ᔨᕆᒤᐊᐅᑉ ᐊᒡᓚᖏᑦ 9:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐃᒫᒃ ᐊᑕᓂᖅ ᐅᖃᕐᐳᖅ, “ᓯᓚᑐᔪᑦ ᓯᓚᑐᓂᕐᒥᖕᓂᒃ ᓂᕐᑐᕐᑕᐅᑦᔪᑎᖃᕈᒪᑦᑍᓕᓕᑦ, ᓴᓐᖏᔪᓪᓗ ᓴᓐᖏᓂᕐᒥᖕᓂᒃ, ᐊᔪᕐᓴᖏᑦᑐᓪᓗ ᐊᔪᕐᓴᖏᓐᓂᕐᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 9:23 Iomraidhean Croise

ᔫᐱᐅᑉ ᐊᒡᓚᖏᑦ 32:13

ᓱᖕᒪᑦ ᐃᓕᓯᒪᓂᕐᒥᒃ ᖃᐅᔨᓯᒪᓂᕋᖃᑦᑕᓚᐅᕐᐱᓯ? ᒎᑎᐅᑉ ᑭᓯᒥ ᑖᓐᓇ ᑭᐅᔪᓐᓇᐹ, ᐃᓄᖕᓂᐅᖏᑦᑐᖅ.

ᔫᐱᐅᑉ ᐊᒡᓚᖏᑦ 41:15

ᖁᓖᖓ ᓴᐴᓗᑕᖃᕐᐳᖅ ᓇᐸᐅᕐᑐᓂᒃ ᑐᓄᓕᕇᓂᒃ, ᐃᒻᒥᖕᓄᑦ ᐊᒃᑐᐊᖃᑦᑕᐅᑎᔪᓂᒃ ᐅᔭᕋᒃᑎᑐᑦ ᓯᑎᑎᒋᔪᓂᒃ.

ᐃᓐᖏᕈᑎᑦ 33:5

ᖁᕕᐊᒋᔭᖃᕐᒪᑦ ᐃᓱᐊᕐᑐᓕᓂᕐᒥᒃ ᐃᖅᑲᕐᑐᐃᑦᓯᐊᕐᓂᕐᒥᒡᓗ; ᓄᓇᕐᔪᐊᕐᓗ ᓈᓯᒪᕗᖅ ᐊᑕᓂᐅᑉ ᓇᒡᓕᕐᓂᕐᔪᐊᖓᓂᒃ ᓄᖑᓱᐃᑦᑐᒥᒃ.

ᐃᓐᖏᕈᑎᑦ 34:3

ᐃᓚᒋᓗᖓ ᐊᑕᓂᖅ ᐊᖏᔪᕈᕐᑎᓯᐅᒃ, ᐊᑎᖓ ᐊᑕᐅᑦᓯᒃᑯᑦ ᐊᖏᔪᕈᕐᑎᓪᓚᕗᑦ.

ᐃᓐᖏᕈᑎᑦ 44:9

ᑭᓯᐊᓂ ᓇᕐᕈᒋᓯᒪᒐᑦᑎᒍᑦ, ᑲᓐᖑᓇᕐᑐᒦᑎᓪᓗᑕᓗ, ᐅᓇᑕᕐᑐᒃᓴᖁᑎᕗᓪᓗ ᐅᓇᑕᕆᐊᕌᖓᑕ ᐃᓚᒋᓐᖏᓚᑎᑦ.

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:4

ᐊᒃᓗᐃᓐᓂᖅ ᓴᐳᑦᔨᓯᒪᔪᓐᓇᓐᖏᓚᖅ ᓂᓐᖓᖕᓂᐅᑉ ᐅᓪᓗᖓᓂ, ᐃᓱᐊᕐᓂᕐᓕ ᓴᐳᑦᔨᔪᓐᓇᕐᐳᖅ ᑐᖁᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:5

ᐊᑕᓂᖅ ᑕᑎᒋᒍᒃ ᐆᒻᒪᑎᖕᓄᑦ ᑕᒤᓐᓄᑦ, ᖃᐅᔨᒪᔭᑎᓪᓗ ᑕᑎᒋᓂᐊᕐᓇᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:19

ᑭᓇᓗ ᖃᐅᔨᒪᕙ ᑭᖑᕝᕕᕐᑎᒐ ᓯᓚᑐᔪᒫᕐᒪᖔᑦ ᓯᓔᑦᑑᔪᒫᕐᒪᖔᓪᓘᓐᓃᑦ? ᑭᓯᐊᓂᓕ ᐊᖓᔪᖅᑲᐅᔪᒫᕐᐳᖅ ᐊᒃᓱᕈᕐᓗᖓ ᓴᓇᓚᐅᕐᑕᓐᓂ ᑕᒪᒃᑯᑎᒎᓇᕐᓗ ᓯᕿᓂᐅᑉ ᐊᑖᓂ ᓯᓚᑐᓂᕋ ᓴᖅᑭᑎᓚᐅᕐᓗᒍ, ᑕᒪᓐᓇ ᑐᑭᖃᖏᓐᓂᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 10:8

ᐃᒫᒃ ᐅᖃᓚᐅᕐᐳᖅ, “ᐊᖓᔪᖅᑳᖁᑎᓕᒫᒃᑲ ᐊᖓᔪᖅᑳᕐᔪᐊᖑᓐᖏᓛᑦ?

ᐂᓮᐊᓯᐅᑉ ᐊᒡᓚᖏᑦ 20:5

ᐃᑎᐅᐱᐊᒥᐅᓂᒃ ᑕᑎᒃᓴᕐᐸᓚᐅᕐᑐᑦ ᐄᑦᔨᑉᑎᒥᐅᓂᒡᓗ ᐱᐅᓯᑎᑦᓯᓯᒪᓗᐊᕐᐸᓚᐅᕐᑐᑦ ᓯᕘᕋᓕᕈᒫᕐᐳᑦ ᓂᕆᐅᒋᔭᒃᓮᕈᑎᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 47:10

ᑲᑉᐱᐊᓇᕐᑐᒦᓐᓇᓱᒋᖏᒃᑲᓗᕐᐳᓯ ᐱᐅᖏᑦᑐᓂᒃ ᐃᓕᖅᑯᓯᖃᕐᑎᓪᓗᓯ, ᐅᖃᕐᓗᓯ, ‘ᑭᓇᒧᑦ ᑕᑯᓐᓇᕐᑕᐅᓐᖏᓚᖓ’; ᓯᓚᑐᓂᑦᓯ ᖃᐅᔨᒪᓂᑦᓯᓗ ᑕᒻᒪᕐᑎᓚᐅᕐᐹᓯ; ᐆᒻᒪᑎᑦᓯᒍᑦ ᐅᖃᓚᐅᕋᑦᓯ, ‘ᐅᕙᖓᑑᕗᖓ ᐊᓯᖃᕐᓇᖓᓗ.’

ᐂᓮᐊᓯᐅᑉ ᐊᒡᓚᖏᑦ 5:21

ᑲᑉᐱᐊᓐᓇᒦᒃ ᐃᒻᒥᖕᓂᒃ ᑕᐅᑐᒃᑕᒥᒍᑦ ᓯᓚᑐᓇᓱᒋᔪᑦ, ᖃᐅᔨᒪᓂᕐᓴᐅᓇᓱᒋᔪᓪᓗ ᐃᒻᒥᒍᑦ ᑕᐅᑐᒃᑕᒥᒍᑦ!

ᔨᕆᒤᐊᐅᑉ ᐊᒡᓚᖏᑦ 31:34

ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

ᔨᕆᒤᐊᐅᑉ ᐊᒡᓚᖏᑦ 48:14

ᖃᓄᖅ ᐅᖃᕈᓐᓇᕐᐱᓰ? ᐅᓇᑕᕐᑎᐊᓘᓂᕋᕐᓗᓯ ᐅᓇᑕᕆᐊᒃᓴᕐᓗ ᐊᔪᖏᓐᓂᕋᕐᓗᓯ.

ᔨᕆᒤᐊᐅᑉ ᐊᒡᓚᖏᑦ 48:7

ᑕᑎᖃᓚᐅᕋᑦᓯ ᐱᔪᓐᓇᕐᓂᑦᓯᓐᓂᒃ ᐊᔪᕐᓴᖏᓐᓂᑦᓯᓐᓂᒡᓗ, ᑎᒍᔭᐅᓗᓯ ᐊᐅᓪᓚᕈᑦᔭᐅᔪᒫᕆᕗᓯ; ᒎᑎᒋᔭᓯ ᑭᒨᓯ ᓄᓇᒋᓐᖏᑕᒥᓄᑦ ᐊᐅᓪᓚᕈᑦᔭᐅᔪᒫᕆᕗᖅ, ᑐᓂᕐᕈᓯᕐᑎᑦᓯᔨᖏᑦ ᐊᖓᔪᖅᑳᖁᑎᖏᓪᓗ ᐱᖃᓯᐅᑦᔭᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 49:4

ᓱᖕᒪᑦ ᐅᓇᖕᒥᓁᔭᐅᑎᖃᕐᐱᓰ ᓇᕐᓴᖁᑎᑦᓯᓐᓂᒃ ᐱᕈᕐᑐᖃᑦᓯᐊᕐᐸᒃᑐᓂᒃ, ᐃᓕᑦᓯ ᐊᓯᓐᓂᐊᕐᑎᐅᔪᓯ ᐊᔪᕐᓴᖏᑦᔪᑎᑦᓯᓐᓂᒃ ᑕᑎᖃᕐᓗᓯ ᐅᖃᕐᐸᒃᐳᓯ, ‘ᐅᓇᑕᕐᑕᐅᓂᐅᔭᓐᖏᓚᒍᑦ.’

ᐃᓯᑭᐊᓕᐅᑉ ᐊᒡᓚᖏᑦ 29:9

ᐄᑦᔨᑉᑎᐅᓪᓗ ᓄᓇᖓ ᓱᓁᕈᑎᔪᒫᕐᐳᖅ ᐊᓯᕈᕐᑕᐅᓗᓂᓗ. ᖃᐅᔨᖁᓪᓗᓯ ᐅᕙᖓᐅᒐᒪ ᐊᑕᓂᖅ. “ᐅᖃᓚᐅᕋᕕᑦ, ‘ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᐃᓯᑭᐊᓕᐅᑉ ᐊᒡᓚᖏᑦ 7:19

ᓯᐅᓪᕕᕆᖁᑎᑎᒃ ᐊᖅᑯᒻᒧᑦ ᐃᒋᐅᖅᑲᕈᒫᕐᐰᑦ, ᒎᓗᖁᑎᑎᒡᓗ ᓴᓂᕐᑎᑐᑦ ᑍᒤᓕᕈᒫᕐᐰᑦ; ᓯᐅᓪᕕᕆᓄᑦ ᒎᓗᓄᓪᓗ ᓴᐳᑎᔭᐅᔪᓐᓇᕈᒫᓐᖏᓚᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓄᑦ ᑎᑭᑕᐅᒍᑎᒃ; ᑕᒪᒃᑯᓄᖓ ᑳᒍᓐᓃᕐᑎᑕᐅᔪᓐᓇᕈᒫᓐᖏᓚᑦ ᐊᕿᐊᑦᑐᕐᑎᑕᐅᔪᓐᓇᕋᑎᒡᓗ. ᑕᒪᒃᑯᓄᖓ ᐊᔪᕐᑐᓕᑎᑕᐅᕙᓚᐅᕐᓂᖏᑦ ᐊᒡᕕᐊᕈᑕᐅᓕᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᒤᑲᐅᑉ ᐊᒡᓚᖏᑦ 6:8

ᑕᑯᑎᓯᒪᕚᑎᑦ, ᐃᓅᔪᑎᑦ, ᓱᓇ ᐱᐅᖕᒪᖔᑦ; ᓱᓇᒥᒡᓗ ᐊᑕᓂᖅ ᐃᓕᖕᓂᒃ ᐱᖁᔨᖕᒪᖔᑦ ᓇᓛᒍᑦ ᐱᓇᓱᐊᖁᓪᓗᑎᑦ, ᓇᒡᓕᒍᓱᖁᓪᓗᑎᑦ ᐱᑦᓯᐊᕐᓗᑎᓪᓗ, ᐃᓅᖁᓪᓗᑎᓪᓗ ᒥᑭᒡᓕᑎᕐᓯᒪᓗᑎᑦ ᒎᑎᐅᑉ ᓵᖓᓂ.

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᒫᑯᓯᐅᑉ ᐊᒡᓚᖏᑦ 10:24

ᐃᓕᓐᓂᐊᕐᑎᖏᑦ ᑕᒪᑐᒥᖓ ᑐᓴᕋᒥᒃ ᖁᐊᕐᓵᕐᐳᑦ. ᔩᓱᓯᐅᑉ ᐅᖃᐅᑎᕔᑦ, “ᕿᑐᕐᖓᒃᑲ, ᐃᓛᒃ ᐱᔭᕐᓂᖏᑦᑑᖕᒪᑦ ᒎᑎᐅᑉ ᐊᑕᓂᐅᕕᖓᓄᑦ ᐃᓯᕆᐊᒃᓴᖅ!

ᕉᒪᒥᐅᓄᑦ 1:22

ᓯᓚᑐᓇᓱᒋᒐᒥᒃ, ᓯᓔᑦᑑᓕᕐᐳᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:31

ᑍᒤᒻᒪᑦ, ᐊᒡᓚᖕᓂ ᑎᑎᕋᕐᓯᒪᕗᖅ, “ᐃᒻᒥᓂᒃ ᓂᕐᑑᑎᔪᒪᔫᑉ ᐊᑕᓂᖅ ᓂᕐᑐᕈᑎᒋᓕᐅᒃ.”

ᒨᓯᓯ ᑕᓪᓕᒪᖏᑦ 8:17

ᑍᒤᒻᒪᑦ ᐃᓱᒪᔪᒃᓴᐅᓐᖏᓚᑎᑦ ᐃᓕᖕᓂᒃ ᓇᖕᒥᓂᖅ ᐊᔪᕐᓴᕈᓐᓁᕐᑎᓯᒪᓇᓱᒋᓗᑎᑦ ᐱᔪᓐᓇᕐᓂᕐᓄᑦ ᓴᓐᖏᓂᕐᓄᓪᓗ.

ᐱᓕᐱᒥᐅᓄᑦ 3:10

᙭ᔅᑑᓯ ᖃᐅᔨᑦᓯᐊᕈᒪᕙᕋ ᒪᑭᓐᓂᖓᑕ ᐱᔪᓐᓇᕐᓂᖓ, ᐊᒃᓱᕈᕐᑎᑕᐅᓂᖓᓗ ᐃᓚᖏᐅᑎᕕᒋᔪᒪᕙᕋ, ᑐᖁᓂᖓᓗ ᐊᑦᔨᒋᔪᒪᓪᓗᒍ,

ᐱᓕᐱᒥᐅᓄᑦ 3:8

ᑕᒪᒃᑯᐊᑑᖏᑦᑐᕐᓕ; ᐊᓯᓕᒫᖏᓕᑦᑕᐅᖅ ᐊᑑᑎᒃᓴᖃᕈᓐᓃᕐᐳᑦ ᐱᐅᓂᕐᓴᒻᒪᕆᐊᓗᖕᒥᒃ ᑕᑯᓯᒪᓕᕐᑎᓪᓗᖓ ᑐᑭᓯᓕᕐᑎᓪᓗᖓᓗ ᔩᓱᓯ ᙭ᔅᑑᓯᒥᒃ ᐊᑕᓂᕆᔭᓐᓂᒃ. ᑖᓐᓇᓗ ᐱᓪᓗᒍ ᑕᒪᕐᒥᒃ ᐃᒋᓯᒪᕙᒃᑲ; ᑕᒪᕐᒥᒡᓗ ᐃᒋᑕᒃᓴᑎᑐᑦ ᐃᓱᒪᒋᕙᒃᑲ, ᐱᓯᒪᓂᕐᓴᐅᖁᓪᓗᖓ ᙭ᔅᑑᓯᒥ

ᑎᒧᑎᒧᑦ ᓯᕗᓪᓖᑦ 6:10

ᑮᓇᐅᔭᖃᕈᒪᓗᐊᕐᓂᖅ ᐱᐅᖏᑦᑐᓄᑦ ᖃᓄᐃᑦᑐᑐᐃᓇᕐᓄᑦ ᐱᒋᐊᕐᕕᐅᖕᒪᑦ; ᑕᒪᓐᓇ ᐱᔪᒪᓗᐊᕐᓂᖅ ᐃᓚᖏᑕ ᐊᑐᓚᐅᕋᒥᑦᔪᒃ ᐅᒃᐱᕐᓂᕐᒥᒃ ᕿᒤᓯᒪᕗᑦ ᕿᒃᓵᖕᓇᕐᑐᓄᓪᓗ ᐅᓄᕐᑐᓄᑦ ᐃᒻᒥᖕᓂᒃ ᑎᑭᑎᓯᒪᓕᕐᓗᑎᒃ.

ᓴᒧᐃᓕ ᓯᕗᓪᓖᑦ 17:42

ᐱᓕᔅᑍᓂᒥᐅᕐᓗ ᑕᑯᓴᕋᒥ ᑍᕕᑎ ᑕᑯᕚ, ᐃᔪᕆᕚᓗ ᒥᑕᐅᑎᒋᓪᓗᒍ; ᓄᑲᑉᐱᐊᕕᓂᐅᖕᒪᑦ, ᐊᐅᐸᓛᖓᓪᓗᓂᓗ ᑕᑯᒥᓇᕐᑑᖕᒪᑦ.