ᔨᕆᒤᐊᐅᑉ ᐊᒡᓚᖏᑦ 9:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᒐᓛᑎᒍᑦ ᑐᖁ ᑎᑭᐅᑎᓯᒪᖕᒪᑦ, ᐱᔭᐅᑦᔧᕐᓯᒪᕕᑦᑎᓐᓄᓪᓗ ᓴᖅᑭᓯᒪᖕᒪᑦ, ᐊᖅᑯᑎᑦᑎᓐᓂᓗ ᓄᑕᕅᕈᑎᑎᑦᓯᓪᓗᓂ, ᐃᓄᒋᐊᒃᑐᒃᑯᕕᖕᓂᒡᓗ ᐃᓅᓱᒃᑐᐃᕈᑎᑎᑦᓯᓪᓗᓂ.

ᔨᕆᒤᐊᐅᑉ ᐊᒡᓚᖏᑦ 9:21 Iomraidhean Croise

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᐂᓮᐊᓯᐅᑉ ᐊᒡᓚᖏᑦ 40:30

ᐃᓅᓱᒃᑑᒐᓗᐊᑦ ᐊᒡᓛᑦ ᓄᑮᕈᑎᔪᒫᕐᐳᑦ ᑕᖃᓗᑎᒡᓗ, ᐅᕕᒃᑬᓪᓗ ᑕᖃᓂᕐᒧᑦ ᐅᕐᕈᔪᒫᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 15:7

ᐱᕈᕐᓰᕕᓕᕆᔩᑦ ᓴᓃᔭᐅᑎᖏᓐᓄᑦ ᑎᒃᑕᐅᕋᕐᑎᑦᓱᒫᕐᐸᑦᓯ ᐊᓄᕆᒧᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᓐᓂ; ᕿᒃᓵᒃᑎᓐᓂᐊᕐᐸᒃᑲ, ᐊᓯᕈᕐᓗᒋᓪᓗ ᐃᓄᖁᑎᒃᑲ; ᐱᐅᓯᕐᒥᖕᓂᒃ ᕿᒤᓚᐅᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 18:21

ᑍᒤᒻᒪᑦ ᕿᑐᕐᖓᖏᑦ ᑳᖕᓇᕐᑐᕐᔪᐊᒧᑦ ᐱᕐᓕᕋᓕᕐᓕᑦ; ᐅᓇᑕᕐᑐᓄᓪᓗ ᑐᖁᕋᕐᑕᐅᓕᕐᓕᑦ, ᓄᓕᐊᖏᑦ ᕿᑐᕐᒊᕈᑦᔭᐅᓕᕐᓕᑦ, ᐅᐃᒡᒐᕐᓂᐅᓕᕐᓗᑎᒡᓗ, ᐊᖑᑎᖏᓪᓗ ᑐᖁᕋᕐᑕᐅᓗᑎᒃ ᐋᓐᓂᐊᓇᕐᑐᓄᑦ, ᐃᓅᓱᒃᑐᖁᑎᖏᓪᓗ ᐅᓇᑕᕐᑐᓂ ᑐᖁᕋᕐᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 44:7

“ᑍᒤᒻᒪᑦ ᐃᒫᒃ ᐊᑕᓂᖅ ᒎᑎ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᓱᒪᓚᐅᕆᑦᓯ ᖃᓄᐃᒻᒪᑦ ᐃᓕᑦᓯᓐᓂᒃ ᐱᐅᖏᑦᑐᓕᐅᕐᑎᒻᒪᖔᑦᓯ, ᐊᖑᑎᑦ ᐊᕐᓁᓪᓗ ᓱᕈᓰᓪᓗ ᓄᑕᕋᑯᓗᐃᓪᓗ ᐊᓯᕈᕐᑕᐅᖁᒐᑦᓯᐅᒃ ᐊᒥᐊᒃᑯᖃᕈᒪᔪᓐᓃᕐᐱᓰ?

ᔨᕆᒤᐊᐅᑉ ᐊᒡᓚᖏᑦ 50:30

ᑍᒤᒻᒪᑦ ᐃᓅᓱᒃᑐᖁᑎᖏᑦ ᑐᖁᕋᕐᑕᐅᔪᒫᕐᐳᑦ, ᐅᓇᑕᕐᑐᒃᓴᖁᑎᖏᓪᓗ ᑐᖁᑕᐅᓗᑎᒃ ᑕᒪᕐᒥᒃ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 6:11

ᐅᕙᖓᓕ ᐊᑕᓂᐅᑉ ᓂᓐᖓᐅᓯᖓᓂᑦ ᐱᑕᖃᓗᐊᓂᕐᒧᑦ ᐱᓯᒪᒋᐊᖓ ᑕᖃᕙᕋ, “ᐊᓂᑎᓕᕈᒃ ᕿᑐᕐᖓᖏᓐᓄᑦ ᐊᖅᑯᑎᒦᑦᑐᓄᑦ, ᐃᓅᓱᒃᑐᖁᑎᖏᓐᓄᓪᓗ ᑲᑎᒪᔪᓄᑦ, ᓄᓕᐊᕇᓄᓪᓗ ᓴᖅᑭᓐᓂᐊᕐᐸᕋ ᐃᓄᑐᖃᐅᓕᕐᑐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 6:21

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᐃᓄᖁᑎᓐᓄᑦ ᐊᐳᕈᑎᒃᓴᖃᕐᑎᑦᓯᓂᐊᕐᐳᖓ ᐹᓪᓚᖁᓪᓗᒋᑦ, ᕿᑐᕐᖓᕇᓕᒫᑦ ᐊᐳᕈᑎᒃᓴᖃᕐᓂᐊᕐᐳᑦ, ᓯᓚᖅᑲᑎᒌᑦ ᐃᓚᓐᓈᕇᓪᓗ ᐊᓯᕈᕐᑕᐅᓂᐊᕐᐳᑦ.’”

ᔨᕆᒤᐊᐅᑉ ᐊᒡᓚᖏᑦ 7:33

ᐃᓗᕕᕐᓯᕕᒃᓴᖃᕈᓐᓃᕐᐸᑦ ᑎᒥᕕᓃᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ ᓂᕿᒋᔭᐅᑐᐃᓐᓇᓕᕈᒫᕐᐳᑦ, ᕿᒫᑎᑦᓯᔪᒃᓴᕐᑕᖃᕈᒫᓐᖏᓚᕐᓗ ᑕᒪᒃᑯᓂᖓ.

ᔨᕆᒤᐊᐅᑉ ᐊᒡᓚᖏᑦ 8:2

ᓴᖅᑭᔮᓕᕐᓗᑎᒃ ᓯᕿᓂᕐᒧᑦ, ᑕᖅᑭᕐᒧᑦ ᐅᓪᓗᕆᐊᓄᓪᓗ, ᐅᖓᒋᓗᒋᑦ ᑭᒡᒐᕐᑐᕐᓗᒋᓪᓗ ᑐᒃᓯᐊᕐᕕᒋᕙᓚᐅᕐᑕᖏᓐᓄᑦ, ᑲᑎᕐᓱᕐᑕᐅᓗᑎᒃ ᐃᓗᕕᕐᓄᐊᕐᑕᐅᔪᒫᓐᖏᓚᑦ, ᑕᒫᓃᕐᕆᑐᐃᓐᓇᕈᒫᕐᐳᑦ ᐊᓇᕐᑎᑐᑦ ᒪᓂᖅᑲᒦᑦᑐᑎᑐᑦ.

ᔪᐃᓕᐅᑉ ᐊᒡᓚᖏᑦ 2:9

ᑐᐊᕕᕐᓗᑎᒃ ᐃᒡᓗᒐᓴᖕᓄᐊᕐᐳᑦ, ᐊᕙᓗᕐᔪᐊᒃᑯᑦ ᐅᓪᓚᒃᐳᑦ; ᒪᔪᕋᕐᐳᓪᓗ ᐃᒡᓗᓄᑦ, ᐃᒐᓛᑎᒍᑦ ᐃᑎᕐᐳᑦ ᑎᒡᓕᒃᑎᑐᑦ.

ᐂᒨᓯᐅᑉ ᐊᒡᓚᖏᑦ 5:2

ᐊᕐᓇᖅ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᐃᓴᕆᐊᓕᒥᐅᖅ ᐅᕐᕈᕗᖅ; ᒪᑭᒃᑲᓐᓂᕐᓂᐊᕈᓐᓁᕐᓗᓂ! ᓇᓚᕗᖅ ᕿᒪᒃᑕᐅᓪᓗᓂ ᓄᓇᒥᓂ; ᑭᓇᒥᒡᓘᓐᓃᑦ ᒪᑭᑎᑦᓯᔨᒃᓴᖃᓐᖏᓚᖅ.”

ᐂᒨᓯᐅᑉ ᐊᒡᓚᖏᑦ 6:9

ᑕᒪᓐᓇᓗ ᓇᓪᓕᐅᑎᔪᒫᕐᐳᖅ, ᐊᖑᑏᑦ ᖁᓖᑦ ᐃᒡᓗᒥ ᐊᑕᐅᓯᕐᒥ ᐊᒥᐊᒃᑰᒃᐸᑕ, ᑖᒃᑯᐊ ᑐᖁᔪᐃᓐᓇᐅᔪᒫᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 1:17

ᐃᓄᐃᑦ ᐃᓱᒪᔮᕐᓇᕐᑐᓄᑦ ᑎᑭᑕᐅᑎᑦᓱᒫᕐᐸᒃᑲ, ᐱᓱᓕᕈᒫᕐᐳᑦ ᑕᐅᑐᖏᑦᑐᑎᑐᑦ, ᐊᔪᕐᑐᓕᓚᐅᕐᒪᑕ ᐊᑕᓂᕐᒧᑦ; ᐊᐅᖏᑦ ᑯᕕᔭᐅᔪᒫᕐᐳᑦ ᐃᒥᕐᑎᑐᑦ, ᑎᒥᖏᓪᓗ ᐊᓇᕐᑎᑐᑦ ᑍᒤᓕᕈᒫᕐᐳᑦ.