ᔪᐊᓇᓯᐅᑉ ᐊᒡᓚᖏᑦ 12:42 - ᐊᒡᓔᑦ ᐃᑦᔪᕐᖕᓁᑦᑐᑦ

⁴² ᓱᓕᓕ ᔫᑎᑦ ᐊᖓᔪᖅᑳᖏᑦ ᐊᒥᓱᑦ ᔩᓱᓯ ᐅᒃᐱᕆᒐᓗᐊᕐᐹᑦ, ᐹᕆᓯᓪᓕ ᐱᓪᓗᒋᑦ ᓴᖅᑭᔮᕐᑐᒥᒃ ᐅᖃᐅᓯᖃᓐᖏᓚᑦ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑕᐅᔪᒪᓇᑎᒃ:

Aglait Ijjurnaittut

⁴² Sulili Juutit angajuqqaangit amisut Jiisusi ukpirigaluaqpaat, Paarisilli pillugit saqqijaaqtumik uqausiqanngilat, Juutit ukpirnirmut katimavingannut itirunnaillititaujumanatik:

ᔪᐊᓇᓯᐅᑉ ᐊᒡᓚᖏᑦ 12:42 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:25

ᐃᓄᖕᒥᒃ ᓯᕘᕋᔪᖅ ᐊᑦᓱᖏᕐᑕᐅᑎᑉᐳᖅ ᐃᒻᒥᓂᒃ, ᐊᑕᓂᕐᒥᒡᓕ ᑕᑎᖃᕐᑐᖅ ᓴᐳᑎᔭᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 51:7

ᓈᓚᒃᓯᓐᖓ ᓇᓛᒎᕐᓂᕐᒥᒃ ᖃᐅᔨᒪᔪᓯ, ᐱᖁᔭᓐᓂᒡᓗ ᐆᒻᒪᒻᒥᐅᑕᖃᕐᑐᓯ; ᓯᕗᕋᑦᑍᓕᒋᑦᓯ ᐸᓯᒃᓯᕐᑐᓂᒃ, ᕿᒃᓵᒍᑎᖃᕐᓂᐊᕋᓯᓗ ᒥᑕᐅᑎᖃᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 57:11

ᑭᓇᒃᑯᓐᓂᒃ ᑲᑉᐱᐊᒋᔭᖃᒧᑦ ᓯᕘᕋᒋᔭᖃᒧᓪᓗ ᓴᒡᓗᓚᐅᕐᐱᓰ? ᐅᕙᓐᓂᒡᓗ ᐃᖅᑲᐅᒪᔪᓐᓃᕐᓗᓯ, ᐃᖅᑬᔪᓐᓇᕋᓯᓗ ᐅᕙᓐᓂᒃ, ᓂᐱᖃᓚᐅᖏᓐᓂᓐᓄᑦ ᐊᑯᓂ, ᑍᒤᒻᒪᑦ ᐅᕙᓐᓂᒃ ᓯᕘᕋᔪᓐᓃᕐᐱᓰ?

ᐂᓮᐊᓯᐅᑉ ᐊᒡᓚᖏᑦ 66:5

“ᐊᑕᓂᐅᑉ ᐅᖃᐅᓯᖓ ᑐᓴᓕᕐᓯᐅᒃ, ᐃᓕᑦᓯ ᐅᖃᐅᓯᖓᓄᑦ ᓴᔪᒃᑐᓯ; ᖃᑕᓐᖑᑎᓯ ᐃᓕᑦᓯᓐᓂᒃ ᐆᒥᓱᖕᒪᑕ, ᐃᓕᑦᓯᓐᓂᒃ ᓇᕐᕈᓕᕐᓯᒪᔪᑦ ᐊᑎᕋ ᐱᓪᓗᒍ ᐅᖃᕐᒪᑕ, ‘ᐊᑕᓂᖅ ᓂᕐᑐᕐᑕᐅᓕ, ᑕᑯᓂᐊᕋᑦᑕ ᖁᕕᐊᓱᒃᑎᓪᓗᓯ’; ᑭᓯᐊᓂᓕ ᑖᒃᑯᐊ ᑲᓐᖑᓱᒃᑎᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 38:19

ᐊᖓᔪᖅᑳᕐᔪᐊᖅ ᔨᑎᑬᐊ ᐅᖃᕐᐳᖅ ᔨᕆᒤᐊᒧᑦ, “ᓯᕘᕋᒐᒪ ᔫᑎᐅᖃᑎᓐᓂᒃ ᑲᐅᓪᑎᐊᒥᐅᓄᐊᕐᓯᒪᔪᓂᒃ, ᑖᒃᑯᓄᖓ ᐱᔭᐅᑎᒃᑲᓗᐊᕈᒪ ᑍᒃᑯᓄᖓ ᑐᓂᑦᔪᑕᐅᓗᖓ ᐋᓐᓂᐊᑎᑕᐅᓂᐊᕋᓱᒋᕗᖓ.”

ᒫᑎᐅᓯᐅᑉ ᐊᒡᓚᖏᑦ 10:32

“ᑭᓇᑐᐃᓐᓇᖅ ᐃᓄᖕᓄᑦ ᐅᖃᐅᓯᖃᕐᐸᑦ ᐅᕙᓐᓂᒃ, ᐅᕙᖓᑦᑕᐅᖅ ᑍᒫᑦᓮᓐᓇᖅ ᐅᖃᐅᓯᕆᓛᕐᐸᕋ ᐊᑖᑕᓐᓄᑦ ᕿᓚᖕᒦᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 12:8

“ᐅᖃᐅᑎᕙᑦᓯ, ᓇᓪᓕᐊᑦ ᐃᓄᖕᓄᑦ ᐅᕙᓐᓂᒃ ᐅᖃᐅᓯᓕᒃ ᑍᒫᓪᓗᐊᖅ ᐃᓅᑉ ᐃᕐᓂᖓᑕ ᐅᖃᐅᓯᕆᔪᒫᕆᕚ ᒎᑎᐅᑉ ᐂᖏᓕᖏᓐᓄᑦ;

ᓘᑲᓯᐅᑉ ᐊᒡᓚᖏᑦ 23:13

ᑕᕝᕙ ᐰᓛᑑᓯᐅᑉ ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖏᑦ, ᐊᐅᓚᑦᓯᔨᑦ ᐃᓄᐃᓪᓗ ᑲᑎᖁᕔᑦ,

ᓘᑲᓯᐅᑉ ᐊᒡᓚᖏᑦ 6:22

“ᓮᒪᕐᑎᑕᐅᓇᕐᑐᒦᑉᐳᓯ ᐃᓄᐃᑦ ᐆᒥᒋᒃᐸᓯ, ᓇᕐᕈᒋᒃᐸᓯᓗ ᐅᖃᕐᓂᕐᓘᑎᒋᒃᐸᓯᓗ, ᐱᐅᖏᑦᑐᐊᓘᓂᕋᕐᐸᓯᓗ, ᐃᓅᑉ ᐃᕐᓂᖓ ᐱᑦᔪᑎᒋᓪᓗᒍ!

ᔪᐊᓇᓯᐅᑉ ᐊᒡᓚᖏᑦ 11:45

ᔫᑎᑦ ᐊᒥᓱᑦ ᒥᐊᕆᒧᑦ ᐳᓛᕆᐊᕐᓯᒪᔪᑦ ᔩᓱᓯᐅᑉ ᐱᓂᐊᕐᓂᕆᔭᖓᓂᒃ ᑕᑯᔪᑦ, ᔩᓱᓯ ᐅᒃᐱᕆᓕᕐᐹᑦ.

ᔪᐊᓇᓯᐅᑉ ᐊᒡᓚᖏᑦ 12:11

ᓛᓴᕉᓯ ᐱᑦᔪᑎᒋᓪᓗᒍ ᔫᑎᑦ ᐊᒥᓱᑦ ᑲᒪᓗᐊᕈᓐᓃᕐᒪᑕ ᑐᓂᕐᕈᓯᕐᑎᑦᓯᔨᓂᒃ, ᐅᒃᐱᕆᔭᖃᕐᓂᕐᓴᐅᓕᕐᒪᑕ ᔩᓱᓯᒥᒃ.

ᔪᐊᓇᓯᐅᑉ ᐊᒡᓚᖏᑦ 16:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᕐᐳᓯ; ᓇᓪᓕᐅᑎᔪᒫᕐᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᓂᖓᑦ.

ᔪᐊᓇᓯᐅᑉ ᐊᒡᓚᖏᑦ 19:38

ᑕᒪᑐᒪᓕ ᑭᖑᕐᖓᒍᑦ ᔫᓯᐱ ᐊᕆᒪᑎᐊᒥᐅᖅ, ᔩᓱᓯᒧᑦ ᐃᓕᓐᓂᐊᕐᑎᐅᒐᒥ ᖃᐅᔨᔭᐅᑦᑍᓕᓪᓗᓂ, ᔫᑎᓂᒃ ᓯᕘᕋᒐᒥ, ᐰᓛᑑᓯᒧᑦ ᐊᐱᕆᔭᕐᑐᕐᐳᖅ ᔩᓱᓯᐅᑉ ᑎᒥᖓᓂᒃ ᐱᔪᓐᓇᕐᑎᑕᐅᔪᒪᓪᓗᓂ, ᐰᓛᑑᓯᐅᑉ ᐱᔪᓐᓇᕐᑎᑉᐹ. ᑕᕝᕙ ᔫᓯᐱᐅᑉ ᔩᓱᓯᐅᑉ ᑎᒥᖓ ᐅᐸᒃᓗᒍ ᐊᖅᑲᕐᑎᑉᐹ.

ᔪᐊᓇᓯᐅᑉ ᐊᒡᓚᖏᑦ 3:2

ᑖᓐᓇ ᐅᓐᓄᐊᒃᑯᑦ ᔩᓱᓯᒧᐊᕐᐳᖅ ᐅᖃᐅᑎᓪᓗᒍ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᒎᑎᒥᑦ ᐱᓯᒪᓪᓗᑎᑦ ᐊᔪᕆᕐᑐᐃᔨᐅᒐᕕᑦ; ᐃᓕᒃᑐᑦ ᑕᑕᓐᓇᕐᑐᓂᒃ ᐱᔪᖃᕈᓐᓇᖏᒻᒪᑦ, ᒎᑎᐅᑉ ᓇᔪᖏᑉᐸᒍ.”

ᔪᐊᓇᓯᐅᑉ ᐊᒡᓚᖏᑦ 7:13

ᔫᑎᓪᓕ ᐊᖓᔪᖅᑳᖏᓐᓂᒃ ᓯᕘᕋᒐᒥᒃ ᐅᖃᒪᔭᐅᑎᖃᕐᓂᑎᒃ ᔩᓱᓯᒥᒃ ᑐᓵᔭᐅᑎᑦᑍᓕᕚᑦ.

ᔪᐊᓇᓯᐅᑉ ᐊᒡᓚᖏᑦ 7:31

ᐃᓄᐃᑦ ᐊᒥᓱᑦ ᐅᒃᐱᕈᓱᓕᕐᐳᑦ ᑖᑦᓱᒥᖓ; ᐅᖃᕐᓗᑎᒃ, “᙭ᔅᑑᓯ ᑎᑭᒃᑯᓂ ᓇᓗᓁᒃᑯᑕᕐᓂᒃ ᐱᓇᓱᐊᕐᓂᕐᓴᐅᒐᔭᕐᐹ ᑖᑦᓱᒪᓐᖓᑦ?”

ᔪᐊᓇᓯᐅᑉ ᐊᒡᓚᖏᑦ 9:22

ᐊᖓᔪᖅᑳᖏᒡᓕ ᑍᒫᒃ ᐅᖃᕐᐴᒃ ᔫᑎᑦ ᓯᕘᕋᒋᒐᒥᒋᑦ, ᔫᑎᑦ ᐊᖏᖃᑎᒌᒃᓯᒪᓕᕐᒪᑕ ᓇᓪᓕᐊᑦ ᙭ᔅᑑᓯᐅᓂᕅᒃᐸᑦ ᑖᑦᓱᒥᖓ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑦᓯᔪᓐᓇᕐᓂᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 9:34

ᑖᒃᑯᐊ ᑭᐅᕚᑦ, “ᐊᔪᕐᓂᕐᒥ ᐃᕐᓂᐊᖑᓯᒪᓪᓗᑎᑦ ᐱᕈᕐᓴᔭᐅᕕᒋᓪᓗᒍᓗ, ᐅᕙᑦᑎᓐᓂᒃ ᐊᔪᕆᕐᑐᐃᓇᓱᐊᕐᐲ?” ᔫᑎᓪᓗ ᐅᒃᐱᕐᓂᕐᒧᑦ ᑲᑎᒪᕕᖓᓐᓂᑦ ᐊᓂᑎᑉᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 10:10

ᐆᒻᒪᑎᒃᑰᕐᑐᒥᒃ ᐅᒃᐱᕐᓂᖃᕐᑐᖅ ᐸᓯᔭᒃᓴᐅᔪᓐᓃᕐᑎᑕᐅᖕᒪᑦ, ᖃᓂᕐᒥᒍᓪᓗ ᐅᖃᐅᓯᖃᕐᑐᖅ ᑖᓐᓇ ᐱᐅᓕᔭᐅᓂᐊᕐᐳᖅ.

ᔪᐊᓇᓯ ᓯᕗᓪᓖᑦ 4:15

ᓇᓪᓕᐊᑦ ᔩᓱᓯ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᓯᔪᖅ, ᒎᑎ ᑖᑦᓱᒪᓃᑉᐳᖅ, ᑖᓐᓇᓗ ᒎᑎᒦᓪᓗᓂ.

ᔪᐊᓇᓯ ᓯᕗᓪᓖᑦ 4:2

ᐃᒫᒃ ᖃᐅᔨᒪᔪᓐᓇᕐᓂᐊᕐᐸᓯ ᐊᓂᕐᓂᖅ ᒎᑎᒥᑦ ᐱᓯᒪᖕᒪᖔᑦ: ᐊᓂᕐᓃᑦ ᑕᒪᕐᒥᒃ ᓇᓗᓁᕐᓯᔪᑦ ᔩᓱᓯ ᙭ᔅᑑᓯᒥᒃ ᑎᒥᑖᕐᓯᒪᔪᒥᒃ ᑖᒃᑯᐊ ᒎᑎᒥᓐᖔᕐᓯᒪᕗᑦ.