ᔪᐊᓇᓯᐅᑉ ᐊᒡᓚᖏᑦ 13:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐲᑦᑐᕉᓯᐅᑉ ᐅᖃᐅᑎᕚ, “ᐃᑎᒐᓐᓂᒃ ᐅᐊᓴᓚᐅᕐᓯᒪᓂᐊᓐᖏᓚᑎᑦ.” ᔩᓱᓯᐅᑉ ᑭᐅᕚ, “ᐃᑎᒐᑎᑦ ᐅᐊᓴᕐᓂᐊᓐᖏᒍᒃᑭᑦ, ᐃᓚᒋᔪᓐᓃᕐᓂᐊᕐᐸᕐᒪ.”

Aglait Ijjurnaittut

⁸ Piitturuusiup uqautivaa, “Itigannik uasalauqsimanianngilatit.” Jiisusiup kiuvaa, “Itigatit uasarnianngigukkit, ilagijunniirniaqparma.”

ᔪᐊᓇᓯᐅᑉ ᐊᒡᓚᖏᑦ 13:8 Iomraidhean Croise

ᒨᓯᓯ ᓯᕗᓪᓖᑦ 42:38

ᑖᓐᓇᓕ ᐅᖃᕐᐳᖅ, “ᐃᕐᓂᕋ ᐃᓕᑦᓯᓐᓄᑦ ᐊᐅᓪᓚᖃᑕᐅᓂᐊᓐᖏᓚᖅ, ᑖᑦᓱᒪ ᐊᖓᔪᐊ ᑐᖁᖓᓕᕐᒪᑦ, ᑖᓐᓇᓗ ᐊᒥᐊᒃᑯᑑᓕᕐᐳᖅ. ᐊᖅᑯᑎᑦᓯᓐᓂ ᑖᓐᓇ ᖃᓄᐃᓐᓇᕐᑐᒧᑦ ᑎᑭᑕᐅᒐᔭᕐᐸᑦ, ᑕᕝᕙ ᓄᔭᒃᑲ ᖃᑯᕐᑍᑦ ᕿᒃᓵᒃᑎᑕᐅᓗᐊᕐᓂᕐᒧᑦ ᐅᒋᐊᕐᑕᐅᓗᖓ ᐃᓕᔭᐅᔪᒫᕐᐳᖓ ᐃᓗᕕᖃᕐᕕᖕᒧᑦ.”

ᓴᒧᐃᓕ ᐂᑉᐸᖏᑦ 20:1

ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!”

ᐊᑕᓃᑦ ᓯᕗᓪᓖᑦ 12:16

ᐃᓄᐃᑦ ᖃᐅᔨᒐᒥᒃ ᐊᖓᔪᖅᑳᕐᔪᐊᕐᒧᑦ ᓈᓚᒃᑕᐅᖏᓐᓂᕐᒥᖕᓂᒃ, ᐃᓄᐃᑦ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᖃᓄᖅ ᐱᕙᓪᓕᕐᑎᑕᐅᕕᒃᓴᖃᕐᐱᑖ ᑍᕕᑎᒃᑯᓐᓂᑦ? ᔨᓯᐅᑉ ᑭᖑᕚᖏᓐᓂᑦ ᑭᖑᕐᖑᑎᔭᒃᓴᖃᕈᓐᓃᕐᐳᒍᑦ, ᐊᑏ ᐃᓴᕆᐊᓕᒥᐅᖑᔪᓯ ᐊᖏᕐᕋᑐᐃᓐᓇᓕᕐᑕ! ᑍᕕᑎᐅᑉ ᑭᖑᕚᖏᑦ ᐃᒻᒥᖕᓂᒃ ᑲᒪᒋᓂᐊᓕᕐᒪᑕ.” ᑕᕝᕙ ᐃᓴᕆᐊᓕᒥᐅᑦ ᐊᖏᕐᕋᓕᓚᐅᕐᐳᑦ.

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᐂᓮᐊᓯᐅᑉ ᐊᒡᓚᖏᑦ 4:4

ᐊᑕᓂᐅᑉ ᓴᓗᒻᒪᕐᓴᕐᓯᒪᓕᕐᐸᒋᑦ ᓴᓗᒤᓐᓂᖏᓐᓂᑦ ᓮᐅᓂᐅᑉ ᐸᓂᖏᑦ ᐃᕐᕈᕐᑐᕐᐸᒋᓪᓗ ᐊᐅᖕᒥᑦ ᐃᑦᓴᒃᓯᒪᓂᖏᓐᓂᑦ ᔨᕉᓴᓕᒥᐅᑦ ᐃᖅᑲᕐᑐᕐᑕᐅᓂᐅᑉ ᐊᓂᕐᓂᖓᒍᑦ, ᐊᓂᕐᓂᒃᑯᓪᓗ ᐃᑯᐊᓪᓚᒃᑎᑦᓯᔪᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᓴᑲᕅᐊᐅᑉ ᐊᒡᓚᖏᑦ 13:1

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 16:22

ᐲᑦᑐᕉᓯᐅᑉ ᓴᓂᒥᓄᐊᕐᑎᓪᓗᓂᐅᒃ ᐃᓂᕐᑎᒻᒪᕆᓕᕐᐹ; ᐅᖃᕐᓗᓂ, “ᒎᑎᐅᑉ ᑕᒪᓐᓇ ᓄᖅᑲᕐᑎᓪᓕᐅᒃ, ᐊᑕᓃᖅ! ᑕᒪᓐᓇ ᐃᓕᖕᓄᑦ ᑎᑭᓚᐅᕐᓯᒪᓂᐊᓐᖏᓚᖅ!”

ᒫᑎᐅᓯᐅᑉ ᐊᒡᓚᖏᑦ 21:29

ᑖᑦᓱᒪ ᑭᐅᕚ, ‘ᑕᐅᕗᓐᖓᕈᒪᖏᓐᓇᒪ,’ ᑭᖑᓂᖓᒍᓪᓕ ᖃᕿᐊᓕᕋᒥ ᐱᕈᕐᓰᕕᓕᐊᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 26:33

ᐲᑦᑐᕉᓯᐅᑉ ᐅᖃᐅᑎᕚ, “ᐅᑯᐊᓕᒫᑦ ᐃᓕᖕᓂᒃ ᕿᒤᒐᓗᐊᕐᐸᑕ, ᐅᕙᖓ ᕿᒪᓚᐅᕐᓯᒪᓂᐊᓐᖏᓚᒋᑦ!”

ᒫᑎᐅᓯᐅᑉ ᐊᒡᓚᖏᑦ 26:35

ᐲᑦᑐᕉᓯᐅᑉ ᑭᐅᕚ, “ᑐᖁᖃᑎᒋᓂᐊᕋᓗᐊᕈᒃᑭᑦ ᐊᒡᓛᑦ ᖃᐅᔨᒪᖏᓐᓂᕋᕐᓂᐊᓐᖏᓚᒋᑦ.” ᐃᓕᓐᓂᐊᕐᑎᑦᑕᐅᖅ ᑍᒤᓕᖃᑕᐅᒋᕗᑦ.

ᔪᐊᓇᓯᐅᑉ ᐊᒡᓚᖏᑦ 13:6

ᑕᕝᕙ ᓮᒨᓂ ᐲᑦᑐᕉᓯᒧᑦ ᑎᑭᐅᑎᖕᒪᑦ; ᐲᑦᑐᕉᓯᐅᑉ ᐅᖃᐅᑎᕚ: “ᐊᑕᓃᖅ ᐃᑎᒐᒃᑲ ᐅᐊᓴᕐᓂᐊᕐᐱᒌᑦ?”

ᔪᐊᓇᓯᐅᑉ ᐊᒡᓚᖏᑦ 13:9

ᑕᕝᕙ ᓮᒨᓂ ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ, ᐃᑎᒐᒃᑲᓕ ᑖᒃᑯᑑᖏᑦᑐᑦ ᐊᒡᒐᒃᑲᓕ ᓂᐊᖁᕋᓗ ᐅᐊᓴᖃᓯᐅᑎᓕᒃᑭᑦ!”

ᔪᐊᓇᓯᐅᑉ ᐊᒡᓚᖏᑦ 3:5

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑐᖅ ᐃᒪᕐᒧᑦ ᐊᓂᕐᓂᕐᒧᓪᓗ ᐃᑦᔪᕐᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 22:16

ᒫᓐᓇᓕ ᓱᓇᒦᒃ ᐅᑕᖅᑭᕖᑦ? ᒪᑭᓪᓗᑎᑦ ᐹᑉᑎᑕᐅᓕᕆᑦ, ᐊᔪᕐᓂᑎᑦ ᐅᐊᓴᕐᑕᐅᓂᐊᕐᒪᑕ, ᔩᓱᓯ ᑐᒃᓯᐊᕐᕕᒋᓕᕈᒃ.’”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᐃᐱᓯᒥᐅᓄᑦ 5:26

ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ,

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᑯᓘᓯᐊᒥᐅᓄᑦ 2:18

ᐱᑖᕆᔭᒃᓴᑦᓯᓐᓂᑦ ᓴᖑᑎᑕᐅᑦᑍᓕᒋᑦᓯ, ᐊᑦᔨᐅᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓄᑦ ᐂᖏᓕᓂᒡᓗ ᑐᒃᓯᐊᕐᕕᖃᕐᐸᒃᑐᓄᑦ, ᑕᑯᑎᑕᐅᓯᒪᓂᕐᒥᒃ ᑐᓐᖓᕕᖃᕐᑐᓄᑦ, ᑍᒤᑦᑐᑦ ᐱᐅᔪᕆᕗᑦ ᐱᐅᔪᕆᑦᔪᑎᒃᓴᖃᕋᑎᒃ ᐃᓱᒪᑐᐃᓐᓇᕐᒥᖕᓂᒡᓗ ᐋᖅᑮᕙᒃᓗᑎᒃ.

ᑯᓘᓯᐊᒥᐅᓄᑦ 2:23

ᑕᒪᒃᑯᐊ ᓯᓚᑐᓂᕐᒧᑦ ᐱᓯᒪᔫᔭᕐᒪᑕ ᑐᒃᓯᐊᖃᑦᑕᕐᓗᑎᒡᓗ ᓇᖕᒥᓂᖅ ᐋᖅᑭᒃᓯᒪᔭᒥᖕᓂᒃ, ᓱᓕᓇᑎᒡᓗ ᒥᑭᒡᓕᑎᕐᓯᒪᔫᔮᕐᐳᑦ, ᑎᒥᒥᒡᓗ ᐊᒃᓱᕈᕐᑎᑦᓯᒻᒪᕆᒃᓗᑎᒃ; ᐱᓪᓚᕆᖕᒥᒡᓕ ᐱᓯᒪᓐᖏᓚᑦ ᑎᒥᐅᓪᓗ ᐱᔪᒪᓂᕐᔪᐊᖏᓐᓂᒃ ᓄᖅᑲᖓᑎᑦᓯᔪᓐᓇᕋᑎᒃ.

ᑍᑑᓯᒧᑦ 3:5

ᑖᑦᓱᒪ ᓴᐳᑎᓚᐅᕐᐹᑎᒍᑦ, ᐱᓇᓱᐊᑦᓯᐊᕐᓂᕆᓚᐅᕐᑕᕗᑦ ᐱᑦᔪᑎᒋᓇᒋᑦ, ᓇᖕᒥᓂᕐᓕ ᓂᑲᒍᓱᖕᓂᕐᒥᓄᑦ ᐱᐅᓕᓚᐅᕐᐹᑎᒍᑦ, ᐅᐊᓴᕐᓗᑕ ᓄᑖᒥᒃ ᐃᓅᓯᕐᑖᕐᑎᓚᐅᕐᐹᑎᒍᑦ ᐊᓂᕐᓂᒃᑯᓪᓗ ᐃᑦᔪᕐᓁᑦᑐᒃᑯᑦ ᓄᑖᓐᖑᑎᓪᓗᑕ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.