ᔨᕆᒤᐊᐅᑉ ᐊᒡᓚᖏᑦ 8:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᓄᓇᒥ ᒋᓕᐊᑎᒥᐅᓂ ᐊᓪᓚᕈᑦᔭᒐᕐᑕᖃᓐᖏᓛᖅ? ᐃᓅᓕᓴᐅᑎᒃᓴᒥᒃ? ᐋᓐᓂᐊᓯᐅᑎᑕᖃᕈᓐᓃᕐᒫᑦ ᑍᑲᓂ? ᐃᓄᖁᑎᒪ ᑭᓪᓕᖏᓐᓄᑦ ᐋᖅᑭᒃᑕᐅᓇᕐᑐᕐᑕᖃᕈᓐᓃᕐᐹ?

ᔨᕆᒤᐊᐅᑉ ᐊᒡᓚᖏᑦ 8:22 Iomraidhean Croise

ᒨᓯᓯ ᓯᕗᓪᓖᑦ 37:25

ᑕᕝᕙ ᐃᖏᑉᐳᑦ ᓂᕆᓇᓱᐊᓕᕐᓗᑎᒃ; ᑕᑯᓴᕋᒥᒡᓗ ᑕᑯᕗᑦ, ᐃᓯᒤᓕᒥᐅᓂᒃ ᐅᓄᕐᑐᓂᒃ ᐃᖏᕐᕋᖃᑎᒌᒃᑐᓂᒃ, ᓄᓇᒥᑦ ᒋᓕᐊᑎᒥᑦ ᐱᔪᓂᒃ ᑳᒥᓕᒃᑯᑦ ᐃᖏᕐᕋᔪᓂᒃ, ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᑐᑦ, ᐹᓪᒥᓂᒃ, ᒧᕆᓂᒡᓗ, ᐄᑦᔨᑉᑎᒧᓐᖓᐅᑎᔭᒥᖕᓂᒃ.

ᒨᓯᓯ ᓯᕗᓪᓖᑦ 43:11

ᑕᕝᕙ ᐊᑖᑕᖓᑦᑕ ᐃᓴᕆᐊᓕᐅᑉ ᐅᖃᐅᑎᕔᑦ, “ᑍᒤᑦᓴᕆᐊᖃᕐᐸᑦ, ᑍᒤᓕᐅᓕᕆᑦᓯ: ᓄᓇᑦᑕ ᐱᕈᕐᑐᖏᓐᓂᑦ ᐱᐅᓂᕐᐹᓂ ᓰᕐᓇᕐᑐᓂᒃ ᓇᒃᓴᕐᓗᓯ, ᑖᑦᓱᒧᖓ ᐊᖑᒻᒧᑦ ᐂᑦᑑᑎᒃᓴᐅᖁᓪᓗᒋᑦ, ᐸᐅᕐᖓᑯᓗᖕᓂᒃ ᕼᐊᓂᑯᓗᖕᓂᒡᓗ, ᑎᐱᑦᓯᐊᕆᒃᓴᐅᑎᓂᒃ, ᒧᕋᒥᒃ, ᖃᖅᑯᐊᒐᓂᒡᓗ ᐱᔅᑕᑦᓯᐅᓂᒃ, ᖃᖅᑯᐊᒐᓂᓗ ᐋᓪᒪᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 14:19

ᔫᑕᒥᐅᑦ ᓇᕐᕈᒋᓪᓚᕆᓕᕐᐱᒌᑦ? ᓮᐅᓂᓗ ᑕᕐᓂᕐᐱᑦ ᐆᒥᒋᓕᕐᐸᐅᒃ? ᓱᖕᒪᓪᓕ ᐋᓐᓂᕐᑕᐅᑎᑉᐱᑎᒎᑦ? ᐋᖅᑭᒃᑕᐅᔪᓐᓇᖏᑦᑐᒥᒃ? ᖃᓄᐃᓐᓇᖏᑦᑐᒥᒃ ᕿᓂᕋᓗᐊᕐᐳᒍᑦ ᐱᐅᖏᑦᑐᒧᓪᓕ ᑎᑭᑎᑕᐅᕗᒍᑦ; ᐋᖅᑭᒃᑕᐅᓂᕐᒥᒃ ᓂᕆᐅᒃᑲᓗᐊᕐᐳᒍᑦ ᑕᑯᒋᓪᓕ ᑲᑉᐱᐊᓇᕐᑐᖔᓄᑦ ᑎᑭᑎᑕᐅᕗᒍᑦ.

ᔨᕆᒤᐊᐅᑉ ᐊᒡᓚᖏᑦ 22:6

“‘ᐃᒫᒃ ᐊᑕᓂᖅ ᐅᖃᕐᒪᑦ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖓᓃᑦᑐᓄᑦ: ᑕᑯᒥᓇᕋᓗᐊᕐᐳᑎᑦ ᒋᓕᐊᑎᐅᑉ ᓄᓇᖓᑎᑐᑦ, ᓕᐸᓇᓂᐅᓪᓗ ᖃᖅᑲᖏᑎᑐᑦ, ᓱᓇᖃᔪᐃᑦᑑᑉ ᓄᓇᖓᑐᑦ ᑍᒤᑦᑐᓐᖑᕐᑎᑦᓱᒫᕐᐸᑦᓯ, ᓄᓇᓕᖃᖏᑦᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 46:11

ᒋᓕᐊᑎᑦ ᓄᓇᖓᓂᑦ ᒥᖑᐊᕐᓯᑦᔪᑎᒃᓮᑐᕆᑦᓯ, ᐃᓕᑦᓯ ᐄᑦᔨᑉᑎᐅᑉ ᐸᓂᖏᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑦ, ᐃᓅᓕᓴᐅᑎᒃᓴᑦᓯᓐᓂᒃ ᕿᓂᕋᓗᐊᕈᑦᓯ ᓇᓂᓯᓂᐊᓐᖏᓚᓯ, ᐋᖅᑭᒃᑕᐅᑦᔪᑎᒃᓴᖃᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 51:8

ᐹᐱᓘᓂᒥᐅᑦ ᐊᔪᓕᑳᓪᓚᒍᒫᕐᐳᑦ ᐊᓯᕈᕐᑕᐅᓗᑎᒡᓗ, ᕿᐊᑦᔪᑎᒋᓕᕐᓯᐅᒃ! ᐃᑭᖏᓐᓄᑦ ᒥᖑᐊᕈᑎᒃᓴᕐᓯᒋᑦᓯ, ᐋᖅᑭᒐᔭᕐᒪᖔᑦ ᐆᒃᑐᕐᑕᐅᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 6:7

ᓲᕐᓗ ᐃᒥᕐᑕᕐᕕᐅᑉ ᐃᒪᖓ ᐃᒻᒥᕐᓱᕐᑕᐅᕙᖕᒪᑦ, ᑍᒫᒃᑕᐅᖅ ᐱᐅᖏᑦᑐᓕᐅᕐᓂᖏᑦ ᐱᓯᒪᔭᐅᕗᑦ, ᓇᓂᑐᐃᓐᓇᖅ ᑲᑉᐱᐊᓇᕐᑐᖃᕐᐳᖅ ᐊᓯᕈᕐᓇᕐᑐᖃᕐᓗᓂᓗ, ᖃᓂᒪᓐᓇᕐᓂᖏᑦ ᐋᓐᓂᕐᑎᕆᓂᖏᓪᓗ ᑕᐅᑐᐃᓐᓇᕋᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:13

ᔨᕉᓴᓕᒥᐅᑦ ᖃᓄᖅ ᐅᖃᐅᓯᕆᔪᓐᓇᕐᐸᒃᑳ, ᓱᓇᒥᒡᓗ ᑐᑭᓕᐅᑦᔨᓗᖓ ᐊᑦᔨᐅᑎᑦᓯᔪᓐᓇᕐᐳᖔ? ᓮᒻᒪᕐᓴᕐᑕᐅᖁᓪᓗᓯ ᓮᐅᓂᒥᐅᑕᐅᔪᓯ? ᐋᓐᓂᕐᓯᒪᓂᓯ ᑕᕆᐅᕐᔪᐊᑎᑐᑦ ᐃᑎᑎᒋᖕᒪᑦ, ᑭᓇᒧᑦ ᐋᖅᑭᒃᑕᐅᔪᓐᓇᕋᔭᕐᐱᓰ?

ᐃᓯᑭᐊᓕᐅᑉ ᐊᒡᓚᖏᑦ 27:17

ᔫᑕᒥᐅᑦ ᐃᓴᕆᐊᓕᒥᐅᓪᓗ ᑕᐅᕐᓰᖃᑎᒋᖃᑦᑕᕆᕙᓯ ᓂᐊᖂᔭᒃᓴᓂᒃ, ᐸᐅᕐᖓᓂᒃ ᐅᕐᓱᒃᓴᓂᒃ ᐸᐅᕐᖓᓂᒡᓗ ᐱᒋᓕᖕᓂᒃ, ᕼᐊᓂᒥᒃ, ᐅᕐᓱᒃᓴᓂᒃ, ᒥᖑᐊᕈᑎᒃᓴᓂᒡᓗ.

ᒨᓯᓯ ᓯᑕᒪᖏᑦ 32:1

ᕉᐱᓂᐅᑉ ᑭᖑᕚᖏᑦ ᒑᑦᓗ ᑭᖑᕚᖏᑦ ᐅᓄᕐᑐᕐᔪᐊᓂᒃ ᐆᒪᔪᖁᑎᖃᓚᐅᕐᐳᑦ; ᓄᓁᑦ ᐊᑎᖃᕐᑐᑦ ᔧᔨᕆᒥᒃ ᒋᓕᐊᑎᒥᒡᓗ ᐆᒪᔪᖁᑎᓄᑦ ᓈᒻᒪᑦᓯᐊᕐᒪᑕ,

ᓘᑲᓯᐅᑉ ᐊᒡᓚᖏᑦ 8:43

ᐊᕐᓇᖅ ᐊᕐᕌᒍᓂᒃ 12ᓂᒃ ᐊᐅᓈᖏᓐᓇᕐᑐᖅ; ᑖᑦᓱᒪ ᐱᖁᑎᓂ ᓄᖑᓚᐅᕐᐰᑦ ᐋᓐᓂᐊᓯᐅᑎᓄᑦ, ᓱᓇᒧᓪᓘᓐᓃᑦ ᐋᖅᑭᒃᑕᐅᔪᓐᓇᕋᓂ,