ᔨᕆᒤᐊᐅᑉ ᐊᒡᓚᖏᑦ 7:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᖁᕕᐊᓇᕐᑐᖃᕈᓐᓃᕈᒫᕐᐳᖅ ᖁᕕᐊᓱᒡᕙᓗᒃᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖓᑐᑦ ᑐᓴᕐᓴᐅᔪᓐᓇᕈᓐᓃᕈᒫᕐᐳᑦ ᔫᑕᒥᐅᓂ ᔨᕉᓴᓕᒥᐅᓂᓗ, ᓄᓇᖏᑦ ᑭᓱᑕᖃᕈᓐᓃᕈᒪᕐᒪᑕ ᐃᓄᖃᔪᐃᑦᑐᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 7:34 Iomraidhean Croise

ᔫᐱᐅᑉ ᐊᒡᓚᖏᑦ 3:7

ᐅᓐᓄᒃ ᑍᓐᓇ ᓱᓇᖃᖏᑦᑑᓕᕐᓕ; ᐅᓐᓄᐊᖓᓗ ᖁᕕᐊᓇᕐᑐᕐᑕᖃᓚᐅᕐᓯᒪᖏᑦᑐᑎᑐᑦ ᑍᒤᓕᕐᓕ.

ᐃᓐᖏᕈᑎᑦ 78:63

ᐊᖑᑎᑦ ᐃᓅᓱᒃᑐᑦ ᐃᑯᒪᒧᑦ ᓄᖑᑕᐅᓚᐅᕐᐳᑦ, ᐅᐃᒡᒐᓱᖁᑎᖏᓪᓗ ᐅᐃᒃᓴᖃᕈᓐᓃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 1:7

“ᓄᓇᓯ ᐃᓄᖃᕋᓂ ᐊᓯᕈᕐᑕᐅᓯᒪᕗᖅ, ᐃᒡᓗᒐᓴᖁᑎᓯᓗ ᐃᑯᒪᒧᑦ ᓄᖑᑕᐅᓯᒪᕗᑦ; ᑕᑯᓐᓈᕐᑎᓪᓗᓯ ᓄᓇᓕᑐᖃᐅᖏᑦᑐᓄᑦ ᓄᓇᑦᓯᓐᓂᒃ ᐊᕐᓵᕐᑕᐅᓯᒪᕗᓯ; ᐃᓄᖃᕈᓐᓃᕐᑎᑕᐅᓯᒪᕗᖅ, ᓵᓚᐅᓯᒪᓪᓗᓂᓗ ᓄᓇᖃᑎᒋᓐᖏᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 3:26

ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᔨᕆᒤᐊᐅᑉ ᐊᒡᓚᖏᑦ 16:9

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: “ᐃᓅᑎᓪᓗᓯ ᓱᓕ ᐅᓪᓗᒥ ᐃᓅᔪᓯ, ᖁᕕᐊᓱᒡᕙᓗᒃᑐᓂᒃ ᑐᓵᔭᒃᓴᖃᕈᓐᓃᕈᒫᕐᐳᓯ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᖁᕕᐊᓱᒃᑐᑦ ᑐᓴᕐᓴᐅᕙᒍᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 22:6

“‘ᐃᒫᒃ ᐊᑕᓂᖅ ᐅᖃᕐᒪᑦ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖓᓃᑦᑐᓄᑦ: ᑕᑯᒥᓇᕋᓗᐊᕐᐳᑎᑦ ᒋᓕᐊᑎᐅᑉ ᓄᓇᖓᑎᑐᑦ, ᓕᐸᓇᓂᐅᓪᓗ ᖃᖅᑲᖏᑎᑐᑦ, ᓱᓇᖃᔪᐃᑦᑑᑉ ᓄᓇᖓᑐᑦ ᑍᒤᑦᑐᓐᖑᕐᑎᑦᓱᒫᕐᐸᑦᓯ, ᓄᓇᓕᖃᖏᑦᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 25:10

ᖁᕕᐊᓱᒃᕙᓗᒃᑐᑦ ᑐᓴᕐᑕᐅᕙᒍᓐᓃᕈᒫᕐᐳᑦ, ᑲᑎᑎᑕᐅᕋᑖᕐᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖏᑕ ᑲᑦᔮᕐᓇᕐᓂᖏᑦ ᐊᓯᐅᓗᑎᒃ, ᓯᖃᓪᓕᑦᓯᕖᓪᓗ ᓯᖃᓪᓕᑦᓯᕙᓪᓛᓂᖏᑦ ᓇᓂᕈᐊᓪᓗ ᖃᐅᒪᓂᓕᒫᖏᑦ ᐱᑕᖃᕈᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 27:17

ᓈᓚᒃᑍᓕᓯᒋᒃ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᐱᔨᑦᓯᕈᑦᓯᐅᒃ ᑕᕝᕙ ᐃᓅᓂᐊᕐᐳᓯ ᓱᖕᒪᑦ ᑖᒃᑯᐊ ᐃᒡᓗᒐᓴᒡᔪᐊᑦ ᓄᓇᓕᕕᓂᑐᐃᓐᓇᐅᓕᖁᕕᓯᐅᒃ?

ᔨᕆᒤᐊᐅᑉ ᐊᒡᓚᖏᑦ 33:10

“ᐃᒫᒃ ᐊᑕᓂᖅ ᐅᖃᕐᐳᖅ: ᑕᕝᕙᓂ ᐅᖃᖃᑦᑕᕐᐳᓯ, ‘ᓄᓇᓖᑦ ᑖᒃᑯᐊ ᓄᓇᓕᕕᓂᑐᐃᓐᓇᐅᓕᕐᐳᑦ ᓱᓇᑕᖃᖏᑦᑐᑦ, ᐃᓄᖃᕋᑎᒃ ᐆᒪᔪᕐᑕᖃᕋᑎᒡᓗ,’ ᑍᒤᓚᐅᕋᓗᐊᕐᑎᓪᓗᒋᑦ ᔫᑕᒥᐅᓂᒃ ᔨᕉᓴᓕᒥᐅᓂᒡᓗ ᓱᓇᑕᖃᖏᑦᑐᓂ ᐃᓄᖃᕋᑎᒃ ᐆᒪᔪᖃᕋᑎᒡᓗ; ᑐᓴᕐᑕᐅᔪᓐᓇᕐᓯᔪᒫᕆᕗᑦ

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 4:26

ᓄᓇᓗ ᕿᒥᕐᕈᒐᒃᑯ, ᐱᕈᕐᑐᖃᓚᐅᕐᑐᖅ ᐸᓂᕐᓗᓂ ᓱᓇᑕᖃᓐᖏᓚᖅ, ᓄᓇᖃᕐᕕᕕᓃᓪᓗ ᓄᓇᓕᕕᓂᑐᐃᓐᓇᐅᓕᕐᐳᑦ, ᐊᑕᓂᐅᑉ ᓵᖓᓂ, ᐊᑕᓂᐅᑉ ᓂᓐᖓᒡᕕᒋᓚᐅᕐᒪᒋᑦ. (

ᔨᕆᒤᐊᐅᑉ ᐊᒡᓚᖏᑦ 4:27

ᐃᒫᒃ ᐊᑕᓂᖅ ᐅᖃᕐᐳᖅ, “ᓄᓇᓕᒫᖅ ᐊᓯᕈᕐᑕᐅᓂᐊᕐᐳᖅ ᑭᓯᐊᓂᓕ ᓄᖑᑕᐅᒻᒪᕆᒃᑎᓐᓂᐊᓐᖏᓚᕋ.)

ᔨᕆᒤᐊᐅᑉ ᐊᒡᓚᖏᑦ 44:6

ᓂᓐᖓᕕᒃᔪᐊᕐᓂᕋ ᓴᖅᑭᑎᓚᐅᕐᐸᕋ ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓄᓇᓖᓪᓗ ᐃᑯᐊᓪᓚᒃᑕᐅᑎᓚᐅᕐᐸᒃᑲ, ᓄᓇᓕᕕᓂᑐᐃᓐᓇᐅᓕᕐᐳᑦ ᐅᓪᓗᒥ ᑕᑯᓪᓗᒋᓪᓗ ᑕᑯᔪᒥᓇᓐᖏᓚᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:14

ᐃᓄᑐᖃᐅᔪᑦ ᐃᑎᕐᑕᕐᕕᖕᓂᒃ ᑲᑎᒪᖃᑦᑕᕐᕕᖕᒥᖕᓂᒃ ᕿᒤᕗᑦ, ᐃᓅᓱᒃᑐᓪᓗ ᐃᓐᖏᖃᑦᑕᕐᑐᑦ ᑐᓴᕐᓴᐅᔪᓐᓃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 26:13

ᑐᓴᕐᓂᕋᐅᑎᓄᑦ ᐃᓐᖏᕐᓂᓯ ᓄᖅᑲᕐᑎᑦᓱᒫᕐᐸᒃᑲ, ᑯᑭᑦᑕᐸᐅᑎᐅᔧᓪᓗ ᑐᓴᕐᓴᐅᔪᖃᕈᓐᓃᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 7:11

ᐱᓂᕐᓗᖕᓃᑦ ᐱᕈᕐᐸᓪᓕᐊᕗᑦ ᐱᐅᖏᑦᑐᓕᓂᖅ ᐊᖏᒡᓕᕙᓪᓕᐊᓪᓗᓂ; ᓇᓪᓕᖏᓪᓘᓐᓃᑦ ᑍᒤᓕᖎᓐᓇᕐᓂᐊᓐᖏᓚᑦ, ᐅᓄᕐᓯᕙᓪᓕᐊᑦᔮᓐᖏᓚᑦ, ᐊᒃᓱᐃᑦᑐᓐᖑᕐᓂᐊᕋᑎᒡᓗ; ᓇᓪᓕᐊᓪᓘᓐᓃᑦ ᐱᓪᓚᕆᓐᖑᕐᑐᖃᕐᓂᐊᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 2:11

ᓄᖅᑲᕐᑎᑦᓱᒫᕐᐸᒃᑲᓗ ᖁᕕᐊᓱᒡᓗᑎᒃ ᑲᑎᓐᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᕕᒋᕙᒃᑕᖏᓪᓗ, ᑕᖅᑭᓂᕋᑖᒥ, ᓴᐸᑎᒥᓗ ᑲᑎᓂᕆᕙᒃᑕᖏᑦ, ᓇᓪᓕᐅᓐᓂᕐᓯᐅᕐᓂᕐᒧᓪᓗ ᑲᑎᓐᓂᕆᕙᒃᑕᓕᒫᖏᑦ.

ᕼᐆᓯᐊᑉ ᐊᒡᓚᖏᑦ 2:13

ᓱᒋᐊᕐᓂᐊᕐᐸᕋᓗ ᓇᓪᓕᐅᓐᓂᕐᓯᐅᖃᑦᑕᕐᓂᕆᓚᐅᕐᑕᖓᓄᑦ ᐰᓕᒧᑦ ᐃᑭᑦᓯᓂᕆᖃᑦᑕᓚᐅᑕᖓᓄᓪᓗ ᐃᓯᕐᓗᐊᕐᓂᑎᑦᓯᓂᕐᒥᒃ ᑖᒃᑯᓄᖓ ᐱᐅᓴᐅᑎᓂᒡᓗ ᐊᑐᖃᑦᑕᕐᓂᕆᔭᖓ ᓇᒡᒍᐊᕐᒥᖕᓂᒡᓗ, ᐱᖃᑎᒋᕙᒃᑕᒥᓄᓪᓗ ᐅᐸᒍᑎᖃᑦᑕᓚᐅᕐᓂᖓᓄᑦ, ᐅᕙᓐᓂᒡᓗ ᐳᐃᒍᐃᓂᕆᓚᐅᕐᑕᖓᓄᑦ, ᐅᖃᕐᐳᖅ ᐊᑕᓂᖅ.”

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᒤᑲᐅᑉ ᐊᒡᓚᖏᑦ 7:13

ᓄᓇᓕ ᓱᓇᖃᔪᐃᑦᑑᓕᕈᒫᕐᐳᖅ ᓄᓇᖃᕐᑐᑦ ᑕᕝᕙᓂ ᐱᑦᔪᑎᒋᓗᒋᑦ, ᐱᓂᐊᕐᓂᖏᑕᓗ ᐱᕈᕐᑎᑕᖏᑦ ᐱᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:23

ᖃᐅᒻᒪᖅᑯᑎᐅᓪᓗ ᐃᑯᒪᖓ ᐃᓕᑦᓯᓐᓂ ᑕᑯᔭᐅᒃᑲᓐᓂᕐᓂᐊᕈᓐᓃᕐᐳᖅ; ᑲᑎᑎᑕᐅᕋᑖᕐᑐᓪᓗ ᓂᐱᖏᑦ ᑐᓴᕐᑕᐅᒃᑲᓐᓂᕐᓂᐊᕈᓐᓃᕐᐳᑦ; ᑮᓇᐅᔭᓕᐅᕋᓱᐊᕐᑎᖁᑎᓯᓗ ᐱᔪᓐᓇᕐᓂᖃᕐᓂᕐᐹᖑᓚᐅᕐᑐᑦ ᓄᓇᕐᔪᐊᕐᒥ, ᐊᖓᒃᑰᓐᖑᐊᕐᓂᑦᓯᒍᓪᓗ ᐅᐃᕕᕆᒃᓯᓚᐅᕐᐳᓯ ᐃᓅᖃᑎᒌᒡᔪᐊᓕᒫᓂᒃ.”