ᔪᐊᓇᓯᐅᑉ ᐊᒡᓚᖏᑦ 15:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᕐᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᕐᑐᖁᓪᓗᓯ ᐸᐅᕐᖓᖃᕐᓂᓯ ᑲᔪᓯᖁᓪᓗᒍ; ᓱᓇᑐᐃᓐᓇᕐᒥᒃ ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᐊᑎᓐᓂ, ᑐᓂᓯᓂᐊᕐᐳᖅ ᐃᓕᑦᓯᓐᓄᑦ.

Aglait Ijjurnaittut

¹⁶ Nirualaunngilassinnga, nirualauqpassili tilillusilu paurngakariaqtuqullusi paurngaqarnisi kajusiqullugu; sunatuinnarmik Ataata tuksiarvigigussiuk atinni, tunisiniaqpuq ilissinnut.

ᔪᐊᓇᓯᐅᑉ ᐊᒡᓚᖏᑦ 15:16 Iomraidhean Croise

ᒨᓯᓯ ᓯᕗᓪᓖᑦ 18:18

ᖃᐅᔨᒪᒐᒪ ᐂᑉᕋᕼᐋᒻ ᑭᖑᕚᒃᓴᖏᑦ ᐃᓄᒐᓴᒡᔪᐊᓐᖑᕈᒫᕐᒪᑕ ᐱᔪᓐᓇᕐᑐᕐᔪᐊᖑᓗᑎᒡᓗ, ᑖᑦᓱᒨᓇᓗ ᐃᓅᖃᑎᒌᒡᔪᐊᑦ ᓮᒻᒪᕐᑎᑦᓱᒫᕐᐸᒃᑲ.

ᐃᓐᖏᕈᑎᑦ 145:4

ᑭᖑᕚᕇᑦ ᐱᓂᐊᕐᓂᑎᑦ ᓂᕐᑐᕈᒫᕐᐰᑦ ᑭᖑᕚᕇᖑᔪᑦ ᑭᖑᓪᓕᖏᓐᓄᑦ ᑎᑭᓪᓗᒋᑦ, ᓇᓗᓁᕐᓯᔪᒫᕐᐳᓪᓗ ᐱᓂᐊᕐᓂᕐᐱᑦ ᑲᒪᓇᕐᑐᕐᔪᐊᖑᓂᖏᓐᓂᒃ.

ᐃᓐᖏᕈᑎᑦ 71:18

ᓱᓕᓗ ᐃᓄᑐᖃᐅᓕᕈᒪ ᓂᐊᖁᕋᓗ ᖃᑯᕐᑕᐅᓕᕐᐸᑦ, ᒎᑏ, ᕿᒪᖕᓂᐊᕐᓇᖓ, ᐊᔪᒐᖃᖏᓐᓂᕐᓂᒃ ᐅᖃᐅᓯᖃᓚᐅᖅᑳᕐᑎᓐᓇᖓ ᐱᔪᓐᓇᕐᓂᕐᓂᒡᓗ ᑭᖑᕚᕇᓕᒫᓄᑦ ᐃᓅᔪᒫᕐᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:30

ᐃᓱᐊᕐᑐᖅ ᐸᐅᕐᖓᖃᕐᐳᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᐱᖁᔭᖃᖏᑦᑐᕐᓕ ᐃᓅᓯᕐᒥᒃ ᐃᓱᓕᑎᑦᓯᕗᖅ.

ᐂᓮᐊᓯᐅᑉ ᐊᒡᓚᖏᑦ 27:6

ᐅᓪᓗᓂ ᓇᓪᓕᐅᑎᔪᒫᕐᑐᓂ, ᔧᑰᑉ ᑭᖑᕚᖏᑦ ᐊᒫᖃᓕᕈᒫᕐᐳᑦ; ᐃᓴᕆᐊᓕ ᓇᐹᕐᑐᒃᓴᑎᑐᑦ ᐱᕈᕐᑐᒃᓴᖃᓕᕐᓗᓂ, ᓄᓇᕐᔪᐊᕐᓗ ᐸᐅᕐᖓᖃᓕᕈᒫᕐᐳᖅ ᑖᒃᑯᓇᓐᖓᑦ ᐱᔪᓂᒃ.

ᒤᑲᐅᑉ ᐊᒡᓚᖏᑦ 5:7

ᔧᑰᑉ ᑭᖑᕚᖏᑕ ᐊᒥᐊᒃᑯᖏᑦ ᐃᓅᖃᑎᒋᒡᔪᐊᑦ ᐊᑯᕐᖓᓐᓃᑦᓱᒫᕐᐳᑦ, ᐊᑕᓂᕐᒥᑦ ᐱᔪᒧᑦ ᓮᒻᒪᕐᑎᑦᓯᔪᒫᕐᐳᑦ ᐅᓪᓛᒥ ᓄᓇᒥ ᖃᐅᓯᕐᑎᑦᓯᔪᑎᑐᑦ, ᓯᓚᓗᒃᑐᑎᑐᓪᓗ ᐃᕕᖕᓄᑦ, ᐅᑕᖅᑭᓂᐊᓐᖏᓚᑦ ᐃᓄᖕᒥᒃ, ᐃᓄᓕᒫᓂᒡᓘᓐᓃᑦ.

ᒫᑎᐅᓯᐅᑉ ᐊᒡᓚᖏᑦ 21:22

ᓱᓇᑐᐃᓐᓇᑦᓯᐊᒥᒡᓗ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ, ᐅᒃᐱᕈᑦᓯ.”

ᒫᑎᐅᓯᐅᑉ ᐊᒡᓚᖏᑦ 7:7

“ᑐᒃᓯᐊᕆᑦᓯ, ᑐᓂᓯᕕᐅᒐᔭᕐᐳᓯ ᑕᕝᕙ; ᕿᓂᕆᑦᓯ, ᓇᓂᓯᒐᔭᕐᐳᓯ ᑕᕝᕙ; ᑎᒡᓗᒃᑐᕆᑦᓯ ᒪᑐᐃᕈᑦᔭᐅᒐᔭᕐᐳᓯ ᑕᕝᕙ.

ᓘᑲᓯᐅᑉ ᐊᒡᓚᖏᑦ 6:13

ᐅᓪᓗᓐᖑᕐᑎᓪᓗᒍ ᐃᓕᓐᓂᐊᕐᑎᓂ ᕾᖁᕔᑦ, ᓂᕈᐊᕐᓗᓂ ᑖᒃᑯᓇᓐᖓᑦ 12ᓂᒃ, ᑖᒃᑯᐊ ᐊᑦᑎᕐᐰᑦ ᐋᐴᓯᑕᓕᖕᓂᒃ;

ᔪᐊᓇᓯᐅᑉ ᐊᒡᓚᖏᑦ 13:18

“ᑕᒪᑐᒥᖓ ᐅᖃᐅᑎᔧᓐᓇᕆᓐᖏᓚᑦᓯ; ᖃᐅᔨᒪᒐᒃᑭᑦ ᓂᕈᐊᕐᓯᒪᔭᒃᑲ; ᐊᒡᓔᓪᓕ ᓇᓚᐅᑦᓯᔭᕆᐊᖃᕐᒪᑕ ᐅᖃᕐᑐᑦ: ‘ᓂᕆᖃᑎᒋᔭᒪ ᐊᑭᕋᕐᑐᓕᕐᐹᖓ.’

ᔪᐊᓇᓯᐅᑉ ᐊᒡᓚᖏᑦ 15:19

ᓯᓚᕐᔪᐊᕐᒥᐅᑕᐅᖏᓐᓇᑦᓯ, ᓯᓚᕐᔪᐊᕐᒥᐅᑦ ᓇᖕᒥᓂᕐᒥᖕᓂᒃ ᓇᒡᓕᒍᓱᒃᑲᔭᕐᐳᑦ; ᓯᓚᕐᔪᐊᕐᒥᐅᓪᓕ ᐃᓚᒋᖏᓐᓇᑦᓯᒋᒃ, ᓯᓚᕐᔪᐊᕐᒥᐅᓂᑦ ᓂᕈᐊᓚᐅᕐᐸᑦᓯ, ᑍᒤᒻᒪᑦ ᓯᓚᕐᔪᐊᕐᒥᐅᑦ ᐆᒥᒋᕚᓯ.

ᔪᐊᓇᓯᐅᑉ ᐊᒡᓚᖏᑦ 15:5

“ᐅᕙᖓ ᓇᐹᕐᑑᕗᖓ ᐸᐅᕐᖓᓕᒃᓴᖅ, ᐃᓕᑦᓯ ᐊᕙᓚᖓᔫᕗᓯ. ᐅᕙᓐᓃᑦᑐᖅ, ᐅᕙᖓᓗ ᑖᑦᓱᒪᓃᓪᓗᖓ, ᐸᐅᕐᖓᖃᕐᓂᐊᕐᐳᖅ ᐊᒥᓱᓂᒃ, ᐱᒋᓇᖓ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᖏᓐᓇᑦᓯ.

ᔪᐊᓇᓯᐅᑉ ᐊᒡᓚᖏᑦ 6:70

ᔩᓱᓯᐅᑉ ᑭᐅᕔᑦ, “ᐃᓕᑦᓯ 12ᓗᓯ ᓂᕈᐊᓚᐅᓐᖏᓚᑦᓯ? ᐃᓚᑦᓯᓕ ᐃᓚᖓᑦ ᓵᑖᓇᓯᐅᕗᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:24

ᑖᒃᑯᐊ ᑐᒃᓯᐊᓕᕋᒥᒃ ᐅᖃᕐᐳᑦ, “ᐊᑕᓃᖅ, ᐃᓄᓕᒫᑦ ᐆᒻᒪᑎᖏᓐᓂᒃ ᖃᐅᔨᒪᔪᑎᑦ, ᓇᓗᓁᕐᓯᕕᒋᓚᐅᕐᑎᒍᑦ ᐅᑯᐊᒃ ᓇᓪᓕᐊᓐᓂᒃ ᓂᕈᐊᕐᒪᖔᕐᐱᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:8

ᐱᔪᓐᓇᕐᓂᕐᒥᒡᓕ ᐱᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᕐᓯᔨᒋᓛᕐᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:41

ᐃᓄᖕᓄᑦ ᑕᒤᓐᓅᖏᑦᑐᖅ, ᐅᕙᑦᑎᓐᓄᑦ ᒎᑎᐅᑉ ᓂᕈᐊᕐᓯᒪᔭᖏᓐᓄᑦ ᓇᓗᓁᕐᓯᔪᒃᓴᓄᑦ, ᓂᕆᖃᑎᒋᓚᐅᕐᐸᕗᑦ ᐃᒥᖃᑎᒋᓪᓗᒍᓗ ᑐᖁᖓᔪᓂᑦ ᒪᑭᓯᒪᓕᕐᑎᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 22:14

ᐅᖃᐅᑎᕚᖓ, ‘ᓯᕗᓕᕕᓂᑦᑕ ᒎᑎᖓᑕ ᓂᕈᐊᕐᒪᑎᑦ ᖃᐅᔨᖁᓪᓗᓂᑎᑦ ᐱᔪᒪᔭᖓᓂᒃ, ᖃᐅᔨᖁᓪᓗᑎᑦ ᓇᓛᒎᑦᓯᐊᕐᑐᑐᐊᖑᔪᒥᒃ, ᑐᓴᖁᓪᓗᑎᑦ ᐅᖃᐅᓯᕐᓂᒃ ᓇᖕᒥᓂᖅ ᐅᖃᐅᓯᕆᔭᖏᓐᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᕉᒪᒥᐅᓄᑦ 1:13

ᖃᐅᔨᒪᖁᕙᑦᓯᓕ ᐅᒃᐱᕐᑐᓯ; ᐅᓄᕐᑐᐃᕐᓱᕐᓗᖓ ᐃᓕᑦᓯᓐᓄᐊᕋᓱᖃᑦᑕᕐᓯᒪᕗᖓ, ᑎᑭᖏᑦᔪᑎᒃᓴᖃᖃᑦᑕᓚᐅᕐᐳᖓᓕ ᒫᓐᓇᒧᑦ ᑎᑭᓪᓗᒍ, ᐃᓕᑦᓯᓐᓂᑦ ᑲᑎᕐᓱᐃᔪᑎᑐᑦ ᑍᒤᑦᓱᒪᓪᓗᖓ, ᔫᑎᐅᖏᑦᑐᓂᓗ ᑍᒫᒃ ᐱᔪᒪᒋᓪᓗᖓ.

ᕉᒪᒥᐅᓄᑦ 1:5

ᑖᑦᓱᒨᓇ ᐱᑎᑕᐅᕗᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐋᐴᓯᑕᓕᓐᖑᕐᑎᑕᐅᓪᓗᑕ ᐃᓄᓕᒫᑦ ᕾᖁᔭᐅᖁᓪᓗᒋᑦ, ᓈᓚᒍᓐᓇᕐᓯᖁᓪᓗᒋᓪᓗ ᐅᒃᐱᕐᓂᑯᑦ.

ᕉᒪᒥᐅᓄᑦ 15:4

ᖃᓄᓕᒫᖅ ᑎᑎᕋᕐᓯᒪᔪᑦ ᓯᕗᓂᑦᑎᓐᓂ ᑎᑎᕋᕐᓯᒪᕗᑦ ᐊᔪᕆᕐᑐᕐᑕᐅᑦᔪᑎᒃᓴᑦᑎᓐᓄᑦ, ᕿᓄᐃᓵᕐᓂᒃᑯᑦ ᑲᔪᖏᕐᓴᕐᑕᐅᓂᒃᑯᓪᓗ ᐊᒡᓚᑎᒍᑦ ᓂᕆᐅᒋᔭᒃᓴᕐᑖᕈᓐᓇᖁᓪᓗᑕ.

ᕉᒪᒥᐅᓄᑦ 9:21

ᒪᕐᕋᕐᒥᒃ ᐃᓗᓕᖁᑎᓕᐅᕐᑐᖅ ᐃᓱᒪᒥᓂᒃ ᓴᓇᔭᕆᐊᖃᓐᖏᓛᖅ, ᒪᕐᕋᕐᒥᑦ ᑕᕝᕙᓐᖓᑦᓮᓐᓇᖅ ᐂᑉᐸᖓ ᐱᒻᒪᕆᐊᓗᖕᓄᑦ ᑭᓯᐊᓂ ᐊᑐᕐᑕᐅᔪᒃᓴᐅᓂᐊᕐᑎᓪᓗᒍ ᐂᑉᐸᖓᓗ ᖃᐅᑕᒫᕐᓯᐅᑕᐅᓗᓂ ᐊᑐᒐᒃᓴᓕᐊᕆᓗᒍ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:11

ᑕᒪᒃᑯᐊᓕ ᑍᒤᓚᐅᕐᐳᑦ ᐅᓗᕆᐊᒋᔭᒃᓴᐅᖁᓪᓗᒋᑦ ᑎᑎᕋᕐᓯᒪᕗᓪᓗ ᐃᓂᕐᑎᕐᑕᐅᖁᓪᓗᑕ, ᐅᕙᒍᑦ ᐃᓱᐊᓄᑦ ᑎᑭᓕᕐᑎᓪᓗᑕ.

ᒐᓔᑎᐊᒥᐅᓄᑦ 1:15

ᒎᑎᐅᓪᓕ ᓂᕈᐊᕐᓯᒪᓚᐅᕐᐹᖓ ᐃᓅᓕᓚᐅᕐᑎᓐᓇᖓ ᓱᓕ, ᐱᑦᓯᐊᕐᓂᒥ ᐱᔪᓐᓇᕐᑎᑦᓯᓂᕐᒥᒍᑦ ᕾᖁᓚᐅᕐᐹᖓ,

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:6

ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.

ᑎᒧᑎᒧᑦ ᓯᕗᓪᓖᑦ 2:7

ᑕᒪᑐᒧᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᖁᓪᓗᖓ ᐋᐴᓯᑕᓕᓐᖑᕐᑎᑕᐅᓪᓗᖓᓗ, ᓱᓕᓪᓗᖓ ᐅᖃᕐᐳᖓ ᓴᒡᓗᓐᖏᓚᖓ, ᔫᑎᐅᓐᖏᑦᑐᓂᒃ ᐃᓕᓐᓂᐊᕐᑎᑦᓯᖁᓪᓗᖓ ᐅᒃᐱᕐᓂᑯᑦ ᓱᓕᓂᑯᓪᓗ.

ᑎᒧᑎᒧᑦ ᐂᑉᐸᖏᑦ 1:11

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᔨᐅᖁᓪᓗᖓ ᐋᐴᓯᑕᓕᐅᖁᓪᓗᖓᓗ, ᐃᓕᓮᔨᐅᖁᓪᓗᖓᓗ.

ᑎᒧᑎᒧᑦ ᐂᑉᐸᖏᑦ 2:2

ᐊᔪᕆᕐᑐᐃᓂᒃᑲᓗ ᑐᓴᓚᐅᕐᑕᑎᑦ ᐃᓄᐃᑦ ᐊᒥᓱᑦ ᑐᓵᑎᓪᓗᒋᑦ ᑲᒪᒋᔭᐅᖁᒃᑭᑦ ᐱᓇᓱᐊᑦᓯᐊᕈᓐᓇᕐᑐᓄᑦ ᐊᔪᕆᕐᑐᐃᔪᓐᓇᕋᔭᕐᑐᓄᓪᓗ ᐊᓯᒥᖕᓂᒃ.

ᑍᑑᓯᒧᑦ 1:5

ᑍᒤᒻᒪᑦ ᕿᑭᕐᑕᒥᐅᓄᑦ ᑯᕇᑎᒧᑦ ᕿᒪᓚᐅᕐᐸᒋᑦ, ᐱᓇᓱᐊᒃᑲᓐᓂᕆᐊᓕᖕᓂᒃ ᐋᖅᑭᒃᓱᐃᖁᓪᓗᑎᑦ, ᐅᒃᐱᕐᑑᖃᑎᒌᒃᑐᓂᓗ ᓯᕗᓕᕐᑎᐅᓂᐊᕐᑐᓂᒃ ᑎᓕᓯᖁᓪᓗᑎᑦ ᓄᓇᓕᓕᒫᓂ ᑍᒫᒃ ᐱᖁᓚᐅᕋᒃᑭᑦ,

ᐄᑉᕈᐃᓄᑦ 11:4

ᐅᒃᐱᕐᓂᑯᑦ ᐂᐱᓕ ᒎᑎᒧᑦ ᑐᓂᕐᕈᓯᓚᐅᕐᐳᖅ ᑐᓂᕐᕈᓯᐅᑎᒃᓴᒥᒃ ᐱᐅᒋᔭᐅᓂᕐᓴᒥᒃ ᑬᓂᐅᑉ ᑐᓂᕐᕈᑎᖓᓂᑦ, ᐅᒃᐱᕐᓂᖓᓄᑦ ᐃᓗᐊᕐᑑᓂᕋᕐᑕᐅᕗᖅ, ᒎᑎᐅᓪᓗ ᓈᒻᒪᒋᓚᐅᕐᐹ ᐂᐱᓕᐅᑉ ᑐᓂᕐᕈᑎᖓ; ᐅᒃᐱᕋᒥᓗ ᓱᓕ ᐅᖃᓪᓚᒃᐳᖅ, ᑐᖁᖓᓕᕋᓗᐊᕐᓗᓂ.

ᔧᒥᓯᐅᑉ ᐊᒡᓚᖏᑦ 3:18

ᐃᓅᖃᑎᒌᑦᓯᐊᕈᑎᒃᓴᒥᒡᓗ ᑲᓐᖓᕐᓱᐃᕗᑦ ᓮᓕᓇᕐᑐᒥᒃ ᑖᒃᑯᐊ ᓮᓕᑎᑦᓯᔪᑦ.

ᐲᑦᑐᕉᓯ ᓯᕗᓪᓖᑦ 3:15

ᐆᒻᒪᑎᑦᓯᒍᑦ ᙭ᔅᑑᓯ ᐅᐱᒋᑦᓯᐊᕐᓯᐅᒃ ᐊᑕᓂᕆᓗᒍᓗ. ᑍᒪᓐᖓᓕᒫᖅ ᐅᐸᓗᖕᒊᕐᓯᒪᓗᓯ ᓇᓗᓁᕐᓯᖁᔭᐅᒍᑦᓯ ᓂᕆᐅᖕᓂᕆᔭᑦᓯᓐᓂᒃ, ᑭᐅᑦᔪᑎᒋᔭᓯ ᓂᑲᒍᓱᖕᓂᖃᕐᓗᑎᒃ ᐅᐱᒍᓱᖕᓂᖃᑦᓯᐊᖁᓪᓗᒋᑦ;

ᐲᑦᑐᕉᓯ ᓯᕗᓪᓖᑦ 3:2

ᑕᑯᓕᕈᑎᒃ ᑲᒪᑦᓯᐊᕐᓂᑦᓯᓐᓂᒃ ᐃᒃᓯᒎᕐᓂᕐᒥᒡᓗ ᐊᑐᖏᓐᓂᑦᓯᓐᓂᒃ.

ᔪᐊᓇᓯ ᓯᕗᓪᓖᑦ 4:10

ᑕᒪᓐᓇ ᑕᕝᕙ ᓇᒡᓕᖕᓂᖅ, ᒎᑎ ᓇᒡᓕᒋᓯᒪᒐᑦᑎᒎᖏᑦᑐᖅ ᑖᑦᓱᒪᓕ ᓇᒡᓕᒋᖄᓚᐅᕐᒪᑎᒍᑦ ᐃᕐᓂᓂᓗ ᑎᓕᓚᐅᕐᒪᒍ ᐊᔪᕐᓂᕗᑦ ᑖᑦᓱᒨᓇ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᔪᐊᓇᓯ ᓯᕗᓪᓖᑦ 4:19

ᓇᒡᓕᖕᓂᖃᕐᐳᒍᑦ, ᑖᑦᓱᒪ ᓇᒡᓕᒋᖅᑳᓚᐅᕐᒫᑎᒍᑦ.