ᔨᕆᒤᐊᐅᑉ ᐊᒡᓚᖏᑦ 9:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᒪᓕᖔᕈᒪᓚᐅᕐᒪᑕᓕ ᓯᑎᔫᓂᕐᒥᖕᓄᑦ ᐃᓱᒪᒋᔭᒥᖕᓂᒃ, ᒪᓕᒐᖃᖔᕈᒪᓪᓗᑎᒃ ᐰᓕᒥᒃ, ᓯᕗᓕᖏᑕ ᑍᒪᓐᓇ ᐊᔪᕆᕐᑐᓚᐅᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 9:14 Iomraidhean Croise

ᒨᓯᓯ ᓯᕗᓪᓖᑦ 6:5

ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

ᔫᐱᐅᑉ ᐊᒡᓚᖏᑦ 9:18

ᑕᕾᕐᓯᕈᓐᓁᓪᓕᑎᑉᐹᖓ ᐊᒡᓛᑦ; ᐆᒥᓱᖕᓂᐊᓗᖕᒥᒡᓗ ᐃᓗᒻᒥᕐᑎᓯᒪᕚᖓ.

ᔨᕆᒤᐊᐅᑉ ᐊᒡᓚᖏᑦ 11:8

ᑐᓴᓚᐅᓐᖏᓚᓪᓕ ᓈᓚᒐᓱᐊᓚᐅᓐᖏᓚᓪᓘᓐᓃᑦ ᒪᓕᖔᓚᐅᕐᐳᓪᓕ ᐆᒻᒪᑎᒥ ᓯᑎᔫᑦᔪᑎᒋᔭᖏᓐᓂᒃ ᐱᐅᖏᑦᑐᓂᒃ. ᑍᒤᒻᒪᑦ ᑐᓂᓚᐅᕐᐸᒃᑲ ᐊᖏᖃᑎᒌᖕᓂᐅᑉ ᐅᖃᐅᓯᖏᓐᓂᒃ, ᒪᓕᒃᑕᐅᖁᓪᓗᒋᑦ ᑖᒃᑯᓄᖓ, ᒪᓕᒍᒪᓚᐅᓐᖏᓚᓪᓕ.”

ᔨᕆᒤᐊᐅᑉ ᐊᒡᓚᖏᑦ 13:10

ᐃᓄᐃᑦ ᐅᑯᐊ ᐱᐅᖏᑦᑐᓕᔪᑦ, ᐅᖃᐅᓯᓐᓂᒃ ᓈᓚᒍᒪᓐᖏᓚᑦ, ᐆᒻᒪᑎᒥᓗ ᓯᑎᓂᖏᓐᓄᑦ ᒎᑎᓐᖑᐊᓂᒃ ᒪᓕᒍᒪᕗᑦ ᑐᒃᓯᐊᕐᕕᖃᖃᑦᑕᕈᒪᓪᓗᑎᒃ, ᑍᒤᑦᓱᒫᕆᕗᑦ ᑖᑦᓱᑐᓇᖅ ᕿᑎᕈᑎᑐᑦ ᐊᑑᑎᒃᓴᖃᕈᓐᓃᕐᑐᑐᑦ.

ᔨᕆᒤᐊᐅᑉ ᐊᒡᓚᖏᑦ 16:12

ᐃᓕᑦᓯᓕ ᓯᕗᓕᕕᓂᑦᓯᓐᓂᑦ ᐱᐅᖏᓐᓂᕐᓴᒃᑲᓐᓂᕐᓂᒃ ᐃᓕᖅᑯᓯᖃᓕᕐᐳᓯ, ᑕᑯᔪᓐᓇᕐᐳᓯᓗ ᓇᖕᒥᓂᖅ ᓴᖑᑎᑕᒃᓴᐅᖏᑦᑐᑦ ᐆᒻᒪᑎᓯ ᐱᐅᖏᑦᑐᑦ ᒪᓕᖔᕐᓗᒋᑦ ᐅᕙᓐᓂᒃ ᓈᓚᒍᓐᓃᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 2:23

ᖃᓄᕐᓕ ᐅᖃᕈᓐᓇᕐᐲᑦ, ᓴᓗᒤᓐᓂᖃᖏᓐᓂᕋᕐᓗᑎᑦ, ᒎᑎᓐᖑᐊᒧᓪᓗ ᐰᓕᒧᑦ ᒪᓕᓚᐅᖏᓐᓂᕋᕐᓗᑎᑦ, ᑕᑯᓕᕆᑦ ᓇᕐᓴᐅᑉ ᐃᓗᐊᓂ ᐃᓕᖅᑯᓯᕆᓚᐅᕐᑕᕐᓂᒃ, ᐱᓇᓱᐊᓚᐅᕐᑕᑎᓪᓗ ᑭᓲᖕᒪᖔᑕ, ᑳᒧᓕᒃᑎᑐᑦ ᓄᓕᐅᔪᑎᑐᑦ ᐃᓕᖅᑯᓯᖃᓚᐅᕋᕕᑦ ᓇᒧᑐᐃᓐᓇᖅ ᐂᖃᑦᑕᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 2:8

ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:15

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕉᓴᓕᒦᑦᑐᑦ ᐱᓪᓗᒋᑦ: “ᑕᑯᒋᑦ, ᓂᕆᑎᑦᓱᒫᕐᐸᒃᑲ ᓂᕿᒥᒃ ᖃᒃᑭᓐᓇᕐᑐᒥᒃ, ᐃᒥᕐᑎᓪᓗᒋᓪᓗ ᐃᒪᕐᒥᒃ ᑐᖁᓐᓇᕐᑐᒥᒃ, ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ ᔨᕉᓴᓕᒥ ᐱᒋᐊᕐᕕᐅᓪᓗᑎᒃ ᐅᒃᐱᖏᓐᓂᖅ ᓯᐊᒻᒪᕐᐸᓪᓕᐊᓕᕐᒪᑦ ᓄᓇᓕᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 23:27

ᐃᓱᒪᖃᑦᑕᕐᒪᑕ ᓯᓐᓇᒃᑐᕆᔭᒥᖕᓂᒃ ᐅᓂᒃᑳᖃᑦᑕᕐᓂᕐᒥᖕᓄᑦ ᐃᓄᖁᑎᓐᓂᒃ ᐳᐃᒍᕐᑎᑦᓯᔪᓐᓇᕋᓱᒋᓪᓗᑎᒃ ᐅᕙᓐᓂᒃ, ᓯᕗᓕᕆᔭᓯᑦᑕᐅᖅ ᐅᕙᓐᓂᒃ ᐳᐃᒍᕐᑎᑕᐅᓚᐅᕐᒪᑕ ᐰᓕᒧᑦ ᑐᒃᓯᐊᖃᑦᑕᓕᕋᒥᒃ.

ᔨᕆᒤᐊᐅᑉ ᐊᒡᓚᖏᑦ 3:17

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐊᑕᓂᕐᒧᑦ ᐃᒃᓯᕙᐅᑕᕐᔪᐊᖃᕐᕕᐅᓂᕋᕐᑕᐅᓕᕈᒫᕐᐳᖅ, ᐃᓅᖃᑎᒌᒡᔪᐊᓪᓗ ᔨᕉᓴᓕᒧᑦ ᑲᑎᖃᑦᑕᕈᒫᕐᐳᑦ ᐊᑕᓂᐅᑉ ᐊᑎᖓᓂᒃ ᐅᐱᒍᓱᖕᓂᕐᒥᖕᓂᒃ ᓇᓗᓁᕐᓯᔭᕐᑐᕐᓗᑎᒃ. ᐆᒻᒪᑎᒥᒃᑕ ᓯᑎᔫᓂᖏᓐᓂᒃ ᐱᐅᖏᑦᑐᓕᔪᒪᓂᖏᓐᓂᒡᓗ ᒪᓕᒍᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 44:17

ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᔨᕆᒤᐊᐅᑉ ᐊᒡᓚᖏᑦ 7:24

ᑭᓯᐊᓂᓕ ᑐᓴᓚᐅᓐᖏᓚᑦ, ᓈᓚᓚᐅᓐᖏᓚᓪᓘᓐᓃᑦ, ᒪᓕᖔᑐᐃᓐᓇᓕᓚᐅᕐᐳᑦ ᓈᒻᒪᖏᑦᑐᓂᒃ ᐆᒻᒪᑎᖏᑦ ᓯᑎᔫᒐᒥᒃ, ᐃᓱᒪᒥᖕᓂᒃ ᐃᓅᑐᐃᓐᓇᐅᓚᐅᕐᐳᑦ ᑭᖑᒧᑦ ᑕᑯᓐᓇᕋᒥᒃ ᓯᕗᒨᖏᑦᑐᖅ.

ᔨᕆᒤᐊᐅᑉ ᐊᒡᓚᖏᑦ 8:14

“ᖃᓄᐃᒻᒪᑦ ᑲᑎᒪᓪᓗᑕ ᐃᒃᓯᕚᑐᐃᓐᓇᕐᐱᑖ? ᕿᒫᓚᐅᕐᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ ᑐᖁᔭᕐᑐᕐᓗᑕ. ᐊᑕᓂᐅᑉ ᒎᑎᑦᑕ ᑐᖁᔪᒃᓴᐅᖁᓕᕐᒪᑎᒍᑦ, ᑐᖁᓐᓇᕐᑐᒥᒡᓗ ᐃᒥᖁᑎᖃᓕᕐᑎᒻᒪᑎᒍᑦ, ᐊᔪᕐᑐᓕᕕᒋᓚᐅᕋᑦᑎᒍ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:15

ᐋᓐᓂᐊᕈᑎᒃᓮᓐᓇᕐᓂᒃ ᒪᒪᖏᑦᑐᓂᒃ ᐃᒥᒐᒃᓴᖃᕐᑎᑉᐹᖓ.

ᐂᒨᓯᐅᑉ ᐊᒡᓚᖏᑦ 2:4

“ᔫᑕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᓇᕐᕈᓕᓚᐅᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᒪᓕᒃᑕᐅᖁᔭᖏᓐᓂᒡᓗ. ᓱᓕᖏᑦᑐᓄᑦ ᐃᒻᒥᖕᓂᒃ ᑕᒻᒪᕐᑎᒻᒪᑕ, ᓯᕗᓕᖏᑕ ᐱᐅᓯᕆᓚᐅᕐᑕᖏᑎᑐᑦ.

ᒐᓔᑎᐊᒥᐅᓄᑦ 1:14

ᔫᑎᓂᓪᓗ ᑍᒤᓪᓗᐊᖃᑎᒋᔭᓐᓂᑦ ᐃᓕᓯᒪᓂᕐᓴᐅᓚᐅᕐᐳᖓ ᔫᑎᑦ ᐅᒃᐱᕐᓂᖓᓐᓂᒃ, ᓯᕗᓕᕕᓂᑦᑕᓗ ᐅᒃᐱᕐᓂᕐᒥ ᐱᐅᓯᕕᓂᖏᑦ ᓯᕐᓂᒋᓂᕐᓴᕆᓚᐅᕐᐸᒃᑲ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᐲᑦᑐᕉᓯ ᓯᕗᓪᓖᑦ 1:18

ᖃᐅᔨᒪᑦᓯᐊᕋᑦᓯ ᐊᓯᕈᕐᑐᒃᓴᒧᑦ ᓯᐅᓪᕕᕆᒧᓪᓘᓐᓃᑦ ᒎᓗᒧᓪᓘᓐᓃᑦ ᐊᑭᓕᕐᑕᐅᓯᒪᖏᓐᓇᑦᓯ ᒪᑐᒪᓐᖓᑦ ᐃᓅᓯᕐᒥᑦ ᓱᒃᓴᐅᖏᑦᑐᒥᑦ ᓯᕗᓕᑦᓯᓐᓂᑦ ᐃᓅᓯᕐᑖᕆᓯᒪᔭᑦᓯᓐᓂᑦ ᕿᓚᕈᑦᔮᕐᑕᐅᓚᐅᕐᕋᓯ,