ᔪᐊᓇᓯᐅᑉ ᐊᒡᓚᖏᑦ 12:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᒍᕇᑭᓪᓕ ᐃᓚᖏᑦ ᐃᓚᒋᔭᐅᓚᐅᕆᕗᑦ ᓇᓪᓕᐅᓐᓂᕐᓯᐅᕆᐊᕐᑐᕐᑐᓄᑦ ᔨᕉᓴᓕᒻᒧᑦ.

Aglait Ijjurnaittut

²⁰ Guriikilli ilangit ilagijaulaurivut nalliunniqsiuriaqtuqtunut Jiruusalimmut.

ᔪᐊᓇᓯᐅᑉ ᐊᒡᓚᖏᑦ 12:20 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᒫᑯᓯᐅᑉ ᐊᒡᓚᖏᑦ 7:26

ᐊᕐᓇᖅ ᒍᕇᑭᐅᕗᖅ, ᓮᕈᐱᓃᓯᐊᒥᑦ ᐱᓯᒪᔪᖅ ᓯᕆᐊᒦᑦᑐᒥ. ᐊᕐᓇᖅ ᕿᓄᓕᕐᐳᖅ ᐊᓂᕐᓂᕐᓗᒃ ᐸᓂᖕᒥᓂᑦ ᐊᓂᑎᑕᐅᖁᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 12:1

ᐅᓪᓗᑦ ᐱᖓᓲᔪᕐᑐᑦ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᐅᑉ ᓯᕗᓂᖓᓂ, ᔩᓱᓯ ᐱᑕᓂᒧᐊᕐᐳᖅ, ᓛᓴᕉᓯᐅᑉ ᑐᖁᖓᔪᓂᑦ ᐆᒻᒪᕐᑎᓚᐅᕐᑕᖓᑕ ᓄᓇᖓᓄᑦ.

ᔪᐊᓇᓯᐅᑉ ᐊᒡᓚᖏᑦ 12:19

ᑕᕝᕙ ᐹᕆᓯᑦ ᐃᒻᒥᖕᓄᑦ ᐅᖃᖃᑦᑕᐅᑎᓕᕐᐳᑦ, “ᑕᑯᒋᑦ ᖃᓄᐃᓕᐅᕐᓂᕗᑦ ᐱᕙᓪᓖᓯᒪᖏᑦᓯᐊᕐᐳᖅ; ᑕᑯᒋᑦ, ᐃᓄᓕᒫᑦ ᒪᓕᓕᕐᐳᑦ ᔩᓱᓯᒥᒃ.”

ᔪᐊᓇᓯᐅᑉ ᐊᒡᓚᖏᑦ 7:35

ᔫᑎᓪᓕ ᐊᖓᔪᖅᑳᖏᑦ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, “ᓇᒧᓐᖓᐅᓂᐊᕋᒥᐅᓇ ᐅᕙᑦᑎᓐᓄᑦ ᓇᓂᔭᐅᔪᓐᓁᓪᓕᓂᐊᕐᓂᕋᕐᐸ? ᐅᓇ ᒍᕇᑭᑦ ᓄᓇᖏᓐᓄᐊᕈᒪᓕᕐᑐᖅ ᒍᕇᑭᓂᒃ ᐊᔪᕆᕐᑐᐃᔭᕐᑐᕈᒪᓪᓗᓃ?

ᐋᐴᓯᑕᓖᑦ ᐱᓂᐊᕐᓂᖏᑦ 14:1

ᐂᑯᓂᐊᒥ ᑍᒫᒃ ᓱᓕ ᐸᐅᓗᓯᒃᑯᒃ ᐸᓇᐹᓯᒃᑯᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐴᒃ, ᐅᖃᓪᓚᖕᒪᑎᒃ ᐃᓄᒋᐊᒃᑐᐊᓗᐃᑦ ᐅᒃᐱᓕᕐᐳᑦ ᔫᑎᓪᓗ ᒍᕇᑭᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 16:1

ᐸᐅᓗᓯ ᑐᕐᐱᒧᑦ ᑎᑭᑉᐳᖅ, ᓕᔅᑐᕋᒧᐊᕆᓪᓗᓂᓗ, ᐃᓕᓐᓂᐊᕐᑎᑕᖃᕐᐳᖅ ᑕᕝᕙᓂ, ᑎᒧᑎᒥᒃ ᐊᑎᓕᖕᒥᒃ, ᐊᕐᓇᐅᑉ ᐅᒃᐱᕐᑑᓪᓗᓂ ᔫᑎᐅᔫᑉ ᐃᕐᓂᖓ, ᐊᑖᑕᖓᓕ ᒍᕇᑭᐅᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 17:4

ᐃᓚᖏᑦ ᐅᒃᐱᓕᕐᐳᑦ, ᐸᐅᓗᓯᒧᑦ ᓮᓚᓯᒧᓪᓗ ᐃᓚᒋᔭᐅᓕᕐᓗᑎᒃ; ᐊᒥᓱᑦ ᒍᕇᑭᑦ ᐊᕐᓁᓪᓗ ᐱᓪᓗᐊᑕᕆᔭᐅᔪᑦ ᒎᑎᒧᑦ ᐅᒃᐱᓕᕐᑐᑦ ᐊᒥᓱᑦ ᐃᓚᒋᔭᐅᓕᕆᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:28

ᕾᒐᓛᓕᕐᐳᑦ, “ᐃᓴᕆᐊᓕᒥᐅᑕᐅᔪᓯ ᐃᑲᔪᕐᑎᒍᑦ! ᐅᒫ ᐃᓄᐃᑦ ᓇᓂᑐᐃᓐᓇᖅ ᓄᓇᖃᕐᑐᑦ ᐊᔪᕆᕐᑐᖃᑦᑕᕐᒪᒋᑦ ᐃᓅᖃᑎᕗᓪᓗ ᐱᖁᔭᓂᒃ ᑐᒃᓯᐊᕐᕕᒡᔪᐊᒥᒡᓗ ᒪᓕᖁᓇᒋᑦ, ᒫᓐᓇ ᒍᕇᑭᓂᒃ ᐊᒡᓛᑦ ᑐᒃᓯᐊᕐᕕᒡᔪᐊᕐᒧᑦ ᐃᑎᕐᑎᑦᓯᓯᒪᓕᕐᐳᖅ ᐃᑦᔪᕐᓁᑦᑐᒥᒃ ᓇᕐᕈᓇᕐᓯᑎᑦᓯᓪᓗᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:27

ᐱᓕᑉᐴᓯ ᐊᐅᓪᓚᕐᐳᖅ. ᑕᑯᒋᑦ, ᐃᑎᐅᐱᐊᒥᐅᑕᖅ ᐃᐅᓇᒃᒥᒃ ᑍᔭᐅᔪᖅ ᑎᑭᑉᐹ ᐊᖓᔪᖅᑳᖑᑎᑕᐅᔪᖅ ᐃᑎᐅᐱᐊᒥᐅᑦ ᑳᓐᑍᓯᖓᓄᑦ, ᑕᓐᓇ ᐃᑎᐅᐱᐊᒥᐅᑦ ᑯᐃᓐᖓᑦᑕ ᑮᓇᐅᔭᖁᑎᖏᓐᓄᑦ ᐊᖓᔪᖅᑳᖓᔪᖅ, ᐊᖏᕐᕋᐅᓕᕐᑐᖅ, ᑐᒃᓯᐊᕆᐊᕐᓯᒪᓚᐅᕐᓗᓂ ᔨᕉᓴᓕᒻᒧᑦ,

ᕉᒪᒥᐅᓄᑦ 1:16

ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᕉᒪᒥᐅᓄᑦ 10:12

ᐊᑦᔨᒌᖏᑦᑑᖏᒻᒪᑕ ᔫᑎᑦ ᒍᕇᑭᓪᓗ; ᐊᑕᓂᖅ ᑖᓐᓇᑦᓮᓐᓇᖅ ᐊᑕᓂᐅᖕᒪᑦ ᑕᒤᓐᓄᑦ ᓮᒻᒪᕐᑎᑦᓯᓂᕐᒥᒡᓗ ᐊᒥᒐᖏᑦᑐᒥᒃ ᑐᓂᓯᕗᖅ ᑕᒤᓐᓄᑦ ᑐᒃᓯᐊᕐᕕᒋᔨᒥᓄᑦ.

ᒐᓔᑎᐊᒥᐅᓄᑦ 2:3

ᐱᖃᑎᒋᖃᑦᑕᕐᑕᕋ ᑍᑑᓯ, ᒍᕇᑭᐅᒐᓗᐊᕐᑎᓪᓗᒍ, ᑭᐱᔭᐅᑎᑕᐅᓚᐅᓐᖏᓚᖅ,

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᑯᓘᓯᐊᒥᐅᓄᑦ 3:11

ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.