ᔨᕆᒤᐊᐅᑉ ᐊᒡᓚᖏᑦ 7:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᑐᓂᕐᕈᓯᕐᕕᓕᐅᕐᓯᒪᖕᒪᑕ ᑐᐱᑎᒥ ᐱᐊᓐ ᕼᐃᓇᒻ ᓇᕐᓴᖓᓂ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᑐᓂᕐᕈᓯᕐᕕᒋᖃᑦᑕᕐᒪᑦᔪᒃ ᐃᑯᐊᓚᓪᓗᒋᑦ ᐱᖁᔭᓕᐅᕈᑎᒋᓚᐅᕐᓯᒪᓐᖏᑕᕋ ᐊᑐᕐᑕᐅᖁᓗᒍ ᐃᓱᒪᒋᓚᐅᕐᓯᒪᓐᖏᑕᕋᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 7:31 Iomraidhean Croise

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 23:10

ᑐᐱᑎᐅᑉ ᑐᒃᓯᐊᕐᕕᒋᔭᐅᔪᓐᓁᓪᓕᑎᑉᐹ ᓇᕐᓴᒦᑦᑐᖅ ᕼᐃᓇᓂᒥᒃ ᑍᔭᐅᔪᒥ, ᑭᓇᓕᒫᖅ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᑐᓂᕐᕈᓯᖃᑦᑕᕈᓐᓁᖁᓪᓗᒋᑦ ᐃᑯᐊᓚᔪᒥ ᒧᓕᑭᒧᑦ.

ᐊᑕᓃᑦ ᐂᑉᐸᖏᑦ 23:20

ᔫᓮᐊᐅᑉ ᑐᖁᕋᕐᑕᐅᑎᑉᐰᑦ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᓂ ᑐᓂᕐᕈᓯᕐᑎᑦᓯᔨᒋᔭᐅᔪᓕᒫᑦ, ᑐᓂᕐᕈᓯᕐᕕᖏᓐᓂᓗ ᓴᐅᓂᖏᑦ ᐃᑯᐊᓚᒃᑕᐅᑎᑉᐰᑦ. ᑕᕝᕙ ᑭᖑᓂᖓᒍᑦ ᔨᕉᓴᓕᒧᑦ ᐅᑎᕆᕗᖅ.

ᑯᕉᓂᑲ ᐂᑉᐸᖏᑦ 28:3

ᐃᑯᐊᓪᓔᓚᐅᕐᐳᕐᓗ ᑎᐱᑦᓯᐊᕆᒃᑐᓂᒃ ᕼᐃᓇᒻ ᐃᕐᓂᖓᑕ ᓇᕐᓴᖓᓂ ᐊᑎᓕᖕᒥ, ᐃᕐᓂᓂᓗ ᐃᑯᐊᓪᓚᒃᐰᑦ ᑐᓂᕐᕈᓯᐅᑎᒋᓪᓗᒋᑦ, ᑕᒪᓐᓇ ᓇᕐᕈᓇᕐᓂᕋᕐᑕᐅᔪᖅ ᐱᓂᐊᕐᓂᕆᓚᐅᕐᐹ ᐃᓅᖃᑎᒌᒡᔪᐊᑦ ᐱᐅᓯᖏᑦ ᒪᓕᒡᓗᒋᑦ ᐊᑕᓂᐅᑉ ᐃᓇᖏᕐᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 57:5

ᐃᒡᓕᒎᕐᓂᕐᔪᐊᒧᑦ ᐱᔪᒪᓂᐊᓗᓯ ᑲᔪᓯᑎᖃᑦᑕᕐᐸᓯ ᓇᐹᕐᑐᐃᑦ ᓯᑕᒃᑍᑦ ᐊᑯᓐᓂᖏᓐᓂ, ᓇᐹᕐᑐᓕᒫᓪᓗ ᐊᑖᓂ; ᕿᑐᕐᖓᓯ ᑐᖁᑉᐸᒃᐸᓯ ᓇᕐᓴᓂ, ᕾᕈᓱᐃᓪᓗ ᖁᖕᓈᖏᑕ ᐃᓗᖏᓐᓂ.

ᔨᕆᒤᐊᐅᑉ ᐊᒡᓚᖏᑦ 19:2

ᐱᓐ ᕼᐃᓇᐅᑉ ᓇᕐᓴᖓᓄᐊᕐᓂᐊᕐᐳᑎᑦ ᐃᑎᕐᑕᕐᕕᒃᑯᑦ ᐹᑦᓴᑎᒥᒃ ᐊᑎᖃᕐᑐᒃᑯᑦ ᐊᓂᓗᓯ, ᑍᑲᓂᓗ ᐅᖃᐅᓯᕆᖁᔭᒃᑲ ᐅᖃᐅᓯᕆᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 2:23

ᖃᓄᕐᓕ ᐅᖃᕈᓐᓇᕐᐲᑦ, ᓴᓗᒤᓐᓂᖃᖏᓐᓂᕋᕐᓗᑎᑦ, ᒎᑎᓐᖑᐊᒧᓪᓗ ᐰᓕᒧᑦ ᒪᓕᓚᐅᖏᓐᓂᕋᕐᓗᑎᑦ, ᑕᑯᓕᕆᑦ ᓇᕐᓴᐅᑉ ᐃᓗᐊᓂ ᐃᓕᖅᑯᓯᕆᓚᐅᕐᑕᕐᓂᒃ, ᐱᓇᓱᐊᓚᐅᕐᑕᑎᓪᓗ ᑭᓲᖕᒪᖔᑕ, ᑳᒧᓕᒃᑎᑐᑦ ᓄᓕᐅᔪᑎᑐᑦ ᐃᓕᖅᑯᓯᖃᓚᐅᕋᕕᑦ ᓇᒧᑐᐃᓐᓇᖅ ᐂᖃᑦᑕᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 32:34

ᒎᑎᓐᖑᐊᒥᖕᓂᒃ ᓇᕐᕈᓇᕐᑐᕐᔪᐊᓂᒃ ᐃᒡᓗᖁᑎᓐᓄᐊᕐᓯᓯᒪᖕᒪᑕ ᐅᕙᓐᓂᒃ ᐊᑎᓕᖕᒧᑦ, ᓱᕈᕐᑎᑕᐅᓪᓗᓂ.

ᔨᕆᒤᐊᐅᑉ ᐊᒡᓚᖏᑦ 32:35

ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”

ᐃᓯᑭᐊᓕᐅᑉ ᐊᒡᓚᖏᑦ 16:20

“ᐃᕐᓂᕐᑖᕐᑎᓐᓇᒃᑭᑦ ᐸᓂᒃᑖᕐᑎᓐᓇᒃᑭᓪᓗ ᑐᓂᕐᕈᑎᒋᓚᐅᕐᐸᑎᑦ ᑖᒃᑯᓄᖓ ᓂᕆᔭᐅᖁᓪᓗᒋᑦ. ᐊᓯᓐᓂᐊᖃᑦᑕᕐᓂᑏᑦ ᓱᓇᐅᓐᖏᓗᐊᕐᒪᑕ?

ᐃᓯᑭᐊᓕᐅᑉ ᐊᒡᓚᖏᑦ 20:26

ᓴᓗᒤᓕᑎᓚᐅᕐᐸᒃᑲ ᑐᓂᕐᕈᓯᖃᑦᑕᕐᓂᖏᑎᒍᑦ ᕿᑐᕐᖓᕐᑖᕆᐅᕈᑎᒥᖕᓂᒃ ᐃᑯᐊᓚᑎᑦᓯᓂᒃᑯᑦ, ᑲᑉᐱᐊᓱᒃᑎᑦᓱᒪᓪᓗᒋᑦ; ᑍᒤᑎᓚᐅᕐᐸᒃᑲ ᖃᐅᔨᓕᖁᓪᓗᒋᑦ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 20:31

ᑐᓂᕐᕈᓯᕌᖓᑦᓯ ᑐᓂᕐᕈᑎᒃᓴᓂᒃ ᐃᕐᓂᑦᓯᓐᓂᒡᓗ ᐃᑯᐊᓪᓔᓪᓗᓯ ᑐᓂᕐᕈᓯᕌᖓᑦᓯ, ᑕᕝᕙ ᐃᓕᑦᓯᓐᓂᒃ ᓴᓗᒤᓕᑎᑉᐳᓯ ᒎᑎᓐᖑᐊᓕᒫᓯᓗ ᐅᓪᓗᒥᒧᑦ ᑎᑭᓪᓗᒍ. ᐊᐱᕐᓱᕐᑕᐅᔭᕆᐊᖃᕐᐳᖔ ᐃᓕᑦᓯᓐᓄᑦ, ᐃᓴᕆᐊᓕᒧᑦ ᑭᖑᕚᖑᔪᓯ? ᐃᓅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐃᓕᑦᓯᓐᓄᑦ ᐊᐱᕐᓱᕐᑕᐅᔪᒪᓐᖏᓚᖓ.

ᒨᓯᓯ ᐱᖓᔪᖏᑦ 18:21

ᕿᑐᕐᖓᕐᓂᒃ ᑐᓂᕐᕈᑎᖃᕆᐊᖃᓐᖏᓚᑎᑦ ᒎᑎᓐᖑᐊᒧᑦ ᒧᓕᑭᒧᑦ, ᒎᑎᕕᑦ ᐊᑎᖓᓂᒃ ᓇᕐᕈᓇᕐᓯᑎᑦᓯᖁᓇᒃ, ᐅᕙᖓ ᐊᑕᓂᐅᒐᒪ.

ᒤᑲᐅᑉ ᐊᒡᓚᖏᑦ 6:7

ᐊᑕᓂᖅ ᖁᕕᐊᓱᖕᓂᐊᕐᐹ ᑐᓂᒍᒃᑯ ᑕᐅᓴᑏᑦ ᐅᖓᑖᓂ ᓰᐲᑦ ᐊᖑᓴᓪᓗᖏᓐᓂᒃ? 10,000ᓂᒡᓘᓐᓃᑦ ᐸᐅᕐᖎᑦ ᐅᕐᓱᖏᓐᓂᒃ? ᕿᑐᕐᖓᕐᑖᕆᐅᕈᑎᒐᓘᓐᓃᑦ ᑐᓂᕐᕈᑎᒋᒍᒃᑰ ᐊᔪᕐᓂᒃᑲ ᐱᓪᓗᒋᑦ, ᓇᖕᒥᓂᖅ ᑎᒥᓐᓂᑦ ᐱᔪᖅ ᑕᕐᓂᕐᒪ ᐊᔪᕐᑐᓕᓂᖏᓐᓄᑦ?

ᒨᓯᓯ ᑕᓪᓕᒪᖏᑦ 12:31

ᐊᑕᓂᖅ ᒎᑎᓯ ᑐᒃᓯᐊᕐᕕᒋᔭᒃᓴᕆᓐᖏᓚᓯ ᑍᒃᑯᐊ ᒎᑎᓐᖑᐊᒥᖕᓄᑦ ᑐᒃᓯᐊᕈᓯᖏᑎᑐᑦ, ᒎᑎᒥᖕᓄᑦ ᑐᒃᓯᐊᓕᕌᖓᒥᒃ ᓈᒻᒪᖏᑦᑐᐊᓗᖕᓂᒃ ᐱᓂᐊᕐᓂᖃᓲᖑᖕᒪᑕ ᐊᑕᓂᐅᑉ ᐆᒥᒋᔭᖏᓐᓂᒃ. ᕿᑐᕐᖓᒥᖕᓂᒃ ᐊᒡᓛᑦ ᑐᓂᕐᕈᓯᓲᖑᖕᒪᑕ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 17:3

ᑐᒃᓯᐊᖃᑦᑕᓕᕐᑐᖃᕐᐸᑦ ᐱᔨᑦᓯᓕᕐᑐᖃᕐᐸᓪᓗ ᒎᑎᓐᖑᐊᓄᑦ ᐅᕝᕙᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᐅᓪᓗᕆᐊᓄᓪᓘᓐᓃᑦ, ᐊᑕᓂᐅᑉ ᐱᖁᔨᑦᔪᑎᒋᓯᒪᔭᖓᓄᑦ ᐊᑭᕋᕐᑐᕐᑐᓂᒃ.

ᒨᓯᓯ ᑕᓪᓕᒪᖏᑦ 18:10

ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᓯᓕᕐᑎᓪᓗᓯ ᕿᑐᕐᖓᑦᓯᓐᓂᒃ ᑐᓂᕐᕈᓯᕐᑐᒃᓴᐅᓐᖏᓚᓯ; ᐃᓄᖁᑎᓯ ᓇᓚᐅᑦᑍᓇᓱᐊᖃᑦᑕᕐᑐᒃᓴᐅᓐᖏᓚᑦ ᐅᕝᕙᓗ ᓯᕗᓂᕐᒧᑦ ᓇᓚᐅᑦᑍᑦᔪᑎᖃᕋᓱᒃᑐᒃᓴᐅᓐᖏᓚᑦ ᐅᕝᕙᓗ ᐃᓕᓰᕐᓯᓇᓱᒃᑐᒃᓴᐅᓇᑎᒃ ᓱᓇᑐᐃᓐᓇᕐᒥᒃ ᐊᑐᕐᓗᑎᒃ;

ᔮᓱᐊᑉ ᐊᒡᓚᖏᑦ 15:8

ᑕᒫᓐᖓᑦ ᐱᒋᐊᕐᓗᓂ ᑕᑉᐸᐅᓇ ᕼᐃᓇᒻ ᓇᕐᓴᖓᒍᑦ ᖃᖅᑲᒃᑯᑦ ᐅᓪᓗᓪᓗᐊᑉ ᒥᒃᓯᖔᖓᒍᑦ ᔨᐳᓮᑎᑦ ᐃᒡᓗᒐᓴᖏᓐᓄᑦ ᑕᕝᕗᖓ ᔨᕉᓴᓕᒧᑦ; ᓄᓇᐅᑉ ᑭᒡᓕᖓ ᑲᔪᓯᓯᒪᕗᖅ ᖃᖅᑲᐅᑉ ᖄᖓᒍᑦ ᓯᕿᓂᐅᑉ ᓂᐱᕕᐊᓄᑦ ᕼᐃᓇᒻ ᓇᕐᓴᖓᓄᑦ ᑎᑭᓪᓗᒍ, ᐅᓐᓄᐊᓪᓗᐊᒦᑦᑐᖅ ᕆᐰᒻ ᓇᕐᓴᖓᓄᑦ ᑎᑭᐅᒪᕗᖅ.