ᔨᕆᒤᐊᐅᑉ ᐊᒡᓚᖏᑦ 8:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓯᓚᑐᔪᑦ ᑲᓐᖑᓱᒃᑎᑕᐅᓂᐊᕐᐳᑦ, ᑲᒪᓂᐊᕐᑎᑕᐅᓂᐊᕐᐳᓪᓗ ᐊᔪᓕᕐᑎᑕᐅᓗᑎᒃ, ᐊᑕᓂᐅᑉ ᐱᖁᔭᖏᓐᓂᒃ ᒪᓕᒍᒪᖏᓐᓇᒥᒃ, ᖃᓄᐃᑦᑐᒥᒃ ᑍᒪ ᓯᓚᑐᓂᖃᓕᕐᐹᑦ?

ᔨᕆᒤᐊᐅᑉ ᐊᒡᓚᖏᑦ 8:9 Iomraidhean Croise

ᐊᑕᓃᑦ ᐂᑉᐸᖏᑦ 17:15

ᒪᓕᒃᑕᐅᖁᔭᖏᓐᓂᒃ ᒪᓕᒍᒪᓚᐅᓐᖏᓚᑦ ᓯᕗᓕᕕᓂᖏᑕ ᒎᑎᒥᒃ ᐊᖏᖃᑎᒌᒍᑎᓕᐅᕐᓯᒪᓂᖏᓐᓂᒃ ᑲᔪᓯᑎᑦᓯᓚᐅᓐᖏᓚᑦ, ᐃᓂᕐᑎᕆᑦᔪᑎᖏᓪᓗ ᓈᓚᓚᐅᓐᖏᓔᑦ. ᑐᒃᓯᐊᕐᕕᖃᖔᓕᕐᓗᑎᒃ ᒎᑎᓐᖑᐊᓂᒃ ᓱᓕᖏᑦᑐᓂᒃ ᓇᖕᒥᓂᖅ ᓱᓕᔪᓐᓃᕐᑎᓚᐅᕐᐳᑦ, ᐃᓅᖃᑎᒌᒡᔪᐊᓂᒃ ᐊᑕᓂᕐᒥᒃ ᐅᒃᐱᕆᔭᖃᖏᑦᑐᓂᒃ ᒪᓕᖃᑕᐅᑐᐃᓐᓇᓕᕐᓗᑎᒃ, ᐊᑕᓂᐅᑉ ᒪᓕᒃᑕᐅᖁᓚᐅᓐᖏᑕᖏᓐᓂᒃ.

ᔫᐱᐅᑉ ᐊᒡᓚᖏᑦ 5:12

ᐱᓐᖏᓯᕐᑐᕐᑐᑦ ᐋᖅᑭᒃᓱᕋᓱᐊᕐᑕᖏᑦ ᑲᔪᓯᔪᓐᓇᕐᑎᓐᖏᓔᑦ, ᐱᓕᕆᐊᕆᓇᓱᒃᑕᕋᓗᐊᒥᖕᓂᒃ ᐋᖅᑭᒃᓯᔪᓐᓇᕐᑎᓐᓇᓂᒋᑦ.

ᔫᐱᐅᑉ ᐊᒡᓚᖏᑦ 5:13

ᓯᓚᑐᓇᓱᒃᑐᑦ ᐱᓇᓱᐊᕋᓱᒃᑕᖏᑎᒍᑦ ᓄᖅᑲᕐᑎᖃᑦᑕᕐᐰᑦ; ᐱᓇᓱᐊᕋᓱᒃᑕᖏᓪᓗ ᓄᖅᑲᕐᑎᖃᑦᑕᕐᐰᑦ ᐱᓐᖏᓯᕐᑐᕋᓱᒃᑐᑦ.

ᐃᓐᖏᕈᑎᑦ 19:7

ᐊᑕᓂᐅᑉ ᐱᖁᔭᖅ ᒪᓕᒐᒃᓴᐅᖁᔭᖓ ᓈᒻᒪᑦᓯᐊᕐᐳᖅ, ᑕᕐᓂᕐᒥᒃ ᐆᒻᒪᕈᕐᑎᑦᓯᔪᖅ; ᐊᑕᓂᐅᓪᓗ ᒪᓕᒐᒃᓴᐅᖁᔭᖏᑦ ᓇᓛᒍᕐᐳᑦ, ᓯᓚᑐᔪᓂᒃ ᓯᓔᑦᑑᑎᑦᓯᔪᑦ.

ᐂᓮᐊᓯᐅᑉ ᐊᒡᓚᖏᑦ 19:11

ᔪᐊᓐᒥᐅᑦ ᓯᕗᓕᕐᑎᖏᑦ ᓯᓔᑦᑐᓪᓚᕆᐅᖕᒪᑕ; ᐄᑦᔨᑉᑎᒥᐅᓪᓗ ᐊᖓᔪᖅᑳᕐᔪᐊᖓᑦᑕ ᓯᓚᑐᓂᕐᐹᑦ ᐃᓱᒪᓕᐅᕐᑎᖏᑦ ᑐᑭᖃᖏᑦᑐᓂᒃ ᐅᖃᐅᑦᔪᐃᖃᑦᑕᕐᓱᑎᒃ, ᖃᓄᖅ ᐅᖃᕈᓐᓇᕐᐲᑦ ᐰᕉᒧᑦ, “ᓯᓚᑐᔪᓂᒃ ᓯᕗᓕᖃᕐᑐᖓ, ᐊᖓᔪᖅᑳᕐᔪᐊᕕᓃᓪᓗ ᑭᖑᕚᕆᕚᖓ?”

ᐂᓮᐊᓯᐅᑉ ᐊᒡᓚᖏᑦ 29:14

ᑍᒤᒻᒪᑦ ᓱᓕ ᑲᒪᓇᕐᑐᓂᒃ ᐅᑯᐊ ᐃᓄᐃᑦ ᐱᓂᐊᕐᕕᒋᔪᒪᕙᒃᑲ, ᑕᑕᒥᓇᕐᑐᓂᒃ ᖁᐊᕐᓵᖓᓇᕐᑐᓂᒡᓗ; ᓯᓚᑐᔪᖁᑎᖏᓪᓗ ᐊᑐᕈᓐᓃᕈᒫᕐᐳᑦ, ᐃᓄᖏᑕᓗ ᓇᓗᓇᕐᑐᓂᒃ ᖃᐅᔨᔪᓐᓇᕐᓂᖏᑦ ᒪᑐᓯᒪᓕᕈᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 43:27

ᓯᕗᓕᑦᓯ ᓯᕗᓪᓕᕐᐹᕕᓂᖓᑦ ᐊᔪᕐᑐᓕᓚᐅᕐᐳᖅ, ᐃᑲᔪᕐᑎᒋᔭᓯᓗ ᐊᔪᕐᑐᓕᓚᐅᕐᐳᑦ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᔨᕆᒤᐊᐅᑉ ᐊᒡᓚᖏᑦ 15:6

ᓇᕐᕈᒋᓕᓚᐅᕋᑦᓯᓐᖓ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᑐᓄᐃᒐᑦᓯ; ᑎᒍᓂᐊᕐᐸᑦᓯ ᐊᓯᕈᕐᑕᐅᑎᓪᓗᓯᓗ; ᑕᖃᑦᔪᑎᒐᑦᓯ.

ᔨᕆᒤᐊᐅᑉ ᐊᒡᓚᖏᑦ 19:7

ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓯᕗᓂᒃᓴᓕᐊᕆᓯᒪᔭᒃᑲ ᐊᑐᕈᓐᓃᕐᑎᓐᓂᐊᕐᐸᒃᑲ, ᑐᖁᕋᕐᑕᐅᑎᓪᓗᒋᓪᓗ ᐅᓇᑕᕐᑐᓂ ᐊᑭᕋᖏᓐᓄᑦ, ᑖᒃᑯᓂᖓ ᑐᖁᕅᔪᒪᔪᓂᒃ, ᑎᒥᕕᓂᖏᓪᓗ ᓂᕆᔭᒃᓴᐅᖁᓪᓗᒋᑦ ᑎᖕᒥᐊᓄᑦ ᐆᒪᔪᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 2:8

ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 49:7

ᐄᑐᒥᒥᐅᑦ ᐱᓪᓗᒋᑦ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑏᒪᓐᒥᐅᑦ ᓯᓚᑐᓂᖃᕈᓐᓃᕐᐹᑦ? ᐃᓱᒪᒃᓴᕐᓯᐅᕐᑎᖏᑦ ᐃᓱᒪᑦᓯᐊᕈᓐᓁᓪᓕᖕᒪᑖ? ᓯᓚᑐᓂᖏᑦ ᐊᓯᐅᓯᒪᕚᑦ?

ᔨᕆᒤᐊᐅᑉ ᐊᒡᓚᖏᑦ 6:15

ᑲᓐᖑᓲᑎᖃᕐᐹᑦ ᑕᒪᒃᑯᓂᖓ ᓈᒻᒪᖏᑦᑐᓕᐅᕐᓂᕆᔭᒥᖕᓃᒃ? ᑍᒤᓐᖏᓚᑦ ᑲᓐᖑᓱᒍᓐᓁᓪᓕᕗᑦ, ᐊᐅᐸᓪᓕᕈᓐᓁᓪᓕᓪᓗᑎᒡᓘᓐᓃᑦ, ᑲᑕᒃᓯᒪᔪᓄᑦ ᑲᑕᖃᑕᐅᕕᒡᔪᐊᕐᓂᐊᕐᐳᑦ; ᓱᒋᐊᓕᕈᒃᑭᑦ, ᐃᒋᑕᐅᔪᒫᕐᐳᑦ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 6:19

ᓄᓈ ᑐᓴᓕᕆᑦ, ᐃᓅᖃᑎᒌᑦ ᑖᒃᑯᐊ ᐊᓯᕈᕐᑕᐅᓇᕐᑐᒧᑦ ᑎᑭᕝᕕᐅᑎᓐᓂᐊᕐᐸᒃᑲ, ᐱᓂᐊᕐᓂᖏᑕ ᐱᕈᕐᑎᑕᖏᓐᓄᑦ, ᐅᖃᐅᓯᓐᓂᒃ ᓈᓚᓚᐅᖏᒻᒪᑕ ᐱᖁᔭᓐᓂᒡᓗ ᓇᕐᕈᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 7:26

ᐊᓯᕈᕐᑕᐅᓇᕐᑐᑦ ᑭᖑᓕᕇᒃᑕᕐᓗᑎᒃ ᓇᓪᓕᐅᑎᖃᑦᑕᕈᒫᕐᐳᑦ, ᑐᓴᐅᒪᑐᐃᓐᓇᕐᓂᒃᑯᑦ ᑐᓴᕐᑎᑦᓯᓃᑦ ᑭᖑᓕᕇᒃᑕᕈᒫᕐᐳᑦ; ᒎᑎᐅᓪᓗ ᐱᔪᒫᕐᑐᒃᓴᓂᒃ ᐅᖃᕐᑎᖏᑕ ᑕᑯᑎᑕᐅᓂᖏᓐᓂᒃ ᕿᓂᖃᑦᑕᕈᒫᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐊᓯᐅᔨᔪᒫᕐᐳᑦ, ᐃᓄᑐᖃᐅᔪᓪᓗ ᐅᖃᐅᑦᔨᒋᐊᕈᑎᒃᓴᖃᕈᓐᓁᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 2:4

“ᔫᑕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᓇᕐᕈᓕᓚᐅᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᒪᓕᒃᑕᐅᖁᔭᖏᓐᓂᒡᓗ. ᓱᓕᖏᑦᑐᓄᑦ ᐃᒻᒥᖕᓂᒃ ᑕᒻᒪᕐᑎᒻᒪᑕ, ᓯᕗᓕᖏᑕ ᐱᐅᓯᕆᓚᐅᕐᑕᖏᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 13:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᓇᓚᐅᑦᑍᔨᓕᒫᑦ ᑲᓐᖑᓲᑎᖃᓕᕈᒫᕐᐳᑦ ᓇᓚᐅᑦᑍᓂᒃᑯᑦ ᑕᑯᓯᒪᔭᒥᖕᓂᒃ. ᓇᓚᐅᑦᑍᔩᓪᓗ ᐊᓐᓄᕌᖏᓐᓂᒃ ᐆᒪᔪᐃᑦ ᒥᖁᖏᓐᓂᒃ ᓂᕈᒥᖏᑦᑐᓂᒃ ᐊᑐᕈᒪᔪᓐᓁᕈᒫᕐᐳᑦ, ᐅᐃᕕᕆᒃᓯᑦᔪᑎᒥᖕᓂᒃ.

ᒨᓯᓯ ᑕᓪᓕᒪᖏᑦ 4:6

ᑍᒪᓐᖓᑦ ᑲᔪᓯᑦᓯᐊᕐᓗᓯ ᓈᓚᒐᒃᓴᕆᕙᓯ, ᑕᒪᓐᓇ ᑍᒤᓕᐅᕐᓂᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᓇᓗᓁᕐᓯᓂᐊᕐᒪᑦ ᖃᓄᖅ ᓯᓚᑐᔫᓂᕆᔭᑦᓯᓐᓂᒃ. ᐱᖁᔭᓂᒃ ᑕᒪᒃᑯᓂᖓ ᑐᓴᓕᕈᑎᒃ, ᐅᖃᕐᓂᐊᕐᐳᑦ, ‘ᐅᑯᐊ ᐃᓅᖃᑎᒌᒡᔪᐊᑦ ᐊᔪᖏᑦᑐᕐᔪᐊᖑᓪᓗᑎᒡᓗ ᓯᓚᑐᔪᕐᔪᐊᖑᕗᑦ ᖃᐅᔨᒪᑦᓯᐊᕐᓗᑎᒡᓗ!’

ᑎᒧᑎᒧᑦ ᐂᑉᐸᖏᑦ 3:15

ᓄᑕᕋᐅᓂᕐᓂᓪᓗ ᐊᒡᓔᑦ ᖃᐅᔨᒪᒐᕕᒋᑦ ᐱᐅᓕᔭᐅᓐᓇᕐᑐᒥᒃ ᖃᐅᔨᑎᑦᓯᔪᓐᓇᕐᓂᖏᓐᓂᒃ ᐅᒃᐱᕐᓂᒃᑯᑦ ᙭ᔅᑑᓯ ᔩᓱᓯᒥᒃ.