ᔪᐊᓇᓯᐅᑉ ᐊᒡᓚᖏᑦ 1:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᔫᑎᑦ ᐊᖓᔪᖅᑳᖏᑦ ᔨᕉᓴᓕᒻᒦᑦᑐᑦ ᑐᓂᕐᕈᓯᕐᑎᑦᓯᔨᓂᒃ ᓕᕔᑎᓂᒡᓗ ᔪᐊᓇᓯᒥᒃ ᐊᐱᕆᔭᕐᑐᖁᔨᕗᑦ, ᐃᒫᒃ “ᑭᓇᐅᕖᑦ?”

Aglait Ijjurnaittut

¹⁹ Juutit angajuqqaangit Jiruusalimmiittut tunirrusiqtitsijinik Livaitiniglu Juanasimik apirijaqtuqujivut, imaak “Kinauvit?”

ᔪᐊᓇᓯᐅᑉ ᐊᒡᓚᖏᑦ 1:19 Iomraidhean Croise

ᔪᐊᓇᓯᐅᑉ ᐊᒡᓚᖏᑦ 1:7

ᑖᓐᓇ ᑎᑭᓚᐅᕐᐳᖅ ᐅᖃᐅᓯᖃᕆᐊᕐᑐᕐᓗᓂ, ᖃᐅᒪᔪᒥᒃ ᓇᓗᓁᕐᓯᔭᕐᑐᕐᓗᓂ, ᐃᓘᓐᓇᑎᒃ ᑖᑦᓱᒨᓇ ᐅᒃᐱᓕᕐᑎᑕᐅᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 10:24

ᔫᑎᑦ ᔩᓱᓯ ᐊᕙᓗᕚᑦ ᐅᖃᐅᑎᓪᓗᒍ, “ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᐅᖃᕐᑍᓕᒪᓂᐊᕐᐲᑦ? ᐅᖃᐅᑎᑦᓯᐊᓚᐅᕐᑎᒍᑦ ᓱᓕᑦᓯᐊᕐᓗᑎᑦ ᙭ᔅᑑᓯᐅᖕᒪᖔᕐᐱᑦ.”

ᔪᐊᓇᓯᐅᑉ ᐊᒡᓚᖏᑦ 10:31

ᑕᕝᕙ ᔫᑎᑦ ᐅᔭᖅᑲᓂᒃ ᑎᒍᓯᒋᕗᑦ ᔩᓱᓯ ᒥᓪᓗᕈᒪᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 11:19

ᔫᑎᓪᓗ ᐊᒥᓱᑦ ᐅᐸᒍᑎᓯᒪᓚᐅᕐᐳᑦ ᒫᑕᒥᒃ ᒥᐊᕆᒥᒡᓗ ᐃᑲᔪᕐᓯᕆᐊᕐᑐᕈᒪᓪᓗᑎᒃ ᐊᓂᖓᑦᑕ ᐃᓅᔪᓐᓃᕐᓂᖓ ᐱᑦᔪᑎᒋᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 2:18

ᑕᕝᕙ ᔫᑎᑦ ᐊᖓᔪᖅᑳᖏᑕ ᐅᖃᐅᑎᕚᑦ, “ᖃᓄᖅ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᓐᓇᕐᐲᑦ ᐅᕙᑦᑎᓐᓄᑦ ᑍᒤᓕᐅᕈᓐᓇᕐᓂᕐᓄᑦ?”

ᔪᐊᓇᓯᐅᑉ ᐊᒡᓚᖏᑦ 2:20

ᑕᕝᕙ ᔫᑎᑦ ᐅᖃᕐᐳᑦ, “ᐅᓈ ᑐᒃᓯᐊᕐᕕᒡᔪᐊᖅ ᓴᓇᔭᐅᓯᒪᔪᖅ ᐊᕐᕌᒍᓂᒃ 46ᓂᒃ, ᓇᑉᐸᕐᑎᑦᓱᓐᓇᕐᐱᐅᒃ ᐅᓪᓗᓂᒃ ᐱᖓᓱᓂᒃ?”

ᔪᐊᓇᓯᐅᑉ ᐊᒡᓚᖏᑦ 5:10

ᑕᕝᕙ ᔫᑎᑦ ᐊᖓᔪᖅᑳᖏᑕ ᐊᖑᑦ ᐋᖅᑭᒃᑕᐅᕋᑖᕐᑐᖅ ᐅᖃᐅᑎᕚᑦ, “ᐅᓪᓗᒥ ᓴᐸᑎᐅᕗᖅ, ᐱᖁᔭᑦᑎᓐᓂᒃ ᓈᓚᓐᖏᓚᑎᑦ ᓇᓚᕖᑦ ᐊᒡᔭᕋᕕᐅᒃ.”

ᔪᐊᓇᓯᐅᑉ ᐊᒡᓚᖏᑦ 5:15

ᐊᖑᑦ ᑕᕝᕙᓐᖓᑦ ᕿᒪᕉᑎᒐᒥ ᔫᑎᑦ ᐊᖓᔪᖅᑳᖏᑦ ᐅᖃᐅᑎᕔᑦ, ᐋᖅᑭᒃᓯᓚᐅᕐᑐᖅ ᔩᓱᓯᐅᓂᖓᓂᒃ.

ᔪᐊᓇᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᔫᑎᑦ ᔩᓱᓯ ᐊᑭᕋᕐᑐᓕᕐᐹᑦ, ᐋᖅᑭᒃᓯᓚᐅᕐᒪᑦ ᓴᐸᑎᐅᑎᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 5:18

ᑍᒤᒻᒪᑦ ᔫᑎᑦ ᐊᖓᔪᖅᑳᖏᑕ ᔩᓱᓯ ᑐᖁᑕᐅᕕᒃᓴᕐᓯᐅᒃᑲᓐᓂᓕᕐᐹᑦ, ᓴᐸᑎᒥ ᐱᖁᔭᒥᒃ ᓈᓚᓚᐅᖏᓐᓂᖓ ᐱᑦᔪᑎᒋᑐᐃᓐᓇᕐᓇᒍ, ᐅᖃᕐᓯᒪᓂᖓᓄᓪᓕ ᒎᑎᒥᒃ ᓇᖕᒥᓂᕆᓪᓗᒍ ᐊᑖᑕᖃᕐᓂᕋᕐᒪᑦ, ᒎᑎᒥᒃ ᐃᒻᒥᓂᒃ ᑍᒤᓪᓗᐊᖃᕐᑎᖃᕋᓱᖕᓂᕋᕐᖢᓂᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 6:41

ᔫᑎᓪᓕ ᐊᑲᐅᒃᓴᕈᓐᓃᕐᐳᑦ ᑖᑦᓱᒥᖓ, ᐅᖃᕐᓂᖓ ᐱᓪᓗᒍ, “ᐅᕙᖓ ᓂᐊᖂᔭᐅᕗᖓ ᕿᓚᖕᒥᑦ ᑎᑭᓯᒪᔪᖅ.”

ᔪᐊᓇᓯᐅᑉ ᐊᒡᓚᖏᑦ 6:52

ᑕᕝᕙ ᔫᑎᑦ ᐃᒻᒥᖕᓄᑦ ᐊᑭᕋᕐᑑᑎᓕᕐᐳᑦ, ᐅᖃᕐᓗᑎᒃ, “ᖃᓄᖅ ᐆᒪ ᑎᒥᒥᓂᒃ ᓂᕆᑎᑦᓱᒪᕚᑎᒎᑦ?”

ᔪᐊᓇᓯᐅᑉ ᐊᒡᓚᖏᑦ 7:1

ᑕᒪᑐᒪ ᑭᖑᕐᖓᒍᑦ ᔩᓱᓯ ᒐᓕᓕᐊᒃᑯᑦ ᐃᖏᕐᕋᕗᖅ; ᔫᑎᐊᒃᑯᓪᓕ ᐃᖏᕐᕋᔪᒪᓐᖏᓚᖅ, ᔫᑎᑦ ᐊᖓᔪᖅᑳᖏᑕ ᑐᖁᑦᓱᒪᖕᒪᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 7:11

ᔫᑎᑦ ᐊᖓᔪᖅᑳᖏᑕ ᕿᓂᕋᓗᐊᕐᐹᑦ ᓇᓪᓕᐅᓐᓂᕐᓯᐅᕐᑐᓂ, ᐅᖃᕐᓗᑎᒃ, “ᓇᐅᒡᓕ ᔩᓱᓯ?”

ᔪᐊᓇᓯᐅᑉ ᐊᒡᓚᖏᑦ 7:15

ᔫᑎᑦ ᐊᖓᔪᖅᑳᖏᑦ ᑲᒪᔪᐊᓘᓕᕐᐳᑦ ᐅᖃᕐᓗᑎᒃ, “ᖃᓄᐊᓗᖑᓇ ᖃᐅᔨᒪᔪᐊᓘᓕᕐᐹ ᐃᓕᓐᓂᐊᕐᕕᖕᒥ ᐃᓕᓐᓂᐊᓚᐅᕐᓯᒪᓇᓃ?”

ᔪᐊᓇᓯᐅᑉ ᐊᒡᓚᖏᑦ 8:22

ᑕᕝᕙ ᔫᑎᑦ ᐅᖃᕐᐳᑦ, “ᐅᐸᖕᓂᐊᕐᑕᖓᓄᒡᒎᖅ ᐂᔪᓐᓇᖏᓐᓇᑦᑕ, ᐅᓈ ᐃᒻᒥᓂᒃ ᑐᖁᑦᓱᒪᓕᕋᒥ ᑍᒫᒃ ᐅᖃᕐᐸ?”

ᔪᐊᓇᓯᐅᑉ ᐊᒡᓚᖏᑦ 8:48

ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᕐᑎᓪᓗᑕ ᓴᒥᐊᕆᐊᕐᒥᐅᑕᐅᕗᑎᑦ ᐊᓂᕐᓂᕐᓗᖕᒥᒡᓗ ᐃᓗᒻᒥᕐᑕᐅᓯᒪᓪᓗᑎᑦ?”

ᔪᐊᓇᓯᐅᑉ ᐊᒡᓚᖏᑦ 8:52

ᑕᕝᕙ ᔫᑎᑦ ᐅᖃᐅᑎᕚᑦ, “ᒫᓐᓇ ᖁᓚᕐᓇᖏᑦᑐᒥᒃ ᑐᑭᓯᕗᒍᑦ ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᒐᕕᑦ. ᐂᑉᕋᕼᐋᒻ ᑐᖁᓚᐅᕐᐳᖅ, ᓇᓚᐅᑦᑍᔪᓪᓗ ᑐᖁᓚᐅᕆᕗᑦ; ᐃᕝᕕᓪᓕ ᐅᖃᕐᐳᑎᑦ, ‘ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ ᑖᓐᓇ ᑐᖁᓂᐊᓐᖏᓚᖅ.’

ᔪᐊᓇᓯᐅᑉ ᐊᒡᓚᖏᑦ 8:57

ᑕᕝᕙ ᔫᑎᑦ ᐅᖃᐅᑎᕚᑦ, “50ᓂᒡᓘᓐᓃᑦ ᓱᓕ ᐊᕐᕌᒍᖃᓐᖏᓚᑎᑦ, ᐂᑉᕋᕼᐋᒻᓗ ᑕᑯᓚᐅᕐᓯᒪᕕᐅᒃ?”

ᐋᐴᓯᑕᓖᑦ ᐱᓂᐊᕐᓂᖏᑦ 13:25

ᔪᐊᓇᓯ ᐱᔭᕇᓕᕋᒥ ᐱᔭᒃᓴᒥᓂᒃ ᐅᖃᓚᐅᕐᐳᖅ, ‘ᐃᓕᑦᓯ ᑭᓇᐅᓇᓱᒋᕕᓯᓐᖔ? ᑖᓐᓇᐅᓐᖏᓚᖓ ᐅᑕᖅᑭᔭᓯ. ᑕᑯᒋᑦ ᑭᖑᓂᒃᑯᑦ ᕾᓂᐊᕐᐳᖅ, ᓇᓗᖅᑯᑎᕗᖓᓘᓐᓃᑦ ᐃᑎᒐᒍᑎᖏᒃᑕ ᓯᖏᖏᓐᓂᒃ ᕿᓚᕈᑦᔮᕐᓯᔭᕆᐊᒃᓴᖅ.’

ᐋᐴᓯᑕᓖᑦ ᐱᓂᐊᕐᓂᖏᑦ 19:4

ᐸᐅᓗᓯ ᐅᖃᕐᐳᖅ, “ᔪᐊᓇᓯᐅᑉ ᐹᑉᑎᑦᓯᑦᔪᑖ ᐊᑐᓚᐅᕐᐳᖅ ᐃᓄᖕᓄᑦ ᐱᐅᖏᑦᑐᓕᓂᕐᒥᖕᓂᒃ ᖃᕿᐊᓕᕈᒪᔪᓄᑦ; ᐅᖃᐅᑎᓪᓗᒋᓪᓗ ᐃᓄᐃᑦ ᐅᒃᐱᖁᓪᓗᒋᑦ ᑭᖑᓂᕐᒥᒍᑦ ᕾᓂᐊᕐᑐᒧᑦ, ᑕᕝᕙ ᔩᓱᓯᒧᑦ.”

ᒨᓯᓯ ᑕᓪᓕᒪᖏᑦ 24:8

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐋᓐᓂᐊᕐᑖᕋᔭᕈᑦᓯ ᐸᕐᑎᕐᓂᕐᒥᒃ, ᐊᑐᑦᓯᐊᕆᐊᖃᕋᔭᕐᐳᓯ ᓕᕔᑎᒃᑯᑦ ᑐᓂᕐᕈᓯᕐᑎᑦᓯᔩᑦ ᐱᖁᔨᑦᔪᑎᖏᓐᓂᒃ ᑕᒤᓐᓂᒃ ᐃᓕᑦᓯᓐᓄᑦ; ᐱᖁᔨᑦᔪᑎᒋᓯᒪᔭᓐᓂᒃ ᑖᒃᑯᓄᖓ, ᐃᓘᓐᓇᖏᓐᓂᒃ ᒪᓕᒃᑐᒃᓴᐅᕗᓯ.

ᔪᐊᓇᓯ ᓯᕗᓪᓖᑦ 1:5

ᑕᒪᑦᔭ ᐅᖃᐅᓯᖅ ᑖᑦᓱᒪᓐᖓᑦ ᑐᓴᕐᓯᒪᔭᕗᑦ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᒎᑎ ᖃᐅᒪᔫᖕᒪᑦ ᑖᑦᓱᒪᓂᓗ ᑖᕐᑐᖃᓐᖏᓚᖅ.