ᔨᕆᒤᐊᐅᑉ ᐊᒡᓚᖏᑦ 52:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 52:27 Iomraidhean Croise

ᓴᒧᐃᓕ ᐂᑉᐸᖏᑦ 8:9

ᐊᖓᔪᖅᑳᕐᔪᐊᕐᓕ ᑐᐃ ᕼᐊᒫᑎᒥᐅᑕᖅ ᑐᓴᕋᒥ ᑍᕕᑎᐅᑉ ᓵᓚᖃᕐᓂᖓᓂᒃ ᕼᐊᑕᑎᔨᕆᐅᑉ ᐅᓇᑕᕐᑐᒃᓴᖁᑎᓕᒫᖏᓐᓂᒃ.

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᐊᑕᓃᑦ ᐂᑉᐸᖏᑦ 23:27

ᐊᑕᓂᖅ ᐅᖃᓚᐅᕐᒪᑦ, “ᔫᑕ ᑕᑯᓐᓇᕐᑕᓐᓂᑦ ᓅᑎᑦᓱᒫᕐᐸᕋ, ᐃᓴᕆᐊᓕᒥᐅᑎᑐᑦ ᓅᑦᓯᓂᕆᓚᐅᕐᑕᑦᑐᖅ, ᔨᕉᓴᓕᒻᓗ ᓂᕈᐊᕐᓗᒍ ᐃᒡᓗᒐᓴᒡᔪᐊᓐᖑᕐᑎᓚᐅᕐᑕᕋ ᓇᕐᕈᒋᓕᕈᒫᕐᐸᕋ, ᑖᓐᓇ ᐅᖃᐅᓯᖃᕐᕕᒋᓚᐅᕐᑕᕋ, ‘ᐊᑎᕋ ᑕᕝᕙᓂ ᐅᐱᒋᔭᐅᖏᓐᓇᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 24:3

ᓄᓇᕐᔪᐊᖅ ᓯᖁᑦᑎᕐᓯᒪᔪᒫᕐᐳᖅ ᐊᓯᕈᕐᑕᐅᓯᒪᓗᓂᓗ, ᐊᑕᓂᖅ ᐅᖃᕐᓯᒪᖕᒪᑦ ᑍᒫᒃ ᑭᓯᐊᓂᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 27:10

ᐃᒡᓗᒐᓴᒡᔪᐊᑦ ᐱᔭᐅᑦᔧᕐᓯᒪᓚᐅᕐᑐᑦ ᓯᖁᑦᑎᕐᑕᐅᓯᒪᕗᑦ ᓱᓇᑕᖃᕈᓐᓁᕐᓗᑎᒡᓗ ᐃᓄᖃᓚᐅᕐᓯᒪᖏᑦᑐᑎᑐᑦ, ᐃᒻᒧᒃᓯᐅᒊᑦ ᓄᕐᕋᖏᓐᓄᑦ ᓄᖅᑲᖓᕕᓐᖑᕐᐳᑦ ᓂᕆᓇᓱᒡᕕᑐᐃᓐᓇᐅᓕᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 43:28

ᑍᒤᒻᒪᑦ ᐊᖓᔪᖅᑳᓯ ᓇᕐᕈᓇᕐᓯᑎᑦᓯᓚᐅᕐᒪᑕ ᑐᒃᓯᐊᕐᕕᒡᔪᐊᖁᑎᓐᓂᒃ: ᔧᑰᑉ ᑭᖑᕚᖏᑦ ᓄᖑᕋᕐᑕᐅᔪᒃᓴᓐᖑᕐᑎᓚᐅᕐᐸᒃᑲ, ᐃᓴᕆᐊᓕᒥᐅᓪᓗ ᐆᒥᒋᔭᒃᓴᓐᖑᕐᑎᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 13:19

ᐃᒡᓗᒐᓴᒡᔪᐊᑦ ᓂᒋᑉᒦᑦᑐᑦ ᓇᒧᓐᖓᕐᕕᒃᓴᖃᕈᓐᓃᕐᒪᑕ, ᒪᑐᐃᕐᑕᐅᔪᓐᓇᕈᓐᓃᕐᓗᑎᒡᓗ; ᔫᑕᒥᐅᓕᒫᑦ ᐊᐅᓪᓚᕈᑦᔭᐅᕗᑦ ᐅᖓᓯᒃᑐᒧᑦ ᓄᓇᒋᓐᖏᑕᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 20:4

ᐃᒫᒃ ᐊᑕᓂᖅ ᐅᖃᕐᐳᖅ; ᑕᑯᒋᑦ, ᑲᑉᐱᐊᓇᕐᑐᒥᒃ ᓇᖕᒥᓂᕐᓄᑦ ᑎᑭᑎᑦᓯᕕᒋᓂᐊᕐᐳᑎᑦ ᐃᓚᓐᓇᕆᔭᕐᓄᓪᓗ. ᓇᖕᒥᓂᖅ ᑕᑯᓐᓇᕈᒫᕋᕕᒋᑦ ᐅᓇᑕᕐᑐᓂ ᑐᖁᕋᕐᑕᐅᓕᕐᑎᓪᓗᒋᑦ ᐊᑭᕋᑦᓯᓐᓄᑦ, ᔫᑕᒥᐅᓕᒫᑦ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᑎᑦᓱᒫᕐᐸᒃᑲ; ᑖᑦᓱᒪᓗ ᐊᐅᓪᓚᕈᑎᔪᒫᕐᐰᑦ ᐹᐱᓘᓂᒧᑦ, ᑐᖁᓪᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 21:7

ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’

ᔨᕆᒤᐊᐅᑉ ᐊᒡᓚᖏᑦ 39:10

ᓂᐳᔭᕋᑕᓐᓕ ᐅᓇᑕᕐᑎᓄᑦ ᐊᖓᔪᖄᖑᔪᖅ ᕿᒤᓚᐅᕐᐳᖅ ᔫᑕᒥᐅᓂᒃ ᐊᔪᕐᓴᕐᑐᓂᒃ ᑭᓱᖁᑎᖃᐅᖏᑦᑐᓂᒃ, ᑍᑦᓱᒪᓕ ᑕᕝᕙ ᓄᓇᖁᑎᑖᕐᑐᕐᑎᓚᐅᕐᐰᑦ ᕔᓂᓕᒃᓴᓂᒡᓗ ᐱᕈᕐᓰᕕᒃᑖᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 39:9

ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᑦ ᑎᒍᓪᓗᓂᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ ᐃᓚᒋᓪᓗᒋᑦ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᑐᑦ ᑖᑦᓱᒧᖓ.

ᔨᕆᒤᐊᐅᑉ ᐊᒡᓚᖏᑦ 52:9

ᔨᑎᑬᐊᓗ ᑎᒍᔭᐅᕗᖅ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓇᔪᕐᑕᖓᓄᑦ ᐋᑕᐅᕗᖅ ᕆᑉᓚᒦᑎᓪᓗᒍ ᕼᐊᒫᑎᐅᑉ ᓄᓇᖓᓂ, ᐃᖅᑲᕐᑐᕐᐹᓗ.

ᐃᓯᑭᐊᓕᐅᑉ ᐊᒡᓚᖏᑦ 33:28

ᓄᓇᖓ ᓱᓁᕈᑎᑎᑦᓱᒫᕐᐸᕋ ᓄᓇᖃᕐᕕᕕᓂᑐᐃᓐᓇᐅᓕᕐᓗᓂᓗ; ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓂᖓᑦ ᐃᓱᓕᑎᑦᓱᒫᕐᐸᕋ; ᐃᓴᕆᐊᓕᐅᓪᓗ ᖃᖅᑲᖏᑦ ᓱᓇᖃᓐᖏᓗᐊᓕᕐᓂᖏᓐᓄᑦ ᐊᖅᑯᓵᕐᑕᐅᔪᓐᓁᓪᓕᔪᒫᕐᐳᑦ.

ᒤᑲᐅᑉ ᐊᒡᓚᖏᑦ 4:10

ᓮᐅᓂᐅᑉ ᐸᓂᖓ ᐋᓐᓂᐊᕆᑦᓯ ᐋᓐᓂᐊᓂᑦᓯᓐᓄᑦ ᐊᕐᓇᑐᑦ ᐃᕐᓂᓱᒃᑐᑐᑦ ᑍᒤᓐᓂᐊᕐᐳᓯ. ᒫᓐᓇ ᐊᐅᓪᓚᕆᐊᖃᓕᕋᑦᓯ ᐃᒡᓗᒐᓴᖕᓂᑦ, ᐃᓂᖃᓕᕐᓗᓯᓗ ᓇᑎᕐᓇᓂ, ᐹᐱᓘᓂᒧᐊᕈᒫᕐᐳᓯᓗ, ᑍᑲᓂ ᐃᑲᔪᕐᑕᐅᔪᒫᕐᐳᓯ; ᑍᑲᓂᓗ ᐊᑕᓂᐅᑉ ᐱᐅᓕᔪᒫᕐᐹᓯ ᐊᑭᕋᑦᓯ ᐊᒡᒐᖏᓐᓂᑦ.

ᒨᓯᓯ ᑕᓪᓕᒪᖏᑦ 28:36

“ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.