ᔪᐊᓇᓯᐅᑉ ᐊᒡᓚᖏᑦ 12:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᕝᕙ ᓇᐹᕐᑐᑦ ᐹᒦᑦ ᐊᕙᓚᖓᔪᖏᓐᓂᒃ ᓇᑲᑦᓯᓪᓗᑎᒃ ᐸᕐᕆᐊᓕᕐᐳᑦ, ᕾᒐᓛᕐᓗᑎᒃ, “ᕼᐆᓵᓇ! ᓂᕐᑐᕐᑕᐅᓕ ᐊᑕᓂᐅᑉ ᐊᑎᖓᓂ ᑎᑭᑦᑐᖅ, ᐊᖓᔪᖅᑳᕐᔪᐊᖅ ᐃᓴᕆᐊᓕᒥ!”

Aglait Ijjurnaittut

¹³ Tavva napaaqtut paamiit avalangajunginnik nakatsillutik parrialiqput, qaigalaarlutik, “Huusaana! Niqtuqtauli Ataniup atingani tikittuq, Angajuqqaarjuaq Isarialimi!”

ᔪᐊᓇᓯᐅᑉ ᐊᒡᓚᖏᑦ 12:13 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 44:6

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᓴᐳᑦᔨᔨᒋᓪᓗᒍᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: ‘ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᐊᓯᓐᓂᒃ ᒎᑎᑕᖃᓐᖏᓚᖅ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᒨᓯᓯ ᐱᖓᔪᖏᑦ 23:40

ᑖᒃᑯᐊ ᐅᓪᓗᐃᑦ ᓯᕗᓪᓕᕐᐹᖓᓂ ᓇᐹᕐᑐᐃᑦ ᐸᐅᕐᖓᖏᑕ ᐱᐅᓂᕐᐹᖏᓐᓂᒃ ᐱᔭᕆᐊᖃᕐᐳᓯ, ᓇᐹᕐᑐᓪᓗ ᐹᒥᓂᒃ ᐊᑎᓖᑦ ᐊᕙᓚᖓᔪᖏᓐᓂᒃ ᓇᐹᕐᑐᓪᓗ ᐅᖃᐅᔭᖅᑯᕐᑐᔪᐃᑦ ᐊᕙᓚᖓᔪᖏᓐᓂᒃ ᐱᔭᕆᐊᖃᕆᕗᓯ, ᖁᕕᐊᓱᒡᓗᓯ ᐊᑕᓂᐅᑉ ᒎᑎᑦᓯ ᓵᖓᓂ ᓇᓪᓕᐅᓐᓂᕐᓯᐅᕆᐊᖃᕐᐳᓯ ᐅᓪᓗᓂᒃ 7ᓂᒃ.

ᔨᐸᓁᐊᐅᑉ ᐊᒡᓚᖏᑦ 3:15

ᐊᑕᓂᐅᑉ ᐃᖅᑲᕐᑐᐃᓂᓂ ᐲᕐᑎᒻᒪᒍ, ᐊᑭᕋᓯᓗ ᐃᒋᓯᒪᖕᒪᒋᑦ. ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ, ᐊᑕᓂᖅ, ᐊᑯᓐᓇᑦᓯᓐᓃᑉᐳᖅ; ᑲᑉᐱᐊᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑎᑦ.

ᒫᑎᐅᓯᐅᑉ ᐊᒡᓚᖏᑦ 23:39

ᐅᖃᐅᑎᕙᑦᓯ, ᑕᑯᓂᐊᕈᓐᓃᕐᐸᑦᓯᖓ ᐅᖃᓚᐅᖅᑳᕐᑎᓐᓇᓯ, ‘ᒎᑎᐅᑉ ᓮᒻᒪᕐᓕᐅᒃ ᐊᑕᓂᐅᑉ ᐊᑎᖓᓂ ᑎᑭᑦᑐᖅ.’”

ᒫᑎᐅᓯᐅᑉ ᐊᒡᓚᖏᑦ 27:42

“ᐊᓯᓂ ᐱᐅᓕᓚᐅᕐᐰᑦ; ᐃᒻᒥᓂᒃ ᐱᐅᓕᔪᓐᓇᓐᖏᓚᖅ. ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᖑᒍᓂ ᒫᓐᓇ ᓴᓐᓂᖓᔪᓕᖕᒥᑦ ᐊᖅᑲᓕᕐᓕ, ᑕᕝᕙ ᐅᒃᐱᕆᓕᕐᓂᐊᕐᐸᕗᑦ.

ᔪᐊᓇᓯᐅᑉ ᐊᒡᓚᖏᑦ 1:49

ᓈᑕᓁᑉ ᑭᐅᕚ, “ᕌᑉᐰ, ᒎᑎᐅᑉ ᐃᕐᓂᕆᕚᑎᑦ! ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ!”

ᔪᐊᓇᓯᐅᑉ ᐊᒡᓚᖏᑦ 12:14

ᔩᓱᓯ ᓯᐅᑎᖅᑯᕐᑐᔫᑉ ᓄᕐᕋᖓᓂᒃ ᑎᒍᓯᓪᓗᓂ ᖄᖓᓄᑦ ᐃᑭᕗᖅ; ᐊᒡᓚᖕᓂ ᑎᑎᕋᕐᓯᒪᖕᒪᑦ,

ᔪᐊᓇᓯᐅᑉ ᐊᒡᓚᖏᑦ 12:15

“ᓯᕘᕋᓂᐊᕋᓯ, ᓮᐅᓂᐅᑉ ᐸᓂᖏᑦ; ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᐳᖅ, ᓯᐅᑎᖅᑯᕐᑐᔫᑉ ᓄᕐᕋᖓᑕ ᖄᖓᓂ ᐃᑭᒪᓪᓗᓂ!”

ᔪᐊᓇᓯᐅᑉ ᐊᒡᓚᖏᑦ 19:15

ᕾᒐᓛᓕᕐᐳᓪᓕ, “ᑕᒫᓃᓇᓂ, ᑕᒫᓃᓇᓂ, ᑭᑭᐊᒃᑐᕐᑕᐅᓕ!” ᐰᓛᑑᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᓯ ᑭᑭᐊᒃᑐᒐᒃᓴᕆᕙᕌ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑭᐅᕗᑦ, “ᐊᖓᔪᖅᑳᕐᔪᐊᖃᓐᖏᓚᒍᑦ ᓰᓴᕆᐅᑉ ᐊᓯᐊᓂᒃ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.