ᔪᐊᓇᓯᐅᑉ ᐊᒡᓚᖏᑦ 1:45 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁵ ᐱᓕᑉᐴᓯᐅᑉ ᓈᑕᓁ ᑲᑎᒐᒥᐅᒃ ᐅᖃᐅᑎᕚ, “ᑲᑎᓯᕗᒍᑦ ᒨᓯᓯᐅᑉ ᐱᖁᔭᖏᓐᓂ ᓇᓚᐅᑦᑍᔪᓪᓗ ᑎᑎᕋᐅᓯᕆᓚᐅᕐᑕᖓᓂᒃ, ᔩᓱᓯ ᓈᓴᕇᑎᒥᐅᒥᒃ, ᔫᓯᐱᐅᑉ ᐃᕐᓂᖓᓂᒃ.”

Aglait Ijjurnaittut

⁴⁵ Pilippuusiup Naatanai katigamiuk uqautivaa, “Katisivugut Muusisiup piqujanginni nalauttaijullu titirausirilauqtanganik, Jiisusi Naasariitimiumik, Juusipiup irninganik.”

ᔪᐊᓇᓯᐅᑉ ᐊᒡᓚᖏᑦ 1:45 Iomraidhean Croise

ᒨᓯᓯ ᓯᕗᓪᓖᑦ 22:18

ᑭᖑᕚᒃᑯᓪᓗ ᐃᓅᖃᑎᒌᒡᔪᐊᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ, ᓂᐱᒐ ᓈᓚᓚᐅᕋᕕᐅᒃ.”

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 53:2

ᐱᕈᕐᓴᓚᐅᕐᐳᖅ ᑖᑦᓱᒪ ᓵᖓᓂ ᐱᕈᕐᓯᐊᑎᑐᑦ ᐱᕈᕐᐸᓪᓕᐊᓕᓵᕐᑐᑎᑐᑦ, ᐊᒫᑐᓪᓗ ᓴᖅᑭᑉᐸᓪᓕᐊᓪᓗᓂ ᓄᓇᒥ ᐸᓂᕐᑐᒥ; ᑕᐅᑦᑐᖓ ᐃᒃᐱᖕᓇᖏᒻᒪᑦ ᐱᔪᒥᓇᕐᑐᑎᑐᓪᓗ ᑕᐅᑦᑐᖃᖏᒻᒪᑦ ᑕᑯᔪᒪᓚᐅᓐᖏᓚᕗᑦ; ᑕᑯᒥᓇᕐᓂᖃᖏᒻᒪᑦ ᐱᔪᒪᓚᐅᓐᖏᓚᕗᑦ.

ᐂᓮᐊᓯᐅᑉ ᐊᒡᓚᖏᑦ 7:14

ᑍᒤᒻᒪᑦ, ᐊᑕᓂᐅᑉ ᓇᖕᒥᓂᖅ ᓇᓗᓁᒃᑯᑕᒃᓴᒥᒃ ᑐᓂᓯᕕᒋᔪᒫᕐᐹᓯ: ᑕᑯᒋᑦ, ᐊᕐᓇᖅ ᐃᓅᓱᒃᑐᖅ ᓄᑕᕋᒃᓴᕐᑖᕈᒫᕐᐳᖅ ᐃᕐᓂᕐᑖᕆᔭᓂᓗ ᐊᑦᓯᕈᒫᕐᐹ ᐃᒪᓐᔪᐃᓕᒥᒃ.

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᓴᑲᕅᐊᐅᑉ ᐊᒡᓚᖏᑦ 6:12

ᐅᖃᐅᑎᒍᒃ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᒪᑦ, “ᐅᓇ ᐊᖑᑦ ᓇᐹᕐᑑᑉ ᐊᕙᓚᖓᔪᐊᓂᒃ ᐊᑎᖃᕐᐳᖅ, ᐃᓂᒋᔭᒥᓂᑦ ᐱᕈᕐᐸᓪᓕᐊᔪᒫᕐᒪᑦ ᑐᒃᓯᐊᕐᕕᒡᔪᐊᓕᐅᕐᓗᓂᓗ ᐊᑕᓂᕐᒧᑦ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᒫᑎᐅᓯᐅᑉ ᐊᒡᓚᖏᑦ 10:3

ᐱᓕᑉᐴᓯ, ᐸᑎᐅᓗᒥᐅᓗ; ᑑᒪᓯ, ᒫᑎᐅᓯᓗ, ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖓᑦ; ᔧᒥᓯᓗ ᐊᐅᓪᐱᐊᓯᐅᑉ ᐃᕐᓂᖓ, ᑖᑎᐊᓯᓗ;

ᒫᑎᐅᓯᐅᑉ ᐊᒡᓚᖏᑦ 13:55

ᕿᔪᓕᕆᔨᐅᒧᓇ ᐃᕐᓂᕆᓐᖏᓚ? ᐅᓇ ᒥᐊᕆᒥᒃ ᐊᓈᓇᖃᓐᖏᓚᖅ? ᖃᑕᓐᖑᑎᖏᓪᓗ ᐅᑯᐊᖑᓐᖏᓛᑦ ᔧᒥᓯ, ᔫᓯᐱ ᓮᒨᓂ, ᔫᑕᓯᓗ?

ᒫᑎᐅᓯᐅᑉ ᐊᒡᓚᖏᑦ 2:23

ᐃᒡᓗᒐᓴᖕᓄᑦ ᓈᓴᕇᑎᒥᒃ ᐊᑎᓕᖕᓄᑦ ᑎᑭᓐᓇᒥ, ᑕᕝᕙᓂ ᓄᓇᖃᓕᕐᐳᖅ, ᓇᓚᐅᑦᑍᔫᑦ ᐅᖃᐅᓯᕆᓯᒪᔭᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᓈᓴᕇᑎᒥᐅᑕᕐᒥᒃ ᑍᔭᐅᔪᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 21:11

ᐃᓄᒐᓴᒡᔪᐊᑦ ᐅᖃᕐᐳᑦ, “ᐅᓇ ᓇᓚᐅᑦᑍᔨ ᔩᓱᓯ ᓈᓴᕇᑎᒥᑦ ᒐᓕᓕᐊᒦᑦᑐᒥᑦ ᐱᔪᖅ.”

ᒫᑯᓯᐅᑉ ᐊᒡᓚᖏᑦ 14:67

ᑖᑦᓱᒪ ᐲᑦᑐᕉᓯ ᑕᑯᒐᒥᐅᒃ ᐃᑯᒪᔫᑉ ᓴᓂᐊᓂ ᐅᖅᑰᓯᑦᑎᕐᑎᓪᓗᒍ, ᑕᑯᓐᓇᓕᕋᒥᐅᒃ ᐅᖃᕐᐳᖅ, “ᐃᕝᕕᑦᑕᐅᖅ ᔩᓱᓯ ᓈᓴᕇᑎᒥᐅᖅ ᐃᓚᒋᓚᐅᕐᐸᑦ.”

ᒫᑯᓯᐅᑉ ᐊᒡᓚᖏᑦ 6:3

ᕿᔪᓕᕆᔨᐅᓐᖏᓛᖅ ᒥᐊᕆᐅᑉ ᐃᕐᓂᖓ ᖃᑕᓐᖑᑎᖏᓪᓗ ᔧᒥᓯ, ᔫᓯᓗ, ᔫᑕᓯᓗ, ᓮᒨᓂᓗ ᓇᔭᖏᓪᓗ ᓇᔪᕐᑎᒋᓐᖏᓚᕘᑦ?” ᑍᒤᒻᒪᑦ ᑲᒪᒋᔪᒪᔪᓐᓃᕐᐹᑦ.

ᓘᑲᓯᐅᑉ ᐊᒡᓚᖏᑦ 18:37

ᐅᖃᐅᑦᔭᐅᕗᖅ, “ᔩᓱᓯ ᓈᓴᕇᑎᒥᐅᖅ ᐊᖅᑯᓵᓕᕐᒪᑦ.”

ᓘᑲᓯᐅᑉ ᐊᒡᓚᖏᑦ 2:4

ᔫᓯᐱᑦᑕᐅᖅ ᓈᓴᕇᑎᒥᑦ ᐱᓪᓗᓂ ᒐᓕᓕᐊᒦᑦᑐᒥᑦ ᐱᑦᓕᐊᒧᐊᕆᕗᖅ ᔫᑎᐊᒦᑦᑐᒧᑦ, ᑍᕕᑎᐅᑉ ᐃᒡᓗᒐᓴᖏᓐᓄᑦ, ᐱᑦᓕᐊᒥᒃ ᐊᑎᓕᖕᒧᑦ, ᑕᕝᕗᓐᖓᓚᐅᕐᐳᖅ ᑍᕕᑎᐅᑉ ᑭᖑᕚᕆᖕᒪᒍ.

ᓘᑲᓯᐅᑉ ᐊᒡᓚᖏᑦ 2:48

ᐊᖓᔪᖅᑳᖏᒃᑕ ᑕᑯᒐᒥᑦᔪᒃ ᖁᐊᕐᓵᕈᑎᒋᕚᒃ; ᐊᓈᓇᖓᑕ ᐅᖃᐅᑎᕚ, “ᐃᕐᓃᒃ, ᓱᖕᒪᑦ ᑍᒤᓕᐅᕐᐱᑎᒎᒃ? ᑕᑯᒋᑦ, ᐊᑖᑍᓪᓗ ᕿᓂᓚᐅᕐᐸᑦᑎᒋᑦ ᐱᖏᒐᒻᒪᕆᒃᓗᓄᒃ.”

ᓘᑲᓯᐅᑉ ᐊᒡᓚᖏᑦ 24:27

ᔩᓱᓯᐅᑉ ᓇᓗᓁᕐᓯᕕᒋᑦᓯᐊᕐᐹᒃ ᐱᒋᐊᕐᓗᓂ ᒨᓯᓯᐅᑉ ᐊᒡᓚᖏᓐᓂᑦ ᓇᓚᐅᑦᑍᔪᓪᓗ ᐊᒡᓚᖏᓐᓂᑦ ᐊᒡᓚᓕᒫᑦ ᓇᓗᓁᔭᕐᐰᑦ ᐃᒻᒥᓂᒃ ᐅᖃᐅᓯᖃᕐᓯᒪᔪᓕᒫᑦ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᓘᑲᓯᐅᑉ ᐊᒡᓚᖏᑦ 3:23

ᔩᓱᓯ ᐱᓇᓱᐊᕆᐊᓯᑎᓪᓗᒍ 30 ᖃᓂᒋᔮᓂ ᐊᕐᕌᒍᖃᓕᓚᐅᕐᐳᖅ, ᑖᓐᓇ ᔫᓯᐱᐅᑉ ᐃᕐᓂᕆᕚ, ᐃᓄᐃᑦ ᐃᓱᒪᒋᔭᖏᑎᒍᑦ, ᔫᓯᐱ ᕼᐃᓕᐅᑉ ᐃᕐᓂᕆᕚ,

ᓘᑲᓯᐅᑉ ᐊᒡᓚᖏᑦ 4:22

ᐊᔪᖏᓐᓂᖓ ᐅᖃᐅᓯᕆᕚᑦ, ᑲᒪᓪᓗᑎᒃ ᐅᖃᕈᓐᓇᑦᓯᐊᕐᓂᖓᓂᒃ; ᐅᖃᕐᓗᑎᒃ, “ᐅᓇ ᔫᓯᐱᐅᑉ ᐃᕐᓂᕆᓐᖏᓚᐅᒃ?”

ᔪᐊᓇᓯᐅᑉ ᐊᒡᓚᖏᑦ 1:44

ᐱᓕᑉᐴᓯᓕ ᐱᑦᓮᑕᒥᐅᑕᐅᕗᖅ, ᐋᓐᑐᕉᒃᑯᒃ ᐲᑦᑐᕉᓯᒃᑯᒃ ᓄᓇᖓᓂᑦ.

ᔪᐊᓇᓯᐅᑉ ᐊᒡᓚᖏᑦ 12:21

ᑖᒃᑯᐊᓗ ᐱᓕᑉᐴᓯᒧᐊᕐᐳᑦ, ᑖᓐᓇ ᐱᑦᓮᑕᒥᑦ ᒐᓕᓕᐊᒦᑦᑐᒥᑦ ᐱᓯᒪᖕᒪᑦ, ᐅᖃᐅᑎᓪᓗᒍ, “ᔩᓱᓯᒥᒃ ᑕᑯᔪᒪᕗᒍᑦ.”

ᔪᐊᓇᓯᐅᑉ ᐊᒡᓚᖏᑦ 14:8

ᐱᓕᑉᐴᓯᐅᑉ ᐅᖃᐅᑎᕚ, “ᐊᑕᓃᖅ, ᐊᑖᑕ ᑕᑯᔭᐅᑎᒍᒃ ᐅᕙᑦᑎᓐᓄᑦ; ᓈᒻᒪᒃᓯᓂᐊᕐᐳᒍᑦ ᑕᕝᕙ.”

ᔪᐊᓇᓯᐅᑉ ᐊᒡᓚᖏᑦ 18:5

ᑖᒃᑯᐊ ᑭᐅᕚᑦ, “ᔩᓱᓯ ᓈᓴᕇᑎᒥᐅᖅ.” ᔩᓱᓯᐅᑉ ᐅᖃᐅᑎᕔᑦ, “ᑖᓐᓇᐅᕗᖓ.” ᔫᑕᓯᐅᑉ ᐱᔭᐅᑎᑦᓯᔫᑉ ᐃᓄᐃᑦ ᑖᒃᑯᐊ ᓇᖏᖃᑎᒋᕔᑦ.

ᔪᐊᓇᓯᐅᑉ ᐊᒡᓚᖏᑦ 18:7

ᑕᕝᕙ ᔩᓱᓯᐅᑉ ᐊᐱᕆᒃᑲᓐᓂᕐᐰᑦ, “ᑭᓇᒦᒃ ᕿᓂᕐᐱᓯ?” ᑖᒃᑯᐊ ᐅᖃᕐᐳᑦ, “ᔩᓱᓯ ᓈᓴᕇᑎᒥᐅᖅ.”

ᔪᐊᓇᓯᐅᑉ ᐊᒡᓚᖏᑦ 19:19

ᐰᓛᑑᓯ ᑎᑎᖅᑲᓂᒃ ᓂᐊᖁᐊᑕ ᖁᓛᓃᑦᑐᒃᓴᓂᒃ ᑎᑎᕋᕐᐳᖅ ᐃᓕᓪᓗᒋᓪᓗ ᓴᓐᓂᖓᔪᓕᖕᒧᑦ; ᐃᒫᒃ ᐅᖃᕐᓯᒪᔪᓂᒃ: “ᔩᓱᓯ ᓈᓴᕇᑎᒥᐅᖅ, ᔫᑎᑦ ᐊᖓᔪᖅᑳᕐᔪᐊᖓᑦ.”

ᔪᐊᓇᓯᐅᑉ ᐊᒡᓚᖏᑦ 21:2

ᑲᑎᓐᖓᓚᐅᕐᐳᑦ ᐅᑯᐊ ᓮᒨᓂ ᐲᑦᑐᕉᓯ, ᑑᒪᓯᓗ ᒪᕐᕈᓕᐊᕕᓂᕐᒥᒃ ᑍᔭᖅ, ᓈᑕᓁᓗ ᑬᓇᒥᑦ ᒐᓕᓕᐊᒦᑦᑐᒥᑦ ᐱᓯᒪᔪᖅ, ᓯᐱᑎᐅᓪᓗ ᐃᕐᓂᖏᒃ ᒪᕐᕉᒃ, ᐊᓯᖏᒡᓗ ᒪᕐᕉᒃ ᔩᓱᓯᐅᑉ ᐃᓕᓐᓂᐊᕐᑎᖏᒃ.

ᔪᐊᓇᓯᐅᑉ ᐊᒡᓚᖏᑦ 6:42

ᑕᕝᕙ ᐅᖃᕐᐳᑦ, “ᐅᓇ ᔩᓱᓯᐅᓐᖏᓛᖅ ᔫᓯᐱᐅᑉ ᐃᕐᓂᖓ ᐊᑖᑕᖓ ᐊᓈᓇᖓᓗ ᖃᐅᔨᒪᖏᓚᕗᑦ? ᖃᓄᐃᒻᒪᓪᓕᐅᓇ ᐅᖃᓕᕆᕙ ‘ᕿᓚᖕᒥᑦ ᑎᑭᓯᒪᕗᖓ’?”

ᔪᐊᓇᓯᐅᑉ ᐊᒡᓚᖏᑦ 6:5

ᔩᓱᓯ ᑕᑯᓴᕋᒥ, ᑕᑯᕗᖅ ᐃᓄᒐᓴᒡᔪᐊᓂᒃ ᕾᓕᕐᑐᓂᒃ ᐃᒻᒥᓄᑦ, ᐱᓕᑉᐴᓯᒧᑦ ᐅᖃᕐᐳᖅ, “ᖃᓄᕐᓕ ᓂᐅᕕᕈᓐᓇᕐᓂᐊᕐᐱᑖ ᐅᑯᐊ ᓂᕆᔭᒃᓴᖏᓐᓂᒃ?”

ᔪᐊᓇᓯᐅᑉ ᐊᒡᓚᖏᑦ 6:7

ᐱᓕᑉᐴᓯᐅᑉ ᑭᐅᕚ, “ᓯᐅᓪᕕᕆᓂᒃ 200 ᐅᖓᑖᓃᑦᑐᓂᒃ ᐊᑐᕆᐊᖃᕋᔭᕐᐳᒍᑦ ᑖᒃᑯᓂᖓ ᓂᕆᑎᑦᓯᓇᓱᒃᑯᑦᑕ ᒥᑭᔪᑯᓗᖕᒥᒡᓘᓐᓃᑦ ᐊᑐᓂᑦ ᐱᒐᓗᐊᕐᐸᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:38

ᔩᓱᓯ ᓈᓴᕇᑎᒥᐅᖅ ᒎᑎᐅᑉ ᑯᕝᕕᕆᓚᐅᕐᑕᖓ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᓐᓇᕐᓂᕐᒥᒡᓗ; ᑖᓐᓇ ᓇᒧᑐᐃᓐᓇᖅ ᐂᖃᑦᑕᓚᐅᕐᐳᖅ ᐱᐅᔪᓂᒃ ᐱᓇᓱᐊᕐᓗᓂ, ᐃᓅᓕᒃᓯᓪᓗᓂᓗ ᓵᑖᓇᓯᒧᑦ ᓵᓚᐅᓯᒪᔪᓂᒃ, ᒎᑎᐅᑉ ᐃᓚᒋᓚᐅᕐᒪᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 2:22

“ᐃᓴᕆᐊᓕᒥᐅᖑᔪᓯ, ᐅᑯᐊ ᐅᖃᐅᓰᑦ ᓈᓚᒃᓯᒋᒃ: ᔩᓱᓯ ᓈᓴᕇᑎᒥᐅᖅ, ᐱᔪᓐᓇᕐᓂᖃᕐᑎᑕᐅᓪᓗᓂ ᒎᑎᒥᑦ ᓇᓗᓇᖏᑦᑐᒥᒃ ᑕᑯᒃᓴᐅᓚᐅᕐᑐᖅ ᐃᓕᑦᓯᓐᓄᑦ ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ, ᒎᑎ ᐱᓇᓱᐊᓚᐅᕐᒪᑦ ᑖᑦᓱᒨᓇ, ᖃᐅᔨᒪᒐᑦᓯ ᑕᒪᑐᒥᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 22:8

ᐊᐱᕆᕙᕋ, ‘ᐊᑕᓃᖅ ᑭᓇᐅᕕᑦ?’ ᑭᐅᕚᖓᓗ, ‘ᔩᓱᓯᐅᕗᖓ ᓈᓴᕇᑎᒥᐅᖅ ᐊᑭᕋᕐᑐᕐᑍᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 26:9

“ᐅᕙᖓᑦᑕᐅᖅ ᐃᓱᒪᖃᓚᐅᕐᐳᖓ ᔩᓱᓯ ᓈᓴᕇᑎᒥᐅᖅ ᐊᑭᕋᕐᑐᕈᒪᓪᓗᒍ ᐊᔪᓐᖏᑕᓕᒫᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:6

ᐲᑦᑐᕉᓯᐅᑉ ᐅᖃᐅᑎᕚ, “ᑮᓇᐅᔭᖃᓐᖏᓚᖓ, ᐱᒋᔭᓐᓂᒡᓕ ᑐᓂᓯᕝᕕᒋᕙᒋᑦ; ᔩᓱᓯ ᙭ᔅᑑᓯᐅᑉ ᓈᓴᕇᑎᒥᐅᑉ ᐊᑎᖓᓂ ᐅᖃᐅᑎᕙᒋᑦ, ᐱᓱᒋᑦ.”