ᔨᕆᒤᐊᐅᑉ ᐊᒡᓚᖏᑦ 8:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ “ᑕᑯᒋᑦ, ᑎᑭᑕᐅᑎᑦᓱᒫᕐᐸᑦᓯ ᖁᒡᓗᒋᐊᕐᔪᐊᓂᒃ ᑐᖁᓐᓇᕐᑐᖃᕐᑐᓂᒃ ᓯᓔᕐᕆᔭᒃᓴᐅᖏᑦᑐᓂᒃ, ᑖᒃᑯᐊᓗ ᑮᔪᒫᕐᐹᓯ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:17 Iomraidhean Croise

ᐃᓐᖏᕈᑎᑦ 58:6

ᒎᑏ, ᑭᒍᑎᖏᑦ ᖃᓂᖏᓐᓃᑦᑐᑦ ᓯᖁᒥᒃᑭᑦ; ᐊᑕᓃᖅ, ᓛᔭᑦ ᐃᓐᓇᐅᖏᑦᑐᑦ ᑐᓗᕆᐊᖏᑦ ᓄᓱᒃᑭᑦ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:11

ᖁᒡᓗᒋᐊᖅ ᑮᓯᒃᐸᑦ ᐃᓚᓐᓂᕐᓴᕐᑕᐅᖄᕋᓂ, ᑕᕝᕙ ᖁᒡᓗᒋᐊᓕᕆᔨ ᐱᕚᓪᓕᕈᑎᒃᓴᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 14:29

“ᖁᕕᐊᓱᒋᐊᖃᓐᖏᓚᓯ, ᐱᓕᔅᑎᐊᒥᐅᑕᐅᔪᓯ ᐃᓕᑦᓯᓐᓂᒃ ᐊᓇᐅᓕᕈᑕᐅᓚᐅᕐᑐᖅ ᓇᐱᓯᒪᖕᒪᑦ, ᖁᒡᓗᒋᐊᕐᔪᐊᖅ ᑐᖁᒐᓗᐊᕐᐸᑦ ᑭᖑᕚᖃᕈᒫᕐᐳᖅ ᖁᒡᓗᒋᐊᒥᒃ ᑐᖁᓐᓇᕐᑐᓕᖕᒥᒃ, ᓴᖅᑭᑎᑦᓯᓗᓂᓗ ᖁᒡᓗᒋᐊᒥᒃ ᖃᖓᑕᔪᓐᓇᕐᑐᒥᒃ.

ᐂᒨᓯᐅᑉ ᐊᒡᓚᖏᑦ 5:19

ᐊᑦᔨᖃᕈᒫᕐᒪᑦ ᐊᖑᒻᒥᒃ ᓛᔭᒥᒃ ᕿᒫᔪᒥᒃ, ᓇᓄᕐᒥᒡᓗ ᐹᕐᓯᔪᒥᒃ! ᐅᕝᕙᓗ ᐊᑦᔨᖃᕈᒫᕆᕗᖅ ᐃᒡᓗᒧᑦ ᐃᑎᕐᑐᒥᒃ, ᐊᑭᓐᓇᒧᑦ ᐊᔭᑉᐸᒃᐸᑦ ᖁᒡᓗᒋᐊᒧᑦ ᑮᔭᐅᔪᑐᑦ!

ᐂᒨᓯᐅᑉ ᐊᒡᓚᖏᑦ 9:3

ᐃᔨᕆᐊᕐᑐᕋᓗᐊᕐᐸᑕᓗ ᖃᖅᑲᐅᑉ ᑳᕐᒥᐅᓕᐅᑉ ᖄᖓᓄᑦ, ᕿᓂᕐᓗᒋᑦ ᓇᓂᔪᒫᕐᐸᒃᑲ ᑎᒍᓗᒋᓪᓗ; ᐃᔨᕋᓗᐊᕐᐸᑕᓗ ᐃᒪᕕᐅᑉ ᐃᖅᑲᖓᓄᑦ, ᑍᑯᖓ ᖁᒡᓗᒋᐊᖅ ᑎᓕᔪᒫᕐᐸᕋ, ᑖᑦᓱᒪᓗ ᑮᔪᒫᕐᐰᑦ.

ᒨᓯᓯ ᓯᑕᒪᖏᑦ 21:6

ᐊᑕᓂᕐᓕ ᑎᑭᑎᑦᓯᕗᖅ ᐃᓄᖕᓄᑦ ᖁᒡᓗᒋᐊᓂᒃ ᑐᖁᓐᓇᕐᑐᓕᖕᓂᒃ; ᐃᓄᐃᓪᓗ ᑕᒪᒃᑯᓄᖓ ᑮᔭᐅᕗᑦ, ᐅᓄᕐᑐᓪᓗ ᐃᓴᕆᐊᓕᒥᐅᑦ ᑐᖁᓪᓗᑎᒃ.

ᒨᓯᓯ ᑕᓪᓕᒪᖏᑦ 32:24

ᑐᖁᕋᕈᒫᕐᐳᑦ ᐱᕐᓕᕋᕐᓗᑎᒃ ᖃᓂᒪᓐᓇᕐᒧᓪᓗ ᐆᑎᕐᓇᕐᑐᒧᑦ; ᑐᖁᕋᕈᒫᕐᐳᑦ ᖃᓂᒪᓐᓇᕐᑐᓄᑦ ᐱᐅᖏᑦᑐᐊᓗᖕᓄᑦ; ᓂᕐᔪᑎᓄᑦ ᓄᔪᐊᕐᑐᓄᑦ ᐅᐸᒃᑐᕐᑕᐅᑎᑦᓱᒫᕐᐸᒃᑲ, ᖁᒡᓗᒋᐊᓄᓪᓗ ᐹᕐᖑᕐᑐᓄᑦ ᑮᔭᐅᑎᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:19

ᕿᒻᒥᕐᔪᐊᓪᓗ ᐱᔪᓐᓇᕐᓂᖏᑦ ᖃᓂᖏᓐᓃᑉᐳᑦ ᐸᒥᐅᖏᓐᓂᓗ; ᐸᒥᐅᖏᓪᓗ ᖁᒡᓗᒋᐊᑎᑐᑦ ᓂᐊᖁᖃᕐᐳᑦ, ᑖᒃᑯᓄᖓᓗ ᐃᓄᖕᓂᒃ ᐋᓐᓂᕐᓯᕗᑦ.