ᔨᕆᒤᐊᐅᑉ ᐊᒡᓚᖏᑦ 6:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓮᐅᓂᐅᓪᓗ ᐸᓂᖓᑐᑦ ᑍᒤᑦᑐᑎᑦ ᓄᖑᑕᐅᑎᓐᓂᐊᕐᐸᒋᑦ, ᐱᐅᔫᓪᓗᑎᑦ ᑕᑯᒥᓇᕐᑑᒐᓗᐊᕐᑎᓪᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 6:2 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 1:8

ᓮᐅᓂᐅᑉ ᐸᓂᖓ ᑭᓯᒥ ᐊᒥᐊᒃᑯᑑᕗᖅ, ᐃᒡᓗᕋᓛᑎᑐᑦ ᕔᓂᒃᓮᑦ ᐱᕈᕐᕕᖓᓃᑦᑐᑎᑐᑦ, ᐃᒡᓗᕋᓛᑐᓪᓗ ᑍᒤᑉᐳᖅ ᐱᕈᕐᓰᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᔭᐅᓯᒪᓪᓗᑎᒃ ᐊᑭᕋᕐᑐᕐᑎᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 4:31

ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:1

ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:13

ᔨᕉᓴᓕᒥᐅᑦ ᖃᓄᖅ ᐅᖃᐅᓯᕆᔪᓐᓇᕐᐸᒃᑳ, ᓱᓇᒥᒡᓗ ᑐᑭᓕᐅᑦᔨᓗᖓ ᐊᑦᔨᐅᑎᑦᓯᔪᓐᓇᕐᐳᖔ? ᓮᒻᒪᕐᓴᕐᑕᐅᖁᓪᓗᓯ ᓮᐅᓂᒥᐅᑕᐅᔪᓯ? ᐋᓐᓂᕐᓯᒪᓂᓯ ᑕᕆᐅᕐᔪᐊᑎᑐᑦ ᐃᑎᑎᒋᖕᒪᑦ, ᑭᓇᒧᑦ ᐋᖅᑭᒃᑕᐅᔪᓐᓇᕋᔭᕐᐱᓰ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:5

ᐃᓄᐃᑦ ᓂᕿᑦᓯᐊᕙᖕᓂᒃ ᓂᕆᕙᓚᐅᕐᑐᑦ ᐱᕐᓕᕋᕐᓗᑎᒃ ᓇᓂᑐᐃᓐᓈᓕᕐᐳᑦ, ᐊᔪᕐᓴᖏᑦᑐᕐᔪᐊᓂᓗ ᐱᕈᕐᓴᓚᐅᕐᑐᑦ ᐊᒃᑕᑯᕐᓂᐊᕐᑎᑐᐃᓐᓇᐅᓕᕐᐳᑦ ᓂᕆᔭᒃᓴᕐᓯᐅᕐᓗᑎᒃ.

ᒨᓯᓯ ᑕᓪᓕᒪᖏᑦ 28:56

ᐊᒡᓛᑦᑕᐅᖅ ᐊᕐᓁᑦ ᐃᕐᓂᐊᖑᓂᕐᒥᖕᓂᑦ ᐊᔪᕐᓴᕐᓚᐅᕐᓯᒪᖏᑦᑐᑦ ᐃᓄᑦᓯᐊᕙᐅᓯᒪᔪᓪᓗ, ᐊᔪᕐᓴᖏᑦᑑᓗᐊᒧᑦ ᐊᒡᓛᑦ ᓇᒧᑐᐃᓐᓇᖅ ᐱᓱᒍᓐᓇᕐᐸᓚᐅᖏᑦᑐᑦ, ᑍᒫᑦᓮᓐᓇᕐᑕᐅᖅ ᓂᕆᖃᑦᑕᓕᕈᒫᕐᐳᑦ.