18 ᕿᒃᓵᓕᕋᒪ ᒪᓂᒍᒐᒃᓴᐅᖏᑦᑐᒥᒃ; ᐆᒻᒪᑎᒐ ᓄᑮᕈᑎᕗᖅ ᐃᓗᓐᓂ.
ᐊᑕᓃᖅ, ᒫᓐᓇ ᑐᐊᕕᕐᓗᑎᑦ ᑐᓴᓚᐅᓐᖓ! ᓂᕆᐅᒋᔭᒃᓴᖃᕈᓐᓃᕋᒪ ᑕᒤᑎᒍᑦ. ᑮᓁᑦ ᐃᔨᕐᓯᒪᓂᐊᕐᓇᒍ ᐅᕙᓐᓄᑦ, ᐃᓚᓕᐅᑎᖁᓇᖓ ᑐᖁᖓᔪᑦ ᐃᓂᖓᓄᑦ ᐊᒻᒧᐊᒃᓯᒪᔪᓄᑦ.
ᑍᒤᒻᒪᑦ ᐃᒫᒃ ᐅᖃᓚᐅᕐᐳᖓ: “ᐊᓚᕆᑦᓯ ᐅᕙᓐᓂᒃ, ᐃᓱᒪᕐᓱᕐᓗᖓ ᕿᐊᓚᖓ; ᓮᒻᒪᕐᓴᕐᑕᐅᓇᓱᐊᕈᒪᓐᖏᓚᖓ ᐃᓅᖃᑎᒃᑲ ᑐᖁᑕᐅᓚᐅᕐᑐᑦ ᐱᓪᓗᒋᑦ.”
ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᓪᓗᒋᑦ: ᐆᒻᒪᑎᒐ ᐃᓗᓐᓂ ᓯᖁᒥᓯᒪᕗᖅ, ᓴᐅᓂᒃᑲᓗ ᓴᔪᒡᐳᑦ; ᐋᖓᔮᕐᑐᑎᑐᑦ ᑍᒤᓕᕐᐳᖓ, ᕔᓂᒥᒃ ᐃᒥᓗᐊᕐᑐᕕᓂᕐᑎᑐᑦ, ᐊᑕᓂᖅ ᐱᑦᔪᑎᒋᓪᓗᒍ ᐅᖃᐅᓯᖏᓪᓗ ᐃᑦᔪᕐᓁᑦᑐᑦ ᐱᓪᓗᒋᑦ.
ᐊᒃᓱᕈᕐᐳᖓ, ᐊᒃᓱᕈᕐᐳᖓ ᕿᑲᕈᓐᓁᓪᓕᕗᖓ ᐋᓐᓂᐊᓂᕐᒧᑦ ᐃᓗᒃᑯᑦ, ᐆᒻᒪᑎᒃᑯᑦ ᐋᓐᓂᐊᕋᒪ, ᐆᒻᒪᑎᒐ ᐊᖏᔪᒥᒃ ᑎᒡᓕᓕᕐᒪᑦ, ᓂᐱᖃᖏᑦᑑᔪᓐᓇᓐᖏᓚᖓ ᑎᑦᑐᓚᐅᑎᐅᑉ ᓂᐱᖓᓂᒃ ᑐᓴᕐᓯᒪᓕᕋᒪ, ᐅᓇᑕᕐᓂᐊᕐᑐᓂᒡᓗ ᑐᓵᓕᕐᐳᖓ.
“ᑐᓴᐅᒪᓕᕋᑦᑎᒍ ᑕᓕᕗᑦ ᓄᑭᖃᕈᓐᓃᕐᐳᑦ, ᐃᓱᒫᓗᓕᕐᓗᑕᓗ ᐋᓐᓂᐊᓕᕐᐳᒍᑦ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.
ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.
ᑍᒤᒻᒪᑦ ᐆᒻᒪᑎᕗᑦ ᖃᓂᒪᕗᑦ, ᐃᔨᕗᓪᓗ ᑕᐅᑐᑦᓯᐊᕈᓐᓃᕐᓗᑎᒃ.
ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.
