ᔨᕆᒤᐊᐅᑉ ᐊᒡᓚᖏᑦ 52:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑖᒃᑯᐊ ᑲᓐᓄᔭᓂᑦ ᓴᓇᓯᒪᔪᑦ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓴᓇᔭᐅᑎᓚᐅᕐᑕᕕᓂᖏᑦ ᑐᒃᓯᐊᕐᕕᒃᔪᐊᓕᐅᕐᑎᑦᓯᒐᒥ, ᑲᑎᓐᓇᒥᒃ ᑕᒪᒃᑯᐊ ᐅᖁᒤᑦᑐᐊᓘᓚᐅᕐᐳᑦ, ᓱᑳᒡᓗ ᒪᕐᕉᒃ ᐃᑯᕐᕋᒃᓮᑦ, ᐃᒪᖃᐅᑏᓪᓗ, ᐃᒻᒧᒃᓯᐅᒊᓪᓗ ᐊᖑᓴᓪᓗᓐᖑᐊᖏᑦ 12 ᐅᕐᕈᑦᔧᒃᑯᑎᒋᔭᖏᑦ, ᑖᒃᑯᐊ ᑲᑎᓪᓗᒋᑦ ᐅᖁᒤᓐᓂᕐᓂᐊᕆᐊᖏᑦ ᐅᖁᒤᓗᐊᓚᐅᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 52:20 Iomraidhean Croise

ᐊᑕᓃᑦ ᓯᕗᓪᓖᑦ 7:25

ᑖᓐᓇ ᐃᒪᖃᐅᑎᐊᓗᒃ ᐃᒻᒧᒃᓯᐅᒊᑦ ᐊᖑᓴᓪᓗᓐᖑᐊᖏᓐᓂᒃ 12ᓂᒃ ᐊᑎᒥᐅᑕᖃᕐᐳᖅ ᐊᕙᒻᒧᑦ ᓵᓐᖓᓪᓗᑎᒃ ᓯᑕᒪᓄᑦ, ᐊᑐᓂᑦ ᐱᖓᓱᑦ ᐊᑕᐅᓯᕐᒧᑦ ᓵᓐᖓᑎᓪᓗᒋᑦ ᐅᓐᓄᐊᓪᓗᐊᒧᑦ, ᓯᕿᓂᐅᑉ ᓂᐱᕕᐊᓄᑦ, ᓯᕿᓂᕐᒧᑦ, ᓯᕿᓂᐅᑉ ᓄᐃᕕᐊᓄᑦ.

ᐊᑕᓃᑦ ᓯᕗᓪᓖᑦ 7:47

ᓲᓗᒨᓂᐅᑉ ᑕᒪᒃᑯᐊ ᓴᓇᓯᒪᔪᑦ ᐅᖁᒤᓐᓂᖏᑦ ᑲᓐᓄᔧᑦ ᖃᐅᔨᓴᓐᖏᓔᑦ ᐅᓄᓗᐊᕐᒪᑕ; ᐅᖁᒤᓐᓂᖏᓪᓗ ᓇᓗᓁᕐᑕᐅᓯᒪᓇᑎᒃ.

ᐊᑕᓃᑦ ᐂᑉᐸᖏᑦ 25:16

ᒪᕐᕉᒡᓗ ᓱᑳᒃ, ᑬᓪᓗᐊᒊᓪᓗ, ᐃᒪᖃᐅᑎᕐᔪᐊᕐᓗ ᑲᓐᓄᔭᓕᒫᑦ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓴᓇᔭᐅᑎᓯᒪᔭᕕᓂᖏᑦ ᑐᒃᓯᐊᕐᕕᒡᔪᐊᕐᒥ ᐊᑐᕐᑕᐅᔪᒃᓴᐅᖁᓪᓗᒋᑦ, ᐅᖁᒤᓐᓂᓂᐊᕐᑕᐅᒋᐊᒥᒃ ᐅᖁᒤᓗᐊᕐᑐᓪᓘᓐᓃᑦ.

ᑯᕉᓂᑲ ᓯᕗᓪᓖᑦ 22:14

ᐅᖁᒤᒃᓴᒻᒪᕆᒡᓗᖓ ᐅᐸᓗᖎᔧᓚᐅᕐᐳᖓ ᐊᑕᓂᐅᑉ ᐃᒡᓗᖓᓄᑦ 100,000ᓂᒃ ᑖᓚᓐᑎᓂᒃ ᒎᓗᓂᒃ, 1ᒥᓕᐊᓂᒃ ᑖᓚᓐᑎᓂᒃ ᓯᐅᓪᕕᕆᓂᒃ, ᑲᓐᓄᔭᓂᒡᓗ ᓴᕕᕋᔭᖕᓂᒡᓗ ᐅᖁᒤᓐᓂᕐᓯᐅᕐᑕᐅᔪᓐᓇᖏᑦᑐᓂᒃ, ᐅᓄᓗᐊᕐᓂᖏᓐᓄᑦ; ᐊᑐᐃᓐᓇᕈᐃᓚᐅᕆᕗᖓ ᕿᔪᖕᓂᒃ ᐅᔭᕋᖕᓂᒡᓗ. ᑕᒪᒃᑯᐊᓕ ᐃᓚᔭᕆᐊᖃᕈᒫᕐᐸᑎᑦ.

ᑯᕉᓂᑲ ᐂᑉᐸᖏᑦ 4:18

ᓲᓗᒨᓂ ᑕᒪᒃᑯᓂᖓ ᐊᖏᔪᐊᓗᖕᓂᒃ ᓴᓇᔭᐅᑎᑦᓯᕗᖅ, ᑲᓐᓄᔧᓪᓗ ᐊᖏᓗᐊᕐᓂᖏᓐᓄᑦ ᐅᖁᒤᓐᓂᖏᑦ ᖃᐅᔨᒪᔭᐅᓚᐅᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 52:17

ᑲᐅᓪᑎᐊᒥᐅᑦ ᓯᖁᑦᑎᕆᓚᐅᕆᕗᑦ ᐊᑕᓂᐅᑉ ᐃᒡᓗᖓᓂᒃ, ᑲᓐᓄᔭᓂᑦ ᓴᓇᓯᒪᔪᑦ ᐃᒡᓘᑉ ᓱᑲᖏᓐᓂᒃ, ᐃᑯᕐᕋᒃᓮᓪᓗ ᑕᒫᓃᕐᕆᔪᑦ, ᖃᑦᑕᕐᔪᐊᓪᓗ ᑲᓐᓄᔭᒥᑦ ᓴᓇᓯᒪᔪᑦ, ᓱᓇᑐᐃᓐᓁᓪᓗ ᑲᓐᓄᔭᐅᑐᐊᕐᒪᑕ ᑕᒪᕐᒥᒃ ᓇᒃᓴᕐᐰᑦ ᐹᐱᓘᓂᒧᑦ.