ᔨᕆᒤᐊᐅᑉ ᐊᒡᓚᖏᑦ 6:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ “ᐃᓄᖁᑎᒃᑲ, ᐆᒪᔪᑦ ᒥᖅᑯᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᕐᑐᓕᕆᑦᓯ, ᐊᕐᔭᓕᓂᒃᑯᓪᓗ ᐊᒃᓴᑳᓗᓯ, ᕿᐊᒋᑦᓯ ᕿᒃᓵᒃᑐᐊᓗᒃᑎᑐᑦ ᐃᕐᓂᑐᐊᒥᓂᒃ ᑐᖁᔨᐊᖃᕋᑖᕐᑐᑎᑐᑦ, ᐅᒡᒍᐊᕐᓗᓯᓗ ᐊᓯᕈᐃᔭᐅᕐᑐᕐᑐᑦ ᑎᑭᓐᓂᐊᕐᒪᑕ ᓂᕆᐅᒡᕕᒋᓐᖏᑕᑦᓯᒍᑦ.

ᔨᕆᒤᐊᐅᑉ ᐊᒡᓚᖏᑦ 6:26 Iomraidhean Croise

ᒨᓯᓯ ᓯᕗᓪᓖᑦ 21:16

ᐱᓱᒃᓗᓂᓗ ᐃᖏᑉᐳᖅ ᐅᖓᓯᒋᐊᕐᔪᒃᑕᖓᓄᑦ. ᐱᓯᒃᓯᐅᑉ ᖃᕐᔪᖓᑕ ᑎᑭᑦᓱᓐᓇᕐᑕᖓᓄᑦ; ᐃᒻᒥᓄᓪᓗ ᐅᖃᓕᕐᓗᓂ, “ᕿᑐᕐᖓᕋ ᑐᖁᓕᕐᑎᓪᓗᒍ ᑕᑯᓐᓇᕈᒪᓐᖏᓚᖓ.” ᐊᑭᐊᓂ ᐃᒃᓯᕚᕐᑎᓪᓗᒍ, ᓄᑲᑉᐱᐊᖅ ᓂᐱᖅᑯᕐᑐᓪᓗᓂ ᕿᐊᓯᕗᖅ.

ᔫᐱᐅᑉ ᐊᒡᓚᖏᑦ 15:21

ᑲᑉᐱᐊᓱᐊᕙᓗᖕᒥᒃ ᓂᐱᒥᒃ ᑐᓵᕙᖕᓂᐊᕐᐳᖅ; ᐃᓱᒫᓗᓇᕐᑐᖃᕐᑎᓐᓇᒍ ᐊᓯᕈᐃᔨᒧᑦ ᑎᑭᑕᐅᔪᒫᕐᐳᖅ.

ᔫᐱᐅᑉ ᐊᒡᓚᖏᑦ 2:8

ᑕᕝᕙ ᔫᐱ ᒪᕐᕋᕕᓂᕐᓂᒃ ᐃᒋᑦᓯᕕᖕᒧᑦ ᐃᖏᑦᓴᕐᑐᕐᐳᖅ ᑕᕝᕙᓂᓗ ᓯᖁᒥᓯᒪᔪᒥᒃ ᐱᓪᓗᓂ ᐊᔪᐊᓂ ᑖᑦᓱᒧᖓ ᑭᓕᐅᕐᑐᓕᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 22:12

ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᕿᐊᔪᒃᓴᐅᓂᕅᓛᕐᐳᖅ ᐃᓕᑦᓯᓐᓂᒃ ᕿᒃᓵᒃᑐᒃᓴᐅᓂᕅᓪᓗᓂᓗ, ᓄᔧᔭᕐᓯᒪᔪᒃᓴᐅᓂᕅᓛᕐᐳᖅ ᐊᓐᓄᕌᕐᓯᒪᔪᒃᓴᐅᓂᕅᓪᓗᓂᓗ ᕿᒃᓵᒃᑐᕐᓯᐅᑎᓂᒃ.

ᐂᓮᐊᓯᐅᑉ ᐊᒡᓚᖏᑦ 22:4

ᑍᒤᒻᒪᑦ ᐃᒫᒃ ᐅᖃᓚᐅᕐᐳᖓ: “ᐊᓚᕆᑦᓯ ᐅᕙᓐᓂᒃ, ᐃᓱᒪᕐᓱᕐᓗᖓ ᕿᐊᓚᖓ; ᓮᒻᒪᕐᓴᕐᑕᐅᓇᓱᐊᕈᒪᓐᖏᓚᖓ ᐃᓅᖃᑎᒃᑲ ᑐᖁᑕᐅᓚᐅᕐᑐᑦ ᐱᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 3:24

ᑎᐱᑦᓯᐊᕆᒃᓴᐅᑎᐅᑉ ᑎᐱᖓ ᑭᖑᕝᕕᕐᑕᐅᔪᒫᕐᐳᖅ ᐃᒍᓇᕐᓂᒥᒃ; ᑕᑦᓯᕈᑏᓪᓗ ᐱᐅᔪᑦ ᑭᖑᕝᕕᕐᑕᐅᓗᑎᒃ, ᐊᒃᓱᓈᒧᑦ; ᓄᔭᕐᓂᒃ ᐋᖅᑭᑦᓯᐊᕐᓯᒪᓂᖏᑦ ᑭᖑᕝᕕᕐᑕᐅᓗᑎᒃ ᓄᔧᕈᑎᓂᕐᒧᑦ; ᐊᔪᕐᓴᖏᑦᑐᕐᓯᐅᑎᓂᒃ ᐊᓐᓄᕌᕐᓯᒪᓂᖅ ᑭᖑᕝᕕᕐᑕᐅᓗᓂ ᐳᑐᕐᓛᓂᒃ ᐊᓐᓄᕌᕐᓯᒪᓂᕐᒧᑦ; ᐃᓂᖁᓇᕐᑑᓂᖅ ᑭᖑᕝᕕᕐᑕᐅᓗᓂ ᑲᓐᖑᓱᖕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 30:13

ᑍᒤᒻᒪᑦ ᐊᔪᕐᑐᓕᓂᖅ ᑕᒪᓐᓇ ᐃᓕᑦᓯᓐᓄᑦ ᐱᔪᒫᕐᐳᖅ ᐊᕙᓗᕐᔪᐊᑐᑦ ᐃᓚᓐᖓᕐᓯᒪᔪᑐᑦ, ᐊᓂᖓᔪᑐᑦ ᓯᖁᒥᑉᐸᓪᓕᐊᓕᕐᑐᑐᑦ, ᑍᒤᑦᑐᖅ ᐅᕐᕈᓂᐊᕐᐳᖅ ᓂᕆᐅᓇᖏᑦᑐᒥᒃ ᑕᕝᕔᓐᓇᖅ.

ᐂᓮᐊᓯᐅᑉ ᐊᒡᓚᖏᑦ 32:11

ᓴᔪᓕᕆᑦᓯ, ᐊᕐᓇᐅᔪᓯ ᒫᓐᓇ ᓮᓕᔪᓯ, ᐃᓱᒫᓗᓕᕆᑦᓯ ᖃᓄᐃᓐᓇᖏᑦᓯᐊᕐᑐᒦᑦᑐᓯ, ᐊᓐᓄᕌᓯ ᐲᔭᓕᕐᓯᐅᒃ ᐊᓐᓄᕅᑦᑑᓕᕐᓗᓯ, ᕿᑎᕈᓯᔭᓕᕆᑦᓯ ᐆᒪᔫᑉ ᒥᖅᑯᕕᓂᖏᓐᓂᒃ ᓄᕕᕐᓴᕐᓯᒪᔪᓂᒃ ᐅᒡᒍᐊᕐᑐᕐᓯᐅᑎᓂᒃ.

ᔨᕆᒤᐊᐅᑉ ᐊᒡᓚᖏᑦ 12:12

ᐱᖑᓕᒫᑦ ᓇᐹᕐᑐᖃᖏᓐᓂᕐᒦᑦᑐᑦ ᓱᓇᖃᔪᐃᑦᑐᒥ ᓈᓯᒪᓕᕐᐳᑦ ᐊᓯᕈᐃᔭᕐᑐᕐᑐᓂᒃ; ᐊᑕᓂᐅᑉ ᐅᓇᑕᕆᐊᕐᑎᑕᖏᑦ ᓈᓯᓯᒪᔪᒫᕐᐳᑦ ᓄᓇᐅᑉ ᑭᒡᓕᖓᓂᑦ ᑭᒡᓕᖓᓄᑦ; ᓮᓕᔪᖃᕈᒫᓐᖏᓚᕐᓗ ᑎᒥᖃᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 13:17

ᓈᓚᖕᓂᐊᖏᒃᑯᑦᓯ, ᑕᕐᓂᒃᑯᑦ ᐃᔨᕋᕐᑐᕐᓗᖓ ᕿᐊᑦᔪᑎᒋᔪᒫᕐᐸᑦᓯ ᐱᐅᔪᕆᓂᓯ ᐱᑦᔪᑎᒋᓗᒍ; ᖁᕝᕕᐅᕈᑎᒋᕐᔪᐊᕈᒫᕐᐸᑦᓯ, ᐊᑕᓂᐅᑉ ᐃᓅᖁᑎᖏᑦ ᑎᒍᔭᐅᔪᒫᕐᒪᑕ ᐊᐅᓪᓚᕈᑦᔭᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 14:17

ᒪᑯᓂᖓ ᐅᖃᐅᓯᕐᓂᒃ ᐅᖃᐅᑎᒃᑭᑦ: “ᐃᔩᒃᑲᒃ ᖁᕝᕕᐅᕐᓂᕐᒧᑦ ᑯᕕᑐᐃᓐᓇᓕᕐᐴᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ, ᓄᖅᑲᕈᓐᓁᓪᓕᓪᓗᖓᓗ, ᐅᐃᒡᒐᓱᒃᑎᑦᑐᑦ ᐃᓄᖁᑎᒃᑲ ᐃᑎᔪᒥᒃ ᑭᓕᕐᑕᐅᖕᒪᑕ, ᐋᓐᓂᐊᓇᕐᑐᕐᔪᐊᕐᒧᑦ ᐋᓐᓂᕐᑕᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 15:8

ᐅᐃᒡᒐᕐᓂᖁᑎᖏᑦ ᐅᓄᕐᓂᕐᓴᐅᓂᐊᕐᐳᑦ ᓯᐅᕋᕐᓂᑦ ᓯᒡᔭᒦᑦᑐᓂᑦ; ᐅᓪᓘᑉ ᕿᑎᖓᓂ ᐊᓯᕈᐃᔭᕐᑐᕐᑐᒥᒃ ᑎᑭᑎᑦᓯᓂᐊᕐᐳᖓ ᐃᓅᓱᒃᑐᐃᑦ ᐊᓈᓇᖏᓐᓄᑦ ᕿᒃᓵᖕᓇᕐᑎᑦᓯᓂᐊᕐᐳᖓ; ᓂᕆᐅᓇᖏᑦᑐᒃᑯᑦ ᐋᓐᓂᕐᓇᕐᑐᒃᑯᑦ ᑲᑉᐱᐊᓇᕐᑐᑯᓪᓗ.

ᔨᕆᒤᐊᐅᑉ ᐊᒡᓚᖏᑦ 18:22

ᐃᒡᓗᖏᓐᓂ ᕿᐊᕙᓗᒃᑐᑦ ᑐᓴᕐᓴᐅᓕᕐᓕᑦ, ᑎᑭᑕᐅᑲᓪᓚᒃᑎᓪᓗᒋᑦ ᓵᓚᖃᕆᐊᕐᑐᕐᑐᓂᑦ, ᐃᔪᒃᑲᕐᕕᒃᓴᓐᓂᒃ ᐃᑎᕐᓴᓕᐅᕆᓚᐅᕐᒪᑕ, ᓂᒐᕐᕕᒃᓴᓕᐅᕐᓗᓂᖓᓗ ᐃᑎᒐᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 30:5

“ᑲᑉᐱᐊᓱᐊᔪᑦ ᓂᐱᖏᓐᓂᒃ ᑐᓴᕐᓴᐅᔪᖃᕐᐳᖅ, ᑲᑉᐱᐊᓱᒃᑐᑦ ᓂᐱᖏᓐᓂᒃ ᓮᒪᔪᓂᐅᖏᑦᑐᖅ.

ᔨᕆᒤᐊᐅᑉ ᐊᒡᓚᖏᑦ 4:11

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥᐅᑦ ᐃᓄᖏᑦ ᐅᖃᐅᑎᔭᐅᔪᒫᕐᐳᑦ, ᐊᓄᕆᒥᒃ ᐆᓇᕐᑐᒥᑦ ᕾᔪᖃᕐᓂᕋᕐᑕᐅᓗᓂ ᐃᓄᖃᖏᑦᑐᒥᑦ ᓯᐅᕅᓐᓇᕐᒥᑦ ᐱᔪᒥᒃ, ᓴᓃᔧᔭᕐᑐᑐᐃᓐᓇᖏᑦᑐᒥᒃ ᓴᓗᒻᒪᕐᓮᔭᕐᑐᑐᐃᓐᓇᖏᑦᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 4:20

ᑲᑉᐱᐊᓇᕐᑐᖅ ᐱᒋᐊᕋᓗᐊᕐᒪᑦ, ᖃᑉᐱᐊᓇᕐᑐᒃᑲᓐᓂᕐᓕ ᑎᑭᓐᓂᕗᖅ, ᓄᓇᓕᒫᖅ ᓄᓇᖃᕐᕕᕕᓂᕐᑐᑦ ᑍᒤᓕᕐᐳᖅ, ᑕᕝᕔᓐᓇᖅ ᑐᐱᕆᔭᕋ ᓱᕋᒃᑕᐅᕗᖅ, ᐅᖅᑯᐃᕕᒋᓯᒪᓇᓱᒃᑕᒃᑲᓗ ᐊᓯᐅᕗᑦ ᑕᕝᕔᓐᓇᖅ.

ᔨᕆᒤᐊᐅᑉ ᐊᒡᓚᖏᑦ 4:8

ᐆᒪᔪᑦ ᒥᖅᑯᕕᓂᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᓕᕆᑦᓯ, ᐅᒡᒍᐊᕐᓂᕐᒧᑦ ᕿᐊᔪᐊᓘᓕᕆᑦᓯ, ᐊᑕᓂᐅᑉ ᓂᓐᖓᕕᒃᔪᐊᕐᓂᖓᑕ ᑐᓄᓐᓂᐊᕈᓐᓃᕐᒪᓯ.”

ᔨᕆᒤᐊᐅᑉ ᐊᒡᓚᖏᑦ 6:14

ᐃᓄᖁᑎᒪ ᑭᓪᓕᖏᓐᓂᒃ ᒪᑦᑐᓯᕐᓯᑐᐃᓐᓇᕐᐳᑦ. ᐅᖃᕐᓗᑎᒃ, ‘ᖃᓄᐃᓐᓇᕐᑐᖃᓐᖏᓚᖅ,’ ᖃᓄᐃᓐᓇᕐᑐᒦᒃᑲᓗᐊᕋᒥᒃ.

ᔨᕆᒤᐊᐅᑉ ᐊᒡᓚᖏᑦ 8:19

ᐃᓅᖃᑎᒪ ᐊᔪᐃᓐᓇᕐᓗᑎᒃ ᕿᓄᓂᖏᑦ ᐅᖓᓯᒃᑐᒥᑦ ᑐᓴᒃᑭᑦ, ᐊᑕᓂᖅ ᓮᐅᓂᒦᑦᑐᓐᓃᕐᐹ? ᐊᖓᔪᖅᑳᕐᔪᐊᖁᑎᖓ ᑍᑲᓃᑦᓱᓐᓃᕐᐹ? ᓱᖕᒪᑦ ᓂᓐᖓᒃᑎᓐᓇᓱᐊᕐᐹᖓ? ᓴᓇᓐᖑᐊᕐᓯᒪᓪᓗᑎᒃ ᒎᑎᓐᖑᐊᕐᑖᕆᓯᒪᔭᒥᖕᓄᑦ ᓄᓇᖃᑎᒋᓐᖏᑕᒥᖕᓂᑦ ᐱᑖᕆᓯᒪᔭᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 8:21

ᐃᓄᖁᑎᒪ ᑭᓪᓕᒃᑕᐅᓂᖏᓐᓄᑦ ᐆᒻᒪᑎᒐ ᑭᓪᓕᒃᑕᐅᖃᑕᐅᕗᖅ, ᕿᒃᓵᒃᐳᖓ ᑲᑉᐱᐊᓱᖃᑕᐅᓪᓗᖓᓗᑦᑕᐅᖅ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:10

ᖃᖅᑬᑦ ᕿᐅᑦᔪᑎᒋᓂᐊᕐᐸᒃᑲ ᓂᐹᓗᖓ, ᐅᒡᒍᐊᕈᑎᖃᕐᓗᖓᓗ ᓇᑎᕐᓁᑦ ᓄᓇᑦᓯᐊᕙᐅᓂᕆᕙᓚᐅᕐᑕᖏᓐᓂᒃ, ᓱᓇᑕᖃᕈᓐᓃᕐᒪᑕ ᐃᖏᕐᕋᕕᐅᔪᓐᓇᕈᓐᓃᕐᓗᑎᒡᓗ ᐆᒪᔪᐃᓪᓗ ᓂᕆᓇᓱᐊᕐᐸᓚᐅᕐᑐᑦ ᑐᓴᕐᑕᐅᑦᔮᔪᓐᓃᕐᒪᑕ, ᑎᖕᒥᐊᓕᒫᓪᓗ ᕿᒫᓗᑎᒃ ᐊᐅᓪᓚᕐᓯᒪᓕᕐᒪᑕ ᐆᒪᔪᖃᕈᓐᓃᕐᓗᓂᓘᓐᓃᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:16

ᑕᒪᓐᓇᓗ ᐱᓪᓗᒍ ᕿᐊᒧᑦ ᐃᔩᒃᑲ ᓴᓗᐊᔪᐃᑦᑑᓕᕐᐴᒃ ᖁᕝᕕᓐᓄᑦ, ᓮᒻᒪᕐᑎᑦᓯᔪᒃᓴᖅ ᒪᑭᑎᑦᓯᔪᒃᓴᕐᓗ ᐅᕙᓐᓂᑦ ᐅᖓᓯᖕᒪᑦ ᕿᑐᕐᖓᒃᑲᓗ ᐆᒪᑦᔪᑎᒃᓴᖃᕈᓐᓁᕐᐳᑦ, ᐊᑭᕋᕗᑦ ᓵᓚᖃᕐᒪᑕ ᐅᕙᑦᑎᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:11

ᐃᔩᒃᑲᒃ ᖁᕕᕐᓴᖃᕈᓐᓁᕐᐴᒃ ᕿᐊᓂᕐᒧᑦ, ᐃᓗᒃᑯᑦ ᐋᓐᓂᐊᕋᒪ, ᐃᓄᖁᑎᒃᑲ ᐊᓯᕈᕐᑕᐅᔪᑦ ᐱᑦᔪᑎᒋᓪᓗᒋᑦ ᑕᖃᕗᖓ, ᓄᑕᖅᑲᑦ ᓄᑕᕋᓛᓪᓗ ᓄᑭᖏᕈᑎᓂᑯᐃᑦ ᓇᓂᑐᐃᓐᓈᓕᕐᐳᑦ ᐊᖅᑯᑎᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:16

ᑮᓇᕋ ᓄᓇᒧᑦ ᐊᐳᕐᑕᕐᑎᒻᒪᒍ ᑭᒍᑎᒃᑲ ᓱᕋᒃᑎᕐᐳᑦ ᐅᔭᖅᑲᓄᑦ, ᑐᓪᓕᕋᕐᓗᓂᖓᓗ ᐊᕐᔭᓕᓂᕐᓃᑎᑉᐹᖓ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:48

ᐃᔩᒃᑲᒃ ᕿᐊᓂᕐᒧᑦ ᖁᕝᕕᓂᒃ ᑰᑐᐃᓐᓇᓕᕐᐴᒃ ᐃᓄᖁᑎᒪ ᐊᓯᕈᕐᑕᐅᓂᖏᑦ ᐱᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:10

ᐊᓯᕈᕐᑕᐅᓇᕐᑐᑦ ᐃᓄᖁᑎᓐᓄᑦ ᑎᑭᓚᐅᕐᑐᑦ ᑲᑉᐱᐊᓇᕐᑐᕐᔪᐊᖑᓯᒪᓂᖓᓄᑦ ᐊᓈᓇᐅᔪᑦ ᕿᑐᕐᖓᒥᖕᓂᒃ ᓇᒡᓕᒍᓱᒃᑑᒐᓗᐊᑦ ᕿᑐᕐᖓᑎᒃ ᐆᔪᓕᐅᕐᐸᒡᓗᒋᑦ ᓂᕿᒋᓕᓚᐅᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:3

ᐊᒪᕉᒐᓗᐊᓪᓕ ᑲᒪᑦᓯᐊᕐᐸᒃᐳᑦ ᕿᑐᕐᖓᒥᖕᓂᒃ, ᐃᓄᖁᑎᒃᑲᓕ ᑎᖕᒥᐊᕐᔪᐊᑎᑐᑦ ᕿᑐᕐᖓᒥᖕᓂᒃ ᑲᒪᑦᓯᐊᕈᓐᓃᕐᑐᑎᑐᑦ ᑍᒤᑦᑑᓕᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:6

ᐃᓄᖁᑎᒪ ᓱᒋᐊᕐᑕᐅᓂᖓᑦ ᐊᖏᓂᕐᓴᐅᓯᒪᕗᖅ ᓱᑑᒪᒥᐅᑦ ᓱᒋᐊᕐᑕᐅᓂᖓᓂᑦ, ᐊᓯᕈᕐᑕᐅᓇᕐᑐᒧᑦ ᑕᕝᕔᓐᓇᖅ ᑎᑭᑕᐅᓚᐅᕐᒪᑕ.

ᐂᒨᓯᐅᑉ ᐊᒡᓚᖏᑦ 8:10

ᓇᓪᓕᐅᓐᓂᕐᓯᐅᕐᕕᓯᓗ ᐅᒡᒍᐊᕐᓂᖑᕐᑎᑦᓱᒫᕐᐸᒃᑲ, ᐃᓐᖏᕐᓂᓯᓗ ᕿᐊᓂᓐᖑᕐᑎᑦᓱᒫᕐᐸᖅᑲ; ᓂᕈᒥᖏᑦᑐᓂᒃ ᐃᒃᐱᐊᕐᔪᒃᓴᔭᓂᒃ ᑕᒪᑦᓯ ᐊᓐᓄᕌᖃᕐᑎᑦᓱᒫᕐᐸᑦᓯ, ᓂᐊᖁᓯᓗ ᓄᔧᔭᕐᓯᒪᓕᕐᓗᑎᒃ; ᕿᒃᓵᒃᑎᑦᓱᒫᕐᐸᑦᓯᓗ ᐃᕐᓂᑐᐊᑦᓯᓐᓂᒃ ᑐᖁᔨᐊᖃᕐᑐᑎᑐᑦ, ᐅᓪᓗᖅ ᑍᓐᓇ ᖃᓯᓕᓇᕐᑐᑎᑐᑦ ᑍᒤᑦᓱᒫᕐᐳᖅ.”

ᔫᓇᐅᑉ ᐊᒡᓚᖏᑦ 3:6

ᓂᓂᕕᒥᐅᓪᓕ ᐊᖓᔪᖅᑳᕐᔪᐊᖓᑕ ᑕᒪᓐᓇ ᑐᓴᕋᒥᐅᒃ, ᐃᒃᓯᕙᐅᑕᕐᔪᐊᒥᓂᑦ ᓂᑯᕕᓪᓗᓂ, ᐊᓐᓄᕌᓂ ᐊᖓᔪᖅᑳᕐᔪᐊᓯᐅᑏᑦ ᐱᕐᓗᒋᑦ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑎᓯᕗᖅ, ᐃᖏᓪᓗᓂᓗ ᐊᕐᔭᓕᓃᑦ ᖄᖏᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᓘᑲᓯᐅᑉ ᐊᒡᓚᖏᑦ 7:12

ᓄᓇᓕᓄᑦ ᑎᑭᓕᕐᑎᓪᓗᒍ, ᑕᑯᒋᑦ, ᐃᓗᕕᕐᓯᔭᕐᑐᕐᑐᑦ ᑐᖁᖓᔪᒥᒃ ᐊᒡᔭᕐᓯᔪᑦ ᐊᓂᓕᕐᐳᑦ, ᐊᕐᓇᐅᑉ ᐃᕐᓂᑐᐊᖓᓂᒃ, ᑖᓐᓇ ᐅᐃᒡᒐᕐᓂᐅᓪᓗᓂ; ᐃᓄᒋᐊᒃᑐᑦ ᑕᕝᕙᓐᖓᑦ ᓄᓇᓕᖕᓂᑦ ᐃᓚᐅᕗᑦ.

ᔧᒥᓯᐅᑉ ᐊᒡᓚᖏᑦ 4:9

ᕿᒃᓵᓕᕆᑦᓯ ᕿᐊᓗᓯᓗ ᐅᒡᒍᐊᕐᓂᕐᒧᑦ. ᐃᒡᓚᕐᓂᓯ ᕿᐊᓂᓐᖑᓕᕐᓕᑦ ᖁᕕᐊᓱᖕᓂᓯᓗ ᕿᒃᓵᖕᓂᓐᖑᕐᑎᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 5:1

ᐃᓕᑦᓯ ᒫᓐᓇ ᐊᔪᕐᓴᖏᑦᑐᐊᓘᔪᓯ, ᕿᐊᓗᓯᓗ ᓂᓪᓕᐊᓕᕆᑦᓯ ᐅᒡᒍᐊᕐᓇᕐᑐᒧᑦ ᑎᑭᑕᐅᓕᕋᑦᓯ.