ᔨᕆᒤᐊᐅᑉ ᐊᒡᓚᖏᑦ 7:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐅᖁᒤᒃᓴᕐᑎᑦᓯᖏᓪᓗᓯᓗ ᐃᓅᖃᑎᑐᖃᕆᓐᖏᑕᑦᓯᓐᓂᒃ, ᐃᓕᐊᕐᔪᖕᓂᒃ, ᐅᐃᒡᒐᕐᓂᕐᓂᒡᓗ ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ, ᒎᑎᓐᖑᐊᓂᒡᓗ ᒪᓕᒐᖃᕐᓂᑦᓯᓐᓄᑦ ᓇᖕᒥᓂᖅ ᓱᕋᒍᑎᒋᕙᖕᓂᐊᖏᓐᓇᑦᓯᐅᒃ.

ᔨᕆᒤᐊᐅᑉ ᐊᒡᓚᖏᑦ 7:6 Iomraidhean Croise

ᐊᑕᓃᑦ ᐂᑉᐸᖏᑦ 21:6

ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᐊᑕᓃᑦ ᐂᑉᐸᖏᑦ 24:4

ᐸᓯᔭᒃᓴᐅᖏᑦᑐᓂᒡᓗ ᑐᖁᕅᖃᑦᑕᕐᓯᒪᓂᖓᓄᑦ; ᔨᕉᓴᓕᒥᒃ ᐸᓯᔭᒃᓴᐅᖏᑦᑐᑦ ᐊᐅᖏᓐᓂᒃ ᑕᕐᓴᕐᑖᕐᑎᑦᓯᓯᒪᓕᓚᐅᕐᒪᑦ, ᑕᒪᓐᓇᓗ ᐊᑕᓂᐅᑉ ᐃᓱᒪᒋᔪᓐᓁᓚᐅᓐᖏᓛ.

ᐃᓐᖏᕈᑎᑦ 106:38

ᐸᓯᔭᒃᓴᐅᖏᑦᑐᒥᒃ ᐊᐅᖕᒥᒃ ᑯᕕᓯᓚᐅᕐᐳᑦ, ᐊᒡᓛᑦ ᐃᕐᓂᖏᑦᑕ ᐸᓂᖏᑦᑕᓗ ᐊᐅᖏᓐᓂᒃ, ᑐᓂᕐᕈᓯᖃᑦᑕᓕᓚᐅᕐᒪᑕ ᑬᓇᓂᒥᐅᑦ ᒎᑎᓐᖑᐊᖏᓐᓄᑦ: ᓄᓇᓗ ᓇᕐᕈᓇᕐᓯᑎᑕᐅᓚᐅᕐᐳᖅ ᐊᐅᖕᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:10

ᓄᓇᒥ ᓇᓗᓁᒃᑯᑕᑐᖃᕐᒥᒃ ᐲᕐᓯᓂᐊᕐᓇᒃ, ᐊᑖᑕᖃᖏᑦᑐᓪᓗ ᓄᓇᖁᑎᖓᓂ ᐃᓂᖃᕐᓂᐊᕐᓇᒃ;

ᐂᓮᐊᓯᐅᑉ ᐊᒡᓚᖏᑦ 59:7

ᐃᑎᒐᖏᑦ ᐱᐅᖏᑦᑐᓕᔪᒪᓂᕐᒧᑦ ᐅᓪᓚᖃᑦᑕᕐᐳᑦ, ᑐᐊᕕᖃᑦᑕᕐᐳᑦ ᐸᓯᔭᒃᓴᐅᖏᑦᑐᓂᒃ ᐃᓄᐊᕈᒪᓪᓗᑎᒃ, ᐃᓱᒪᒃᓴᕐᓯᐅᕐᐳᓪᓗ ᐊᔪᕐᑐᓕᔪᒪᓪᓗᑎᒃ; ᐊᖅᑯᑏᑦ ᐊᑐᕐᑕᕕᓂᖏᑦ ᐃᓄᐃᕈᑎᓯᒪᓪᓗᑎᒃ ᐊᓯᕈᕐᑕᐅᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 13:10

ᐃᓄᐃᑦ ᐅᑯᐊ ᐱᐅᖏᑦᑐᓕᔪᑦ, ᐅᖃᐅᓯᓐᓂᒃ ᓈᓚᒍᒪᓐᖏᓚᑦ, ᐆᒻᒪᑎᒥᓗ ᓯᑎᓂᖏᓐᓄᑦ ᒎᑎᓐᖑᐊᓂᒃ ᒪᓕᒍᒪᕗᑦ ᑐᒃᓯᐊᕐᕕᖃᖃᑦᑕᕈᒪᓪᓗᑎᒃ, ᑍᒤᑦᓱᒫᕆᕗᑦ ᑖᑦᓱᑐᓇᖅ ᕿᑎᕈᑎᑐᑦ ᐊᑑᑎᒃᓴᖃᕈᓐᓃᕐᑐᑐᑦ.

ᔨᕆᒤᐊᐅᑉ ᐊᒡᓚᖏᑦ 19:4

ᐅᕙᓐᓂᒃ ᕿᒤᓚᐅᕐᒪᑕ, ᐊᓯᖏᑕᓗ ᒎᑎᒋᔭᖏᓐᓄᑦ ᓄᓇᑎᒃ ᐃᓂᑖᖑᑎᓪᓗᒍ ᓇᕐᕈᓇᕐᓯᑎᑉᐹᑦ, ᐆᑕᒃᓴᓂᒡᓗ ᑐᓂᕐᕈᓯᕐᕕᒋᕙᒃᓗᒋᑦ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓂᒃ, ᔫᑕᐅᓪᓘᓐᓃᑦ ᐊᖓᔪᖅᑳᕐᔪᐊᖏᑕ ᖃᐅᔨᒪᓚᐅᕐᓯᒪᖏᒻᒥᔭᖏᑦ; ᑕᕝᕙᓂᓗ ᑐᖁᕅᕙᒃᓗᑎᒃ ᐸᓯᔭᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 2:34

ᐊᓐᓄᕌᓯ ᐊᐅᒥᓯᒪᕗᑦ ᐸᓯᔭᒃᓴᐅᖏᑦᑐᑦ ᐊᔪᕐᓴᕐᑐᓪᓗ ᐊᐅᖏᓐᓂᒃ, ᖃᐅᔨᒪᒐᓗᐊᕐᓗᓯᐅᒃ ᑎᒡᓕᒐᕐᑎᐅᖏᒻᒪᑕ. “ᑍᒤᒐᓗᐊᕐᑎᓪᓗᒍ,

ᔨᕆᒤᐊᐅᑉ ᐊᒡᓚᖏᑦ 26:15

ᖃᐅᔨᒪᒋᑦᓯᓕ, ᑐᖁᒃᑯᑦᓯᓐᖓ ᐸᓯᔭᒃᓴᑑᓂᐊᕐᐳᓯ ᑐᖁᑦᑎᓯᒪᓂᑦᓯᓐᓂᒃ ᐸᓯᔭᒃᓴᐅᖏᑦᑐᒥᒃ, ᐊᑕᓂᐅᑉ ᐅᖃᖁᓚᐅᕐᒪᖓ ᑕᒪᒃᑯᓂᖓ ᐅᖃᐅᓯᕐᓂᒃ ᑐᓵᑎᓪᓗᓯ.”

ᔨᕆᒤᐊᐅᑉ ᐊᒡᓚᖏᑦ 26:23

ᔪᕅᐊᓗ ᑎᒍᕚᑦ ᐄᑦᔨᑉᑎᒥᑦ ᐅᑎᐅᑎᓪᓗᒍᓗ ᐊᖓᔪᖅᑳᕐᔪᐊᒧᑦ ᔨᕼᐅᐃᐊᑭᒧᑦ, ᑖᑦᓱᒪᓗ ᑐᖁᑕᐅᑎᑉᐹ, ᑎᒥᖓᓗ ᐃᓗᕕᕐᑕᐅᑎᓪᓗᒍ ᐃᓄᑐᐃᓐᓇᕐᓄᑦ ᐃᓗᕕᕐᓯᕕᖕᒧᑦ.)

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 5:28

ᓂᕆᓂᕐᒧᓪᓗ ᖁᐃᓂᔫᓕᕐᐳᑦ, ᐱᐅᖏᑦᑐᓂᒡᓗ ᐱᓇᓱᐊᕐᓂᖏᑦ ᐃᓱᓕᑦᑐᓐᓇᓐᖏᓚᑦ, ᐊᑖᑕᖃᖏᑦᑐᓄᑦ ᐱᓇᓱᐊᕐᓂᖏᑦ ᓈᒻᒪᓐᖏᓚᑦ, ᐊᔪᕐᓴᕐᑐᓂᒡᓗ ᐃᑲᔪᕐᑐᐃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 7:5

ᐃᓕᖅᑯᓯᕆᔭᑦᓯᓐᓂᒃ ᐱᓂᐊᕐᓂᕆᔭᑦᓯᓐᓂᒡᓗ ᐋᖅᑭᒋᐊᓪᓚᕆᖕᓂᐊᕈᑦᓯ, ᐃᓅᖃᑎᑦᓯᓐᓄᓪᓗ ᓈᒻᒪᑦᓯᐊᕐᑐᒥᒃ ᐱᓂᐊᕐᓂᖃᕐᓗᓯ,

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:13

ᑍᒤᑦᓱᓐᓁᓚᐅᕐᐳᕐᓕ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ, ᑐᓂᕐᕈᓯᕐᑎᑦᓯᔨᖁᑎᖏᓪᓗ ᒎᑎᒧᑦ ᐊᔪᕐᑐᓕᓚᐅᕐᒪᑕ ᑐᖁᑕᐅᑎᑦᑎᓯᒪᓂᕐᒥᖕᓄᑦ ᐸᓯᔭᒃᓴᐅᖏᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 18:6

ᐃᓴᕆᐊᓕᐅᑉ ᑭᖑᕚᖏᑕ ᒎᑎᓐᖑᐊᖏᓐᓄᑦ ᑐᒃᓯᐊᖃᑕᐅᓚᐅᖏᓪᓗᓂ ᓂᕆᓚᐅᖏᓪᓗᓂᓗ ᐆᒪᔪᓂᒃ ᑐᓂᕐᕈᑎᕕᓂᕐᓂᒃ ᒎᑎᓐᖑᐊᓄᑦ, ᐃᓅᖃᑎᒥᓗ ᓄᓕᐊᖓᓂᒃ ᑲᒪᓇᓱᐊᓚᐅᕐᓯᒪᖏᓪᓗᓂ ᐱᖃᑎᖃᓚᐅᕐᓯᒪᖏᓪᓗᓂᓗ ᐊᕐᓇᒥᒃ ᐊᐅᓈᕐᕕᖓ ᓇᓪᓕᐅᑎᓯᒪᑎᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 22:7

ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐅᐱᒍᓱᒃᑐᖃᓐᖏᓚᑦ ᓄᓇᑦᓯᓐᓂ; ᓄᓇᓕᑐᖃᐅᖏᑦᑐᑦ ᓯᓔᕐᕆᔭᐅᓪᓗᑎᒃ ᑎᒡᓕᒐᕐᕕᐅᕗᑦ ᑮᓇᐅᔭᓂᒃ; ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᓖᔭᕆᔭᐅᖃᑦᑕᕐᐳᑦ ᓄᓇᑦᓯᓐᓂ.

ᒨᓯᓯ ᐱᖓᔪᖏᑦ 19:33

“ᐃᓴᕆᐊᓕᒥᐅᖑᖏᑦᑐᖅ ᓄᓇᑦᓯᓐᓂ ᓄᓇᖃᕐᐸᑦ, ᐱᑦᓯᐊᕐᕕᒋᓯᐅᒃ.

ᒨᓯᓯ ᐱᖓᔪᖏᑦ 25:17

ᐃᓴᕆᐊᓕᒥᐅᖑᖃᑎᒌᒃᓗᓯ ᓯᓔᕆᖃᑦᑕᐅᑎᔪᒃᓴᐅᓐᖏᓚᓯ, ᒎᑎᓯ ᓯᕘᕋᒋᔭᒃᓴᕆᕙᓯ ᐅᕙᖓ ᐊᑕᓂᐅᒐᒪ ᒎᑎᓯ.”

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 27:25

ᐃᓄᒐᓴᒡᔪᐊᑦ ᑭᐅᕗᑦ, “ᑖᑦᓱᒪ ᑐᖁᑕᒃᓴᓐᖑᕐᑎᑕᐅᓂᖓ ᐅᕙᑦᑎᓐᓄᑦ ᕿᑐᕐᖓᑦᑎᓐᓄᓪᓗ ᐸᓯᔭᒃᓴᐅᑦᔪᑕᐅᓕᕐᓕ!”

ᒫᑎᐅᓯᐅᑉ ᐊᒡᓚᖏᑦ 27:4

ᐅᖃᕐᓗᓂ, “ᐊᔪᕐᑐᓕᓯᒪᕗᖓ ᐸᓯᔭᒃᓴᐅᖏᑦᑐᒥᒃ ᐊᖑᒻᒥᒃ ᐱᔭᐅᑎᑦᓯᒐᒪ ᑐᖁᑕᐅᖁᓪᓗᒍ.” ᑖᒃᑯᐊ ᑭᐅᕚᑦ, “ᑕᒪᓐᓇ ᑍᒤᑎᓐᖏᓚᕗᑦ, ᐃᕝᕕᑦ ᑍᒤᑎᑕᑐᐊᕆᕙᑦ!”

ᒨᓯᓯ ᑕᓪᓕᒪᖏᑦ 11:28

ᓱᒋᐊᕐᑕᐅᓂᕐᓕ, ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᖏᑦ ᓈᓚᖏᒃᑯᑦᓯᒋᒃ, ᓴᖑᒍᑦᓯᓗ ᐊᖅᑯᒻᒥᑦ ᐅᓪᓗᒥ ᐊᑐᕐᑕᐅᖁᓪᓗᒍ ᐅᖃᐅᓯᕆᔭᓐᓂᑦ, ᒎᑎᓐᖑᐊᓄᓪᓗ ᑐᒃᓯᐊᖃᑦᑕᖔᓕᕈᑦᓯ ᑕᒪᑐᒪ ᓯᕗᕐᖓᒍᑦ ᖃᐅᔨᒪᓚᐅᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 24:17

“ᓄᓇᖅᑲᑎᑐᖃᕆᓐᖏᑕᕕᑦ ᐃᓕᐊᕐᔪᐃᓪᓗ ᐱᔪᓐᓇᕐᓂᕆᔭᕆᐊᖃᕐᑕᖏᓐᓂᒃ ᓄᖅᑲᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ; ᐅᐃᒡᒐᕐᓃᓪᓗ ᐊᓐᓄᕌᖏᓐᓂᒃ ᐱᔪᒃᓴᐅᓐᖏᓚᑎᑦ ᐊᑐᕐᑕᖏᓐᓄᑦ ᐅᑎᕐᑎᑦᓯᔭᕆᐊᖃᕐᓂᖓᓂᒃ ᓇᓗᓁᒃᑯᑕᐅᑎᓐᓇᓱᐊᕐᓗᒍ.

ᒨᓯᓯ ᑕᓪᓕᒪᖏᑦ 27:19

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐊᑦᔨᒌᒃᑎᑦᓯᓂᕐᒥᒃ ᐊᑐᖏᑦᑐᖅ ᐱᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᓄᓇᓕᑐᖃᐅᖏᑦᑐᑦ, ᐃᓕᐊᕐᔪᐃᑦ, ᐅᐃᒡᒐᕐᓃᓪᓗ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 8:19

ᐊᑕᓂᕐᒥᒃ ᒎᑎᖕᓂᒃ ᐳᐃᒍᕐᑐᒃᓴᐅᓐᖏᓚᑎᑦ ᐊᓯᐊᓂᒡᓘᓐᓂᑦ ᑐᒃᓯᐊᕐᕕᖃᖃᑦᑕᓕᕐᓗᑎᑦ ᐱᔨᑦᓯᓕᕐᓗᑎᓪᓗ ᐱᔪᒃᓴᐅᓐᖏᓚᑎᑦ. ᑍᒤᓐᓂᐊᕈᕕᑦ, ᓯᕘᕋᒋᔭᒃᓴᕐᓂᒃ ᐅᓪᓗᒥ ᐅᖃᐅᑎᕙᒋᑦ ᖁᓚᕐᓇᖏᑦᓯᐊᕐᑐᒥᒃ ᓄᖑᑕᐅᓪᓚᕆᒍᒫᕐᐳᑎᑦ.

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.