ᔨᕆᒤᐊᐅᑉ ᐊᒡᓚᖏᑦ 7:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 7:9 Iomraidhean Croise

ᐊᑕᓃᑦ ᓯᕗᓪᓖᑦ 18:21

ᐃᓔᑦᔭᐅᓪᓗ ᐃᓄᓕᒫᑦ ᖃᒡᓕᒋᐊᕐᓗᒋᑦ, ᐅᖃᐅᑎᕔᑦ, “ᖃᓄᖅ ᐊᑯᓂᐅᑎᒋᔪᖅ ᓇᓕᐊᖕᓄᕿᑕᖕᓂᐊᕐᐱᓰ ᒪᕐᕉᓕᖅᑭᖓᔪᒥᒃ ᐃᓱᒪᖃᕐᓗᓯ? ᐊᑕᓂᖅ ᒎᑎᐅᒃᐸᑦ, ᑖᓐᓇ ᒪᓕᒃᓯᐅᒃ; ᐰᓕᓕ ᒎᑎᐅᒃᐸᑦ ᑖᓐᓇ ᒪᓕᖕᓂᐊᕐᐸᓯ.” ᐃᓄᐃᓪᓗ ᑭᐅᔪᖃᓚᐅᓐᖏᓚᑦ ᐊᑕᐅᓯᕐᒥᒡᓘᓐᓃᑦ.

ᒨᓯᓯ ᐂᑉᐸᖏᑦ 20:3

“ᐊᓯᓐᓂᒃ ᒎᑎᖃᕐᑐᒃᓴᐅᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 1:13

ᑐᓂᕐᕈᑎᒃᓴᓯ ᐊᑑᑎᖃᖏᑦᑐᑦ ᕾᑎᖃᑦᑕᕈᓐᓃᕐᓯᐅᒃ; ᐃᓯᕐᓗᐊᕐᓂᑎᑦᓯᑦᔪᑏᓪᓗ ᑎᐱᖏᑦ ᐱᐅᒋᓐᖏᓚᒃᑲ, ᑕᖅᑭᓂᕋᑖᕐᓂᖓᓂ ᓇᓪᓕᐅᓐᓂᕐᓯᐅᕈᑎᓯ ᓴᐸᑎᒥᓗ ᑲᑎᒪᓂᕆᕙᒃᑕᓯ ᐊᕆᐅᑉᐸᒃᑲ ᐊᔪᕐᓂᑦᓯᓐᓄᑦ ᐱᐅᔪᓐᓃᕐᑎᑕᐅᓯᒪᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 58:2

ᖃᐅᑕᒫᑦ ᐅᕙᓐᓂᒃ ᕿᓂᕋᓗᐊᕐᐳᑦ, ᐊᖅᑯᑎᓐᓂᒡᓗ ᖃᐅᔨᔪᒪᑦᓯᐊᕐᓗᑎᒃ, ᐃᓅᖃᑎᒌᒡᔪᐊᖑᓪᓗᑎᒃ ᓲᕐᓗ ᓇᓛᒎᕐᑐᒥᒃ ᐃᓕᖅᑯᓯᓕᒃᑎᑐᑦ, ᒎᑎᖓᑦᑕ ᐱᖁᔭᖏᓐᓂᒃ ᒪᓕᑦᓯᐊᖏᓐᓇᕐᑐᑎᑐᑦ, ᓈᒻᒪᑦᓯᐊᕐᑐᒥᒡᓗ ᑐᑭᑖᕐᑎᑕᐅᔪᒪᕗᑦ, ᒎᑎᒧᑦ ᖃᓂᒋᔭᐅᔪᒪᓪᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 1:16

ᐃᓄᖁᑎᒃᑲ ᓱᒋᐊᕐᓂᐊᕋᒃᑭᑦ ᐊᔪᕐᑐᓕᓂᕆᓚᐅᕐᑕᖏᑦ ᐱᓪᓗᒋᑦ, ᐅᕙᓐᓂᒃ ᕿᒤᓯᒪᖕᒪᑕ, ᐆᒪᔪᓂᒡᓗ ᑐᓂᕐᕈᓯᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᒎᑎᓐᖑᐊᓄᓪᓗ ᓴᓇᓯᒪᔭᒥᖕᓄᑦ ᑐᒃᓯᐊᕐᕕᖃᖃᑦᑕᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 11:13

ᔫᑕᒥᐅᑕᐅᔪᓯ ᒎᑎᖃᓕᕐᐳᓯ ᓄᓇᖁᑎᑦᓯᑐᑦ ᐅᓄᕐᑎᒋᔪᓂᒃ; ᑐᓂᕐᕈᓯᕐᕕᖃᐅᓕᕐᓗᓯᓗ ᔨᕉᓴᓕᒥᐅᑦ ᐊᖅᑯᑎᖏᑎᑐᑦ ᐅᓄᕐᑎᒋᔪᓂᒃ ᓇᕐᕈᓇᕐᑐᓂᒃ, ᒎᑎᓐᖑᐊᒧᑦ ᐰᓕᒧᑦ ᐃᓯᕐᓗᐊᕐᓂᑎᑦᓯᕕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 11:17

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᕈᕐᑎᓚᐅᕋᓗᐊᕐᒪᓯ, ᐃᓴᕆᐊᓕᒥᐅᓪᓕ ᔫᑕᒥᐅᓪᓗ ᐅᕙᓐᓂᒃ ᓂᓐᖓᒃᓮᓯᒪᕗᑦ ᐱᐅᖏᑦᑐᓕᓂᕐᒥᖕᓄᑦ, ᑐᓂᕐᕈᓯᕐᓗᑎᒃ ᒎᑎᓐᖑᐊᒧᑦ ᐰᓕᒧᑦ.”

ᔨᕆᒤᐊᐅᑉ ᐊᒡᓚᖏᑦ 13:10

ᐃᓄᐃᑦ ᐅᑯᐊ ᐱᐅᖏᑦᑐᓕᔪᑦ, ᐅᖃᐅᓯᓐᓂᒃ ᓈᓚᒍᒪᓐᖏᓚᑦ, ᐆᒻᒪᑎᒥᓗ ᓯᑎᓂᖏᓐᓄᑦ ᒎᑎᓐᖑᐊᓂᒃ ᒪᓕᒍᒪᕗᑦ ᑐᒃᓯᐊᕐᕕᖃᖃᑦᑕᕈᒪᓪᓗᑎᒃ, ᑍᒤᑦᓱᒫᕆᕗᑦ ᑖᑦᓱᑐᓇᖅ ᕿᑎᕈᑎᑐᑦ ᐊᑑᑎᒃᓴᖃᕈᓐᓃᕐᑐᑐᑦ.

ᔨᕆᒤᐊᐅᑉ ᐊᒡᓚᖏᑦ 18:15

ᐃᓄᖁᑎᒪᓕ ᐳᐃᒍᕐᐹᖓ; ᐆᑕᒃᓴᓂᒃ ᑐᓂᕐᕈᓯᕐᐸᓕᕐᐳᑦ ᒎᑎᓐᖑᐊᓄᑦ; ᐹᓪᓚᒃᐳᑦ ᐱᓂᐊᕐᓂᑎᒃ ᒪᓕᒡᓗᒋᑦ, ᐃᓅᓯᕆᔭᐅᖁᔭᐅᓚᐅᕐᑐᖅ ᓯᕗᓕᕐᒥᖕᓄᑦ ᒪᓕᖏᓐᓇᒥᑦᔪᒃ ᐊᑐᕐᑕᐅᕙᖏᑦᑐᑎᒎᕋᓱᐊᕐᐳᑦ ᐊᖅᑯᓯᐊᖑᓯᒪᖏᑦᑐᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 19:4

ᐅᕙᓐᓂᒃ ᕿᒤᓚᐅᕐᒪᑕ, ᐊᓯᖏᑕᓗ ᒎᑎᒋᔭᖏᓐᓄᑦ ᓄᓇᑎᒃ ᐃᓂᑖᖑᑎᓪᓗᒍ ᓇᕐᕈᓇᕐᓯᑎᑉᐹᑦ, ᐆᑕᒃᓴᓂᒡᓗ ᑐᓂᕐᕈᓯᕐᕕᒋᕙᒃᓗᒋᑦ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓂᒃ, ᔫᑕᐅᓪᓘᓐᓃᑦ ᐊᖓᔪᖅᑳᕐᔪᐊᖏᑕ ᖃᐅᔨᒪᓚᐅᕐᓯᒪᖏᒻᒥᔭᖏᑦ; ᑕᕝᕙᓂᓗ ᑐᖁᕅᕙᒃᓗᑎᒃ ᐸᓯᔭᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 32:29

ᑲᐅᓪᑎᐊᒥᐅᓪᓗ ᑎᑭᒃᑯᑎᒃ ᐃᒡᓗᒐᓴᒡᔪᐊᑦ ᐃᑯᐊᓪᓚᒍᒫᕐᐹᑦ, ᐃᑯᒪᒧᑦ ᓄᖑᑕᐅᖁᓪᓗᒋᑦ, ᑍᒃᑯᐊᓗ ᓂᓐᖓᒡᕕᒋᓚᐅᕐᑕᒃᑲ ᒎᑎᓐᖑᐊᒧᑦ ᐰᓕᒧᑦ ᑐᓂᕐᕈᓯᖃᑦᑕᕐᓂᖏᓐᓄᑦ ᕔᓂᒥᒃ ᐃᒡᓗᒥ ᖄᖏᓐᓂ; ᐃᑯᒪᒧᑦ ᓄᖑᑕᐅᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 44:3

ᐃᓄᒋᓚᐅᕐᑕᖏᓐᓂᑦ ᓂᓐᖓᒃᑎᑕᐅᓚᐅᕋᒪ ᐱᐅᖏᑦᑐᓕᓂᖏᓐᓄᑦ, ᑐᓂᕐᕈᓯᕐᓗᑎᒃ ᑐᒃᓯᐊᕐᕕᖃᖃᑦᑕᓚᐅᕐᒪᑕ ᐊᓯᓐᓂᒃ ᒎᑎᒋᔪᒪᔭᒥᖕᓂᒃ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᓯᕗᓕᕕᓂᖏᑕ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓂᐅᔭᓚᐅᓐᖏᑕᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 44:8

ᓱᖕᒪᑦ ᓂᓐᖓᒃᑎᓐᓇᓱᐊᕐᐱᓯᓐᖔ ᑐᒃᓯᐊᕐᕕᖃᕐᓂᑦᓯᓐᓄᑦ ᒎᑎᓐᖑᐊᓄᑦ ᑐᓂᕐᕈᓯᕐᕕᒋᓪᓗᒋᓪᓗ ᐄᑦᔨᑉᑎᒥ ᒎᑎᒋᔭᐅᔪᑦ? ᑍᒤᓕᐅᕋᓱᐊᕐᐱᓰ? ᓄᖑᑦᓯᐊᒻᒪᕆᒍᒪᓪᓗᓯ, ᓄᓇᒥ ᐃᓅᖃᑎᒌᒡᔪᐊᖑᔪᓄᑦ ᒥᑕᐅᑎᒋᔭᒃᓴᓐᖑᕈᒪᓪᓗᓯ ᐅᖃᕐᓂᕐᓘᑎᒃᓴᐅᔪᒪᓪᓗᓯᓘ?

ᔨᕆᒤᐊᐅᑉ ᐊᒡᓚᖏᑦ 44:9

ᐳᐃᒍᕐᐱᓰ ᐱᐅᖏᑦᑐᓂᒃ ᐱᓂᐊᕐᑕᐅᓯᒪᔪᓂᑦ ᔫᑕᒥᐅᓂᑦ ᔨᕉᓴᓕᒥᐅᓂᓪᓗ ᓯᕗᓕᕕᓂᑦᓯᓐᓄᑦ ᐱᓂᐊᕐᑕᐅᓯᒪᔪᓂᒃ? ᐊᖓᔪᖅᑳᖑᓚᐅᕐᑐᓄᑦ ᔫᑕᒥ, ᓄᓕᐊᖏᓐᓄᓪᓗ ᐃᓕᑦᓯᓐᓄᑦ ᓄᓕᐊᑦᓯᓐᓄᓪᓗ?

ᔨᕆᒤᐊᐅᑉ ᐊᒡᓚᖏᑦ 48:35

ᒧᐊᐱᒥᐅᑦ ᑐᓂᕐᕈᓯᖃᑦᑕᕐᓂᖏᑦ ᑐᒃᓯᐊᕐᕕᒃᔪᐊᖁᑎᒥᖕᓂ ᓄᖅᑲᕐᑎᓐᓂᐊᕐᐸᒃᑲ, ᐃᑯᐊᓚᑦᓯᖃᑦᑕᕐᓂᖏᓪᓗ ᐳᔫᕐᑎᑦᓯᕕᖕᒥ ᒎᑎᒥᖕᓄᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 5:2

ᐅᖃᕋᓗᐊᕐᓗᑎᒃ ᐊᑕᓂᐅᑉ ᐊᑎᖓᓂ ᐱᓂᐊᕐᓂᕋᕐᓗᑎᒃ ᑭᓯᐊᓂᓕ ᓱᓕᑎᑦᓯᕙᓐᖏᓚᑦ ᐅᖃᕐᑕᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 5:7

“ᓱᖕᒪᑦ ᐃᓱᒪᒋᔪᓐᓁᕐᕕᒋᔭᖃᕐᑐᒃᓴᐅᕗᖔ ᐃᓕᑦᓯᓐᓂᒃ? ᕿᑐᕐᖓᓯ ᐊᒡᓛᑦ ᒪᓕᒍᒪᔪᓐᓁᕐᐳᑦ ᐅᕙᓐᓂᒃ, ᐊᖏᒻᒪᕆᒃᐸᒡᓗᑎᒡᓗ ᒎᑎᓐᖑᐊᑦ ᐊᑎᖏᑦ ᐊᑐᕐᓗᒋᑦ. ᐃᓅᑦᔪᑎᒃᓴᓕᒫᖏᓐᓂᒃ ᐊᔪᕐᓴᕐᑎᖏᒃᑲᓗᐊᕋᒃᑭᑦ, ᓱᓕᓕ ᐊᓯᓐᓂᐊᕐᐳᑦ, ᐊᖑᓐᓂᐊᕐᑎᓪᓗ ᐃᒡᓗᖏᓐᓃᖃᑦᑕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 7:6

ᐅᖁᒤᒃᓴᕐᑎᑦᓯᖏᓪᓗᓯᓗ ᐃᓅᖃᑎᑐᖃᕆᓐᖏᑕᑦᓯᓐᓂᒃ, ᐃᓕᐊᕐᔪᖕᓂᒃ, ᐅᐃᒡᒐᕐᓂᕐᓂᒡᓗ ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ, ᒎᑎᓐᖑᐊᓂᒡᓗ ᒪᓕᒐᖃᕐᓂᑦᓯᓐᓄᑦ ᓇᖕᒥᓂᖅ ᓱᕋᒍᑎᒋᕙᖕᓂᐊᖏᓐᓇᑦᓯᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 18:18

ᐊᑖᑕᖓᓕ ᓴᒡᓗᕿᑦᓯᔨᐅᓚᐅᕋᒥ ᑎᒡᓕᒃᑎᐅᓪᓗᓂᓗ ᐃᓅᖃᑎᒥᓂᑦ, ᐱᐅᖏᑦᑐᒥᒡᓗ ᐃᓅᖃᑎᒥᓄᑦ ᐱᓂᐊᕐᕕᖃᕐᐸᒡᓗᓂ, ᑐᖁᔪᒫᕐᐳᖅ ᓇᖕᒥᓂᖅ ᐊᔪᕐᑐᓕᓚᐅᕐᓂᕐᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 20:30

ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᖕᒪᑦ ᐃᓕᑦᓯᓐᓂᒃ ᓴᓗᒤᓕᑎᑉᐱᓰ ᓯᕗᓕᓯ ᐱᐅᓯᖏᑦ ᒪᓕᒡᓗᒋᑦ ᑕᒻᒪᕐᑎᑕᐅᓪᓗᓯᓗ ᓇᕐᕈᓇᕐᑐᓄᑦ?

ᐃᓯᑭᐊᓕᐅᑉ ᐊᒡᓚᖏᑦ 23:39

ᕿᑐᕐᖓᑎᒃ ᑐᖁᓪᓗᒋᑦ ᑐᓂᕐᕈᑎᖃᕋᒥᒃ ᒎᑎᓐᖑᐊᓄᑦ, ᐅᓪᓗᒥ ᑕᕝᕙᓂᑦᓮᓐᓇᖅ ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓚᐅᕐᐹᒃ; ᑕᕝᕙ ᑍᒫᒃ ᐃᒡᓗᓐᓂ ᑍᒤᓕᐅᖃᑦᑕᓚᐅᕐᐴᒃ.

ᐃᓯᑭᐊᓕᐅᑉ ᐊᒡᓚᖏᑦ 5:11

“ᑍᒤᒻᒪᑦ, ᐆᒪᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓚᐅᕋᑦᓯᐅᒃ ᐱᐅᖏᑦᑐᓂᒃ ᓇᕐᕈᓇᕐᑐᓂᒡᓗ ᐱᓂᐊᕐᓂᖃᕐᓂᑦᓯᓐᓄᑦ, ᑍᒤᒻᒪᑦ ᑐᖁᕋᕈᒫᕐᐸᑦᓯ; ᑕᑯᔭᓕᒫᓐᓂᒃ ᐊᒥᐊᒃᑯᖏᓪᓗᖓ, ᓂᑲᒋᔪᒫᓐᖏᓚᑦᓯᓗ.

ᕼᐆᓯᐊᑉ ᐊᒡᓚᖏᑦ 2:13

ᓱᒋᐊᕐᓂᐊᕐᐸᕋᓗ ᓇᓪᓕᐅᓐᓂᕐᓯᐅᖃᑦᑕᕐᓂᕆᓚᐅᕐᑕᖓᓄᑦ ᐰᓕᒧᑦ ᐃᑭᑦᓯᓂᕆᖃᑦᑕᓚᐅᑕᖓᓄᓪᓗ ᐃᓯᕐᓗᐊᕐᓂᑎᑦᓯᓂᕐᒥᒃ ᑖᒃᑯᓄᖓ ᐱᐅᓴᐅᑎᓂᒡᓗ ᐊᑐᖃᑦᑕᕐᓂᕆᔭᖓ ᓇᒡᒍᐊᕐᒥᖕᓂᒡᓗ, ᐱᖃᑎᒋᕙᒃᑕᒥᓄᓪᓗ ᐅᐸᒍᑎᖃᑦᑕᓚᐅᕐᓂᖓᓄᑦ, ᐅᕙᓐᓂᒡᓗ ᐳᐃᒍᐃᓂᕆᓚᐅᕐᑕᖓᓄᑦ, ᐅᖃᕐᐳᖅ ᐊᑕᓂᖅ.”

ᕼᐆᓯᐊᑉ ᐊᒡᓚᖏᑦ 6:9

ᑐᓂᕐᕈᓯᕐᑎᓯᔩᑦ ᑕᕝᕙᓂ ᑎᒡᓕᒃᑎᑐᑦ ᑍᒤᑉᐳᑦ ᐅᑕᖅᑭᕙᒃᑐᑐᑦ ᐅᐸᓗᐃᓪᓗᒋᑦ ᐃᓄᖕᒥᒃ ᓵᓚᒋᓪᓗᒍ ᑎᒡᓕᒃᐸᒃᑐᑐᑦ; ᐊᒡᓛᑦ ᐊᖅᑯᑎᒃᑯᒃ ᓯᑭᒻᒧᐊᖓᔪᒥ ᐃᓄᐊᕐᐸᒃᐳᑦ, ᑍᒫᒡᓗ ᐱᐅᖏᑦᑐᓂᒃ ᐱᓇᓱᐊᕐᐸᒃᐳᑦ.

ᐂᒨᓯᐅᑉ ᐊᒡᓚᖏᑦ 4:5

ᑐᓂᕐᕈᓯᓕᕆᑦᓯ ᖁᔭᓕᓂᕐᒧᑦ ᓂᐊᖂᔭᓂᒃ ᐳᕙᓪᓚᕐᓴᐅᑎᓕᖕᓂᒃ, ᐅᖃᕆᑦᓯ ᓇᓗᓁᕐᓯᓗᓯᓗ ᐃᓱᒤᓐᓇᕐᕆᓯᐅᑎᒥᒃ ᑐᓂᕐᕈᓯᕐᓂᑦᓯᓐᓂᒃ, ᑕᒪᓐᓇ ᐱᐅᒋᒐᑦᓯᐅᒃ, ᐃᓕᑦᓯ ᐃᓴᕆᐊᓕᒥᐅᖑᔪᓯ!” ᐊᑕᓂᖅ ᒎᑎ ᐅᖃᕐᐳᖅ.

ᔨᐸᓁᐊᐅᑉ ᐊᒡᓚᖏᑦ 1:5

ᑐᒃᓯᐊᕐᐸᒃᑐᓪᓗ ᕿᓚᐅᑉ ᐊᑖᓃᑦᑐᓄᑦ ᐃᒡᓗᒥᑦᑕ ᖄᖏᓐᓂ; ᐹᒻᒪᒃᑎᕐᐸᒃᑐᓪᓗ ᐅᖃᕕᒃᓗᑎᒃ ᐊᑕᓂᕐᒧᑦ ᒧᓛᒃᒥᒃ ᒎᑎᓐᖑᐊᒥᒃ ᐱᖃᓯᐅᑦᔨᓪᓗᑎᒃ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᕉᒪᒥᐅᓄᑦ 2:2

ᖃᐅᔨᒪᒐᑦᑕ ᒎᑎᐅᑉ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᒥᒃ ᐃᖅᑲᕐᑐᐃᖕᒪᑦ ᑍᒤᓕᐅᕐᑐᓄᑦ.

ᒨᓯᓯ ᑕᓪᓕᒪᖏᑦ 32:17

ᐊᓂᕐᓂᕐᓗᖕᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᒎᑎᒨᖏᑦᑐᖅ, ᒎᑎᓄᑦ ᓯᕗᓕᕕᓂᖏᑕ ᖃᐅᔨᒪᓚᐅᓐᖏᑕᖏᓐᓄᑦ, ᓄᑖᓄᑦ ᒎᑎᓄᑦ ᖃᐅᔨᒪᓚᐅᓐᖏᑕᒥᖕᓄᑦ, ᒎᑎᓄᑦ ᓯᕗᓕᕕᓂᑦᓯ ᓈᓚᓚᐅᕐᓯᒪᓐᖏᑕᖏᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 5:8

ᒎᑎᒋᔭᐅᔪᑦ ᓄᑖᑦ ᓂᕈᐊᕐᑕᐅᖕᒪᑕ, ᐅᓇᑕᕐᓂᖅ ᐊᕙᓗᕐᔪᐊᑉ ᐃᑎᕐᑕᕐᕕᖏᓐᓃᓕᓚᐅᕐᐳᖅ ᐅᓇᑕᕐᓂᕐᒧᑦ ᓴᐴᓗᑍᑦ, ᖃᓗᒋᐊᓪᓗ ᑕᑯᒃᓴᐅᓚᐅᕐᐹᑦ 40,000ᓂ ᐃᓴᕆᐊᓕᑎᓂ?