ᔨᕆᒤᐊᐅᑉ ᐊᒡᓚᖏᑦ 7:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐅᕙᓐᓂᒃ ᓂᓐᖓᒃᓮᒐᓗᐊᕐᐹᑦ? ᐊᑕᓂᖅ ᐅᖃᕐᐳᖅ, ᑍᒤᓕᐅᕐᓂᕐᒥᖕᓄᑦ ᐃᒻᒥᖕᓂᖔᖅ ᐊᓯᕈᕈᑎᒃᓴᓕᐅᓕᓐᖏᓛᑦ ᑲᓐᖑᓇᕐᑐᒦᑎᓪᓗᑎᒡᓗ?

ᔨᕆᒤᐊᐅᑉ ᐊᒡᓚᖏᑦ 7:19 Iomraidhean Croise

ᐄᓱᕋᐅᑉ ᐊᒡᓚᖏᑦ 9:7

ᓯᕗᓕᑦᑕ ᐅᓪᓗᖏᓐᓂᑦ ᒫᓐᓇᒧᑦ, ᐅᕙᒍᑦ ᐃᓄᖁᑎᑎᑦ ᐊᔪᕐᑐᓕᓯᒪᕗᒍᑦ ᐊᖏᔪᒻᒪᕆᐊᓗᖕᒥᒃ, ᐸᓯᔭᒃᓴᐅᓂᕗᑦ ᐱᓪᓗᒋᑦ ᐊᖓᔪᖅᑳᕐᔪᐊᕗᑦ, ᑐᓂᕐᕈᓯᕐᑎᑦᓯᔨᕗᓪᓗ ᑎᒍᔭᐅᓚᕿᓯᒪᕗᑦ, ᐃᓅᖃᑎᒃᓴᔭᕆᓐᖏᑕᑦᑎᓐᓄᑦ ᐊᖓᔪᖅᑳᕐᔪᐊᓄᑦ, ᑐᖁᓴᕐᑕᐅᓯᒪᕗᒍᑦ, ᑎᒡᓕᒡᕕᐅᓯᒪᕗᒍᑦ, ᐊᐅᓪᓚᕈᑦᔭᐅᓯᒪᕗᒍᑦ ᑎᒍᔭᐅᓯᒪᔪᑎᑐᑦ, ᓇᕐᕈᓇᕐᓯᑎᑕᐅᓯᒪᕗᒍᑦ ᐅᓪᓗᒥ ᓱᓕ ᑍᒤᑉᐳᒍᑦ.

ᔫᐱᐅᑉ ᐊᒡᓚᖏᑦ 35:6

ᐊᔪᕐᑐᓕᓯᒪᓐᓂᕈᕕᑦ, ᓱᓇᒥᒃ ᐊᑭᕋᕐᑐᕈᑎᒃᓴᕐᑖᕐᐲᑦ ᑖᑦᓱᒧᖓ? ᐊᔪᕐᑐᓕᓂᑎᓪᓗ ᐅᓄᕐᓯᕙᓪᓕᐊᒃᐸᑕ, ᑖᓐᓇ ᐊᐅᓚᑦᔭᒃᑕᐅᒐᔭᕐᐹ?

ᐂᓮᐊᓯᐅᑉ ᐊᒡᓚᖏᑦ 1:20

ᓈᓚᖏᓪᓗᓯᓕ ᐊᑭᕋᕐᑐᕈᑦᓯ, ᑐᖁᑕᐅᔪᒫᕐᐳᓯ ᓴᕕᒡᔪᐊᒧᑦ; ᐊᑕᓂᖅ ᓇᖕᒥᓂᖅ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 1:24

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᐊᔪᒐᖃᖏᑦᑐᕐᔪᐊᖁᑎᖓ: ᐊᑭᕋᒃᑲ ᐱᒋᐊᕐᓂᐊᕐᐸᒃᑲ ᓂᓐᖓᐅᓯᓐᓄᑦ, ᓇᖕᒥᓂᕐᓗ ᐊᑭᓂᐊᕐᕕᒋᓂᐊᕐᐸᒃᑲ ᐊᑭᕋᕐᑐᕐᑎᒃᑲ.

ᐂᓮᐊᓯᐅᑉ ᐊᒡᓚᖏᑦ 45:16

ᒎᑎᓐᖑᐊᓕᐅᕐᐸᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᐅᐱᓐᓇᕈᓐᓃᕐᑎᑕᐅᓗᑎᒡᓗ ᐊᑕᖏᕐᓗᑎᒃ; ᐊᐅᓪᓚᕈᒫᕐᐳᑦ ᐊᑕᐅᑦᓯᒃᑯᑦ ᓇᓗᓕᕐᓯᒪᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 15:9

ᐊᕐᓇᖅ 7ᓂᒃ ᕿᑐᕐᖓᓕᒃ ᓄᑮᕈᑎᓂᐊᕐᐳᖅ ᐊᓂᕐᓇᖏᕐᓗᓂᓗ; ᓯᕿᓂᖅ ᑕᑯᓐᓇᕈᓐᓃᕐᓂᐊᕐᐹ ᓱᓕ ᐅᓪᓘᒐᓗᐊᕐᑎᓪᓗᒍ; ᖁᕕᐊᓇᖏᑦᑐᒦᓐᓂᐊᕐᐳᖅ ᑲᓐᖑᓇᕐᑐᒦᓪᓗᓂᓗ. ᐊᒥᐊᒃᑰᔫᓪᓗ ᐅᓇᑕᕐᑐᓂ ᑐᖁᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 2:17

ᑕᒪᓐᓇ ᓇᖕᒥᓂᖅ ᐃᓕᑦᓯᓐᓂᑦ ᓴᖅᑭᑎᑉᐸᓯ ᐊᑕᓂᖅ ᒎᑎᓯ ᕿᒪᓚᐅᕋᑦᓯᐅᒃ, ᑕᓯᐅᕐᓯᓚᐅᕐᑐᖅ ᐊᖅᑯᑎᑦᓯᓐᓂ ᐊᑐᕐᑕᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 20:11

ᐊᑕᓂᕐᓕ ᐅᕙᓐᓃᑉᐳᖅ ᐅᓇᑕᕐᑎᑎᑐᑦ ᓵᓚᐅᔪᓐᓇᖏᑦᑐᑎᑐᑦ, ᑍᒤᒻᒪᑦ ᐅᕙᓐᓂᒃ ᐊᑭᕋᕐᑐᕋᓱᒃᑑᒐᓗᐊᑦ ᐹᓪᓚᖕᓂᐊᕐᐳᑦ, ᓵᓚᖃᕐᓂᐊᕋᑎᒡᓗ. ᑲᓐᖑᓇᕐᑐᕐᔪᐊᕐᒦᑦᓱᒫᕐᐳᑦ ᑲᔪᓯᓂᐊᖏᓐᓇᒥᒃ. ᐅᐱᓐᓇᖏᓐᓂᖏᓪᓗ ᐃᓱᖃᖏᑦᑐᒧᑦ ᐳᐃᒍᕐᑕᐅᓂᐊᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 22:22

ᐰᕐᓯᔨᖁᑎᓯ ᐊᓄᕆᒧᑦ ᑎᒃᑕᐅᕋᕐᓂᐊᕐᐳᑦ, ᑕᐱᕆᕙᒃᑕᓯᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᖁᕕᐊᓇᖏᑦᑐᒥᒃ ᑲᓐᖑᓇᕐᑐᒥᒡᓗ ᑕᕝᕙ ᐊᑐᕐᓂᐊᕐᐳᑎᑦ, ᐱᐅᖏᑦᑐᓕᓂᓯ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 25:7

ᑭᓯᐊᓂᓕ ᓈᓚᒍᒪᓚᐅᓐᖏᓚᓯ ᐊᑕᓂᖅ ᐅᖃᕐᐳᖅ, ‘ᐊᑲᐅᒋᓐᖏᑕᓐᓂᒃ ᐱᓂᐊᕐᓯᒪᕗᓯ ᓴᓇᔭᑦᓯᒍᑦ ᐊᓯᕈᕐᑕᐅᓇᕐᑐᒧᓪᓗ ᐃᓕᑦᓯᓐᓂᒃ ᑎᑭᑎᓯᒪᕗᓯ.’

ᔨᕆᒤᐊᐅᑉ ᐊᒡᓚᖏᑦ 3:25

ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 44:3

ᐃᓄᒋᓚᐅᕐᑕᖏᓐᓂᑦ ᓂᓐᖓᒃᑎᑕᐅᓚᐅᕋᒪ ᐱᐅᖏᑦᑐᓕᓂᖏᓐᓄᑦ, ᑐᓂᕐᕈᓯᕐᓗᑎᒃ ᑐᒃᓯᐊᕐᕕᖃᖃᑦᑕᓚᐅᕐᒪᑕ ᐊᓯᓐᓂᒃ ᒎᑎᒋᔪᒪᔭᒥᖕᓂᒃ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᓯᕗᓕᕕᓂᖏᑕ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓂᐅᔭᓚᐅᓐᖏᑕᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 8:19

ᐃᓅᖃᑎᒪ ᐊᔪᐃᓐᓇᕐᓗᑎᒃ ᕿᓄᓂᖏᑦ ᐅᖓᓯᒃᑐᒥᑦ ᑐᓴᒃᑭᑦ, ᐊᑕᓂᖅ ᓮᐅᓂᒦᑦᑐᓐᓃᕐᐹ? ᐊᖓᔪᖅᑳᕐᔪᐊᖁᑎᖓ ᑍᑲᓃᑦᓱᓐᓃᕐᐹ? ᓱᖕᒪᑦ ᓂᓐᖓᒃᑎᓐᓇᓱᐊᕐᐹᖓ? ᓴᓇᓐᖑᐊᕐᓯᒪᓪᓗᑎᒃ ᒎᑎᓐᖑᐊᕐᑖᕆᓯᒪᔭᒥᖕᓄᑦ ᓄᓇᖃᑎᒋᓐᖏᑕᒥᖕᓂᑦ ᐱᑖᕆᓯᒪᔭᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 9:19

ᓮᐅᓂᒥᐅᓂᑦ ᕿᐊᔪᑦ ᑐᓴᕐᓴᐅᕗᑦ, “ᓱᕋᑦᓯᐊᕐᐳᒍᑦ, ᑲᓐᖑᓇᕐᑐᕐᔪᐊᒥᒃ ᐊᑐᓕᕐᐳᒍᑦ, ᓄᓇᕗᑦ ᕿᒪᒡᓗᒍ ᑭᓯᐊᓂᐅᓕᕐᐳᖅ ᐃᒡᓗᕕᓂᕋᓗᐊᕗᑦ ᓱᕋᒃᑎᕐᑕᐅᖕᒪᑕ.”

ᐃᓯᑭᐊᓕᐅᑉ ᐊᒡᓚᖏᑦ 16:26

ᐄᑦᔨᑉᑎᒥᐅᓂᒃ ᐊᓯᓐᓂᐊᖃᑎᖃᖃᑦᑕᓚᐅᕆᕗᑎᑦ, ᐃᒃᓯᒍᓗᐊᕐᒥᔪᓂᒃ ᖃᓂᒋᔭᑦᓯᓐᓃᑦᑐᓂᒃ, ᐊᖑᓐᓂᐊᕐᓂᕕᑦ ᓯᐊᒻᒪᒃᐸᓪᓕᐊᓂᖓᓄᑦ ᓂᓐᖓᒃᑎᑉᐸᓪᓕᐊᕙᕐᒪ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:22

ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?

ᒨᓯᓯ ᑕᓪᓕᒪᖏᑦ 32:16

ᒎᑎᓐᖑᐊᓄᑦ ᓵᓐᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᓮᓪᓗᑎᒃ ᓯᖕᓇᑎᑦᓯᓚᐅᕐᐳᑦ; ᓇᕐᕈᓇᕐᑐᓕᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᑎᑦᓯᓚᐅᕐᐳᑦ.