ᔪᐊᓇᓯᐅᑉ ᐊᒡᓚᖏᑦ 12:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ “ᒫᓐᓇᓕ ᐆᒻᒪᑎᒃᑯᑦ ᐅᖁᒤᑐᒦᑉᐳᖓ. ᖃᓄᖅ ᐅᖃᐅᓯᕆᔭᕆᐊᖓ ᓇᓗᕙᕋ? ᐅᖃᕈᓐᓇᕋᓗᐊᕐᑐᖓ, ‘ᐊᑖᑖᒃ, ᐃᖃᕐᕋᖅ ᑕᒪᓐᓇ ᓇᓪᓕᐅᑎᑎᑦᑍᓕᒍᒃ.’ ᑭᓯᐊᓂᓕ ᑕᒪᓐᓇ ᑎᑭᑦᔪᑎᒋᓯᒪᕙᕋ, ᐃᑲᕐᕋᖅ ᑕᒪᓐᓇ ᐊᑑᑎᔭᕆᐊᖃᕋᑯ.

Aglait Ijjurnaittut

²⁷ “Maannali uummatikkut uqumaitumiippunga. Qanuq uqausirijarianga naluvara? Uqarunnaraluaqtunga, ‘Ataatak, iqarraq tamanna nalliutitittailiguk.’ kisianili tamanna tikijjutigisimavara, ikarraq tamanna atuutijariaqarakku.

ᔪᐊᓇᓯᐅᑉ ᐊᒡᓚᖏᑦ 12:27 Iomraidhean Croise

ᐃᓐᖏᕈᑎᑦ 6:3

ᑕᕐᓂᕋᓗ ᐊᖏᔪᒥᒃ ᐃᓱᐊᖏᒻᒪᑦ, ᐃᕝᕕᓪᓕ ᐊᑕᓃᖅ, ᖃᓄᖅ ᐊᑯᓂᐅᑎᒋᓂᐊᕐᐹ?

ᐃᓐᖏᕈᑎᑦ 88:3

ᑕᕐᓂᕋ ᑕᑕᒻᒪᑦ ᐊᑲᐅᓐᖏᓕᐅᕈᑎᓐᓂᒃ, ᐃᓅᓯᕋᓗ ᑐᖁᖓᔪᑦ ᐃᓂᖓᓄᑦ ᖃᒡᓕᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 38:15

ᖃᓄᖅ ᐅᖃᕈᓐᓇᕐᐳᖔ? ᐊᑕᓂᐅᑉ ᐅᖃᕐᕕᒋᖕᒪᖓ, ᑖᑦᓱᒪᓗ ᑕᒪᓐᓇ ᐱᓇᓱᐊᕐᓯᒪᖕᒪᒍ. ᓯᓂᒐ ᐅᕙᓐᓂᑦ ᕿᒫᓯᒪᖕᒪᑦ ᐆᒻᒪᑎᒃᑯᑦ ᐅᖁᒤᒃᓴᕐᓂᕋ ᐱᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 53:3

ᐃᓄᖕᓄᑦ ᓇᕐᕈᒋᔭᐅᓚᐅᕐᐳᖅ ᖁᔭᓈᕐᑕᐅᓯᒪᓪᓗᓂᓗ; ᕿᒃᓵᖕᓇᕐᑐᒥᒃ ᐃᓅᓯᓕᒃ, ᐋᓐᓂᐊᓇᕐᑐᒥᒡᓗ ᓱᖏᐅᑎᓯᒪᓪᓗᓂ; ᐃᓄᖕᓄᓪᓗ ᑮᓈᓐᖑᒋᔭᐅᔪᑐᑦ ᑕᑯᔭᐅᔪᒪᓚᐅᓐᖏᓚᖅ ᓇᕐᕈᒋᔭᐅᒐᔪᖕᒪᑦ ᐅᐱᒋᓚᐅᓐᖏᓚᕗᑦ.

ᒫᑎᐅᓯᐅᑉ ᐊᒡᓚᖏᑦ 11:25

ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;

ᒫᑎᐅᓯᐅᑉ ᐊᒡᓚᖏᑦ 11:26

ᐃᓛᒃ, ᐊᑖᑖᒃ, ᑕᒪᓐᓇ ᑍᒤᓕᖓᑎᓪᓗᒍ ᖁᕕᐊᒋᒐᕕᐅᒃ.

ᒫᑎᐅᓯᐅᑉ ᐊᒡᓚᖏᑦ 26:42

ᓱᓕ ᐂᑉᐸᖓᓂᒃ, ᔩᓱᓯ ᑐᒃᓯᐊᕆᐊᕐᑐᒃᑲᓐᓂᕐᐳᖅ ᐅᖃᕐᓗᓂ, “ᐊᑖᑖᒃ, ᐅᓇ ᐃᒥᐅᑦ ᐅᕙᓐᓂᑦ ᐲᕈᓐᓇᖏᑉᐸᑦ ᐃᒥᕐᓗᒍ ᑭᓯᐊᓂᐅᒃᐸᑦ, ᐱᔪᒪᔧᑦ ᐊᑐᕐᓕ.”

ᒫᑎᐅᓯᐅᑉ ᐊᒡᓚᖏᑦ 26:45

ᑕᕝᕙ ᑭᖑᓂᖓᒍᑦ ᐃᓕᓐᓂᐊᕐᑎᒥᓄᑦ ᐅᑎᕋᒥ ᐅᖃᐅᑎᕔᑦ, “ᓱᓕ ᓯᓂᒃᐱᓰ ᑕᕾᕐᓯᕐᓗᓯᓗ? ᑕᑯᒋᑦ, ᐃᑲᕐᕋᖅ ᓇᓪᓕᐅᑎᕗᖅ; ᐃᓅᑉ ᐃᕐᓂᖓᑕ ᐱᔭᐅᒃᑲᕐᑕᐅᕕᖓ ᐃᓄᖕᓄᑦ ᐊᔪᕐᑐᓕᔪᓄᑦ ᑎᒍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 22:44

ᐅᖁᒤᒃᓴᓗᐊᓕᕋᒥ ᐊᒃᓱᕈᕐᓂᕐᓴᐅᓪᓗᓂ ᑐᒃᓯᐊᓕᕐᐳᖅ, ᐊᐅᒃᑲᕐᓂᖓᓕᕐᓗᓂ ᐊᐅᒃᑎᑐᑦ ᑯᑐᒃᑐᓂᒃ ᓄᓇᒧᑦ.

ᓘᑲᓯᐅᑉ ᐊᒡᓚᖏᑦ 22:53

ᖃᐅᑕᒫᑦ ᐃᓚᒋᖃᑦᑕᓚᐅᕐᐸᑦᓯ ᑐᒃᓯᐊᕐᕕᒡᔪᐊᕐᒥ, ᑎᒍᓚᐅᓐᖏᓚᑦᓯᓐᖓ. ᒫᓐᓇᓕ ᐃᑲᕐᕋᓯ ᓇᓪᓕᐅᑎᕗᖅ, ᑖᕐᑑᓪᓗ ᐱᔪᓐᓇᕐᓂᖓ ᐊᐅᓚᑦᓯᓕᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 11:41

ᑕᕝᕙ ᐅᔭᕋᒃ ᐲᕐᐹᑦ ᐃᓗᕕᕐᒥᑦ. ᔩᓱᓯ ᖁᒻᒧᑦ ᑕᑯᓴᕐᓗᓂ, ᐅᖃᕐᐳᖅ, “ᐊᑖᑕᒃ, ᖁᔭᒋᕙᒋᑦ ᑐᓴᓚᐅᕋᕕᖓ.

ᔪᐊᓇᓯᐅᑉ ᐊᒡᓚᖏᑦ 12:23

ᔩᓱᓯᐅᑉ ᑭᐅᕚᒃ, “ᐃᓅᑉ ᐃᕐᓂᖓᑕ ᓂᕐᑐᕐᓇᕐᑎᑕᐅᕕᐊ ᓇᓪᓕᐅᑎᓯᒪᕗᖅ.

ᔪᐊᓇᓯᐅᑉ ᐊᒡᓚᖏᑦ 13:21

ᔩᓱᓯᓕ ᑕᒪᒃᑯᓂᖓ ᐅᖃᕇᕋᒥ, ᐊᓂᕐᓂᒃᑯᑦ ᕿᒃᓵᖕᓂᕐᒧᑦ ᐊᖏᔪᒧᑦ ᑎᑭᑕᐅᕗᖅ, ᓇᓗᓁᕐᓯᓕᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ, ᐃᓚᑦᓯ ᐃᓚᖓᑦᑕ ᐱᔭᐅᑎᓐᓂᐊᕐᐹᖓ.”

ᔪᐊᓇᓯᐅᑉ ᐊᒡᓚᖏᑦ 18:37

ᑕᕝᕙ ᐰᓛᑑᓯᐅᑉ ᐊᐱᕆᕚ, “ᑕᕝᕚ ᐊᖓᔪᖅᑳᕐᔪᐊᖑᕕᑦ?” ᔩᓱᓯᐅᑉ ᑭᐅᕚ, “ᐃᕝᕕᑦ ᐊᖓᔪᖅᑳᕐᔪᐊᖑᓂᕋᕐᐸᕐᒪ. ᑕᒪᓐᓇ ᐱᑦᔪᑎᒋᓪᓗᒍ ᐃᓅᓚᐅᕐᐳᖓ, ᓯᓚᕐᔪᐊᕐᒧᓪᓗ ᑎᑭᓪᓗᖓ, ᓱᓕᔪᒥᒃ ᓇᓗᓁᕐᓯᔭᕐᑐᕐᓗᖓ. ᓱᓕᔪᒦᑦᑐᓕᒫᑦ ᑐᓴᕐᐹᖓ.”

ᑎᒧᑎᒧᑦ ᓯᕗᓪᓖᑦ 1:15

ᐅᖃᐅᓯᖅ ᐃᒤᓕᔪᖅ ᓱᓕᕗᖅ ᓈᒻᒪᒋᔭᐅᔭᕆᐊᓕᒃ ᐅᒃᐱᕆᔭᐅᓗᓂᓗ, ᙭ᔅᑑᓯ ᔩᓱᓯ ᓯᓚᕐᔪᐊᕐᒧᑦ ᑎᑭᓚᐅᕐᒪᑦ ᐊᔪᕐᑐᓕᔪᑦ ᐱᐅᓕᔭᕐᑐᕐᓗᒋᑦ; ᐅᕙᖓᓕ ᑖᒃᑯᓇᓐᖓᑦ ᐊᔪᕐᑐᓕᔪᓂᑦ ᐱᐅᖏᓐᓂᕐᐹᖑᕗᖓ.

ᐄᑉᕈᐃᓄᑦ 2:14

ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.