ᔪᐊᓇᓯᐅᑉ ᐊᒡᓚᖏᑦ 11:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᔩᓱᓯᐅᑉ ᐅᖃᐅᑎᕚ, “ᐅᕙᖓ ᒪᑭᑦᔪᑎᒃᓴᐅᓪᓗᖓᓗ ᐃᓅᑦᔪᑎᒃᓴᐅᕗᖓ; ᓇᓪᓕᐊᑦ ᐅᕙᓐᓄᑦ ᐅᒃᐱᕐᑐᖅ, ᑐᖁᒐᓗᐊᕈᓂ, ᓱᓕ ᐃᓅᔪᒫᕐᐳᖅ,

Aglait Ijjurnaittut

²⁵ Jiisusiup uqautivaa, “Uvanga makijjutiksaullungalu inuujjutiksauvunga; nalliat uvannut ukpiqtuq, tuqugaluaruni, suli inuujumaaqpuq,

ᔪᐊᓇᓯᐅᑉ ᐊᒡᓚᖏᑦ 11:25 Iomraidhean Croise

ᐃᓐᖏᕈᑎᑦ 36:9

ᐃᓅᓯᕐᒥᒃ ᐳᐊᓚᔪᖅ ᐃᓕᖕᓃᒻᒪᑦ; ᖃᐅᒪᓂᕐᓂᑦ ᖃᐅᒪᔪᖅ ᑕᑯᕙᕗᑦ.

ᐂᓮᐊᓯᐅᑉ ᐊᒡᓚᖏᑦ 26:19

ᑐᖁᖓᔪᖁᑎᑎᑦ ᐆᒻᒪᒃᑲᓐᓂᕈᒫᕐᐳᑦ, ᑎᒥᖏᑦ ᒪᑭᑦᓱᒫᕆᕗᑦ, ᑕᒪᕐᒥᒃ ᐃᓗᕕᕐᑕᐅᓯᒪᔪᑦ ᑐᐸᒍᒫᕐᐳᑦ. ᑐᐸᒡᓗᑎᒃ ᐃᓐᖏᕈᒫᕐᐳᑦ ᖁᕕᐊᓱᖕᓂᕐᒧᑦ, ᓲᕐᓗ ᐸᑐᒃ ᕿᓪᓕᒐᓛᒃᑎᑦᓯᕙᖕᒪᑦ ᓄᓇᒥᒃ ᖃᐅᓯᓕᕐᑎᑦᓯᓕᕌᖓᒥ ᑍᒫᒃᑕᐅᖅ ᐊᑕᓂᐅᑉ ᐆᒻᒪᕐᑎᑦᓱᒫᕐᐰᑦ ᑐᖁᓚᐅᕐᑐᕕᓃᑦ.

ᐂᓮᐊᓯᐅᑉ ᐊᒡᓚᖏᑦ 38:16

ᐊᑕᓃᖅ, ᑍᒤᑦᑐᒃᑰᕋᓗᐊᕐᓗᑎᒃ ᐃᓄᐃᑦ ᐃᓅᕙᒃᒪᑕ; ᑍᒤᑦᑐᓪᓗ ᑕᒪᕐᒥᒃ ᐊᓂᕐᓂᕐᒪ ᐃᓅᕕᒋᓕᕐᐸᒋᑦ, ᐊᑏ ᐋᖅᑭᒡᓗᖓ ᐃᓅᔪᓐᓇᕐᑎᓚᐅᓐᖓ.

ᓘᑲᓯᐅᑉ ᐊᒡᓚᖏᑦ 23:43

ᔩᓱᓯᐅᑉ ᐅᖃᐅᑎᕚ, “ᓱᓕᔪᒥᒃ ᐅᖃᐅᑎᕙᒋᑦ, ᐅᓪᓗᒥ ᐂᑉᐸᕆᓂᐊᕐᐸᕐᒪ ᖁᕕᐊᓇᕐᑐᕕᖕᒥ.”

ᔪᐊᓇᓯᐅᑉ ᐊᒡᓚᖏᑦ 1:4

ᐃᓅᓯᖅ ᑖᑦᓱᒪᓃᓚᐅᕐᐳᖅ, ᐃᓅᓯᕐᓗ ᐃᓄᖕᓄᑦ ᑕᒤᓐᓄᑦ ᖃᐅᒻᒪᖅᑯᑕᐅᓚᐅᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 14:19

ᐊᑯᓂᐅᖏᑦᑐᖅ ᓯᓚᕐᔪᐊᕐᒥᐅᑦ ᑕᑯᖃᑦᑕᕐᓂᐊᕈᓐᓃᕐᐹᖓ, ᐃᓕᑦᓯᓕ ᑕᑯᓛᕆᕙᑦᓯᓐᖓ; ᐃᓅᒐᒪ, ᐃᓕᑦᓯᑦᑕᐅᖅ ᐃᓅᓂᐊᕆᕗᓯ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 3:36

ᓇᓪᓕᐊᑦ ᑖᑦᓱᒪ ᐃᕐᓂᖓᓄᑦ ᐅᒃᐱᕐᑐᖅ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᕐᐳᖅ; ᓇᓪᓕᐊᓪᓕ ᑖᑦᓱᒪ ᐃᕐᓂᖓᓂᒃ ᐃᓚᓕᐅᕐᓯᖏᑦᑐᖅ ᐃᓅᓯᕐᒥᒃ ᑕᑯᓂᐊᓐᖏᓚᖅ, ᒎᑎᐅᓪᓕ ᓂᓐᖓᐅᓯᖓᑕ ᖁᓚᖏᐊᖏᓐᓇᕐᐹ.

ᔪᐊᓇᓯᐅᑉ ᐊᒡᓚᖏᑦ 5:21

ᓲᕐᓗᑦᑕᐅᖅ ᐊᑖᑕᐅᑉ ᑐᖁᖓᔪᑦ ᒪᑭᑎᒻᒪᒋᑦ ᐆᒻᒪᕐᑎᓪᓗᒋᓪᓗ, ᑍᒫᒃᑕᐅᖅ ᐃᕐᓂᖅ ᐆᒻᒪᕐᑎᑦᓯᕗᖅ ᐆᒻᒪᕐᑎᑦᓱᒪᔭᒥᓂᒃ.

ᔪᐊᓇᓯᐅᑉ ᐊᒡᓚᖏᑦ 5:26

ᓲᕐᓗ ᐊᑖᑕ ᓇᖕᒥᓂᖅ ᐃᓅᓯᖃᕐᒪᑦ ᐃᒻᒥᒃᑯᑦ, ᑍᒫᒃᑕᐅᖅ ᐃᕐᓂᓂ ᑐᓂᓯᕕᒋᕚ ᐃᓅᓯᖃᖁᓪᓗᒍ ᐃᒻᒥᒃᑯᑦ.

ᔪᐊᓇᓯᐅᑉ ᐊᒡᓚᖏᑦ 6:35

ᔩᓱᓯᐅᑉ ᐅᖃᐅᑎᕔᑦ, “ᐅᕙᖓ ᓂᐊᖂᔭᐅᕗᖓ ᐃᓅᓯᖃᕐᓇᕐᑐᖅ; ᐅᕙᓐᓄᑦ ᕾᔪᖅ ᑳᓕᕐᓂᐊᓐᖏᓚᖅ, ᐅᕙᓐᓄᓪᓗ ᐅᒃᐱᕐᑐᖅ ᐃᒥᕈᓚᐅᕐᓯᒪᓂᐊᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 6:44

ᐅᕙᓐᓄᑦ ᕾᔪᖃᕈᓐᓇᓐᖏᓚᖅ ᐊᑖᑕᐅᑉ ᑎᓕᔨᒪ ᐅᕙᓐᓄᐊᕐᑎᖏᑉᐸᒍ; ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 3:15

ᑐᖁᑕᐅᑎᑦᓯᓚᐅᕐᐳᓯ ᐃᓅᓯᕐᑖᕐᑎᑦᓯᔨᒥᒃ, ᑖᓐᓇ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ. ᑕᒪᑐᒥᖓ ᖃᐅᔨᓯᒪᓪᓗᑕ ᓇᓗᓁᕐᓯᔨᐅᕗᒍᑦ.

ᕉᒪᒥᐅᓄᑦ 4:17

ᐊᒡᓔᑦ ᐅᖃᕐᒪᑕ, “ᐃᓅᖃᑎᒌᒡᔪᐊᓄᑦ ᐊᒥᓱᓄᑦ ᐊᑖᑕᒋᔭᐅᓕᕐᑎᑉᐸᒋᑦ.” ᒎᑎᐅᑉ ᓵᖓᓂ ᑖᑦᓱᒪ ᐅᒃᐱᕐᕕᒋᔭᖓᑕ, ᑖᑦᓱᒪ ᑐᖁᖓᔪᑦ ᐆᒻᒪᕐᑎᑉᐰᑦ ᐱᖁᔨᓂᕐᒥᓄᓪᓗ ᓴᖅᑭᔮᓚᐅᖏᑦᑐᓂᒃ ᓴᖅᑭᑎᑦᓯᓯᒪᓪᓗᓂ.

ᕉᒪᒥᐅᓄᑦ 8:2

᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:18

᙭ᔅᑑᓯᒧᓪᓗ ᐅᒃᐱᕐᓗᑎᒃ ᑐᖁᓯᒪᔪᑦ ᐊᓯᐅᓯᒪᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:29

ᑐᖁᖓᔪᑦ ᒪᑭᕝᕕᒃᓴᖃᖏᑉᐸᑕ, ᖃᓄᖅ ᐱᒐᔭᕐᐸᑦ ᐹᑉᑎᑕᐅᔪᑦ ᑐᖁᖓᔪᑦ ᐱᑦᔪᑎᒋᓪᓗᒋᑦ? ᓱᖕᒪᓪᓗ ᐃᓄᐃᑦ ᐹᑉᑎᑕᐅᒐᔭᕐᐹᑦ ᑐᖁᖓᔪᑦ ᐱᑦᔪᑎᒋᓪᓗᒋᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:14

ᖃᐅᔨᒪᒐᑦᑕ ᒎᑎᐅᑉ ᐊᑕᓂᕐᒥᒃ ᔩᓱᓯᒥᒃ ᐆᒻᒪᕐᑎᑦᓯᔫᑉ, ᐆᒻᒪᕐᑎᑦᓱᒫᕐᒥᖕᒪᑎᒍᑦ ᔩᓱᓯᒃᑯᑦ, ᐃᓚᒋᓗᓯᓗ ᓴᖅᑭᑎᓪᓗᓂᑎᒍᑦ ᓇᔪᒐᒥᓄᑦ.

ᐱᓕᐱᒥᐅᓄᑦ 1:23

ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;

ᐱᓕᐱᒥᐅᓄᑦ 3:10

᙭ᔅᑑᓯ ᖃᐅᔨᑦᓯᐊᕈᒪᕙᕋ ᒪᑭᓐᓂᖓᑕ ᐱᔪᓐᓇᕐᓂᖓ, ᐊᒃᓱᕈᕐᑎᑕᐅᓂᖓᓗ ᐃᓚᖏᐅᑎᕕᒋᔪᒪᕙᕋ, ᑐᖁᓂᖓᓗ ᐊᑦᔨᒋᔪᒪᓪᓗᒍ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:14

ᐅᒃᐱᕋᑦᑕ ᔩᓱᓯ ᑐᖁᓚᐅᕐᒪᑦ ᒪᑭᓚᐅᕆᓪᓗᓂᓗ, ᑍᒫᒃᑕᐅᖅ, ᐅᒃᐱᕆᕗᒍᑦ ᒎᑎᐅᑉ ᔩᓱᓯᒥ ᐅᒃᐱᕈᓱᒃᓗᑎᒃ ᑐᖁᓯᒪᔪᑦ ᓇᒃᓴᕈᒫᕐᒪᒋᑦ ᐃᓚᒋᓕᕐᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:5

ᑐᖁᖓᔪᓪᓕ ᑖᒃᑯᐊ ᐊᓯᖏᑦ ᒪᑭᓚᐅᓐᖏᓚᑦ ᐊᕐᕌᒍᐃᑦ 1,000 ᓈᓚᐅᖏᓐᓂᖏᓐᓂ. ᑕᒪᑦᔭ ᓯᕗᓪᓕᖅ ᑐᖁᖓᔪᓂᑦ ᒪᑭᓐᓂᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:4

ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.