ᔨᕆᒤᐊᐅᑉ ᐊᒡᓚᖏᑦ 52:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᔨᕉᓴᓕᐅᑉ ᐊᕙᓗᕐᔪᐊᖓ ᐊᖕᒪᕐᑕᐅᖕᒪᑦ, ᐅᓇᑕᕐᑎᖁᑎᖏᑦ ᕿᒫᓚᐅᕐᐳᑦ, ᐅᓐᓄᐊᒃᑯᑦ ᐊᓂᐅᕋᕐᓗᑎᒃ ᐃᑎᕐᑕᕐᕕᒃᑯᑦ ᐊᕙᓗᕐᔪᐊᒃ ᒪᕐᕉᒃ ᐅᖓᓕᕇᒃ ᐊᑯᓐᓂᖓᓃᑦᑐᒃᑯᑦ, ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓᑕ ᖃᓂᒋᔮᒍᑦ, ᑲᐅᓪᑎᐊᒥᐅᑦ ᐊᕙᑕᖏᕐᓯᓯᒪᒐᓗᐊᕐᑎᓪᓗᒋᑦ, ᕿᒫᕗᑦ ᓄᓇᐅᑉ ᐊᕋᐹᒥᒃ ᐊᑎᖃᕐᑑᑉ ᓇᓛᓄᑦ.

ᔨᕆᒤᐊᐅᑉ ᐊᒡᓚᖏᑦ 52:7 Iomraidhean Croise

ᐊᑕᓃᑦ ᐂᑉᐸᖏᑦ 25:4

ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖓ ᓯᖁᑦᑎᕐᓗᒍ ᐊᖕᒪᕐᐹᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐃᓗᒪᔭᐅᒐᓗᐊᕐᑎᓪᓗᒋᑦ, ᐅᓇᑕᕐᑎᓕᒫᑦ ᐅᓐᓄᐊᒃᑯᑦ ᐊᓂᐅᖅᑲᕐᐳᑦ ᐊᖓᔪᖅᑳᕐᔪᐊᒧᑦ ᐱᕈᕐᓰᕕᖁᑕᐅᓂᕋᕐᑕᐅᔪᖅ ᐊᖅᑯᑎᒋᓪᓗᒍ. ᐊᕙᓗᕐᔪᐊᑉ ᒪᕐᕉᓕᖅᑲᖓᓂᖓᑕ ᐊᑯᓐᓂᖓᒎᕐᓗᑎᒃ, ᔪᐊᕐᑕᓂᐅᑦ ᓇᕐᓴᖓ ᑐᕌᕐᓗᒍ ᕿᒫᕗᑦ.

ᔨᕆᒤᐊᐅᑉ ᐊᒡᓚᖏᑦ 34:22

ᑎᓕᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᓂᐊᕐᒪᑕ ᑕᕝᕗᖓ ᐃᒡᓗᒐᓴᒡᔪᐊᓄᑦ ᐅᓇᑕᕐᓗᒍᓗ ᓵᓚᒋᒍᓂᑦᔪᒃ ᐃᑯᐊᓪᓚᖕᓂᐊᕐᐹᑦ, ᔫᑕᒥᐅᓪᓗ ᓄᓇᓕᖁᑎᖏᑦ ᓄᓇᒋᔭᒃᓴᐅᔪᓐᓃᕐᑎᓐᓂᐊᕐᐸᒃᑲ ᓄᓇᒋᔭᐅᔪᓐᓃᖁᓪᓗᒋᑦ ᐃᓄᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 39:2

ᔨᑎᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ 11ᒋᓕᕐᑕᖓᓂ ᑕᖅᑮᑦ ᓯᑕᒪᖓᓐᓂ ᐅᓪᓗᖏᑕ 9ᒋᓕᕐᑕᖓᓐᓂ ᔨᕉᓴᓕᐅᑉ ᐊᕙᓗᕐᔪᐊᖓ ᑭᓚᒃᑕᐅᕗᖅ ᐃᓗᒻᒧᑦ.

ᔨᕆᒤᐊᐅᑉ ᐊᒡᓚᖏᑦ 49:26

ᐃᓅᓱᒃᑐᖁᑎᖏᑦ ᐊᖅᑯᑎᖏᓐᓂ ᑐᖁᕋᕐᑕᐅᔪᒫᕐᐳᑦ, ᐅᓪᓗᒥᓗ ᑍᑲᓂ ᐅᓇᑕᕐᑎᖁᑎᖏᑦ ᓄᖑᑕᐅᔪᒫᕐᐳᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:32

ᑰᑦ ᐃᑳᕈᑎᖃᕈᓐᓃᕐᑎᑕᐅᕗᑦ, ᐃᒡᓗᐃᑦ ᐱᔭᐅᑦᔧᕐᓯᒪᔪᑦ ᐃᑯᐊᓪᓚᒃᑕᐅᕗᑦ, ᐅᓇᑕᕐᑏᓪᓗ ᐅᐃᒻᒪᒃᑎᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 6:5

ᐅᓐᓄᐊᖔᒃᑯᑦ ᐅᓇᑕᕆᐊᕐᕕᒋᓂᐊᕐᐸᕗᑦ, ᐊᕙᓗᕐᔪᐊᖏᓪᓗ ᓱᕋᒃᑎᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 12:12

ᑖᒃᑯᓄᖓ ᐊᖓᔪᖅᑳᖑᔪᖅ ᓇᒃᓴᕐᓂᐊᕐᑕᒥᖕᓂᒃ ᐃᕐᓲᑦᔨᔪᒫᕐᐳᖅ ᑖᕐᑎᓪᓗᒍ, ᐊᓂᔪᒫᕐᐳᖅ; ᐊᑭᓐᓇᖅ ᐊᖕᒪᕐᓗᒍ ᑕᕝᕗᓇ ᐊᓂᔪᒫᕐᐳᖅ; ᒪᑐᐊᕐᓗᓂᓗ, ᓄᓇᒥᒃ ᑕᑯᓐᓇᕈᒪᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 12:4

ᐅᓪᓘᓂᖓᓂ ᓇᒃᓴᕐᓂᐊᕐᑕᑎᑦ ᐊᓐᓂᓯᔭᒃᓴᕆᕙᑎᑦ ᐃᓄᐃᑦ ᑕᒃᑯᐊᓂ, ᐊᐅᓪᓚᕈᑦᔭᐅᔪᑦ ᓇᒃᓴᕐᐸᒃᑕᖏᑎᑐᑦ; ᐅᓐᓄᓕᕐᐸᑦ ᐊᐅᓪᓚᕐᑐᒃᓴᐅᕗᑎᑦ ᑕᑯᓐᓇᕐᑎᓪᓗᒋᑦ, ᐃᓄᐃᑦ ᐊᐅᓪᓚᕈᑦᔭᐅᓕᕐᑐᑦ ᐊᐅᓪᓚᕈᑦᔭᐅᕙᖕᓂᖏᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 33:21

ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᖏᑕ 12ᒋᓕᕐᑕᖓᓐᓂ, ᑕᖅᑮᑦ 10ᖓᓐᓂ, ᐅᓪᓗᖏᑕ ᑕᓪᓕᒪᖓᓐᓂ, ᐊᖑᒻᒧᑦ ᔨᕉᓴᓕᒥᑦ ᐊᓐᓇᒃᑐᕕᓂᕐᒧᑦ ᐅᐸᒃᑕᐅᓪᓗᖓ ᐅᖃᐅᑦᔭᐅᕗᖓ, “ᐃᒡᓗᒐᓮᑦ ᓵᓚᐅᕗᑦ.”

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᒨᓯᓯ ᐱᖓᔪᖏᑦ 26:36

“ᐃᓕᑦᓯᓐᓂᓪᓗ ᐊᒥᐊᒃᑯᑦ ᕿᒫᑎᑕᐅᓯᒪᔪᑦ ᐊᑭᕋᑦᓯᓐᓃᑎᑕᐅᔪᑦ, ᐃᕐᓯᓂᕐᒥᒃ ᐱᑎᑦᓱᒪᕙᒃᑲ ᐊᒡᓛᑦ ᓇᐹᕐᑑᑉ ᐅᖃᐅᔭᖏᓐᓂᒃ ᐊᓄᕆᒧᑦ ᐊᐅᓚᑕᐅᔪᓂᒃ ᕿᒫᖃᑦᑕᓕᕋᔭᕐᐳᑦ. ᑕᒪᒃᑯᓂᖓ ᕿᒫᖃᑦᑕᓕᕋᔭᕐᐳᑦ ᐅᓇᑕᕐᓂᕐᒧᑦ ᐊᑭᕋᒥᖕᓂᑦ ᒪᓕᒃᑕᐅᔪᑐᑦ, ᐹᓪᓚᖃᑦᑕᓕᕐᓗᑎᒡᓗ ᕿᒫᑎᑕᐅᓇᓱᖏᒃᑲᓗᐊᕐᓗᑎᒃ.

ᐂᒨᓯᐅᑉ ᐊᒡᓚᖏᑦ 4:3

ᐊᓂᔪᒫᕐᐳᓯᓗ ᐊᕙᓗᕐᔪᐊᒃᑯᑦ ᓱᕋᒃᓯᒪᔪᒃᑯᑦ, ᐃᒋᑕᐅᓗᓯᓗ ᕼᐊᕐᒪᓐᒧᑦ,” ᐊᑕᓂᖅ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.