ᔨᕆᒤᐊᐅᑉ ᐊᒡᓚᖏᑦ 7:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ “ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ ᐊᑏ ᑐᓂᕐᕈᑕᐅᕙᒃᑐᑦ ᐆᑕᒃᓴᑦ ᑐᓂᕐᕈᑎᒃᓴᓄᑦ ᐊᓯᖏᓐᓄᑦ ᐃᓚᓕᐅᑎᓕᕐᓯᐅᒃ ᓂᕿᐅᓂᖏᑦ ᓂᕆᓗᓯᐅᒃ ᓇᖕᒥᓂᖅ.

ᔨᕆᒤᐊᐅᑉ ᐊᒡᓚᖏᑦ 7:21 Iomraidhean Croise

ᐃᓐᖏᕈᑎᑦ 50:8

ᓱᐊᖕᓂᐊᓐᖏᓚᒋᑦ ᐆᒪᔪᑦ ᑐᓂᕐᕈᑏᑦ ᐱᓪᓗᒋᑦ ᑐᓂᕐᕈᑎᓪᓘᓐᓃᑦ ᐆᑕᒃᓮᑦ ᐱᑦᔪᑎᒋᓗᒋᑦ, ᑕᒪᒃᑯᐊ ᐅᕙᓐᓅᕐᑕᐅᑦᓮᓐᓇᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 43:23

ᓰᐱᓂᒃ ᐃᑯᐊᓪᓚᒡᓗᒋᑦ ᑐᓂᕐᕈᓯᕈᑎᒃᓴᑦᓯᓐᓂᒃ ᕾᑦᓯᓚᐅᓐᖏᓚᓯ, ᐅᐱᒋᓚᐅᓐᖏᓚᑦᓯᓐᖓᓗ ᑐᓂᕐᕈᓯᕐᓂᑦᓯᒍᑦ ᐆᒪᔪᒥᒃ ᑐᖁᑦᓯᓗᓯ, ᓂᐊᖂᔭᒃᓴᓂᒃ ᑐᓂᓯᖁᔨᓗᖓ ᐅᖁᒤᒃᓴᕐᑎᑦᓯᓚᐅᖏᓐᓇᒪ ᐃᓕᑦᓯᓂᒃ, ᐅᕝᕙᓘᓐᓃᑦ ᑎᐱᑦᓯᐊᕆᒃᑐᓂᒃ ᑐᓂᕐᕈᓯᖁᔨᓂᓐᓄᑦ ᐃᕿᐊᓐᖑᕐᑎᓚᐅᓐᖏᓚᑦᓯ.

ᔨᕆᒤᐊᐅᑉ ᐊᒡᓚᖏᑦ 14:12

ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”

ᔨᕆᒤᐊᐅᑉ ᐊᒡᓚᖏᑦ 6:20

ᐳᔫᕐᑎᑦᓯᑦᔪᑎᒃᓮᑦ ᓰᐸᒥᑦ ᐱᓯᒪᔪᑦ ᓱᓇᒧᑦ ᐊᑑᑎᖃᕐᐸᑦ, ᓄᓇᓂᓪᓘᓐᓃᑦ ᐅᖓᓯᒃᑐᓂᑦ ᓰᕐᓇᕐᑐᑦ ᐱᑖᕕᓂᖏᑦ? ᑐᓂᕐᕈᑎᓯ ᐆᒪᔪᕕᓃᑦ ᐆᓯᒪᔪᑦ ᑐᓂᕐᕈᓯᕐᕕᖕᒥ ᓈᒻᒪᒋᓐᖏᓚᒃᑲ, ᑐᓂᕐᕈᓯᕈᑎᒋᔭᓯᓗ ᖁᕕᐊᒋᓐᖏᓚᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 33:25

ᑍᒤᒻᒪᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᓂᕿᒥᒃ ᓂᕆᖃᑦᑕᕐᐳᓯ ᐊᐅᓕᖕᓂᒃ, ᒎᑎᓐᖑᐊᓄᓪᓗ ᑐᒃᓯᐊᕐᕕᖃᕐᐸᒡᓗᓯ, ᐃᓄᐊᕐᐸᒡᓗᓯᓗ; ᑍᒤᑦᑑᓗᓯ ᓄᓇᒥᒃ ᑐᓂᓯᕕᐅᔭᕆᐊᖃᕐᐱᓰ?

ᕼᐆᓯᐊᑉ ᐊᒡᓚᖏᑦ 8:13

ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.

ᒨᓯᓯ ᑕᓪᓕᒪᖏᑦ 12:27

ᑕᕝᕙᓂ ᑐᓂᕐᕈᓯᕐᑐᒃᓴᐅᕗᑎᑦ ᐃᑯᐊᓚᒐᒃᓴᓂᒃ ᐊᑕᖏᕐᓗᒋᑦ ᐊᑕᓂᐅᑉ ᑐᓂᕐᕈᓯᕐᕕᖁᑎᖓᓂ. ᑕᒪᒃᑯᐊᓗ ᑐᓂᕐᕈᑎᒋᔭᒃᓴᕆᕙᑎᑦ ᓂᕆᔭᒃᓴᕕᑦ ᓂᕿᖏᑦ ᐊᐅᖓᓗ ᑯᕕᓗᒍ ᑐᓂᕐᕈᓯᕐᕕᖕᒧᑦ.