ᔨᕆᒤᐊᐅᑉ ᐊᒡᓚᖏᑦ 7:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑭᓯᐊᓂᓕ ᐱᖁᔭᕐᑖᑎᓚᐅᕐᐸᒃᑲ ᐃᒤᓕᔪᒥᒃ, ᓂᐱᒐ ᓈᓚᒃᑕᒃᓴᕆᕙᓯ, ᒎᑎᒋᔭᐅᓂᐊᕋᒪ ᐃᓕᑦᓯᓐᓄᑦ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ, ᐱᖁᔭᒃᑲ ᒪᓕᒡᓗᒋᑦ ᐃᓅᔪᒃᓴᐅᕗᓯ, ᐃᓅᓯᖃᑦᓯᐊᖁᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 7:23 Iomraidhean Croise

ᔫᐱᐅᑉ ᐊᒡᓚᖏᑦ 36:11

ᑖᑦᓱᒥᖓ ᓈᓚᓕᕐᓗᑎᒃ ᐱᔨᑦᓯᕈᒪᓕᕐᐸᑕᓗ, ᑕᕝᕙ ᐃᓅᓯᖏᑕ ᐅᓪᓗᖏᑦ ᓈᓗᒋᑦ ᐱᕙᓪᓕᐊᑦᓯᐊᕐᓂᐊᕐᐳᑦ, ᐊᕐᕌᒍᓂᒡᓗ ᐃᓅᓂᐊᕐᐳᑦ ᖃᓄᐃᖏᑦᓯᐊᕐᓗᑎᒃ.

ᐃᓐᖏᕈᑎᑦ 119:3

ᐱᐅᖏᑦᑐᓕᓂᕐᒥᒃ ᐊᑐᖏᑦᑐᑦ, ᑖᑦᓱᒪᓕ ᐊᑐᕐᑕᐅᖁᔭᖏᓐᓂᒃ ᒪᓕᒃᑐᑦ.

ᐃᓐᖏᕈᑎᑦ 40:6

ᐆᒪᔪᐃᑦ ᐆᑕᒃᓮᑦ ᑐᓂᕐᕈᑎᒃᓮᓪᓗ ᐊᓯᖏᑦ ᐱᔪᒪᓐᖏᓚᑎᑦ; ᓯᐅᑏᒃᑲᒃ ᐊᖕᒪᓚᐅᕋᕕᒋᒃ. ᑐᓂᕐᕈᑎᑦ ᐆᑕᒃᓮᑦ ᐊᔪᕐᓂᕐᓗ ᐱᓪᓗᒍ ᑐᓂᕐᕈᑎᑦ ᐱᔪᒪᓚᐅᓐᖏᓚᑎᑦ.

ᐃᓐᖏᕈᑎᑦ 81:13

ᐃᓄᖁᑎᒃᑲ ᐅᕙᓐᓂᒃ ᓈᓚᒍᒪᒐᔭᕐᐸᑕ, ᐃᓴᕆᐊᓕᑎᓪᓗ ᐊᑐᕐᑕᐅᖁᔭᓐᓂᒃ ᐃᓅᔪᒪᒐᔭᕐᐸᑕ!

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᒨᓯᓯ ᐂᑉᐸᖏᑦ 16:32

ᒨᓯᓯᓗ ᐅᖃᕐᐳᖅ, “ᐃᒫᒃ ᑕᕝᕙ ᐊᑕᓂᐅᑉ ᐱᖁᓯᒪᕚᑎᒍᑦ: ᒫᓇᐅᑉ ᐃᓚᖓᓂᒃ ᖃᓪᓗᑎᐅᑉ ᐊᕝᕙᖓᑐᑦ ᐊᖏᑎᒋᔪᒥᒃ ᐱᐅᓕᒃᓯᓯᒪᖁᓪᓗᑕ, ᑭᖑᕚᑦᑎᓐᓄᑦ ᑕᑯᔭᐅᖃᑦᑕᕐᑐᒃᓴᒥᒃ ᖃᓄᐃᑦᑐᒥᒃ ᓂᕿᖃᕐᑎᑕᐅᓚᐅᕐᒪᖔᑦᑕ ᐃᓄᖃᖏᑦᑐᒥ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᓕᕐᑎᓪᓗᑕ.”

ᐂᓮᐊᓯᐅᑉ ᐊᒡᓚᖏᑦ 3:10

ᐃᓱᐊᕐᑐᓕᔪᑦ ᐅᖃᐅᑎᒃᑭᑦ ᖃᓄᐃᓐᓂᐊᖏᓐᓂᕋᕐᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ ᓂᕆᔪᒫᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 11:4

ᓯᕗᓕᓯᓐᓂᒃ ᐱᖁᔨᓚᐅᕋᒪ ᐊᐅᓪᓚᕐᑎᓪᓗᒋᑦ ᐄᑦᔨᑉᑎᒥᑦ, ᓴᕕᕋᔭᒃᓴᒥᒃ ᐊᐅᒃᑎᑦᓯᕕᒃᑎᑐᑦ ᑍᒤᑦᑐᒦᕝᕕᒋᔭᖓᓂᑦ, ᐅᖃᕐᓗᖓᓗ, ᓂᐱᒐ ᓈᓚᒃᑕᒃᓴᕆᕙᓯ, ᐱᖁᔨᑦᔪᑎᒋᔭᓕᒫᒃᑲᓗ ᒪᓕᒡᓗᒋᑦ. ᑕᕝᕙ ᐃᓄᖁᑎᒋᓂᐊᕐᐸᑦᓯ, ᐅᕙᖓᓗ ᒎᑎᒋᓂᐊᕐᐸᑦᓯᓐᖓ.

ᔨᕆᒤᐊᐅᑉ ᐊᒡᓚᖏᑦ 11:7

ᑍᒪᓐᖓᑦ ᓯᕗᓕᓯ ᐊᐅᓪᓚᕐᑎᓚᐅᕋᒃᑭᑦ ᐄᑦᔨᑉᑎᒥᑦ ᐅᓪᓗᒥᒧᑦ ᑎᑭᓪᓗᒍ, ᐅᖃᐅᑎᖃᑦᑍᓐᓇᓚᐅᕐᐸᒃᑲ ᐅᓄᕐᑐᐃᓱᕐᓗᒋᑦ ᓂᐱᓐᓂᒃ ᓈᓚᒃᑐᒃᓴᐅᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 13:11

ᑍᒫᒃᑕᐅᖅ ᐊᖑᑦ ᕿᑎᕈᓯᓲᖑᖕᒪᑦ ᕿᓚᒃᓱᒍ, ᐃᓴᕆᐊᓕᒥᐅᓕᒫᑦ ᔫᑕᒥᐅᓕᒫᓪᓗ ᐅᕙᓐᓄᑦ ᕿᓚᒃᓱᕈᒫᕆᕙᒃᑲ, ᐊᑕᓂᖅ ᐅᖃᕐᐳᖅ, ᐃᓄᖁᑎᒋᔪᒪᓪᓗᒋᑦ ᓇᖕᒥᓂᕆᓗᒋᑦ ᓂᕐᑐᕐᑕᐅᑦᔪᑎᒋᓗᒋᓪᓗ, ᐅᐱᒋᔭᐅᑦᔪᑎᒋᓗᒋᓪᓗ, ᐅᕙᓐᓂᒡᓕ ᓈᓚᒍᒪᓚᐅᓐᖏᓚᑦ.”

ᔨᕆᒤᐊᐅᑉ ᐊᒡᓚᖏᑦ 22:21

ᐃᓂᕐᑎᕋᓱᓚᐅᕋᓗᐊᕐᐸᒋᑦ ᐊᔪᕐᓴᕐᓇᖏᑦᑐᒦᑎᓪᓗᑎᑦ, ᓈᓚᑦᔮᖏᓐᓂᕋᓚᐅᕐᐳᑎᓪᓕ ᑕᒪᓐᓇᓗ ᐃᓕᖅᑯᓯᕇᓐᓇᕋᕕᐅᒃ ᐃᓅᓱᒃᑑᓂᕐᓂᑦ ᐅᕙᓐᓂᒃ ᓈᓚᒍᓐᓇᓚᐅᖏᓐᓇᕕᑦ.

ᔨᕆᒤᐊᐅᑉ ᐊᒡᓚᖏᑦ 22:3

ᐃᒫᒃ ᐊᑕᓂᖅ ᐅᖃᕐᐳᖅ: ᐊᑦᔨᒌᒃᑎᑦᓯᓂᕐᒥᒃ ᐃᓱᐊᕐᑐᓕᓂᕐᒥᒡᓗ ᐱᓇᓱᐊᕆᑦᓯ, ᓴᐳᑦᔨᓯᒪᓇᓱᐊᕐᐸᒡᓗᓯᓗ ᑎᒡᓕᒡᕕᐅᓯᒪᔪᓂᒃ; ᓄᓇᑦᓯᓐᓂᒥᐅᑕᐅᖏᑦᑐᓂᒡᓗ ᐱᑦᓯᐊᖃᑦᑕᕐᓗᓯ, ᐱᓂᕐᓗᐃᑦᑍᓕᒋᑦᓯ ᐊᑖᑕᖃᖏᑦᑐᓂᒃ ᐅᐃᒡᒐᕐᓂᕐᓂᒡᓗ, ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ ᑕᒫᓂ ᓄᓇᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 24:7

ᐆᒻᒪᑎᑖᕐᑎᑦᓱᒫᕐᐸᒃᑲ ᐅᕙᓐᓂᒃ ᖃᐅᔨᖁᓪᓗᒋᑦ ᐊᑕᓂᐅᓂᓐᓂᒃ; ᐃᓄᖁᑎᒋᔪᒫᕐᐸᒃᑲ ᒎᑎᒋᔭᐅᓗᖓᓗ ᑖᒃᑯᓄᖓ, ᐅᕙᓐᓄᑦ ᐅᑎᕈᒫᕐᒪᑕ ᐃᓘᓐᓈᒍᑦ ᐆᒻᒪᑎᒥᒍᑦ ᑐᓂᓯᒪᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 31:33

ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 32:23

ᓄᓇᒧᓪᓗ ᑕᒪᐅᖓ ᑎᑭᓐᓇᒥᒃ ᓄᓇᖃᓕᓚᐅᕐᐳᑦ. ᓂᐱᖕᓂᒡᓕ ᓈᓚᓚᐅᓐᖏᓚᑦ ᐱᖁᔭᑎᓪᓗ ᒪᓕᒍᒪᓇᒋᑦ, ᑍᒤᒻᒪᑦ ᐱᖁᔭᕐᓂᒃ ᒪᓕᒍᒪᖏᒻᒪᑕ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᓚᐅᕐᐸᑎᑦ.

ᔨᕆᒤᐊᐅᑉ ᐊᒡᓚᖏᑦ 38:20

ᔨᕆᒤᐊᐅᑉ ᐅᖃᐅᑎᕚ, “ᑍᒃᑯᓄᖓ ᑐᓂᑦᔪᑕᐅᓂᐊᓐᖏᓚᑎᑦ, ᐊᑕᓂᖅ ᓈᓚᒃᑯᕕᐅᒃ ᐅᖃᐅᓯᕆᔭᒃᑲ ᒪᓕᒡᓗᒋᑦ ᖃᓄᐃᑕᐅᑦᔮᓐᖏᓚᑎᑦ, ᑐᖁᑕᐅᑦᔮᓇᑎᓪᓗ.

ᔨᕆᒤᐊᐅᑉ ᐊᒡᓚᖏᑦ 42:6

ᐊᑕᓂᐅᑉ ᒎᑎᑦᑕ ᐅᖃᕐᑕᐅᑎᑕᖏᑦ ᐅᕙᑦᑎᓐᓄᑦ ᖁᕕᐊᓇᕋᓗᐊᕐᐸᑕ ᖁᕕᐊᓇᖏᒃᑲᓗᐊᕐᐸᑕᓗ ᐊᑕᓂᐅᑉ ᓂᐱᖓ ᓈᓚᖕᓂᐊᕐᐸᕗᑦ, ᐊᑕᓂᐅᑉ ᒎᑎᑦᑕ ᓂᐱᖓᓂᒃ, ᓈᓚᒃᑯᑦᑕ ᖃᓄᐃᖏᑦᓯᐊᕐᓂᐊᕋᑦᑕ.”

ᔨᐸᓁᐊᐅᑉ ᐊᒡᓚᖏᑦ 3:2

ᓈᓚᓚᐅᖏᒻᒪᑦ ᐊᑕᓂᐅᑉ ᓂᐱᖓᓂᒃ, ᐋᖅᑭᒋᐊᕐᑕᐅᔪᒪᓚᐅᖏᒻᒪᓗ, ᑕᑎᖃᓚᐅᖏᒻᒪ ᐊᑕᓂᕐᒥᒃ, ᒎᑎᒥᓄᑦ ᖃᓪᓕᒋᐊᓚᐅᖏᒻᒪᑦ.

ᓴᑲᕅᐊᐅᑉ ᐊᒡᓚᖏᑦ 6:15

ᐅᖓᓯᒃᑐᒥᑦ ᐱᓯᒪᔪᑦ ᐃᑲᔪᕆᐊᕈᒫᕐᐳᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᓴᓇᒃᑲᓐᓂᖃᑕᐅᔭᕐᑐᕐᓗᑎᒃ, ᑕᒪᓐᓇᓗ ᖃᐅᔨᒃᑲᓐᓂᕈᑎᒋᔪᒫᕐᐸᓯ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ. ᑍᒤᑦᓱᒫᕐᐳᖅ ᓈᓚᑦᓯᐊᕈᑦᓯ ᐊᑕᓂᐅᑉ ᐱᖁᔭᖏᓐᓂᒃ.

ᓴᑲᕅᐊᐅᑉ ᐊᒡᓚᖏᑦ 7:7

ᐊᑕᓂᖅ ᑍᒫᒃ ᐅᖃᖃᑦᑕᓚᐅᕐᐳᖅ ᐅᖃᕐᑎᒥᒍᑦ ᓯᕗᓪᓕᕐᑎᒍᑦ ᔨᕉᓴᓕᒻᒥᐅᑦ ᖃᓂᒋᔭᖏᓐᓃᑦᑐᓪᓗ ᓮᒻᒪᖃᑎᒌᑦᓯᐊᕐᑎᓪᓗᒋᑦ ᐊᔪᕐᓴᖏᑦᓯᐊᕐᑎᓪᓗᒋᓪᓗ, ᓂᕆᕕᒃ ᐃᓄᖃᕐᑎᓪᓗᒍ ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐱᖑᐃᑦ ᐊᑖᓂ ᓄᓇᓕᖃᕐᑎᓪᓗᒋᑦ.

ᕉᒪᒥᐅᓄᑦ 16:26

ᒫᓐᓇᓕ ᓇᓗᓇᕈᓐᓃᕐᑎᑕᐅᖕᒪᑕ ᓇᓚᐅᑦᑍᔪᑦ ᑎᑎᖅᑲᖏᓐᓄᑦ ᐃᓅᖃᑎᒌᒡᔪᐊᓄᑦ, ᒎᑎᐅᑉ ᐃᓱᖃᖏᑦᑑᑉ ᐱᖁᔨᓂᖓᓄᑦ, ᐅᒃᐱᕐᑐᑦ ᓈᓚᒍᓐᓇᕐᓯᖁᓪᓗᒋᑦ ᑖᑦᓱᒥᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:5

ᐂᕙᑦᔪᑕᐅᔪᑦ ᓄᖅᑲᕐᑎᑉᐸᕗᑦ ᒎᑎᒥᒡᓗ ᖃᐅᔨᓂᐅᒐᔭᕐᑐᒧᑦ ᐊᖏᓂᕐᓴᐅᑎᑦᓯᔪᑦ ᐱᐅᔪᕆᓃᑦ ᐊᓯᕈᕐᐸᕗᑦ, ᐃᓱᒪᓕᐅᕈᑕᐅᔪᓪᓗ ᓵᓚᒋᓪᓗᒋᑦ ᙭ᔅᑑᓯᒥᒃ ᓈᓚᓕᕐᑎᑉᐸᕗᑦ.

ᒨᓯᓯ ᑕᓪᓕᒪᖏᑦ 11:27

ᓮᒻᒪᕐᑎᑕᐅᓂᖅ, ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᖏᑦ ᓈᓚᒃᑯᑦᓯᒋᒃ, ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᔭᒃᑲ;

ᒨᓯᓯ ᑕᓪᓕᒪᖏᑦ 13:4

ᐊᑕᓂᖅ ᒎᑎᓯ ᒪᓕᒃᑕᒃᓴᕆᕙᓯ ᐃᓕᕋᒋᓗᒍᓗ ᐱᖁᔭᖏᓪᓗ ᒪᓕᒡᓗᒋᑦ ᓂᐱᖓᓗ ᓈᓚᒡᓗᒍ, ᑐᒃᓯᐊᕐᕕᒋᔭᒃᓴᕆᕙᓯ ᓴᒃᑯᑦᑍᓕᓗᒍᓗ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 30:2

ᐊᑕᓂᕐᒧᓪᓗ ᒎᑎᑦᓯᓐᓄᑦ ᐅᑎᕈᑦᓯ, ᑭᖑᕚᓯ ᐃᓚᒋᓗᒋᑦ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ ᐱᖁᔭᖏᑦ ᓈᓚᒍᒪᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ,

ᒨᓯᓯ ᑕᓪᓕᒪᖏᑦ 30:20

ᐊᑕᓂᖅ ᒎᑏᑦ ᐅᖓᒋᔭᒃᓴᕆᕙᑦ, ᓂᐱᖓᓗ ᓈᓚᒡᓗᒍ ᓱᖁᓯᔪᐃᑦᑑᕕᒋᓗᒍᓗ, ᑕᕝᕙ ᑭᖑᕚᓕᒫᓯᓗ ᐃᓅᔪᒫᕐᐳᓯ ᓄᓇᒥ ᐊᖏᕈᑎᒋᓯᒪᔭᖓᓂ ᑐᓂᓂᐊᕐᓂᕋᕐᓗᓂᐅᒃ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.”

ᒨᓯᓯ ᑕᓪᓕᒪᖏᑦ 30:8

ᑕᕝᕙ ᐊᑕᓂᐅᑉ ᓂᐱᖓ ᓈᓚᓕᕋᔭᕆᕙᓯ, ᐱᖁᔭᓕᒫᖏᓪᓗ ᒪᓕᓕᕐᓗᒋᑦ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ.

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’

ᒨᓯᓯ ᑕᓪᓕᒪᖏᑦ 4:40

ᐱᖁᔭᖏᑦ ᓈᓚᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᖅᑲᐅᔭᒃᑲ, ᑕᕝᕙ ᑕᒤᑎᒍᓕᒫᖅ ᖃᓄᐃᖏᑦᓯᐊᕐᓂᐊᕐᐳᓯ ᑭᖑᕚᒃᓴᓯᓗ. ᓄᓇᒥᓗ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᓄᓇᕾᓐᓇᕈᓐᓇᕐᓂᐊᕐᐳᓯ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 5:16

“‘ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ, ᐅᕙᖓ ᐊᑕᓂᖅ ᒎᑎᒋᔭᓯ ᑍᒫᒃ ᐱᖁᔨᒐᒪ ᐃᓕᖕᓂᒃ, ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᒨᓯᓯ ᑕᓪᓕᒪᖏᑦ 5:29

ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᒨᓯᓯ ᑕᓪᓕᒪᖏᑦ 5:33

ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”

ᒨᓯᓯ ᑕᓪᓕᒪᖏᑦ 6:3

ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᓴᒧᐃᓕ ᓯᕗᓪᓖᑦ 15:22

ᓴᒧᐃᓕᓗ ᐅᖃᕐᐳᖅ, “ᐊᑕᓂᖅ ᖁᕕᐊᒋᔭᖃᕐᓂᕐᓴᐅᕚ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ, ᓈᓚᖕᓂᕐᒥᒃ ᐊᑕᓂᐅᑉ ᓂᐱᖓᓂᑦ? ᑕᑯᒋᑦ, ᓈᓚᖕᓂᖅ ᐱᓪᓚᕆᐅᓂᕐᓴᐅᕗᖅ ᑐᓂᕐᕈᑎᓂᑦ, ᓰᐲᑦ ᐊᖑᓴᓪᓗᖏᑕ ᖁᐃᓂᔪᑦ ᑐᓂᕐᕈᑕᐅᓂᖏᓐᓂᑦ.