ᔪᐊᓇᓯᐅᑉ ᐊᒡᓚᖏᑦ 10:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᓐᓇ ᐃᑎᕐᑕᕐᕕᐅᑉ ᑲᒪᔨᖓᑕ ᐅᒃᑯᐃᕈᑎᕚ; ᓰᐲᑦ ᓂᐱᖓ ᑐᓴᕐᐹᑦ ᓰᐱᖁᑎᒥᓂᒃ ᕾᖁᔨᓕᕐᒪᑦ ᐊᑎᖏᑦ ᑍᓪᓗᒋᑦ ᑕᕝᕙᓐᖓᓪᓗ ᓯᕗᓕᕐᓗᓂ ᐊᓂᖃᑎᒋᕔᑦ.

Aglait Ijjurnaittut

³ Taanna itiqtarviup kamajingata ukkuirutivaa; siipiit nipinga tusaqpaat siipiqutiminik qaiqujilirmat atingit taillugit tavvanngallu sivulirluni aniqatigivait.

ᔪᐊᓇᓯᐅᑉ ᐊᒡᓚᖏᑦ 10:3 Iomraidhean Croise

ᐃᓐᖏᕈᑎᑦ 80:1

ᐃᓴᕆᐊᓕᒥᐅᑦ ᐰᕆᔨᖓᑦ ᑐᓵᓚᐅᕆᑦ, ᔫᓯᐱᒃᑯᓐᓂᒃ ᑕᓯᐅᕐᓯᓚᐅᕐᑐᑎᑦ ᓰᐱᑎᑐᑦ; ᓴᖅᑭᓚᐅᕆᑦ, ᐃᒃᓯᕙᐅᑕᕐᔪᐊᖃᕐᑐᑎᑦ ᓯᕈᐲᒻ ᖄᖏᓐᓂ.

ᒨᓯᓯ ᐂᑉᐸᖏᑦ 33:17

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᖃᐅᓯᕆᔭᕐᑐᑦᓯᐊᖅ ᐱᓇᓱᐊᕐᓂᐊᕐᐳᖓ; ᖃᐅᔨᒪᑦᓯᐊᕋᒃᑭᑦ ᖁᕕᐊᒋᑦᓯᐊᕐᓗᑎᓪᓗ ᐊᑏᓪᓗ ᖃᐅᔨᒪᑦᓯᐊᕐᐸᕋ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:23

ᓰᐱᖁᑎᑎᑦ ᐊᔪᐃᓐᓇᕐᓗᒋᑦ ᑲᒪᒋᑦᓯᐊᒃᑭᑦ, ᐆᒪᔪᖁᑎᑎᓪᓗ ᖃᐅᔨᓴᑦᓯᐊᕐᓗᒋᑦ;

ᓲᓗᒨᓂᐅᑉ ᐃᓐᖏᕈᓯᖏᑦ 8:13

ᐃᓕᑦᓯ ᐱᕈᕐᓰᕕᖕᓂ ᐃᓂᖃᕐᑐᓯ, ᐃᓚᓐᓇᕆᔭᑦᓯᓂᒡᓗ ᐃᓚᖃᕐᑐᓯ, ᓂᐱᓯ ᑐᓴᓚᐅᕐᓚᒃᑲ!

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᔪᐊᓇᓯᐅᑉ ᐊᒡᓚᖏᑦ 10:14

ᐅᕙᖓ ᐰᕐᓯᔨᑦᓯᐊᖑᕗᖓ; ᓇᖕᒥᓂᒃᑲ ᐃᓕᑕᕆᕙᒃᑲ ᐃᓕᑕᕆᔭᐅᓪᓗᖓᓗ ᑖᒃᑯᓄᖓ.

ᔪᐊᓇᓯᐅᑉ ᐊᒡᓚᖏᑦ 10:16

ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 10:4

ᐊᓂᖃᑎᒋᔭᕇᕋᒥᒋᑦ ᓯᕗᓕᕐᐰᑦ, ᓯᐲᓪᓗ ᒪᓕᒃᐹᑦ, ᓂᐱᖓ ᐃᓕᑕᕆᐅᒪᒐᒥᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 10:9

ᐃᑎᕐᑕᕐᕕᐅᕗᖓ; ᓇᓪᓕᐊᑦ ᐅᕙᒃᑯᑦ ᐃᑎᑐᖅ, ᑖᓐᓇ ᐱᐅᓕᔭᐅᓂᐊᕐᐳᖅ, ᐃᑎᕐᓗᓂ ᐊᓂᓗᓂᓗ ᓂᕿᒃᓴᓕᖕᒥᒃ ᓇᓂᓯᓂᐊᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 6:37

ᐊᑖᑕᒪ ᑐᓂᑦᔪᑎᒋᔭᓕᒫᖏᑦ ᐅᕙᓐᓄᐊᕐᓂᐊᕐᐳᑦ, ᐅᕙᓐᓄᐊᕐᑐᓂᒡᓗ ᖁᔭᓈᕐᓯᓂᐊᓐᖏᓚᖓ.

ᔪᐊᓇᓯᐅᑉ ᐊᒡᓚᖏᑦ 6:45

ᓇᓚᐅᑦᑍᔪᑎᒍᑦ ᑎᑎᕋᕐᓯᒪᕗᑦ, ‘ᑕᒪᕐᒥᒃ ᐊᔪᕆᕐᑐᕐᑕᐅᔪᒫᕐᐳᑦ ᒎᑎᒧᑦ.’ ᓇᓪᓕᐊᑦ ᐊᑖᑕᒥᒃ ᑐᓴᕐᑐᖅ, ᑖᑦᓱᒪᓐᖓᓪᓗ ᐃᓕᓐᓂᐊᕐᓗᓂ ᑖᓐᓇ ᐅᕙᓐᓄᑦ ᕾᕗᖅ.

ᕉᒪᒥᐅᓄᑦ 8:30

ᓯᕗᓂᖓᒍᓪᓗ ᓂᕈᐊᕐᓯᒪᔭᓂ ᕾᖁᓚᐅᕆᕔᑦ; ᕾᖁᔭᓂᓗ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ; ᐸᓯᔭᒃᓴᐅᔪᓐᓃᕐᑎᑕᓂᓗ ᓂᕐᑐᕐᓇᕐᓂᕐᒥᓂᒃ ᐃᓚᖏᐅᑎᑎᓚᐅᕆᕔᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:9

ᐅᒃᑯᐊᒥᒃ ᒪᑐᐃᕐᓯᕕᐅᓯᒪᒐᒪ ᐱᓇᓱᐊᕐᕕᒃᓴᒥᒃ ᐊᑐᕐᓇᕐᑐᒥᒃ, ᐅᓄᕐᑐᓂᒡᓕ ᓱᓕ ᑕᕝᕙᓂ ᐊᑭᕋᕐᑐᕐᑎᖃᕋᓗᐊᕐᑐᖓ.

ᐱᓕᐱᒥᐅᓄᑦ 4:3

ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.

ᑯᓘᓯᐊᒥᐅᓄᑦ 4:3

ᐅᕙᒍᓪᓗ ᑐᒃᓯᐅᔭᐅᖃᑦᑕᕐᑕ, ᒎᑎ ᐱᕕᒃᓴᒥᒃ ᐅᒃᑯᐃᕐᓯᖁᓪᓗᒍ, ᐅᖃᐅᓯᖃᕈᓐᓇᖁᓪᓗᑕ ᙭ᔅᑑᓯᐅᑉ ᓇᓗᓇᕐᓂᖓᓂᒃ, ᑕᒪᓐᓇ ᐱᑦᔪᑎᒋᓪᓗᒍ ᑎᒍᔭᐅᓯᒪᕕᖕᒦᓐᓇᒪ.

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.

ᔪᐊᓇᓯ ᓯᕗᓪᓖᑦ 4:6

ᐅᕙᒍᓪᓕ ᒎᑎᐅᑉ ᐱᒋᕚᑎᒍᑦ. ᒎᑎᒥᒃ ᖃᐅᔨᒪᔪᓄᑦ ᓈᓚᒃᑕᐅᕗᒍᑦ, ᒎᑎᒥᓪᓗ ᐱᖏᑦᑑᑉ ᓈᓚᓐᖏᓛᑎᒍᑦ. ᑕᒪᑐᒧᖓ ᖃᐅᔨᒪᔪᓐᓇᕐᐳᒍᑦ ᐊᓂᕐᓃᑦ ᓱᓕᔪᑦ ᐊᓂᕐᓃᓪᓗ ᑕᒻᒪᕐᑎᑦᓯᔪᑦ ᓇᓪᓕᐊᖑᖕᒪᖔᑕ.

ᔪᐊᓇᓯᐅᑉ ᐱᖓᔪᖏᑦ 1:14

ᒫᓐᓇᕈᓗᒃᑯᑦ ᑕᑯᔪᒪᒐᒃᑭᑦ, ᑲᑎᒪᓕᕈᓐᓄᒃ ᐅᖃᖃᑎᒌᑦᓯᐊᓛᕐᐳᒍᒃ ᑕᑯᓐᓇᖃᑦᑕᐅᑎᓗᓄᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:15

ᓇᓪᓕᐊᓪᓗ ᑎᑎᕋᕐᕕᒃᓴᓂ ᐃᓅᓯᕾᓐᓇᕐᓇᕐᑐᓂ ᐊᑎᖓ ᑎᑎᕋᕐᑕᐅᓯᒪᖏᑦᑐᖅ, ᑖᓐᓇ ᐃᒋᑕᐅᕗᖅ ᑕᓯᕐᒧᑦ ᐃᑯᒪᕐᔪᐊᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:20

ᑕᑯᒋᑦ, ᒪᑐᒦᑉᐳᖓ ᑎᒡᓗᒃᑐᕐᓗᖓᓗ, ᓂᐱᓐᓂᒃ ᑐᓴᕐᑐᖃᕐᐸᑦ ᒪᑐᐃᕈᑦᔭᐅᒍᒪ, ᑕᑦᓱᒧᖓ ᐃᑎᕐᓂᐊᕐᐳᖓ ᓂᕆᖃᑎᒋᓂᐊᕐᐸᕋ, ᑖᑦᓱᒪᓗ ᓂᕆᖃᑎᒋᓗᓂᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:17

ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”