ᔨᕆᒤᐊᐅᑉ ᐊᒡᓚᖏᑦ 7:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᒪᒃᑯᓂᖓ ᐱᔪᒥᓇᖏᑦᑐᓂᒃ ᐱᓇᓱᐊᕐᑎᓪᓗᓯ, ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ ᐅᖃᕋᓱᐊᖃᑦᑕᓚᐅᕋᓗᐊᕐᐳᖓ ᐅᓄᕐᑐᐃᕐᓱᕐᓗᖓ, ᓈᓚᓚᐅᓐᖏᓚᑦᓯᓐᖓᓕ, ᐅᖃᐅᑦᔨᓇᓱᐊᕋᓗᐊᕐᑎᓪᓗᖓ ᑭᐅᔪᓐᓇᓚᐅᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 7:13 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:24

ᕾᖁᓚᐅᕋᒃᑭᑦ ᓈᓚᒍᒪᓚᐅᓐᖏᓚᑎᑦ, ᐃᓴᒻᒥᖃᑦᑕᕐᓯᒪᕗᖓ ᓇᓪᓕᐊᓐᓄᓪᓘᓐᓃᑦ ᐅᐸᒋᐊᕐᑕᐅᓚᐅᕐᓯᒪᓇᖓ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 65:12

ᓯᕗᓂᒃᓴᖃᕐᑎᑦᓱᒫᕐᐸᑦᓯ ᓴᕕᒡᔪᐊᕐᒧᑦ ᑐᖁᑕᐅᑎᓪᓗᓯ, ᑕᒪᑦᓯ ᑐᖁᕅᔨᓄᑦ ᐅᑯᔪᒫᕐᐳᓯ; ᕾᖁᔨᑎᓪᓗᖓ ᐃᓕᑦᓯᓐᓂᒃ ᑭᐅᓚᐅᖏᓐᓇᑦᓯ, ᐅᖃᕐᑎᓪᓗᖓ ᓈᓚᓚᐅᖏᓐᓇᑦᓯ, ᐱᐅᖏᑦᑐᓂᒃ ᐱᓇᓱᐊᑐᐃᓐᓇᓚᐅᕋᑦᓯ ᑕᑯᓐᓇᕐᑎᓪᓗᖓ, ᖁᕕᐊᒋᓐᖏᑕᓐᓂᒡᓗ ᓂᕈᐊᖔᕐᓗᓯ.”

ᐂᓮᐊᓯᐅᑉ ᐊᒡᓚᖏᑦ 66:4

ᓂᕈᐊᓛᕆᕗᖓ ᐋᓐᓂᐊᑎᑕᐅᑦᔪᑎᒃᓴᖏᓐᓂᒃ, ᑲᑉᐱᐊᒋᔭᖏᓐᓂᒃ ᑎᑭᕝᕕᐅᑎᑦᓱᒫᕐᐸᒃᑲ; ᕾᖁᔨᑎᓪᓗᖓ ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᖏᒻᒪᑦ, ᐅᖃᓪᓚᒃᑎᓪᓗᖓ ᓈᓚᓚᐅᖏᒻᒪᑕ; ᐱᐅᖏᑦᑐᒥᒡᓕ ᑕᑯᓐᓇᕐᑕᒃᑯᑦ ᐱᓇᓱᐊᖔᑐᐃᓐᓇᓚᐅᕐᐳᑦ, ᐊᑐᕋᓱᖔᕐᓗᑎᒡᓗ ᖁᕕᐊᒋᓐᖏᑕᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 11:7

ᑍᒪᓐᖓᑦ ᓯᕗᓕᓯ ᐊᐅᓪᓚᕐᑎᓚᐅᕋᒃᑭᑦ ᐄᑦᔨᑉᑎᒥᑦ ᐅᓪᓗᒥᒧᑦ ᑎᑭᓪᓗᒍ, ᐅᖃᐅᑎᖃᑦᑍᓐᓇᓚᐅᕐᐸᒃᑲ ᐅᓄᕐᑐᐃᓱᕐᓗᒋᑦ ᓂᐱᓐᓂᒃ ᓈᓚᒃᑐᒃᓴᐅᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 11:8

ᑐᓴᓚᐅᓐᖏᓚᓪᓕ ᓈᓚᒐᓱᐊᓚᐅᓐᖏᓚᓪᓘᓐᓃᑦ ᒪᓕᖔᓚᐅᕐᐳᓪᓕ ᐆᒻᒪᑎᒥ ᓯᑎᔫᑦᔪᑎᒋᔭᖏᓐᓂᒃ ᐱᐅᖏᑦᑐᓂᒃ. ᑍᒤᒻᒪᑦ ᑐᓂᓚᐅᕐᐸᒃᑲ ᐊᖏᖃᑎᒌᖕᓂᐅᑉ ᐅᖃᐅᓯᖏᓐᓂᒃ, ᒪᓕᒃᑕᐅᖁᓪᓗᒋᑦ ᑖᒃᑯᓄᖓ, ᒪᓕᒍᒪᓚᐅᓐᖏᓚᓪᓕ.”

ᔨᕆᒤᐊᐅᑉ ᐊᒡᓚᖏᑦ 13:10

ᐃᓄᐃᑦ ᐅᑯᐊ ᐱᐅᖏᑦᑐᓕᔪᑦ, ᐅᖃᐅᓯᓐᓂᒃ ᓈᓚᒍᒪᓐᖏᓚᑦ, ᐆᒻᒪᑎᒥᓗ ᓯᑎᓂᖏᓐᓄᑦ ᒎᑎᓐᖑᐊᓂᒃ ᒪᓕᒍᒪᕗᑦ ᑐᒃᓯᐊᕐᕕᖃᖃᑦᑕᕈᒪᓪᓗᑎᒃ, ᑍᒤᑦᓱᒫᕆᕗᑦ ᑖᑦᓱᑐᓇᖅ ᕿᑎᕈᑎᑐᑦ ᐊᑑᑎᒃᓴᖃᕈᓐᓃᕐᑐᑐᑦ.

ᔨᕆᒤᐊᐅᑉ ᐊᒡᓚᖏᑦ 13:11

ᑍᒫᒃᑕᐅᖅ ᐊᖑᑦ ᕿᑎᕈᓯᓲᖑᖕᒪᑦ ᕿᓚᒃᓱᒍ, ᐃᓴᕆᐊᓕᒥᐅᓕᒫᑦ ᔫᑕᒥᐅᓕᒫᓪᓗ ᐅᕙᓐᓄᑦ ᕿᓚᒃᓱᕈᒫᕆᕙᒃᑲ, ᐊᑕᓂᖅ ᐅᖃᕐᐳᖅ, ᐃᓄᖁᑎᒋᔪᒪᓪᓗᒋᑦ ᓇᖕᒥᓂᕆᓗᒋᑦ ᓂᕐᑐᕐᑕᐅᑦᔪᑎᒋᓗᒋᓪᓗ, ᐅᐱᒋᔭᐅᑦᔪᑎᒋᓗᒋᓪᓗ, ᐅᕙᓐᓂᒡᓕ ᓈᓚᒍᒪᓚᐅᓐᖏᓚᑦ.”

ᔨᕆᒤᐊᐅᑉ ᐊᒡᓚᖏᑦ 25:3

“ᐊᕐᕌᒍᓂᒃ 23ᓂᒃ, ᔫᓮᐊᐅᑉ ᐋᒪᓐ ᐃᕐᓂᖓᑕ ᐊᖓᔪᖅᑳᕐᔪᐊᖑᓂᖓᑕ 13ᒋᓕᕐᑕᖓᓐᓂᑦ ᐱᒋᐊᕐᓗᒍ ᐅᓪᓗᒥᒧᑦ ᑎᑭᓪᓗᒍ ᐊᑕᓂᐅᑉ ᐅᖃᕐᑕᖏᓐᓂᒃ ᐅᕙᓐᓄᑦ ᐅᖃᕐᕕᒋᖃᑦᑕᕐᓯᒪᕙᑦᓯ ᐅᓄᕐᑐᐃᓱᕐᓗᖓ, ᓈᓚᓚᐅᕐᓯᒪᓐᖏᓚᓯᓕ.

ᔨᕆᒤᐊᐅᑉ ᐊᒡᓚᖏᑦ 26:5

ᐅᖃᕐᑎᒪᓗ ᐅᖃᐅᓯᕆᔭᖏᑦ ᓈᓚᖏᒃᑯᑦᓯᐅᒃ, ᐃᓕᑦᓯᓐᓄᑦ ᑎᓕᖃᑦᑕᕐᓯᒪᔭᒪ ᐅᖃᐅᓯᖏᑦ ᓈᓚᓚᐅᖏᓐᓇᑦᓯᐅᒃ.

ᔨᕆᒤᐊᐅᑉ ᐊᒡᓚᖏᑦ 29:19

ᐅᖃᐅᓯᓐᓂᒃ ᓈᓚᓚᐅᖏᒻᒪᑕ, ᐊᑕᓂᖅ ᐅᖃᕐᐳᖅ, ᐅᓄᕐᑐᐃᕐᓱᕐᓗᖓ ᐅᖃᕐᑕᐅᖁᔭᓐᓂᒃ ᑐᓴᕐᑎᖃᑦᑕᓚᐅᕋᓗᐊᕋᒃᑭᑦ ᐅᖃᕐᑎᒃᑲ ᐊᖅᑯᑎᒋᓪᓗᒋᑦ, ᐃᓕᑦᓯᑦᑕᐅᖅ ᓈᓚᒍᒪᓚᐅᓐᖏᓚᓯ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 32:33

ᐅᕙᓐᓂᒃ ᑐᓄᐃᓚᐅᕐᒪᑕ ᓵᓐᖓᓇᓱᐊᕈᓐᓃᕐᓗᑎᒡᓘᓐᓃᑦ ᐊᔪᕆᕐᑐᖃᑦᑕᓚᐅᕋᓗᐊᕐᐸᒃᑲ ᐅᓄᕐᑐᐃᕐᓱᕐᓗᒋᑦ ᓈᓚᒍᒪᓚᐅᓐᖏᓚᓪᓕ, ᑐᓴᕈᒪᓇᑎᒡᓘᓐᓃᑦ ᐋᖅᑭᒋᐊᕐᓯᓂᕆᓇᓱᐊᕐᑕᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 35:14

ᔨᕼᐅᓇᑕᐅᑉ ᕆᑳᐱᐅᑉ ᐃᕐᓂᖓᑕ ᐃᕐᓂᓂ ᕔᓂᒥᒃ ᐃᒥᖃᑦᑕᖁᓐᓂᖏᒻᒪᒋᑦ ᓱᓕ ᐅᓪᓗᒥ ᑕᒪᓐᓇ ᑖᒃᑯᐊ ᒪᓕᒃᐹᑦ, ᐃᒥᕈᓐᓇᖏᒻᒪᑕ ᕔᓂᒥᒃ ᐅᓪᓗᒥ, ᓯᕗᓕᕆᔭᒥ ᐱᖁᔭᓕᐊᕆᔭᕕᓂᖓᓂᒃ ᓈᓚᒃᑲᒥᒃ. ᐅᕙᖓᓕ ᐅᓄᕐᑐᐃᕐᓱᕐᓗᖓ ᐅᖃᐅᑎᖃᑦᑕᓚᐅᕐᐸᑦᓯ, ᑭᓯᐊᓂᓕ ᓈᓚᒍᓐᓇᓚᐅᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 35:15

ᐅᓄᕐᑐᐃᕐᓱᕐᓗᖓ ᐅᖃᕐᑎᒃᑲ ᑎᓕᕙᓚᐅᕐᐸᒃᑲ ᐃᓕᑦᓯᓐᓄᑦ, ᐅᖃᕐᐸᓚᐅᕐᐳᓪᓗ, ‘ᓵᒋᐊᕐᑐᒃᓴᐅᕗᓯ ᐱᐅᖏᑦᑐᓕᓂᑦᓯᓐᓂᑦ ᐊᑲᐅᔪᒥᒡᓗ ᐃᓕᖅᑯᓯᖃᓕᕐᓗᓯ; ᒎᑎᓐᖑᐊᓂᒃ ᒪᓕᓕᕐᑍᓕᒋᑦᓯ ᐱᓂᐊᕐᕕᒋᓇᒋᓪᓘᓐᓃᑦ, ᑕᕝᕙ ᐃᓅᓂᐊᕐᐳᓯ ᓯᕗᓕᑦᓯᓐᓄᑦ ᐃᓕᑦᓯᓐᓄᓪᓗ ᓄᓇᒋᔭᐅᖁᓚᐅᕐᑕᓐᓂ.’ ᑭᓯᐊᓂᓕ ᑐᓴᕈᓐᓇᓚᐅᓐᖏᓚᑦᓯᓐᖓ ᓈᓚᒍᒪᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 35:17

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᔫᑕᒥᐅᓄᑦ ᔨᕉᓴᓕᒥᐅᓕᒫᓄᓪᓗ ᑎᑭᑕᐅᑎᑦᓯᔪᒫᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓐᓂᒃ, ᐅᖃᐅᑎᕙᓚᐅᕋᓗᐊᕋᒃᑭᑦ ᓈᓚᒍᒪᓚᐅᖏᒻᒪᑕ, ᑎᓕᓯᑦᔪᑎᓐᓂᒡᓗ ᓈᓚᒍᒪᓚᐅᕋᑎᒃ.”

ᔨᕆᒤᐊᐅᑉ ᐊᒡᓚᖏᑦ 44:23

ᑐᓂᕐᕈᓯᖃᑦᑕᓚᐅᕋᑦᓯ ᐊᑕᓂᕐᓗ ᐊᔪᕐᑐᓕᕕᒋᓪᓗᒍ, ᓈᓚᓚᐅᖏᓐᓇᑦᓯᐅᒃ ᐱᖁᔭᖏᓪᓗ ᒪᓕᖕᓇᒋᑦ ᑐᓴᕐᑕᐅᖁᔭᖏᓪᓗ ᐃᓱᒪᒋᓇᒋᑦ ᐊᖏᕐᓯᒪᓂᖏᓪᓘᓐᓃᑦ, ᑕᒪᑦᔭ ᑲᑉᐱᐊᓇᕐᑐᓂᒃ ᐊᑐᕈᑎᒋᓕᕐᑕᓯ ᐅᓪᓗᒥᓗ ᑕᑯᓯᒪᓕᕐᐸᓯ ᑍᒤᑦᑐᒦᑦᔪᑎᒋᔭᓯ ᓱᓇᒨᕐᒪᖔᑦ.”

ᔨᕆᒤᐊᐅᑉ ᐊᒡᓚᖏᑦ 44:4

ᐅᖃᕐᑎᓐᓂᒃ ᐱᓇᓱᐊᕐᕕᐅᔭᕐᑐᕐᑎᖃᑦᑕᓚᐅᕐᐸᑦᓯ, ᐅᖃᐅᑎᓪᓗᓯ, ‘ᐱᐅᖏᑦᑐᓂᒃ ᐆᒥᒋᔭᓐᓂᒃ ᐱᓇᓱᐊᓕᖁᓇᓯ.’

ᔨᕆᒤᐊᐅᑉ ᐊᒡᓚᖏᑦ 5:21

ᑐᓴᓕᕆᑦᓯ, ᐃᓕᑦᓯ ᓯᓔᑦᑐᓯ, ᐃᓱᒪᖃᑦᓯᐊᖏᑦᑐᓯᓗ ᐃᔨᖃᕋᓗᐊᕐᓗᓯ ᑕᐅᑐᖏᑦᑐᓯ, ᓯᐅᑎᖃᕋᓗᐊᕐᓗᓯᓗ ᑐᓵᖏᑦᑐᓯ.

ᔨᕆᒤᐊᐅᑉ ᐊᒡᓚᖏᑦ 6:10

ᑭᓇᒃᑯᑦ ᐃᓂᕐᑎᕆᑦᔪᑎᓐᓂᒃ ᑐᓴᕈᓐᓇᕐᓂᐊᕐᐹᑦ? ᑭᓇᒃᑯᓐᓄᓪᓗ ᓈᓚᒃᑕᐅᔪᓐᓇᕐᓂᐊᕐᐳᖔ? ᑐᓵᔪᒪᔪᖃᕈᓐᓃᕐᒪᑦ, ᑕᑯᒋᑦ ᓈᓚᒃᑐᖃᕈᓐᓇᕈᓐᓃᕐᐳᖅ. ᐊᑕᓂᐅᑉ ᐅᖃᐅᓯᖏᑦ ᑐᓴᕐᑕᐅᔭᕆᐊᒃᓴᖅ ᐱᐅᒋᔭᐅᔪᓐᓂᕐᒪᑕ, ᖁᕕᐊᒋᔭᐅᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 7:25

ᓯᕗᓕᕕᓂᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᓂᖓᑕ ᑭᖑᓂᖓᓂᑦ ᐱᒋᐊᕐᓗᒍ ᐅᓪᓗᒥᒧᑦ ᑎᑭᓪᓗᒍ, ᖃᐅᑕᒫᑦ ᐅᓄᕐᑐᐃᕐᓱᕐᓗᖓ ᑎᓕᓯᕕᒋᖃᑦᑕᕐᓯᒪᕙᒃᑲ ᐱᔪᖃᓛᕐᑐᒥᒃ ᐅᖃᕐᑎᓐᓂᒃ.

ᕼᐆᓯᐊᑉ ᐊᒡᓚᖏᑦ 11:2

ᕾᖁᒃᑲᓐᓂᓕᕌᖓᒃᑭᑦ ᕿᒫᒃᑲᓐᓂᖃᑦᑕᓚᐅᕐᐳᑦ ᐅᕙᓐᓂᒃ, ᐰᓕᒧᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ, ᐃᑯᐊᓪᓔᕙᒃᓗᑎᒡᓗ ᑎᐱᑦᓯᐊᕆᒃᑐᓂᒃ ᒎᑎᓐᖑᐊᓄᑦ.

ᕼᐆᓯᐊᑉ ᐊᒡᓚᖏᑦ 11:7

ᐃᓄᖁᑎᒃᑲ ᐊᓚᕆᐊᖃᑦᑕᕐᐳᑦ ᕿᒤᔪᒪᓪᓗᑎᒃ ᐅᕙᓐᓂᒃ; ᑍᒤᒻᒪᑦ ᐅᓂᐅᑕᕐᑖᕐᑎᑕᐅᕗᑦ ᑐᐃᕐᒥᐅᑕᕐᓂᒃ, ᓇᐅᒧᓪᓘᓐᓃᑦ ᐲᕐᑕᐅᓂᐊᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 9:17

ᒎᑎᒪ ᐃᒋᑦᓱᒫᕐᐰᑦ, ᑖᑦᓱᒥᖓ ᓈᓚᓚᐅᖏᒻᒪᑕ; ᓇᓂᑐᐃᓐᓈᕐᑐᓄᑦ ᐃᓅᖃᑎᒌᒡᔪᐊᓄᑦ ᐂᖃᑦᑕᕈᒫᕐᐳᑦ ᓄᓇᖃᓪᓚᕆᖏᓪᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 7:13

ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ, “ᓂᓪᓕᐊᒐᒪ ᓈᓚᒍᒪᓚᐅᖏᓚᑦ, ᑍᒤᒻᒪᑦ ᓂᓪᓕᐊᒐᓗᐊᕐᒪᑕ ᐅᕙᓐᓄᑦ ᓈᓚᒍᒪᓚᐅᓐᖏᓚᒃᑲ.

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!