ᔪᐊᓇᓯᐅᑉ ᐊᒡᓚᖏᑦ 1:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

Aglait Ijjurnaittut

¹⁴ Uqausiq timitaalauqpuq inuuqatigililauqpavullu, niqturnarnirjuanga takulauqpavut, niqturnarnirjuaq Ataatamit pisimajanga Irnituangunirminut; pitsiarningata pijunnaqtitsininganik sulitsiarnirmiglu tatattuq.

ᔪᐊᓇᓯᐅᑉ ᐊᒡᓚᖏᑦ 1:14 Iomraidhean Croise

ᐃᓐᖏᕈᑎᑦ 2:7

ᐊᑕᓂᐅᑉ ᐱᖁᔭᖓ ᐅᖃᐅᓯᕆᔪᒪᕙᕋ: ᐅᕙᓐᓄᑦ ᐅᖃᕐᒪᑦ, “ᐃᕐᓂᕆᕙᒋᑦ ᐅᓪᓗᒥ ᐃᕐᓂᕐᑖᕆᕙᒋᑦ.

ᐃᓐᖏᕈᑎᑦ 45:2

ᐊᖑᑎᓕᒫᓂᑦ ᐊᖑᑎᑦᓯᐊᖑᓂᕐᐹᖑᕗᑎᑦ; ᐱᑦᓯᐊᕈᓐᓇᕐᓂᖅ ᑯᕕᔭᐅᓯᒪᕗᖅ ᖃᓂᕐᓄᑦ; ᑍᒤᒻᒪᑦ ᒎᑎᐅᑉ ᓮᒻᒪᕐᑎᑉᐹᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 85:9

ᐄᓛᒃ ᑖᑦᓱᒪ ᐱᐅᓕᔭᐅᕕᒃᓴᖃᕐᑎᑦᓯᓂᖓ ᐊᑐᐃᓐᓇᐅᕗᖅ ᓯᕘᕋᔪᓄᑦ ᑖᑦᓱᒥᖓ, ᓂᕐᑐᕐᓇᕐᓂᖅ ᐃᓂᖃᕈᓐᓇᖁᓪᓗᒍ ᓄᓇᑦᑎᓐᓂ.

ᐂᓮᐊᓯᐅᑉ ᐊᒡᓚᖏᑦ 40:5

ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑦᓱᒫᕐᐳᖅ, ᐃᓄᓕᒫᓪᓗ ᐃᓘᓐᓇᖓ ᑕᑯᔪᒫᕐᐹᑦ, ᐊᑕᓂᐅᑉ ᖃᓂᕐᒥᒍᑦ ᑕᒪᓐᓇ ᐅᖃᐅᓯᕆᖕᒪᒍ.”

ᐂᓮᐊᓯᐅᑉ ᐊᒡᓚᖏᑦ 53:2

ᐱᕈᕐᓴᓚᐅᕐᐳᖅ ᑖᑦᓱᒪ ᓵᖓᓂ ᐱᕈᕐᓯᐊᑎᑐᑦ ᐱᕈᕐᐸᓪᓕᐊᓕᓵᕐᑐᑎᑐᑦ, ᐊᒫᑐᓪᓗ ᓴᖅᑭᑉᐸᓪᓕᐊᓪᓗᓂ ᓄᓇᒥ ᐸᓂᕐᑐᒥ; ᑕᐅᑦᑐᖓ ᐃᒃᐱᖕᓇᖏᒻᒪᑦ ᐱᔪᒥᓇᕐᑐᑎᑐᓪᓗ ᑕᐅᑦᑐᖃᖏᒻᒪᑦ ᑕᑯᔪᒪᓚᐅᓐᖏᓚᕗᑦ; ᑕᑯᒥᓇᕐᓂᖃᖏᒻᒪᑦ ᐱᔪᒪᓚᐅᓐᖏᓚᕗᑦ.

ᐂᓮᐊᓯᐅᑉ ᐊᒡᓚᖏᑦ 7:14

ᑍᒤᒻᒪᑦ, ᐊᑕᓂᐅᑉ ᓇᖕᒥᓂᖅ ᓇᓗᓁᒃᑯᑕᒃᓴᒥᒃ ᑐᓂᓯᕕᒋᔪᒫᕐᐹᓯ: ᑕᑯᒋᑦ, ᐊᕐᓇᖅ ᐃᓅᓱᒃᑐᖅ ᓄᑕᕋᒃᓴᕐᑖᕈᒫᕐᐳᖅ ᐃᕐᓂᕐᑖᕆᔭᓂᓗ ᐊᑦᓯᕈᒫᕐᐹ ᐃᒪᓐᔪᐃᓕᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 37:27

ᑖᒃᑯᓇᓂ ᐃᓂᖃᕈᒫᕐᐳᖓ; ᑖᒃᑯᓄᖓᓗ ᒎᑎᒋᔭᐅᓗᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᒫᑎᐅᓯᐅᑉ ᐊᒡᓚᖏᑦ 1:16

ᔧᑰᑉ ᐃᕐᓂᕐᑖᕆᕚ ᔫᓯᐱ ᒥᐊᕆᐅᑉ ᐅᐃᖓ, ᑖᑦᓱᒪ ᐃᕐᓂᕐᑖᕆᕚ ᔩᓱᓯ, ᑖᓐᓇ ᙭ᔅᑑᓯᒥᒃ ᑍᔭᐅᔪᖅ.

ᓘᑲᓯᐅᑉ ᐊᒡᓚᖏᑦ 2:11

ᐅᓪᓗᒥ ᑕᕝᕙ ᐱᐅᓕᔨ ᐊᑕᓂᖅ ᙭ᔅᑑᓯ ᐃᕐᓂᐊᖑᖕᒪᑦ ᑍᕕᑎᐅᑉ ᐃᒡᓗᒐᓴᖏᓐᓂ.

ᓘᑲᓯᐅᑉ ᐊᒡᓚᖏᑦ 2:7

ᑕᕝᕙᓂ ᓄᑕᕋᕐᑖᕆᐅᕈᑎᒥᓂᒃ ᐃᕐᓂᕐᑖᕐᐳᖅ, ᐊᓐᓄᕌᓂᒃ ᐃᒻᒧᓯᕐᐹ, ᐆᒪᔪᐃᑦ ᓂᕆᕕᖓᓄᑦ ᐃᓕᓪᓗᒍ, ᓯᓂᒃᑕᕐᕕᖕᒥ ᐃᓂᒃᓴᖃᖏᓐᓇᒥᒃ.

ᓘᑲᓯᐅᑉ ᐊᒡᓚᖏᑦ 9:32

ᐲᑦᑐᕉᓯ ᐃᓚᖏᓪᓗ ᐅᐃᕐᖓᕐᓂᕐᒧᑦ ᓯᓂᓚᐅᕐᐳᑦ, ᐃᖅᑯᒻᒪᕋᒥᒃ ᔩᓱᓯᐅᑉ ᓂᕐᑐᕐᓇᕐᓂᕐᔪᐊᖓ ᑕᑯᕚᑦ ᐊᖑᑏᒡᓗ ᒪᕐᕉᒃ ᓇᖏᖃᑎᒋᔭᖏᒃ.

ᔪᐊᓇᓯᐅᑉ ᐊᒡᓚᖏᑦ 1:1

ᐱᒋᐊᕐᓂᕐᒥ ᐅᖃᐅᓯᖅ ᑕᕝᕙᓃᓚᐅᕐᐳᖅ, ᐅᖃᐅᓯᕐᓗ ᒎᑎᒦᓚᐅᕐᐳᖅ, ᐅᖃᐅᓯᕐᓗ ᒎᑎᐅᕗᖅ.

ᔪᐊᓇᓯᐅᑉ ᐊᒡᓚᖏᑦ 11:40

ᔩᓱᓯᐅᑉ ᐅᖃᐅᑎᕚ, “ᐅᖃᐅᑎᓚᐅᓐᖏᓚᒌᑦ ᐅᒃᐱᕈᕕᑦ ᒎᑎᐅᑉ ᓂᕐᑐᕐᓇᕐᓂᕐᔪᐊᖓ ᑕᑯᔪᓐᓇᕋᕕᐅᒃ?”

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 14:9

ᔩᓱᓯᐅᑉ ᐅᖃᐅᑎᕚ, “ᐊᑯᓂᐊᓗᒃ ᓇᔪᓕᕐᐸᑦᓯ, ᓱᓕ ᖃᐅᔨᒪᓐᖏᓚᕐᒪ ᐱᓕᑉᐴᓯ? ᐅᕙᓐᓂᒃ ᑕᑯᓯᒪᔫᑉ ᐊᑖᑕ ᑕᑯᓯᒪᒋᕚ; ᓱᖕᒪᓪᓖ ᐅᖃᕐᐱᑦ, ‘ᐊᑖᑕ ᑕᑯᔭᐅᑎᒍᒃ ᐅᕙᑦᑎᓐᓄᑦ’?

ᔪᐊᓇᓯᐅᑉ ᐊᒡᓚᖏᑦ 17:22

ᓂᕐᑐᕐᓇᕐᓂᖅ ᐅᕙᓐᓄᑦ ᑐᓂᓚᐅᕐᑍᑦ ᑐᓂᓚᐅᕐᐸᕋ ᑖᒃᑯᓄᖓ, ᑖᒃᑯᐊ ᐊᑕᐅᓯᐅᖁᓪᓗᒋᑦ ᐅᕙᑦᑎᑐᑦ,

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᔪᐊᓇᓯᐅᑉ ᐊᒡᓚᖏᑦ 18:37

ᑕᕝᕙ ᐰᓛᑑᓯᐅᑉ ᐊᐱᕆᕚ, “ᑕᕝᕚ ᐊᖓᔪᖅᑳᕐᔪᐊᖑᕕᑦ?” ᔩᓱᓯᐅᑉ ᑭᐅᕚ, “ᐃᕝᕕᑦ ᐊᖓᔪᖅᑳᕐᔪᐊᖑᓂᕋᕐᐸᕐᒪ. ᑕᒪᓐᓇ ᐱᑦᔪᑎᒋᓪᓗᒍ ᐃᓅᓚᐅᕐᐳᖓ, ᓯᓚᕐᔪᐊᕐᒧᓪᓗ ᑎᑭᓪᓗᖓ, ᓱᓕᔪᒥᒃ ᓇᓗᓁᕐᓯᔭᕐᑐᕐᓗᖓ. ᓱᓕᔪᒦᑦᑐᓕᒫᑦ ᑐᓴᕐᐹᖓ.”

ᔪᐊᓇᓯᐅᑉ ᐊᒡᓚᖏᑦ 2:11

ᑕᒪᑦᔭ ᔩᓱᓯᐅᑉ ᓇᓗᓁᒃᑯᑕᖏᑕ ᓯᕗᓪᓕᕐᐹᖓᑦ, ᐱᓂᐊᕐᓂᕆᓚᐅᕐᑕᖓ ᑬᓇᒥ ᒐᓕᓕᐊᒦᑦᑐᒥ, ᑕᕝᕙᓂ ᓂᕐᑐᕐᓇᕐᓂᕐᔪᐊᓂ ᓴᖅᑭᑎᓚᐅᕐᐹ; ᐃᓕᓐᓂᐊᕐᑎᖏᑕᓗ ᐅᒃᐱᕆᕚᑦ.

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 3:18

“ᓇᓪᓕᐊᑦ ᑖᑦᓱᒧᖓ ᐅᒃᐱᕐᑐᑦ ᐃᖅᑲᕐᑐᕐᑕᐅᓐᖏᓚᑦ; ᓇᓪᓕᐊᓪᓕ ᑖᑦᓱᒧᖓ ᐅᒃᐱᖏᑦᑐᑦ ᐃᖅᑲᕐᑐᕐᑕᐅᓕᕇᕐᐳᑦ, ᒎᑎᐅᑉ ᐃᕐᓂᑐᐊᖓᑕ ᐊᑎᖓᓄᑦ ᐅᒃᐱᖏᓐᓇᒥᒃ.

ᔪᐊᓇᓯᐅᑉ ᐊᒡᓚᖏᑦ 6:51

ᐅᕙᖓ ᓂᐊᖂᔭᐅᕗᖓ ᐆᒪᔪᖅ ᕿᓚᖕᒥᑦ ᐱᓯᒪᔪᖅ; ᑭᓇᑐᐃᓐᓇᖅ ᑕᕝᕙᓐᖓᑦ ᓂᐊᖂᔭᑐᕐᑐᖅ, ᐃᓅᓯᖃᓕᕐᓂᐊᕐᐳᖅ ᐃᓱᖃᖏᑦᑐᒧᑦ; ᓂᐊᖂᔭᕐᓗ ᑐᓂᓂᐊᕐᑕᕋ ᐃᓅᓯᖃᓕᕐᑎᑦᑎᔪᓇᕐᐳᖅ ᓯᓚᕐᔪᐊᕐᒥᐅᓂᒃ, ᑖᓐᓇ ᑕᑉᕙ ᑎᒥᒐ.”

ᔪᐊᓇᓯᐅᑉ ᐊᒡᓚᖏᑦ 8:32

ᓱᓕᔪᖅ ᖃᐅᔨᓂᐊᕐᐸᓯ, ᓱᓕᔫᓪᓗ ᕿᓚᕈᑦᔮᕐᓂᐊᕐᐹᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:33

ᑕᒪᓐᓇ ᐱᓇᓱᐊᕇᓚᐅᕐᐹ ᐅᕙᑦᑎᓐᓄᑦ ᑭᖑᕚᖑᔪᓄᑦ ᔩᓱᓯ ᐆᒻᒪᕐᑎᓐᓇᒥᐅᒃ; ᐅᕙᓂ ᑎᑎᕋᕐᓯᒪᖕᒪᑦ ᐃᓐᖏᕈᒻᒥ 2ᒥ, ‘ᐃᕐᓂᕆᕙᒋᑦ, ᐅᓪᓗᒥ ᐃᕐᓂᕐᑖᕆᕙᒋᑦ.’

ᕉᒪᒥᐅᓄᑦ 8:3

ᒎᑎ ᐱᓂᐊᕐᓯᒪᖕᒪᑦ ᐱᖁᔧᑦ ᐊᔪᕐᑕᖓᓂᒃ, ᑎᒥᐅᑉ ᐃᓕᖅᑯᓯᖓᓄᑦ ᓴᓐᖐᓕᑎᑕᐅᓯᒪᔪᓂᒃ, ᐃᕐᓂᓂ ᓇᖕᒥᓂᓂ ᑎᓕᓚᐅᕐᒪᒍ ᐃᓄᒃ ᐊᔪᕐᓂᓕᒃ ᐊᑦᔨᒋᓕᕐᓗᒍ ᐊᔪᕐᓂᒧᑦ ᑐᓂᕐᕈᑎᒃᓴᐅᖁᓪᓗᒍ, ᑍᒤᒻᒪᑦ ᐃᒋᑕᒃᓴᓐᖑᕐᑎᓚᐅᕐᐹ ᐃᓅᑉ ᐊᔪᕐᓂᖓ.

ᕉᒪᒥᐅᓄᑦ 9:5

ᑭᖑᕚᕆᔭᐅᕗᑦ ᐱᒋᐊᕐᕕᐅᓚᐅᕐᑐᓄᑦ ᓯᕗᓕᕕᓂᑦᑎᓐᓄᑦ, ᔫᑎᐅᓪᓗᑎᒡᓗ, ᙭ᔅᑑᓯᐅᑉ ᑎᒥᑖᕐᓂᖓᓄᑦ ᐃᓅᖃᑎᒋᔭᐅᕗᑦ. ᑖᓐᓇ ᒎᑎᐅᔪᖅ ᑕᒤᓐᓄᑦ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:47

ᐃᓄᒃ ᓯᕗᓪᓕᖅ ᓄᓇᕐᔪᐊᒥᑦ ᐱᓯᒪᕗᖅ, ᐃᑦᔪᒥᑦ ᐱᓪᓗᓂ; ᐃᓄᒡᓕ ᑭᖑᓪᓕᖅ ᕿᓚᖕᒥᑦ ᐱᓯᒪᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:9

ᐅᖃᐅᑎᓚᐅᕐᐹᖓᓕ, “ᐱᑦᓯᐊᕐᓂᕐᒪ ᐱᔪᓐᓇᕐᑎᑦᓯᓂᖓ ᐃᓕᖕᓄᑦ ᓈᒻᒪᒃᐳᖅ; ᐱᔪᓐᓇᕐᓂᕋ ᓈᒻᒪᒃᑎᑕᐅᕙᖕᒪᑦ ᓴᓐᖐᑦᑐᓂ.” ᑍᒤᒻᒪᑦ ᖁᕕᐊᓱᒡᓗᖓ ᓴᓐᖐᓐᓂᕋ ᓂᕐᑑᑎᒋᔪᒪᓂᕐᓴᕆᕙᕋ, ᙭ᔅᑑᓯᐅᑉ ᐱᔪᓐᓇᕐᓂᖓ ᐅᕙᓐᓂ ᐃᓂᖃᖁᓪᓗᒍ.

ᒐᓔᑎᐊᒥᐅᓄᑦ 4:4

ᓇᓪᓕᐅᑦᑐᕐᓕ ᓈᒻᒪᓈᑦᓯᐊᕐᑐᖅ ᓇᓪᓕᐅᑎᖕᒪᑦ, ᒎᑎᐅᑉ ᐃᕐᓂᓂ ᑎᓕᓚᐅᕐᐹ, ᐊᕐᓇᒧᑦ ᐃᕐᓂᐊᖑᓪᓗᓂ, ᐱᖁᔭᓄᑦ ᐊᐅᓚᑕᐅᓪᓗᓂ,

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᑯᓘᓯᐊᒥᐅᓄᑦ 1:19

ᑖᑦᓱᒪᓂ ᒎᑎᐅᓂᓂ ᐊᑕᖏᕐᓗᒍ ᖁᕕᐊᒋᓚᐅᕐᐹ ᐃᓂᒋᓗᒍ,

ᑯᓘᓯᐊᒥᐅᓄᑦ 2:3

ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.

ᑯᓘᓯᐊᒥᐅᓄᑦ 2:9

ᒎᑎᐅᑉ ᐃᓕᖅᑯᓯᖓ ᑕᒪᒃᑭᑦᓯᐊᕐᓗᓂ ᙭ᔅᑑᓯᒦᒻᒪᑦ ᑎᒥᖃᕐᓗᓂ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᐄᑉᕈᐃᓄᑦ 1:5

ᒎᑎ ᐂᖏᓖᑦ ᓇᓪᓕᐊᓐᓄᑦ ᐅᖃᓚᐅᕐᓯᒪᖏᒻᒪᑦ, “ᐃᕐᓂᕆᕙᒋᑦ, ᐅᓪᓗᒥ ᐃᕐᓂᕐᑖᕆᕙᒋᑦ.” ᐅᖃᓚᐅᕐᓯᒪᖏᓐᓂᕗᕐᓗ ᐂᖏᓕᓄᑦ, “ᐊᑖᑕᒋᓂᐊᕐᐹᖓ, ᐅᕙᖓᓗ ᐃᕐᓂᕆᓂᐊᕐᐸᕋ.”

ᐄᑉᕈᐃᓄᑦ 10:5

ᑍᒤᒻᒪᑦ, ᙭ᔅᑑᓯ ᓯᓚᕐᔪᐊᕐᒧᑦ ᑎᑭᓐᓇᒥ, ᐅᖃᓚᐅᕐᐳᖅ: “ᐆᒪᔪᐃᑦ ᑐᖁᑕᐅᓂᖏᓐᓂᒃ ᑐᓂᕐᕈᓯᕐᓂᕐᒥᒡᓗ ᐱᔪᒪᓐᖏᓚᑎᑦ, ᑎᒥᒥᒡᓕ ᐊᑐᐃᓐᓇᕈᐃᓚᐅᕐᐳᑎᑦ ᐅᕙᓐᓄᑦ;

ᐄᑉᕈᐃᓄᑦ 2:11

ᐃᑦᔪᕐᓁᑦᑐᓐᖑᕐᑎᑦᓯᔪᖅ ᐃᑦᔪᕐᓁᑎᑕᐅᔪᓪᓗ ᑕᒪᕐᒥᒃ ᐊᑕᐅᓯᕐᒥᒃ ᐊᑖᑕᖃᕐᐳᑦ. ᑕᒪᓐᓇ ᐱᓪᓗᒍ ᔩᓱᓯ ᑲᓐᖑᓱᓚᐅᓐᖏᓚᖅ ᐅᒃᐱᖃᑎᒥᓂᒃ ᑍᓗᒋᑦ.

ᐄᑉᕈᐃᓄᑦ 5:5

ᑍᒫᒃᑕᐅᖅ ᙭ᔅᑑᓯ ᐃᒻᒥᓂᒃ ᓂᕐᑐᕐᓇᕐᑎᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᐊᓕᕐᓗᓂ, ᑎᓕᔭᐅᓚᐅᕐᐳᕐᓕ ᑖᑦᓱᒧᖓ ᐅᖃᐅᑦᔭᐅᓪᓗᓂ, “ᐃᕐᓂᕆᕙᒋᑦ, ᐅᓪᓗᒥ ᐃᕐᓂᕐᑖᕆᕙᒋᑦ,”

ᔪᐊᓇᓯ ᓯᕗᓪᓖᑦ 4:14

ᑕᑯᓯᒪᕗᒍᑦ ᓇᓗᓁᕐᓯᕗᒍᓪᓗ ᐊᑖᑕᐅᑉ ᐃᕐᓂᓂ ᑎᓕᓚᐅᕐᒪᒍ ᓯᓚᕐᔪᐊᕐᒥᐅᓄᑦ ᐱᐅᓕᔨᐅᖁᓪᓗᒍ.

ᔪᐊᓇᓯ ᓯᕗᓪᓖᑦ 4:9

ᒎᑎᐅᑉ ᓇᒡᓕᖕᓂᓂ ᐊᑯᓐᓇᑦᑎᓐᓄᑦ ᓴᖅᑭᑎᓚᐅᕐᐹ, ᒎᑎᐅᑉ ᐃᕐᓂᑐᐊᓂ ᑎᓕᓚᐅᕐᒪᒍ ᓯᓚᕐᔪᐊᕐᒧᑦ, ᐅᕙᒍᑦ ᑖᑦᓱᒨᓇ ᐃᓅᖁᓪᓗᑕ.

ᔪᐊᓇᓯᐅᑉ ᐂᑉᐸᖏᑦ 1:7

ᐊᒥᓱᑦ ᑕᒻᒪᕐᑎᑦᓯᔪᑦ ᓯᓚᕐᔪᐊᕐᒧᑦ ᑎᑭᓯᒪᖕᒪᑕ, ᑖᒃᑯᐊ ᔩᓱᓯ ᙭ᔅᑑᓯᒥᒃ ᑎᒥᑖᕐᓯᒪᔪᒥᒃ ᐅᖃᐅᓯᖃᖃᑦᑕᓐᖏᑦᑐᑦ; ᑖᒃᑯᐊ ᑕᒻᒪᕐᓮᔨᐅᕗᑦ ᙭ᔅᑑᓯᒥᒡᓗ ᐊᑭᕋᕐᑐᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:13

ᐅᓕᒡᔪᐊᖓᓗ ᐊᑐᕐᑕᖓ ᐊᐅᖕᒥᒃ ᐃᑦᓴᒃᓯᒪᕗᖅ, ᐊᑎᖃᕐᑎᑕᐅᕗᕐᓗ, ᒎᑎᐅᑉ ᐅᖃᐅᓯᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.