ᔨᕆᒤᐊᐅᑉ ᐊᒡᓚᖏᑦ 8:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓅᖃᑎᒪ ᐊᔪᐃᓐᓇᕐᓗᑎᒃ ᕿᓄᓂᖏᑦ ᐅᖓᓯᒃᑐᒥᑦ ᑐᓴᒃᑭᑦ, ᐊᑕᓂᖅ ᓮᐅᓂᒦᑦᑐᓐᓃᕐᐹ? ᐊᖓᔪᖅᑳᕐᔪᐊᖁᑎᖓ ᑍᑲᓃᑦᓱᓐᓃᕐᐹ? ᓱᖕᒪᑦ ᓂᓐᖓᒃᑎᓐᓇᓱᐊᕐᐹᖓ? ᓴᓇᓐᖑᐊᕐᓯᒪᓪᓗᑎᒃ ᒎᑎᓐᖑᐊᕐᑖᕆᓯᒪᔭᒥᖕᓄᑦ ᓄᓇᖃᑎᒋᓐᖏᑕᒥᖕᓂᑦ ᐱᑖᕆᓯᒪᔭᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 8:19 Iomraidhean Croise

ᐃᓐᖏᕈᑎᑦ 135:21

ᐊᑕᓂᖅ ᓂᕐᑐᕐᑕᐅᓕ ᓮᐅᓂᒥᑦ, ᑖᓐᓇ ᔨᕉᓴᓕᒥ ᐃᓂᖃᕐᑐᖅ! ᐊᑕᓂᖅ ᓂᕐᑐᕐᓯᐅᒃ!

ᐃᓐᖏᕈᑎᑦ 137:1

ᐹᐱᓘᓂᐅᑉ ᑰᖓᓂ, ᐃᒃᓯᕙᕗᒍᑦ, ᐄᓛᒃ, ᕿᐊᕗᒍᑦ, ᓮᐅᓂ ᐃᖅᑲᐅᒪᓕᕋᑦᑎᒍ.

ᐃᓐᖏᕈᑎᑦ 146:10

ᐊᑕᓂᖅ ᐊᐅᓚᑦᓯᔨᐅᓂᐊᕐᐳᖅ ᐃᓱᖃᖏᑦᑐᒧᑦ, ᒎᑎᒋᔧᑦ, ᓮᐅᓂᐅᕗᖅ ᐃᓅᖃᑎᒌᒡᔪᐊᓕᒫᓄᑦ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 149:2

ᐃᓴᕆᐊᓕᒥᐅᑦ ᓴᓇᔨᒋᓚᐅᕐᑕᑎᒃ ᖁᕕᐊᓲᑎᒋᓕᑦᔪᒃ, ᓮᐅᓂᐅᑉ ᕿᑐᕐᖓᖏᑕ ᐊᖓᔪᖅᑳᕐᔪᐊᑎᒃ ᓯᕆᑦᔪᑎᒋᓕᑦᔪᒃ!

ᐃᓐᖏᕈᑎᑦ 31:6

ᐆᒥᒋᖃᑦᑕᓯᒪᕙᒃᑲ ᑲᒪᒋᔭᖃᕐᑐᑦ ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ; ᐅᕙᖓᓕ ᐊᑕᓂᕐᒥᒃ ᑕᑎᖃᕐᐳᖓ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 13:5

ᑖᒃᑯᐊ ᓄᓇᒥᑦ ᐅᖓᓯᒃᑐᒥᑦ ᐱᕗᑦ, ᕿᓔᑦ ᐃᓱᐊᓂᑦ, ᐊᑕᓂᐅᑉ ᐅᓇᑕᐅᑏᓪᓗ ᓂᓐᖓᐅᑦᔨᓯᒪᓂᕐᒥᓄᑦ ᐱᓇᓱᐊᕐᓂᕆᕔᑦ, ᓄᓇᕐᔪᐊᖅ ᐃᓘᓐᓈᑦ ᐊᓯᕈᕈᒪᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 39:3

ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐊᖓᔪᖅᑳᕐᔪᐊᕐᒧᑦ ᕼᐃᓯᑬᐊᒧᐊᕐᐳᖅ ᐊᐱᕆᓪᓗᓂᓗ: “ᓇᑭᓄᑯᐊ ᐱᓯᒪᔪᑦ, ᖃᓄᕐᓗ ᐅᖃᕐᕕᐅᕖᑦ ᑖᒃᑯᓄᖓ?” ᕼᐃᓯᑬᐊᐅᑉ ᑭᐅᕚ, “ᐅᖓᓯᒃᑐᒥᑦ ᐅᑯᐊ ᑎᑭᓯᒪᔪᑦ ᐹᐱᓘᓂᒥᑦ.”

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 10:15

ᐊᑑᑎᒃᓴᖃᓐᖏᓚᑦ, ᓇᕐᕈᓇᕐᓗᑎᒡᓗ, ᓱᒋᐊᕐᑕᐅᕕᖓᑦ ᓇᓪᓕᐅᑎᒃᐸᑦ ᓇᓗᓇᕈᓐᓃᕈᒫᕐᐳᑦ ᓱᓇᒃᓴᐅᖏᓐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 14:19

ᔫᑕᒥᐅᑦ ᓇᕐᕈᒋᓪᓚᕆᓕᕐᐱᒌᑦ? ᓮᐅᓂᓗ ᑕᕐᓂᕐᐱᑦ ᐆᒥᒋᓕᕐᐸᐅᒃ? ᓱᖕᒪᓪᓕ ᐋᓐᓂᕐᑕᐅᑎᑉᐱᑎᒎᑦ? ᐋᖅᑭᒃᑕᐅᔪᓐᓇᖏᑦᑐᒥᒃ? ᖃᓄᐃᓐᓇᖏᑦᑐᒥᒃ ᕿᓂᕋᓗᐊᕐᐳᒍᑦ ᐱᐅᖏᑦᑐᒧᓪᓕ ᑎᑭᑎᑕᐅᕗᒍᑦ; ᐋᖅᑭᒃᑕᐅᓂᕐᒥᒃ ᓂᕆᐅᒃᑲᓗᐊᕐᐳᒍᑦ ᑕᑯᒋᓪᓕ ᑲᑉᐱᐊᓇᕐᑐᖔᓄᑦ ᑎᑭᑎᑕᐅᕗᒍᑦ.

ᔨᕆᒤᐊᐅᑉ ᐊᒡᓚᖏᑦ 14:9

ᓱᖕᒪᑦ ᓇᓗᓕᕐᓯᒪᔪᑎᑐᑦ ᑍᒤᖃᑕᐅᕕᑦ? ᐅᓇᑕᕐᑎᑐᑦ ᐊᔪᖏᑦᑐᕐᔪᐊᑐᑦ ᐃᑲᔪᕈᓐᓁᓪᓕᔪᑐᑦ, ᐃᕝᕕᓪᓕ ᐊᑕᓃᖅ ᐊᑯᓐᓇᑦᑎᓐᓃᑉᐳᑎᑦ, ᐃᓕᖕᓄᓪᓗ ᕾᖁᔭᐅᓯᒪᕗᒍᑦ; ᐊᑏ ᕿᒪᒃᑍᓕᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᐳᖅ: “ᓱᓇᒥᒃ ᓯᕗᓕᓯ ᐸᑦᓯᑎᒃᓴᖃᓚᐅᕐᐹᑦ ᐅᕙᓐᓄᑦ? ᓱᓇᒧᑦ ᐅᕙᓐᓂᒃ ᑐᓄᐃᑎᑕᐅᕚᑦ? ᑐᒃᓯᐊᕐᕕᖃᓕᕐᓗᑎᒡᓗ ᐊᑑᑎᒃᓴᖃᖏᑦᑐᓂᒃ ᒎᑎᓐᖑᐊᓂᒃ, ᓇᖕᒥᓂᖅ ᓱᓇᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 27:10

ᓇᓚᐅᑦᑍᓂᖏᑦ ᓱᓕᖏᒻᒪᑕ ᓄᓇᒋᔭᑦᓯᓐᓂ ᐊᐅᓪᓚᕈᑦᔭᐅᑦᔪᑎᒋᔪᒫᕐᐸᓯ ᐅᖓᓯᒃᑐᒧᑦ, ᖁᔭᓈᕐᓯᔪᒫᕋᒪ ᐃᓕᑦᓯᓐᓂᒃ ᐊᓯᕈᕈᑎᒋᔪᒫᕐᐸᓯᓗ ᑕᒪᓐᓇ.

ᔨᕆᒤᐊᐅᑉ ᐊᒡᓚᖏᑦ 31:6

ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᕗᕅᒻ ᖃᖅᑲᖏᓐᓂ ᖃᐅᔨᓴᕐᑏᑦ ᕾᒐᓛᕐᕕᒃᓴᖓᑦ, ‘ᕾᓕᕆᑦᓯ ᓮᐅᓂᒧᐊᓚᐅᕐᑕ, ᐊᑕᓂᐅᑉ ᒎᑎᑦᑕ ᓇᔪᕐᑕᖓᓄᑦ.’”

ᔨᕆᒤᐊᐅᑉ ᐊᒡᓚᖏᑦ 32:30

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 7:19

ᐅᕙᓐᓂᒃ ᓂᓐᖓᒃᓮᒐᓗᐊᕐᐹᑦ? ᐊᑕᓂᖅ ᐅᖃᕐᐳᖅ, ᑍᒤᓕᐅᕐᓂᕐᒥᖕᓄᑦ ᐃᒻᒥᖕᓂᖔᖅ ᐊᓯᕈᕈᑎᒃᓴᓕᐅᓕᓐᖏᓛᑦ ᑲᓐᖑᓇᕐᑐᒦᑎᓪᓗᑎᒡᓗ?

ᔨᕆᒤᐊᐅᑉ ᐊᒡᓚᖏᑦ 8:20

ᑲᑎᕐᓱᐃᕕᒃ ᐱᕈᕐᑐᓂᒃ ᐊᓂᒍᕐᓯᒪᓕᕐᐳᖅ, ᐊᐅᔭᕐᓗ ᐃᓱᓕᓪᓗᓂ. ᓱᓕᓕ ᐱᐅᓕᔭᐅᓐᖏᓚᒍᑦ.

ᔨᕆᒤᐊᐅᑉ ᐊᒡᓚᖏᑦ 9:16

ᓇᒧᑐᐃᓐᓇᖅ ᐃᓅᖃᑎᒌᒡᔪᐊᓄᑦ ᑲᑎᒪᖏᓪᓗᑎᒃ ᓄᓇᑖᕐᑐᕐᑎᑦᓱᒫᕐᐸᒃᑲ ᐃᓅᖃᑎᑖᕐᑎᓪᓗᒋᓪᓗ ᐃᓅᖃᑎᒋᓚᐅᓐᖏᑕᒥᖕᓂᒃ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓄᑦ, ᑐᖁᑕᐅᓐᓇᕐᑐᒧᐊᕐᑎᓐᓂᐊᕐᐸᒃᑲ ᓄᖑᖅᑳᖏᓐᓂᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 48:35

ᐊᕙᓗᕐᔪᐊᑉ ᐊᖏᓂᖓ ᑐᑭᒧᑦ ᓴᓂᒧᓪᓗ 10,080ᓂᒃ ᐆᒃᑑᑎᓂᒃ ᐊᖏᓂᖃᕐᑐᒃᓴᐅᕗᖅ; ᒫᓐᓇᒥᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᑦ ᑖᒃᑯᐊ ᐊᑎᖃᕐᑐᒃᓴᐅᕗᑦ, ᐊᑕᓂᖅ ᑕᕝᕙᓃᑉᐳᖅ.”

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᔪᐃᓕᐅᑉ ᐊᒡᓚᖏᑦ 3:21

ᐊᑭᓂᐊᕈᒫᕐᐸᒃᑲ ᑐᖁᑦᓯᓚᐅᕐᑐᑦ ᐸᓯᔭᒃᓴᐅᔪᓐᓃᓐᓂᐊᓐᖏᓚᓪᓗ, ᐅᕙᖓ ᐊᑕᓂᐅᒐᒪ ᓮᐅᓂᒥ ᐃᓂᖃᕐᑐᖅ.”

ᐅᐸᑍᐊᑉ ᐊᒡᓚᖏᑦ 1:17

“ᖃᖅᑲᒥ ᓮᐅᓂᒥ ᕿᒫᓯᒪᔪᖃᕈᒫᕐᐳᖅ, ᐃᑦᔪᕐᓁᑦᑑᔪᒫᕐᐳᕐᓗ ᑖᓐᓇ ᖃᖅᑲᖅ; ᔧᑰᓪᓗ ᑭᖑᕚᖏᑕ ᓄᓇᒋᓚᐅᕐᑕᑎᒃ ᐅᑎᕐᑎᑦᓱᒫᕆᕔᑦ.

ᒤᑲᐅᑉ ᐊᒡᓚᖏᑦ 4:9

ᓱᖕᒪᑦ ᕿᐊᕖᑦ ᓂᐱᖃᕐᓗᑏᑦ? ᐊᖓᔪᖅᑳᕐᔪᐊᖃᖏᓐᓂᑦᓯᓐᓅᑦ? ᐃᓱᒪᒃᓴᕐᓯᐅᕐᑎᓰ ᐊᓯᐅᓯᒪᖕᒪᑕ? ᐋᓐᓂᐊᓕᕐᐳᓯ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.

ᔨᐸᓁᐊᐅᑉ ᐊᒡᓚᖏᑦ 3:15

ᐊᑕᓂᐅᑉ ᐃᖅᑲᕐᑐᐃᓂᓂ ᐲᕐᑎᒻᒪᒍ, ᐊᑭᕋᓯᓗ ᐃᒋᓯᒪᖕᒪᒋᑦ. ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ, ᐊᑕᓂᖅ, ᐊᑯᓐᓇᑦᓯᓐᓃᑉᐳᖅ; ᑲᑉᐱᐊᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑎᑦ.

ᓴᑲᕅᐊᐅᑉ ᐊᒡᓚᖏᑦ 2:9

ᑖᒃᑯᐊ ᐊᑕᓂᐅᑉ ᓇᖕᒥᓂᖅ ᓱᒋᐊᕐᓂᐊᕐᐰᑦ, ᓯᐊᓛᕆᓚᐅᕐᑕᖏᓐᓂᓪᓘᓐᓃᑦ ᐊᒡᓛᑦ ᓵᓚᐅᔪᓐᓇᓕᕐᓗᑎᒃ ᑍᒤᓕᕐᐸᑦ ᑕᕝᕙ ᐃᓄᐃᑦ ᖃᐅᔨᔪᒫᕐᐳᑦ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓯᒪᖕᒪᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 14:15

“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:1

“ᐃᐱᓲᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᑯᐊ ᐅᖃᐅᓰᑦ ᐅᓪᓗᕆᐊᓂᒃ 7ᓂᒃ ᑕᓕᕐᐱᖕᒥᓄᑦ ᑎᒍᒥᐊᕐᑐᒥᑦ ᐱᕗᑦ, ᖃᐅᒻᒪᖅᑯᑏᓪᓗ ᒎᓗᐃᑦ ᐃᓂᖏᑦᑕ 7 ᐊᑯᕐᖓᑦᑎᒍᑦ ᐱᓱᒃᑐᒥᑦ.