ᔨᕆᒤᐊᐅᑉ ᐊᒡᓚᖏᑦ 9:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᖃᕐᑎᒃ ᐱᑎᒃᓯᑐᑦ ᓂᐅᓐᖓᒃᑎᑉᐰᑦ, ᐅᖃᕆᐊᕈᒪᓪᓗᑎᒃ ᓱᓕᖏᑦᑐᓂᒃ; ᓄᓇᖓᓐᓂ ᓴᒡᓗᓂᖅ ᓵᓚᖃᖔᓕᕐᐳᖅ ᓱᓕᓂᕐᒥᒃ. “ᐃᓄᖁᑎᒃᑲ ᐊᔪᕐᑐᓕᓂᕐᒥᑦ ᐊᔪᕐᑐᓕᓂᕐᒧᑦ ᐅᑎᕐᑕᑐᐃᓐᓇᓕᕐᒪᑕ ᐊᕙᒻᒧᑦ, ᐅᕙᓐᓂᒃ ᐅᖃᐅᓯᖃᕐᑐᖃᓐᖏᓚᖅ ᒎᑎᐅᓂᕋᕐᓗᖓ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 9:3 Iomraidhean Croise

ᒨᓯᓯ ᓯᕗᓪᓖᑦ 39:16

ᐊᓐᓄᕌᖓᓕ ᓴᓂᒥᓄᑦ ᐃᓕᕚ ᐊᖓᔪᖅᑳᖓ ᐊᖏᕐᕋᓚᐅᖏᓐᓂᖓᓂ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:5

ᐃᓱᐊᕐᑑᑉ ᐃᓱᒪᒋᔭᖏᑦ ᐊᑦᔨᒌᒃᑎᑦᓯᓂᐅᕗᑦ ᐱᐅᖏᑦᑑᓪᓕ ᐃᓱᒪᒃᓴᕐᓯᐅᖃᑎᒌᖕᓂᕆᔭᖏᑦ ᑕᑎᒋᔭᒃᓴᐅᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 1:3

ᐃᒻᒧᒃᓯᐅᒊᑦ ᖃᐅᔨᒪᕗᑦ ᐃᓄᖕᒥᖕᓂᒃ, ᓯᐅᑎᖅᑯᕐᑐᔪᓪᓗ ᖃᐅᔨᒪᒋᕗᑦ ᑲᒪᔨᒥᖕᓄᑦ ᓂᕆᑎᑕᐅᕕᒋᕙᒃᑕᒥᖕᓂᒃ; ᐃᓴᕆᐊᓕᒥᐅᓪᓕ ᖃᐅᔨᒪᓐᖏᓚᑦ, ᐃᓄᖁᑎᒃᑲᓗ ᑐᑭᓯᐅᒪᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 3:5

ᐃᓄᐃᑦ ᐃᒻᒥᖕᓄᑦ ᐅᖁᒤᒃᓴᕐᑎᖃᑦᑕᐅᑎᔪᒫᕐᐳᑦ, ᐊᑐᓂᑦ ᐃᓅᖃᑎᒥᖕᓄᑦ, ᓄᓇᖃᑎᒥᖕᓄᓪᓗ; ᐃᓅᓱᒃᑐᐃᑦ ᐅᐱᒍᓱᒍᓐᓃᕈᒫᕐᐳᑦ ᐃᓄᑐᖃᕐᓂᒃ, ᓱᓇᐅᒃᓴᕈᓐᓃᕐᓗᑎᒡᓗ ᐅᐱᒋᔭᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᐂᓮᐊᓯᐅᑉ ᐊᒡᓚᖏᑦ 9:18

ᐊᔪᕐᑐᓕᓃᑦ ᐃᑯᐊᓚᖕᒪᑕ ᐃᑯᒪᑎᑐᑦ, ᓄᖒᑦᓯᓪᓗᓂ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒡᓗ; ᐃᑯᐊᓪᓔᓪᓗᑎᒡᓗ ᓇᐹᕐᑐᒐᓴᒡᔪᐊᓂᒃ ᐊᑯᓔᑦᑐᓂᒃ; ᐃᓯᕐᓗᒡᔪᐊᕐᒥᒃ ᖁᒻᒧᐊᒃᑎᑦᓯᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 12:6

ᖃᑕᓐᖑᑎᕕᓪᓗ ᐃᒡᓗᒥᐅᖃᑎᕕᓪᓗ ᐊᒡᓛᑦ ᐊᑭᕋᕐᑐᓕᕐᐹᑎᑦ, ᐃᓕᖕᓂᒡᓗ ᐊᑭᕋᕐᑐᕐᑐᓂᒃ ᐃᑲᔪᕐᑐᐃᓕᕐᒪᑕ, ᐅᒃᐱᕆᑦᑍᓕᒃᑭᑦ ᐅᖃᓪᓚᑦᓯᐊᕐᑑᔮᕋᓗᐊᕐᐸᑕ ᐃᓕᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 22:16

ᐊᒃᓱᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓴᐳᑦᔨᓯᒪᓂᕐᓴᐅᓚᐅᕐᐳᑦ; ᐱᓇᓱᐊᑦᓯᐊᕋᒥᒃ ᓈᒻᒪᑦᓯᐊᕐᑐᒥᒃ ᐃᓅᓚᐅᕐᐳᑦ. ᐊᑕᓂᕐᒥᒃ ᖃᐅᔨᒪᓪᓗᓂ ᐃᓅᓯᖃᕐᓂᖅ ᑍᒤᑦᑐᒥᒃ ᐱᑎᑦᓯᓐᖏᓛᖅ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 4:22

“ᐃᓄᖁᑎᒃᑲ ᓯᓔᑦᑑᕗᑦ, ᐅᕙᓐᓂᒃ ᖃᐅᔨᒪᔭᖃᖏᒻᒪᑕ. ᓄᑕᖅᑲᑎᑐᑦ ᐃᓱᒪᖃᖏᑦᑐᑎᑐᑦ ᑍᒤᒻᒪᑕ, ᐃᓕᓯᒪᓂᖃᖏᑦᓯᐊᕐᑐᑦ, ᓯᓚᑐᔪᒥᒃ ᐱᐅᖏᑦᑐᓕᐅᕐᓂᖃᕈᓐᓇᕐᐳᑦ, ᐱᐅᔪᒥᒡᓕ ᐱᓇᓱᐊᕆᐊᒃᓴᖅ ᓇᓗᕗᑦ.”

ᔨᕆᒤᐊᐅᑉ ᐊᒡᓚᖏᑦ 5:4

ᐃᓱᒪᓚᐅᕐᐳᖓ, ᐊᔪᕐᓴᕐᑑᓂᕐᒥᖕᓄᑦ ᑍᒤᑦᔪᑎᖃᕋᓱᒋᓪᓗᒋᑦ, ᓯᓔᑦᔪᑎᖃᕋᓱᒋᓚᐅᕐᐸᒃᑲᓗ ᓇᓗᒐᒥᒃ ᒎᑎᐅᑉ ᐱᖁᔭᖓᓂᒃ, ᐱᓂᐊᕐᓂᐅᖁᔭᖏᓐᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 5:5

ᐊᖓᔪᖅᑳᓄᑦ ᐂᓂᐊᕐᐳᖓ, ᐅᖃᓪᓚᒡᕕᒋᓗᒋᓪᓗ ᓇᓗᓇᓐᖏᓚᖅ ᖃᐅᔨᒪᒐᔭᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᐱᓂᐊᕐᑕᐅᖁᔭᖏᓐᓂᒡᓗ, ᑭᓯᐊᓂᑦᑕᐅᖅ ᓇᖕᒪᐅᑎᒥᖕᓂᒃ ᓱᕅᓯᒪᕗᑦ, ᕿᓚᕈᑎᖏᓪᓗ ᕿᒃᑐᕋᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 6:28

ᐃᓄᖁᑎᒃᑲ ᓯᑎᒃᑎᓐᓂᑰᓕᕐᐳᑦ, ᐃᓕᖅᑯᓯᖃᓕᕐᒪᑕ ᐃᓅᖃᑎᒥᖕᓂᒃ ᑲᑕᒃᑎᑦᓯᓇᓱᖕᓃᓐᓇᕐᒥᒃ, ᖃᑯᕐᓕᒃᑎᑐᑦ ᓴᕕᕋᔭᒃᑎᑐᓪᓗ ᑍᒤᑦᑑᔮᓕᕐᐳᑦ, ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 9:5

ᐃᓚᓐᓇᕇᑦ ᓴᒡᓗᕿᖃᑦᑕᐅᑎᑐᐃᓐᓇᓕᕐᒪᑕ, ᓱᓕᔪᓂᒡᓗ ᐅᖃᐅᓯᖃᕐᑐᖃᕈᓐᓁᓪᓕᓪᓗᓂ, ᓴᒡᓗᔭᕆᐅᕐᓴᓂᕐᒥᒃ ᐅᖃᕆᐅᕐᓴᕙᓕᕐᒪᑕ, ᐊᔪᕐᑐᓕᓂᕐᒧᑦ ᐃᒥᖕᓂᒃ ᑕᖃᑎᑐᐃᓐᓇᕐᐸᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 9:8

ᐅᖃᖏᑦ ᖃᕐᔪᑎᑐᑦ ᑐᖁᓐᓇᕐᑎᒋᓕᕐᐳᑦ, ᓴᒡᓗᕿᑦᓯᓃᓐᓇᕐᒥᒃ ᐅᖃᐅᓯᖃᓕᕐᒪᑕ, ᐃᓅᖃᑎᒥᖕᓂᒃ ᐅᖃᖃᑎᖃᓕᕌᖓᒥᒃ ᓯᓔᕐᕆᓇᓱᐊᕐᓗᒍ ᑭᓯᐊᓂ ᐱᕙᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 8:13

ᐅᖃᐅᑎᓕᕆᕚᖓ, “ᑕᑯᓂᐊᕐᐳᑎᑦ ᓱᓕ ᓇᕐᕈᓇᕐᓂᕐᓴᓂᒃ ᐊᑐᖃᑦᑕᕐᑕᖏᓐᓂᒃ.”

ᑖᓂᐊᓕᐅᑉ ᐊᒡᓚᖏᑦ 11:27

ᑖᒃᑯᐊᒃ ᐊᖓᔪᖅᑳᕐᔪᐊᒃ ᒪᕐᕉᒃ, ᑕᒪᕐᒥᒃ ᐱᐅᖏᑦᑐᒥᒃ ᐆᒻᒪᑎᖃᕐᓗᑎᒃ, ᓂᕆᕕᖕᒥ ᐃᒃᓯᕙᖃᑎᒌᒍᒫᕐᐴᒃ ᓴᒡᓗᓂᕐᒥᒡᓗ ᐃᒻᒥᖕᓄᑦ ᓂᓪᓕᐊᖃᑎᒌᒡᓗᑎᒃ, ᓵᓚᒌᖃᑦᑕᐅᑎᔪᒫᓐᖏᓚᒃ ᐱᕕᒃᓴᖓᒃ ᓈᒻᒪᒃᓯᖏᒻᒪᑦ ᓱᓕ.

ᒨᓯᓯ ᐱᖓᔪᖏᑦ 19:11

“ᑎᒡᓕᒃᑐᒃᓴᐅᓐᖏᓚᑎᑦ, ᓴᒡᓗᔪᒃᓴᐅᓇᒃᓗ, ᓯᓔᕐᕆᒃᓯᔪᒃᓴᐅᓇᒡᓗ ᐊᓯᖕᓂᒃ.

ᒫᑯᓯᐅᑉ ᐊᒡᓚᖏᑦ 8:38

ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 24:9

ᔫᑎᑦ ᑕᒪᑐᒥᖓ ᐸᓯᒃᓯᕈᑎᒋᔭᒥᖕᓂᒃ ᐊᖏᖃᑎᒌᒃᓗᑎᒃ ᓱᓕᓂᕅᕗᑦ.

ᕉᒪᒥᐅᓄᑦ 1:16

ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᕉᒪᒥᐅᓄᑦ 1:28

ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᕉᒪᒥᐅᓄᑦ 3:13

ᖃᓂᖏᑦ ᐃᓗᕕᕐᑎᑐᑦ ᒪᑐᐃᕐᓯᒪᔪᑎᑐᑦ ᑍᒤᑉᐳᑦ; ᐅᖃᕐᒥᖕᓄᑦ ᓯᓔᕐᕆᒃᓯᓂᕐᒥᒃ ᐱᓇᓱᐊᕐᐳᑦ, ᖁᒡᓗᒋᐊᑦ ᑐᖁᓐᓇᕐᑐᖏᑦ ᖃᓂᖏᓐᓃᑉᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:34

ᐃᓱᒪᑖᑦᓯᐊᓚᐅᕆᑦᓯ, ᐊᔪᕐᑐᓕᔪᓐᓃᕐᓗᓯᓗ. ᐃᓚᖏᑦ ᒎᑎᒥᒃ ᖃᐅᔨᒪᖏᒻᒪᑕ. ᑍᒤᓕᕗᖓ ᑲᓐᖑᓱᒃᑎᑕᐅᖁᓪᓗᓯ.

ᐱᓕᐱᒥᐅᓄᑦ 1:28

ᐊᑭᕋᕐᑐᕐᑎᑦᓯᓐᓂᒃ ᓯᕘᕋᓂᐊᕋᓯ ᖃᓄᓕᒫᖅ. ᑕᒪᓐᓇ ᓇᓗᓁᒃᑯᑕᐅᖕᒪᑦ ᐊᓯᕈᕐᑕᐅᓛᕐᓂᖏᓐᓄᑦ, ᐃᓕᑦᓯᓕ ᐱᐅᓕᔭᐅᖁᓪᓗᓯ, ᑕᒪᓐᓇᓗ ᒎᑎᒥᑦ ᐱᕗᖅ.

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᔫᑎᐅᑉ ᐊᒡᓚᖏᑦ 1:3

ᓇᒡᓕᖕᓇᕐᑐᓯ, ᑎᑎᕋᐅᓯᖃᕈᒪᓯᒪᒐᒪ ᐱᐅᓕᔭᐅᓯᒪᖃᑎᒌᖕᓂᑦᑎᓐᓂᒃ, ᐱᔭᕆᐊᖃᓪᓚᕆᒐᓱᒋᒐᒪ ᑎᑎᕋᕐᕕᒋᓗᓯ ᑕᒪᒃᑯᓂᖓ ᑲᔪᖏᕐᓴᕐᓗᓯ ᐅᒃᐱᕐᓂᒃᑯᑦ ᐃᑦᔪᕐᓁᑎᑕᐅᔪᓄᑦ ᑐᓂᔭᐅᓯᒪᔪᖅ ᑲᔪᓯᑦᔪᑎᒋᑦᓯᐊᕐᓗᒍ ᓯᕐᓂᒋᓗᒍᓗ ᐱᖁᓪᓗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:11

ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ.

ᐃᓗᐊᕐᓮᔩᑦ ᐊᒡᓚᖏᑦ 14:17

ᕿᐊᑦᔪᑎᒋᓚᐅᕐᐹᓕ ᐅᓪᓗᓂᒃ 7ᓂᒃ ᓂᕆᕕᒃᔪᐊᕐᓇᐅᑎᓪᓗᒍ. ᐅᓪᓗᐃᓪᓕ 7ᖓᓂ ᐅᖃᐅᑎᓚᐅᕐᐹ ᐅᖃᓐᖑᐊᕈᓯᐅᑉ ᑐᑭᖓᓂᒃ, ᐊᒃᓱᕉᑎᓚᐅᕐᒪᒍ ᑍᒪᓐᖓᑦ, ᐊᕐᓇᐅᑉ ᓄᓇᖃᑎᓂ ᐅᖃᐅᑎᓚᐅᕐᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 2:10

ᑭᖑᕚᕇᖑᓚᐅᕐᑐᑦ ᑐᖁᖕᒥᖕᒪᑕ, ᐊᓯᖏᑦ ᑭᖑᕚᕇᑦ ᐳᐃᒍᓚᐅᕐᐳᑦ ᐊᑕᓂᕐᒥᒃ ᐱᓂᐊᕐᓂᕆᓚᐅᕐᑕᖏᓐᓂᒡᓗ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 2:12

ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ.