ᔨᕆᒤᐊᐅᑉ ᐊᒡᓚᖏᑦ 8:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ “ᖃᓄᐃᒻᒪᑦ ᑲᑎᒪᓪᓗᑕ ᐃᒃᓯᕚᑐᐃᓐᓇᕐᐱᑖ? ᕿᒫᓚᐅᕐᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ ᑐᖁᔭᕐᑐᕐᓗᑕ. ᐊᑕᓂᐅᑉ ᒎᑎᑦᑕ ᑐᖁᔪᒃᓴᐅᖁᓕᕐᒪᑎᒍᑦ, ᑐᖁᓐᓇᕐᑐᒥᒡᓗ ᐃᒥᖁᑎᖃᓕᕐᑎᒻᒪᑎᒍᑦ, ᐊᔪᕐᑐᓕᕕᒋᓚᐅᕋᑦᑎᒍ.

ᔨᕆᒤᐊᐅᑉ ᐊᒡᓚᖏᑦ 8:14 Iomraidhean Croise

ᓴᒧᐃᓕ ᐂᑉᐸᖏᑦ 20:6

ᑍᒤᒻᒪᑦ ᑍᕕᑎ ᐅᖃᕐᐳᖅ ᐊᐱᓮᒧᑦ, “ᓰᐸᐅᑉ ᐱᑭᕆᐅᑉ ᐃᕐᓂᖓᑕ ᐋᑉᓴᓚᒻᒥᑦ ᐊᖏᓂᕐᓴᒥᒃ ᐊᒃᓱᕈᕐᑎᓐᓂᐊᕐᐹᑎᒍᑦ; ᐃᓄᖁᑎᒃᑲ ᐃᓚᒋᓗᒋᑦ ᒪᓕᒃᓴᓚᐅᕈᒃ, ᓄᓇᓕᖕᓂᒃ ᓴᐴᓗᑕᓕᖕᓂᒃ ᑎᒍᓯᑐᐃᓐᓇᕆᐊᖃᕐᒪᑦ ᐅᕙᑦᑎᓐᓂᒡᓗ ᕿᒪᒃᓯᓗᓂ.”

ᐃᓐᖏᕈᑎᑦ 39:2

ᓂᓪᓕᐊᓚᐅᖏᓐᓇᒪ ᓂᐱᖃᕐᓇᖓᓗ, ᓂᐱᖃᓚᐅᖏᓐᓇᒪ ᐱᐅᔪᓂᒡᓘᓐᓃᑦ ᐅᖃᓚᐅᕐᓇᖓ; ᕿᒃᓵᖕᓂᕋᓕ ᐊᖏᓂᕐᓴᐅᓕᓚᐅᕐᐳᖅ.

ᐃᓐᖏᕈᑎᑦ 69:21

ᑳᓕᕐᑎᓪᓗᖓ ᓂᕆᓂᐊᕐᑕᒃᑲ ᓱᖓᕐᒥᒃ ᐃᓚᕔᑦ, ᐃᒥᕈᓕᕋᒪᓗ ᕕᓂᒐᒥᒃ ᐃᒥᕐᑎᑉᐹᖓ.

ᐂᓮᐊᓯᐅᑉ ᐊᒡᓚᖏᑦ 47:5

ᓂᐱᖃᖏᓪᓗᑎᑦ ᐃᒃᓯᕙᓕᕆᑦ, ᑖᕐᑐᒦᓪᓗᑎᓪᓗ, ᑲᐅᓪᑎᐊᒥᐅᑦ ᐸᓂᖓ; ᑍᔭᐅᓂᐊᕈᓐᓃᕋᕕᑦ ᐊᖓᔪᖅᑳᕐᔪᐊᖃᕐᕕᐅᑉ ᐊᕐᓇᖁᑎᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 14:20

ᐊᑕᓃᖅ ᓇᓗᓁᕐᓯᓕᕐᐳᒍᑦ ᐱᐅᖏᑦᑐᓕᓯᒪᓂᑦᑎᓐᓂᒃ; ᓯᕗᓕᑦᑕᓗ ᐸᓯᔭᒃᓴᐅᓂᖏᓐᓂᒃ, ᐄᓛᒃ ᐊᔪᕐᑐᓕᓚᐅᕐᐳᒍᑦ ᐃᓕᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.

ᔨᕆᒤᐊᐅᑉ ᐊᒡᓚᖏᑦ 23:15

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕉᓴᓕᒦᑦᑐᑦ ᐱᓪᓗᒋᑦ: “ᑕᑯᒋᑦ, ᓂᕆᑎᑦᓱᒫᕐᐸᒃᑲ ᓂᕿᒥᒃ ᖃᒃᑭᓐᓇᕐᑐᒥᒃ, ᐃᒥᕐᑎᓪᓗᒋᓪᓗ ᐃᒪᕐᒥᒃ ᑐᖁᓐᓇᕐᑐᒥᒃ, ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ ᔨᕉᓴᓕᒥ ᐱᒋᐊᕐᕕᐅᓪᓗᑎᒃ ᐅᒃᐱᖏᓐᓂᖅ ᓯᐊᒻᒪᕐᐸᓪᓕᐊᓕᕐᒪᑦ ᓄᓇᓕᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 3:25

ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 35:11

ᓂᐱᑯᓁᓴᐅᓪᓕ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓄᓇᕗᑦ ᓵᓚᒋᓕᕐᒪᒍ ᐅᖃᓚᐅᕐᐳᖑᑦ, ᔨᕉᓴᓕᒧᐊᕈᒪᓪᓗᑕ ᑲᐅᓪᑎᐊᒥᐅᑦ ᓯᕆᐊᒥᐅᓪᓗ ᐅᓇᑕᕐᑎᖁᑎᖏᓐᓂᑦ ᕿᒫᔪᒪᓪᓗᑕ ᑍᒪᓐᖓᑦ ᑕᕝᕙ ᔨᕉᓴᓕᒥᐅᑕᐅᓕᕐᐳᒍᑦ.”

ᔨᕆᒤᐊᐅᑉ ᐊᒡᓚᖏᑦ 9:14

ᒪᓕᖔᕈᒪᓚᐅᕐᒪᑕᓕ ᓯᑎᔫᓂᕐᒥᖕᓄᑦ ᐃᓱᒪᒋᔭᒥᖕᓂᒃ, ᒪᓕᒐᖃᖔᕈᒪᓪᓗᑎᒃ ᐰᓕᒥᒃ, ᓯᕗᓕᖏᑕ ᑍᒪᓐᓇ ᐊᔪᕆᕐᑐᓚᐅᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 9:15

ᑍᒤᒻᒪᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑕᑯᒋᑦ, ᐃᓄᐃᑦ ᑖᒃᑯᐊ ᓂᕆᑎᓐᓂᐊᕐᐸᒃᑲ ᒪᒤᑦᑐᓂᒃ, ᑐᖁᓐᓇᕐᑐᒥᒡᓗ ᐃᒥᕐᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:19

ᐅᑯᒤᒃᓴᕐᓂᕋ ᐃᓱᒪᒋᓕᕌᖓᒃᑯ, ᓇᒧᓐᖓᕐᕕᒃᓴᖃᖏᓐᓂᕋᓗ, ᓱᖓᕐᑎᑐᑦ ᖃᒃᑭᓐᓇᕐᑐᑎᑐᑦ ᑍᒤᑉᐳᖅ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᐂᒨᓯᐅᑉ ᐊᒡᓚᖏᑦ 6:10

ᑐᖁᔪᓪᓗ ᐃᓚᒋᔭᖓᑦ, ᑎᒥᖏᓐᓂᒃ ᐃᑯᐊᓪᓔᓂᐊᕐᑐᖅ, ᐊᓂᑦᔨᔭᕐᑐᓕᕐᐸ ᐃᒡᓗᒥᑦ, ᐃᒡᓗᒦᑦᑐᒧᑦ ᐊᐱᕆᒃᐸᑦ, “ᓱᓕ ᑕᕝᕙᓃᑦᑐᖃᕐᐹ?” ᑭᐅᔭᐅᓂᐊᕐᐳᖅ, “ᓄᖑᑉᐳᑦ!” ᑕᕝᕙ ᐃᓚᒋᔭᖓ ᐅᖃᕐᓂᐊᕐᐳᖅ, “ᓂᐸᖏᕆᑦ, ᐊᑕᓂᐅᑉ ᐊᑎᖓᓂᒃ ᑍᓯᔭᕆᐊᖃᖏᓐᓇᑦᑕ.”

ᕼᐊᐸᑲᐅᑉ ᐊᒡᓚᖏᑦ 2:20

ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓂ ᐃᑦᔪᕐᓁᑦᑐᒦᑉᐳᖅ; ᓄᓇᕐᔪᐊᕐᒥᐅᓕᒫᑦ ᓂᐸᖏᕐᓕᑦ ᑖᑦᓱᒪ ᓵᖓᓂ.

ᓴᑲᕅᐊᐅᑉ ᐊᒡᓚᖏᑦ 2:13

ᐃᓄᓕᒫᖑᔪᓯ ᓂᐸᖏᓕᕆᑦᓯ, ᐊᑕᓂᐅᑉ ᓇᔪᒐᖓᓂ, ᑖᓐᓇ ᐊᓂᓕᕐᒪᓐ ᐃᓂᒋᔭᒥᓂᑦ ᐃᑦᔪᕐᓁᑐᒥᑦ.”

ᒫᑎᐅᓯᐅᑉ ᐊᒡᓚᖏᑦ 27:34

ᑕᕝᕙᓂ ᔩᓱᓯ ᐅᐂᓂᒥᒃ ᖃᓯᓕᓇᕐᑐᒥᒃ ᐃᓚᓕᖕᒥᒃ ᐃᒥᕐᑎᓐᓇᓱᐊᕐᐹᑦ; ᔩᓱᓯᐅᑉ ᐆᒃᑐᕋᒥᐅᒃ, ᐃᒥᕈᒪᓐᖏᓛ.

ᒨᓯᓯ ᑕᓪᓕᒪᖏᑦ 29:18

ᐅᓗᕆᐊᓱᒋᑦᓯ ᐃᓕᑦᓯᓐᓃᑦᑐᖃᖁᓇᒍ ᐊᖑᒻᒥᒃ, ᐊᕐᓇᒥᒡᓘᓐᓃᑦ, ᕿᑐᕐᖓᕇᓂᒡᓘᓐᓃᑦ, ᑭᖑᕚᕇᓂᒡᓘᓐᓃᑦ, ᐅᓪᓗᒥ ᐆᒻᒪᑎᒥᒍᑦ ᐊᑕᓂᕐᒥᑦ ᒎᑎᑦᑎᓐᓂᑦ ᓴᖑᓯᒪᔪᒥᒃ ᐃᓅᖃᑎᒌᒡᔪᐊᓪᓗ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᕈᒪᓕᕐᑐᓂᒃ; ᑕᒪᓐᓇ ᑍᒤᑦᑐᖅ ᐱᕈᕐᓯᐊᒃᓴᐅᑉ ᓄᓇᒧᑦ ᒪᖒᒪᓂᖓᑐᑦ ᑍᒤᑉᐳᖅ ᐱᕈᕐᑐᖃᕈᒫᕐᓗᓂ ᖃᓯᓕᓇᕐᑐᒥᒃ ᑐᖁᓐᓇᕐᑐᒥᒡᓗ.

ᒨᓯᓯ ᑕᓪᓕᒪᖏᑦ 32:32

ᐊᑭᕋᕐᑐᕐᑎᖏᑦ, ᐱᐅᖏᑦᑐᐊᓘᕗᑦ ᓱᑑᒪᒥᐅᑎᑐᑦ ᒍᒨᕋᒥᐅᓪᓗ ᐱᕈᕐᓰᕕᖏᑎᑐᑦ; ᐸᐅᕐᖓᖏᑦ ᕔᓂᒃᓮᑦ ᑐᖁᓐᓇᕐᐳᑦ, ᐸᐅᕐᖎᓪᓗ ᕔᓂᒃᓮᑦ ᑲᑎᓐᖓᔪᑦ ᖃᓯᓕᓇᕐᐳᑦ,