ᔪᐊᓇᓯᐅᑉ ᐊᒡᓚᖏᑦ 14:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓱᓕᔪᒥᒃ ᐅᖃᐅᑎᕙᑦᓯ, ᐅᕙᓐᓄᑦ ᐅᒃᐱᕐᑑᑉ ᐱᓂᐊᕐᓃᑦ ᐱᓂᐊᕐᓂᕆᔭᒃᑲ ᐱᓂᐊᕈᑎᒋᓂᐊᕆᕔᑦ; ᐊᖏᓂᕐᓴᓂᒡᓗ ᑖᒃᑯᓇᖓᑦ ᐱᓇᓱᐊᕈᒫᕐᐳᖅ, ᐊᑖᑕᒧᑦ ᐂᓂᐊᕋᒪ.

Aglait Ijjurnaittut

¹² Sulijumik uqautivassi, uvannut ukpiqtuup piniarniit piniarnirijakka piniarutiginiarivait; anginiqsaniglu taakkunangat pinasuarumaaqpuq, Ataatamut ainiarama.

ᔪᐊᓇᓯᐅᑉ ᐊᒡᓚᖏᑦ 14:12 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 21:21

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐅᒃᐱᕈᑦᓯ ᖁᓚᖏᑦᓯᐊᕐᓗᓯ, ᑍᒫᒃᑕᐅᖅ ᐱᔪᓐᓇᕐᐳᓯ ᐱᓂᐊᕐᓂᕆᕋᑖᕐᑕᑦᑐᑦ ᓇᐹᕐᑐᒧᑦ, ᑍᒤᑦᑐᑐᐃᓐᓇᕐᒨᓐᖏᑦᑐᕐᓕ, ᐊᒡᓛᑦ ᖃᖅᑲᒧᑦ ᐆᒧᖓ ᐅᖃᕈᑦᓯ, ‘ᑕᕝᕙᓐᖓᑦ ᖃᖓᑦᑕᕐᓗᑎᑦ ᐃᒫᓄᑦ ᑲᑕᓕᕆᑦ,’ ᑕᕝᕙ ᑍᒤᓐᓂᐊᕐᐳᖅ.

ᒫᑯᓯᐅᑉ ᐊᒡᓚᖏᑦ 11:13

ᓇᐹᕐᑐᒥᒃ ᐱᒋᓕᖕᓂᒃ ᐸᐅᕐᖓᓕᒃᓴᒥᒃ ᑕᑯᒐᒥ ᐅᖓᓯᒃᑐᒦᑎᓪᓗᒍ ᓱᓕ, ᐅᖃᐅᔭᖏᑦ ᐱᕈᕐᓯᒪᑦᓯᐊᓕᕐᑐᓂᒃ, ᐅᐸᒃᐹ ᐸᐅᕐᖓᓂᒃ ᐱᑕᖃᕐᒪᖔᑦ ᑕᑯᔭᕐᑐᕐᓗᒍ, ᐅᐸᒃᑲᒥᐅᒃ ᑕᑯᕚ, ᐅᖃᐅᔭᖃᑐᐃᓐᓇᕐᑐᖅ, ᐸᐅᕐᖓᖃᕐᕕᒃᓴᖓ ᓱᓕ ᓈᒻᒪᒃᓯᓯᒪᖏᒻᒪᑦ.

ᒫᑯᓯᐅᑉ ᐊᒡᓚᖏᑦ 16:17

ᐅᕙᓐᓄᑦ ᐅᒃᐱᕐᑐᑦ ᓇᓗᓁᒃᑯᑕᖃᕈᒫᕐᐳᑦ ᒪᑯᓂᖓ; ᐊᑎᕋ ᐊᑐᕐᓗᒍ ᐊᓂᕐᓂᕐᓗᖕᓂᒃ ᐊᓂᑎᑦᓯᖃᑦᑕᕈᒫᕐᐳᑦ; ᐅᖃᐅᓯᕐᓄᑦ ᓄᑖᓄᑦ ᐅᖃᓪᓚᖃᑦᑕᕈᒫᕐᐳᑦ;

ᔪᐊᓇᓯᐅᑉ ᐊᒡᓚᖏᑦ 14:28

ᑐᓴᕐᐳᓯ ᐅᖃᐅᑎᒐᑦᓯ, ‘ᐊᐅᓪᓚᕐᓂᐊᕋᒪ, ᐅᑎᕈᒫᕆᕗᖓᓕ ᐃᓕᑦᓯᓐᓄᑦ.’ ᓇᒡᓕᒋᒍᑦᓯᓐᖓ, ᑕᕝᕙ ᖁᕕᐊᓱᒃᑲᔭᕐᐳᓯ, ᐊᑖᑕᒧᑦ ᐂᓂᐊᕐᓂᕋ ᐱᓪᓗᒍ; ᐊᑖᑕ ᐊᖏᓂᕐᓴᐅᖕᒪᑦ ᐅᕙᓐᓂᑦ.

ᔪᐊᓇᓯᐅᑉ ᐊᒡᓚᖏᑦ 16:7

ᓱᓕᔪᒥᒃ ᐅᖃᐅᑎᕙᑦᓯ: ᐃᓕᑦᓯᓐᓄᑦ ᐱᕙᓪᓕᕐᓇᕐᓂᕐᓴᐅᕗᖅ ᐊᐅᓪᓚᕈᒪ, ᐊᐅᓪᓚᖏᒃᑯᒪ, ᐃᑲᔪᕐᑎᐅᑉ ᑎᑭᓐᓂᐊᖏᒻᒪᓯ; ᐊᐅᓪᓚᕈᒪᓕ, ᐃᓕᑦᓯᓐᓄᑦ ᑎᓕᓛᕐᐸᕋ.

ᔪᐊᓇᓯᐅᑉ ᐊᒡᓚᖏᑦ 4:37

ᐅᖃᐅᓯᐅᕙᒃᑐᖅ ᓱᓕᕗᖅ ᐃᒤᓕᔪᖅ; ‘ᐃᓄᒃ ᑲᓐᖓᕐᓱᐃᕗᖅ, ᐊᓯᐊᓕ ᑲᑎᕐᓱᐃᕗᖅ.’

ᔪᐊᓇᓯᐅᑉ ᐊᒡᓚᖏᑦ 5:20

ᐊᑖᑕᐅᑉ ᐃᕐᓂᓂ ᓇᒡᓕᒋᕚ, ᓇᖕᒥᓂᕐᓗ ᐱᓂᐊᕐᓂᓕᒫᓂ ᖃᐅᔨᒪᔭᐅᑎᑉᐰᑦ ᑖᑦᓱᒧᖓ; ᓱᓕᓗ ᐱᓂᐊᕐᓂᕐᓂᒃ ᐱᓪᓚᕆᐅᓂᕐᓴᓂᒃ ᑕᒪᒃᑯᓇᖓᑦ ᖃᐅᔨᑎᓐᓂᐊᕐᐹ, ᐃᓕᑦᓯᓗ ᑲᒪᓂᐊᕈᑎᒋᓂᐊᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 7:33

ᔩᓱᓯᓕ ᐅᖃᕐᐳᖅ, “ᒫᓐᓇ ᓱᓕ ᐊᑯᓂᐅᖏᑦᑐᖅ ᓇᔪᕐᓂᐊᕐᐸᑦᓯ, ᑭᖑᓂᖓᒍᓪᓗ ᑎᓕᔨᓐᓄᑦ ᐂᓂᐊᕐᐳᖓ;

ᔪᐊᓇᓯᐅᑉ ᐊᒡᓚᖏᑦ 7:39

ᔩᓱᓯᓕ ᑕᒪᑐᒥᖓ ᐅᖃᕐᐳᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐅᖃᐅᓯᖃᕐᓗᓂ, ᑖᑦᓱᒧᖓ ᐅᒃᐱᕐᑐᓄᑦ ᑐᓂᔭᐅᔪᒫᕐᑐᒥᒃ; ᑍᑦᓱᒪᓂ ᓱᓕ ᒎᑎᐅᑉ ᐊᓂᕐᓂᖓ ᑐᓂᔭᐅᓚᐅᖏᒻᒪᑦ, ᔩᓱᓯ ᓱᓕ ᓂᕐᑐᕐᓇᕐᓯᑎᑕᐅᕕᒃᓴᒥᓄᑦ ᑎᑭᐅᑎᓯᒪᓚᐅᖏᒻᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:46

ᑐᓵᒐᒥᑦᔪ ᐅᖃᐅᓯᕐᓂᒃ ᑐᓴᕐᖓᕐᑕᓂᒃ ᐅᖃᓪᓚᒃᑎᓪᓗᒋᑦ ᒎᑎᒥᒃ ᐱᓂᐊᕐᓂᕐᔪᐊᖓᓂᒡᓗ ᓂᕐᑐᐃᑎᓪᓗᒋᑦ. ᑕᕝᕙ ᐲᑦᑐᕉᓯ ᐅᖃᓕᕐᐳᖅ,

ᐋᐴᓯᑕᓖᑦ ᐱᓂᐊᕐᓂᖏᑦ 16:18

ᐅᓪᓗᓂᒃ ᐊᒥᓱᓂᒃ ᑖᓐᓇ ᑍᒤᓕᐅᕐᐳᖅ. ᐸᐅᓗᓯᐅᑉ ᐊᖏᔪᒥᒃ ᐊᑲᐅᒋᔪᓐᓃᕋᒥᐅᒃ, ᓵᕝᕕᒋᓪᓗᒍ ᐊᓂᕐᓂᕐᓗᒃ ᐅᖃᐅᑎᕚ, “ᔩᓱᓯ ᙭ᔅᑑᓯᐅᑉ ᐊᑎᖓᓂ ᐅᖃᐅᑎᕙᒋᑦ ᐆᒪᓐᖓᑦ ᐊᕐᓇᒥᑦ ᐊᓂᒋᑦ.” ᐊᓂᕐᓂᕐᓗᒃ ᑕᕝᕙᑦᓮᓐᓇᖅ ᑖᑦᓱᒪᖓᑦ ᐊᕐᓇᒥᑦ ᐊᓂᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 19:12

ᐊᒡᓛᓪᓘᓐᓃᑦ ᖁᖓᓯᕈᑏᑦ ᐊᓪᓚᕈᑏᓪᓘᓐᓃᑦ ᐸᐅᓗᓯᐅᑉ ᑎᒥᖓᓄᑦ ᐊᒃᑐᕐᓯᒪᔪᑦ ᖃᓂᒪᔪᓄᐊᕈᑦᔭᐅᔭᕌᖓᑕ, ᑕᕝᕙ ᖃᓂᒻᒪᓰᑦ ᐊᓂᕗᑦ, ᐊᓂᕐᓂᕐᓗᐃᓪᓗ ᐊᓂᕗᑦ ᑖᒃᑯᓇᓐᖓᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:41

ᑕᕝᕙ ᐊᒥᓱᑦ ᐅᖃᐅᓯᖏᓐᓂᒃ ᐅᒃᐱᓕᕐᑐᑦ ᐹᑉᑎᑕᐅᕗᑦ, ᐅᓪᓗᒥ ᑕᕝᕙᓂ ᐅᒃᐱᕐᑐᓄᑦ ᐃᓚᓕᐅᑎᔪᑦ 3,000 ᖃᓂᒋᔮᓃᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:16

ᐅᖃᕐᓗᑎᒃ, “ᐊᖑᑎᑦ ᐅᑯᐊ ᖃᓄᐃᓕᓂᐊᓕᕐᑕᕘᑦ? ᔨᕉᓴᓕᒻᒥᐅᓕᒫᑦ ᑕᒪᑐᒥᖓ ᑲᒪᓇᕐᑐᐊᓗᖕᒥᒃ ᖃᐅᔨᖕᒪᑕ ᑖᒃᑯᒃᑎᒎᓇᖅ, ᐅᕙᒍᓪᓗ ᐱᔪᖃᓚᐅᖏᓐᓂᕋᕈᓐᓇᓐᖏᓚᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:33

ᐱᔪᓐᓇᕐᓂᕐᔪᐊᖃᕐᓗᑎᒃ ᐋᐴᓯᑕᓖᑦ ᐅᖃᐅᓯᖃᕐᐳᑦ ᓇᓗᓁᕐᓯᓪᓗᑎᒃ ᐊᑕᓂᐅᑉ ᔩᓱᓯᐅᑉ ᒪᑭᓯᒪᓂᖓᓂᒃ, ᒎᑎᐅᓪᓗ ᓮᒻᒪᕐᑎᑦᓯᓂᕐᔪᐊᖓᑕ ᑕᒪᕐᒥᒃ ᓇᔪᓚᐅᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 4:4

ᐊᒥᓱᑦ ᐅᖃᐅᓯᕐᓂᒃ ᑐᓴᕐᑐᑦ ᐅᒃᐱᓕᓚᐅᕐᐳᑦ; ᐅᒃᐱᕐᑐᓪᓗ ᐅᓄᕐᓂᖏᑦ 5,000 ᖃᓂᒋᔭᖓᓃᓕᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:15

ᖃᓂᒪᔪᑦ ᐊᒡᓛᑦ ᐊᖅᑯᑎᓄᐊᕈᑦᔭᐅᓚᐅᕐᐳᑦ; ᓯᓂᒡᕕᖕᒥ ᓇᓪᓚᖓᑎᓪᓗᒋᑦ ᐊᑭᕋᐅᑎᓃᑦᑐᑦ, ᐲᑦᑐᕉᓯ ᓴᓂᖅᑯᓕᕐᐸᑦ ᑕᕐᕋᖓᓄᑦ ᑖᓪᓕᕐᑕᐅᒍᑎᒃ ᐋᖅᑭᑕᐅᔪᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:7

ᒎᑎᐅᑉ ᐅᖃᐅᓯᖏᑦ ᐅᒃᐱᕆᔭᐅᓕᕐᐸᓪᓕᐊᕗᑦ; ᐃᓕᓐᓂᐊᕐᑎᑦ ᔨᕉᓴᓕᒻᒥ ᐅᓄᕐᑐᐊᓘᓕᓚᐅᕐᐳᑦ ᐃᓚᕙᓪᓕᐊᓪᓗᑎᒃ, ᑐᓂᕐᕈᓯᕐᑎᑦᓯᔨᑦ ᐊᒥᓱᑦ ᓈᓚᒡᓗᑎᒃ ᐅᒃᐱᓕᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:7

ᐊᓂᕐᓂᕐᓗᐃᓪᓗ ᐊᓂᑎᑕᐅᕗᑦ ᐃᓄᖕᓂᑦ ᐅᓄᕐᑐᓂᑦ ᓂᓪᓕᐊᔪᐊᓘᓪᓗᑎᒃ; ᐊᒥᓱᑦ ᓄᑮᕈᑎᓯᒪᔪᑦ ᑐᓯᐊᑦᑐᓪᓗ ᐋᖅᑭᒃᑕᐅᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:34

ᐲᑦᑐᕉᓯᐅᑉ ᐅᖃᐅᑎᕚ, “ᐃᓂᐊᓯ, ᔩᓱᓯ ᙭ᔅᑑᓯᐅᑉ ᐋᖅᑭᒃᐹᑎᑦ; ᒪᑭᓪᓗᑎᑦ ᓇᓚᕖᑦ ᐃᒧᓕᕈᒃ.” ᑕᕝᕔᓐᓇᖅ ᒪᑭᑉᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 9:40

ᐲᑦᑐᕉᓯᐅᑉ ᑕᕝᕙᓃᑦᑐᓕᒫᑦ ᐊᓂᖁᒐᒥᒋᑦ ᓰᖅᑯᕐᓗᓂ ᑐᒃᓯᐊᕐᐳᖅ; ᑎᒥᖓ ᓵᕝᕕᒋᓪᓗᓂᐅᖅ ᐅᖃᐅᑎᕚ, “ᑕᐱᓵ, ᒪᑭᑦᑎᑦ.” ᑖᓐᓇ ᐅᐃᑉᐳᖅ, ᐲᑦᑐᕉᓯ ᑕᑯᒐᒥᐅᒃ ᐃᖏᑉᐳᖅ.

ᕉᒪᒥᐅᓄᑦ 15:19

ᓇᓗᓁᒃᑯᑍᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᖏᑎᒍᑦ, ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᔨᕉᓴᓕᒻᒥᑦ ᐱᒋᐊᕐᓗᖓ ᐃᓔᕆᑲᒻ ᑎᑭᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓯᒪᕗᖓ ᑕᒤᓐᓄᑦ.