ᔨᕆᒤᐊᐅᑉ ᐊᒡᓚᖏᑦ 7:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐂᓕᕆᑦ ᓮᓗᐊᒦᑦᑐᒧᑦ ᑐᒃᓯᐊᕐᕕᐅᒋᐊᕐᖓᓚᐅᕐᑐᒧᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ, ᑕᑯᓗᑎᓪᓗ ᖃᓄᐃᓕᓐᓂᕐᒪᖔᒃᑯ ᐃᓄᖁᑎᒪ ᐱᐅᖏᑦᑐᓕᓂᖏᑦ ᐱᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 7:12 Iomraidhean Croise

ᐊᑕᓃᑦ ᓯᕗᓪᓖᑦ 9:7

ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

ᔨᕆᒤᐊᐅᑉ ᐊᒡᓚᖏᑦ 26:6

ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 7:14

ᑍᒤᒻᒪᑦ, ᓮᓗᐊᒧᑦ ᐱᓂᐊᕐᓂᕆᓯᒪᔭᕋ ᐃᒡᓗᖁᑎᓐᓄᑦᑕᐅᖅ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᐱᓂᐊᕈᑎᒋᓂᐊᓕᕆᕙᕋ, ᑐᒃᓯᐊᕐᕕᒃᔪᐊᖅ ᐅᒃᐱᕆᔭᓯ ᑐᓂᓚᐅᕐᓯᒪᔭᕋ ᐃᓕᑦᓯᓐᓄᑦ ᓯᕗᓕᕕᓂᑦᓯᓐᓄᓪᓗ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᔮᓱᐊᑉ ᐊᒡᓚᖏᑦ 18:1

ᓄᓇ ᐅᓇᑕᕐᓂᒃᑯᑦ ᐱᑖᕆᒐᒥᑦᔪᒃ, ᐃᓴᕆᐊᓕᒥᐅᓕᒫᑦ ᑲᑎᕗᑦ ᓮᓗᐊᒥ, ᑕᕝᕙᓂᓗ ᑐᐱᖅ ᐊᑕᓂᐅᑉ ᓇᔪᕐᑕᖓ ᓇᑉᐸᕐᐹᑦ ᑲᑎᒪᕕᒃᓴᕆᓪᓗᒍ.

ᔮᓱᐊᑉ ᐊᒡᓚᖏᑦ 18:10

ᔮᓱᐊᓗ ᓇᓚᐅᑦᑖᕈᑎᒃᑯᑦ ᓮᓗᐊᒥ ᐊᑕᓂᕐᒥᒃ ᖃᐅᔨᒋᐊᕐᐳᖅ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᕕᒃᑐᕐᐰᓪᓗ ᐃᓴᕆᐊᓕᒥᐅᓄᑦ ᓄᓇᑖᕆᐊᖃᕐᑐᓄᑦ ᑭᖑᕚᕇᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 18:31

ᒤᑲᐅᑉ ᒎᑎᓐᖑᐊᖏᑦ ᑖᑦᓱᒪ ᓴᓇᓚᐅᕐᑕᖏᑦ ᑍᑲᓃᖏᓐᓇᓚᐅᕐᐳᑦ ᒎᑎᐅᑉ ᑐᐱᖓᓂ ᑐᒃᓯᐊᕐᕕᐅᑎᓪᓗᒍ ᓮᓗᐊᒦᓐᓂᖓᓂ.

ᓴᒧᐃᓕ ᓯᕗᓪᓖᑦ 1:3

ᐊᕐᕌᒍᑕᒫᓪᓕ ᐃᐅᓪᑳᓇ ᐂᕙᓚᐅᕐᐳᖅ ᕌᒪᒥᑦ ᓮᓗᐊᒧᑦ ᑐᓂᕐᕈᓯᕆᐊᕐᑐᕐᓗᓂ ᑐᒃᓯᐊᕆᐊᕐᓗᓂᓗ ᐊᑕᓂᕐᒧᑦ ᐊᔪᒐᖃᖏᑦᑐᒧᑦ, ᕼᐅᐱᓂ ᐱᓂᕼᐋᓯᓗ ᐃᓔᑉ ᐃᕐᓂᖏᒃ ᐃᓚᒋᒡᓗᒋᒃ, ᑖᒃᑯᐊᒃ ᑐᓂᕐᕈᓯᕐᑎᑦᓯᔨᐅᔫᒃ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 4:22

ᐅᖃᕐᐳᕐᓗ, “ᐊᑕᓂᐅᑉ ᐱᓐᓇᕐᓇᕐᓂᖓᑕ ᐃᓴᕆᐊᓕᒥᐅᑦ ᕿᒪᒃᐰᑦ, ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖓ ᑎᒍᔭᐅᖕᒪᑦ.”