓᓕ ᖃᐅᔨᒪᕙᕋ. ᖃᐅᔨᒪᖏᓐᓂᕋᕋᔭᕈᒃᑯ, ᐃᓕᑦᓯᑎᑐᑦᑕᐅᖅ ᓴᒡᓗᕿᑦᓯᓇᔭᕐᐳᖓ; ᖃᐅᔨᒪᕙᕋᓕ ᐅᖃᐅᓯᖏᓪᓗ ᒪᓕᒃᐸᒃᑲ.

ᐋᐴᓯᑕᓖᑦ ᐱᓂᐊᕐᓂᖏᑦ 17:23

ᓄᓇᓕᖕᓂ ᐱᓱᑲᑕᒃᑎᓪᓗᖓ ᓴᓇᓯᒪᔪᑦ ᑐᒃᓯᐊᕐᕕᒋᕙᒃᑕᓯ ᕿᒥᕐᕈᐊᕐᓗᒋᑦ, ᑐᓂᕐᕈᓯᕐᕕᖕᒥᒃ ᑕᑯᓚᐅᕋᒪ ᑎᑎᖅᑲᓕᖕᒥᒃ ‘ᒎᑎᒧᑦ ᖃᐅᔨᒪᓇᖏᑦᑐᒧᑦ.’ ᑐᒃᓯᐊᕐᕕᒋᕙᑦᑕᓯ ᑖᓐᓇ ᖃᐅᔨᒪᓇᒍ, ᑕᕝᕙ ᐅᖃᐅᑎᒋᓯᕙᕋ ᐃᓕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:9

“ᐅᕙᖓᑦᑕᐅᖅ ᐃᓱᒪᖃᓚᐅᕐᐳᖓ ᔩᓱᓯ ᓈᓴᕇᑎᒥᐅᖅ ᐊᑭᕋᕐᑐᕈᒪᓪᓗᒍ ᐊᔪᓐᖏᑕᓕᒫᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:17

“ᒫᓐᓇ ᐃᓅᖃᑎᒃᑲ, ᖃᐅᔨᒪᕗᖓ ᓇᓗᓂᕐᒧᑦ ᐊᖓᔪᖅᑳᓯᓗ ᔩᓱᓯᒥᒃ ᑍᒤᓕᐅᕆᓚᐅᕐᐳᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 4:17

ᑕᒪᓐᓇ ᓯᐊᒻᒪᕐᑎᑕᐅᕙᓪᓕᐊᖁᓇᒍ ᐃᓄᖕᓄᑦ, ᐃᓂᕐᑎᓚᐅᕐᓚᕗᑦ ᓯᕘᕋᓵᕐᓗᒋᒃ ᐅᖃᐅᓯᖃᖃᑦᑕᖁᔪᓐᓃᕐᓗᒋᒃ ᔩᓱᓯᐅᑉ ᐊᑎᖓᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 9:14

ᒫᓐᓇ ᑕᒫᓯᑰᓯᒧᐊᕐᐳᖅ ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖏᓐᓂᑦ ᐱᔪᓐᓇᕐᑎᑕᐅᓪᓗᓂ ᑎᒍᓯᔪᓐᓇᖁᓪᓗᒍ ᑭᒃᑯᑐᐃᓇᕐᓂᒃ ᑐᒃᓯᐊᕐᕕᖃᕐᑐᓂᒃ ᐃᓕᖕᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:16

ᖃᐅᔨᑎᓐᓂᐊᕋᒃᑯ ᖃᓄᖅ ᐊᖏᑎᒋᔪᒥᒃ ᐊᒃᓱᕈᕐᑎᑕᐅᔭᕆᐊᖃᕐᒪᑦ ᐱᑦᔪᑎᒋᓗᖓ.”

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:34

ᐃᓱᒪᑖᑦᓯᐊᓚᐅᕆᑦᓯ, ᐊᔪᕐᑐᓕᔪᓐᓃᕐᓗᓯᓗ. ᐃᓚᖏᑦ ᒎᑎᒥᒃ ᖃᐅᔨᒪᖏᒻᒪᑕ. ᑍᒤᓕᕗᖓ ᑲᓐᖑᓱᒃᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:8

ᓇᓪᓕᐊᓪᓘᓐᓃᑦ ᐊᐅᓚᑦᓯᔩᑦ ᓯᓚᕐᔪᐊᕐᒥ ᑕᒪᑐᒥᖓ ᑐᑭᓯᓯᒪᓐᖏᓚᑦ; ᑐᑭᓯᓚᐅᕈᓂᑦᔪᒃ, ᐊᑕᓂᖅ ᓂᕐᑐᕐᓇᕐᑐᕐᔪᐊᖅ ᑭᑭᐊᒃᑐᕋᔭᓚᐅᓐᖏᓛᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᔪᐊᓇᓯ ᓯᕗᓪᓖᑦ 3:1

ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ.

ᔪᐊᓇᓯᐅᑉ ᐱᖓᔪᖏᑦ 1:7

᙭ᔅᑑᓯ ᐱᑦᔪᑎᒋᓪᓗᒍ ᐱᓇᓱᐊᕆᐊᕐᑐᕐᓗᑎᒃ ᐊᐅᓪᓚᓚᐅᕐᒪᑕ ᐅᒃᐱᕋᓱᐊᖏᑦᑐᓂᑦ ᐃᑲᔪᕐᑕᐅᔭᕆᐊᖃᕋᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:3

ᖃᐅᔨᒪᕙᒋᑦ ᕿᓄᐃᓵᕐᓂᖃᕐᓯᒪᒐᕕᑦ ᐋᓐᓂᐊᑎᑕᐅᓯᒪᕗᑎᓪᓗ ᐊᑎᕋ ᐱᓪᓗᒍ, ᓴᐱᓕᓚᐅᓐᖏᓚᑎᓪᓗ.