ᔨᕆᒤᐊᐅᑉ ᐊᒡᓚᖏᑦ 52:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐊᒡᓚᖏᑦ 52:13 Iomraidhean Croise

ᐊᑕᓃᑦ ᓯᕗᓪᓖᑦ 9:8

ᐅᓇ ᑐᒃᓯᐊᕐᕕᒡᔪᐊᖅ ᓱᕋᒃᓯᒪᓕᕐᓗᓂ ᓯᖁᒥᓯᒪᓕᕈᒪᕐᐳᖅ, ᐃᓄᓕᒫᑦ ᑖᑦᓱᒥᖓ ᑕᑯᔪᕕᓃᑦ ᖁᐊᕐᓵᕐᓗᑎᒡᓗ ᑲᒪᓂᐊᕈᒫᕐᐳᑦ ᐅᖃᕐᓗᑎᒡᓗ, ‘ᖃᓄᐊᓗᒃ ᐊᑕᓂᖅ ᑍᒤᓕᐅᕐᐸ ᑕᕝᕗᖓ ᓄᓇᒧᑦ ᐅᕗᖓᓗ ᑐᒃᓯᐊᕐᕕᒡᔪᐊᒧᑦ?’

ᐊᑕᓃᑦ ᐂᑉᐸᖏᑦ 25:9

ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.

ᑯᕉᓂᑲ ᐂᑉᐸᖏᑦ 36:19

ᒎᑎᐅᓪᓗ ᐃᒡᓗᖓ ᐃᑯᐊᓪᓚᓚᐅᕐᐹᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓ ᓯᖁᑦᑎᕐᓗᒍ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᓕᒫᖏᑦ ᐃᑯᐊᓪᓚᒃᐰᑦ, ᐱᒋᔭᐅᔪᓪᓗ ᐱᔪᒥᓇᕐᑐᓕᒫᑦ ᐊᓯᕈᕐᓗᒋᑦ.

ᐃᓐᖏᕈᑎᑦ 79:1

ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 19:13

ᐃᒡᓗᐃᑦ ᔨᕉᓴᓕᒦᑦᑐᑦ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᔫᑕᒦᑦᑐᑦ ᓇᕐᕈᓇᕐᓯᔪᒫᕐᐳᑦ ᑐᐱᑎᒥᐅᑎᑐᑦ, ᐃᒡᓗᓕᒫᑦ ᖄᖏᓐᓂ ᐃᑯᐊᓚᑦᓯᕕᐅᖃᑦᑕᕐᑐᑦ ᑐᓂᕐᕈᓯᕐᑐᓄᑦ, ᖁᑦᓯᒃᑐᒦᑦᑐᓄᑦ ᐃᒥᒐᒃᓴᓂᒡᓗ ᑐᓂᕐᕈᑕᐅᕙᒃᑐᑦ ᒎᑎᓐᖑᐊᓄᑦ ᓇᕐᕈᓇᕐᓯᑎᑕᐅᔪᒫᕐᐳᑦ ᑐᐱᑎᒥᐅᑎᑐᑦ.’”

ᔨᕆᒤᐊᐅᑉ ᐊᒡᓚᖏᑦ 21:10

ᑍᒤᓕᐅᕈᒪᓂᕋ ᓴᖑᑎᑦᔮᔪᓐᓃᕐᐸᕋ ᐃᒡᓗᒐᓴᖕᓄᑦ ᐱᐅᔪᒥᒃ ᐱᓇᓱᐊᕐᓂᐊᖏᓐᓇᒪ ᐱᐅᖏᑦᑐᒥᒃ ᑭᓯᐊᓂ, ᐊᑕᓂᖅ ᐅᖃᕐᐳᖅ: ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐱᔪᓐᓇᕐᓂᖃᕐᑎᑕᐅᓂᐊᕐᐳᖅ ᐊᓯᕈᐃᖁᓪᓗᒍ ᐃᑯᒪᒧᑦ.’”

ᔨᕆᒤᐊᐅᑉ ᐊᒡᓚᖏᑦ 21:14

ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᐱᕈᕐᑎᑕᖏᑦ ᒪᓕᒡᓗᒋᑦ, ᐊᑕᓂᖅ ᐅᖃᕐᐳᖅ; ᓇᐹᕐᑐᖁᑎᑦᓯᓐᓂᒃ ᐃᑯᐊᓪᓔᓂᐊᕐᐳᖓ ᓇᔪᕐᑕᓕᒫᓯᓗ ᐃᑯᐊᓚᓗᑎᒃ ᓄᖑᑕᐅᔪᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 22:14

ᐅᖃᕐᑐᖅ, ‘ᐊᑭᑐᔪᒃᓴᔭᒥᒃ ᐃᒡᓗᓕᐅᕈᒪᕗᖓ ᐃᒡᓗᒃᓴᓐᓂᒃ, ᐃᒡᓗᐊᕈᓯᖃᕐᑐᒥᒃ ᓂᕈᑐᔪᓂᒃ ᖁᓕᕇᓂᒃ.’ ᐃᒐᓛᖏᑦ ᐊᖏᔫᑕᐅᑎᓪᓗᒋᑦ, ᕿᔪᑦᓯᐊᕙᐅᓂᕐᐹᓂᒃ ᓰᑕᕆᓂᒃ ᑐᓐᖓᕕᖃᕐᑎᑉᐹ ᓴᐅᓂᖃᕐᑎᓪᓗᒍᓗ, ᐊᐅᐸᕐᑐᒥᒡᓗ ᒥᖑᐊᕈᑎᖃᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 32:29

ᑲᐅᓪᑎᐊᒥᐅᓪᓗ ᑎᑭᒃᑯᑎᒃ ᐃᒡᓗᒐᓴᒡᔪᐊᑦ ᐃᑯᐊᓪᓚᒍᒫᕐᐹᑦ, ᐃᑯᒪᒧᑦ ᓄᖑᑕᐅᖁᓪᓗᒋᑦ, ᑍᒃᑯᐊᓗ ᓂᓐᖓᒡᕕᒋᓚᐅᕐᑕᒃᑲ ᒎᑎᓐᖑᐊᒧᑦ ᐰᓕᒧᑦ ᑐᓂᕐᕈᓯᖃᑦᑕᕐᓂᖏᓐᓄᑦ ᕔᓂᒥᒃ ᐃᒡᓗᒥ ᖄᖏᓐᓂ; ᐃᑯᒪᒧᑦ ᓄᖑᑕᐅᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 34:22

ᑎᓕᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᓂᐊᕐᒪᑕ ᑕᕝᕗᖓ ᐃᒡᓗᒐᓴᒡᔪᐊᓄᑦ ᐅᓇᑕᕐᓗᒍᓗ ᓵᓚᒋᒍᓂᑦᔪᒃ ᐃᑯᐊᓪᓚᖕᓂᐊᕐᐹᑦ, ᔫᑕᒥᐅᓪᓗ ᓄᓇᓕᖁᑎᖏᑦ ᓄᓇᒋᔭᒃᓴᐅᔪᓐᓃᕐᑎᓐᓂᐊᕐᐸᒃᑲ ᓄᓇᒋᔭᐅᔪᓐᓃᖁᓪᓗᒋᑦ ᐃᓄᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 38:23

“ᐊᕐᓁᑦ ᕿᑐᕐᖓᖏᓪᓗ ᐱᔭᐅᔪᒫᕐᐳᑦᑕᐅᖅ ᑲᐅᓪᑎᐊᒥᐅᓄᑦ, ᐃᕝᕕᓪᓗ ᐊᓐᓇᒡᕕᒃᓴᖃᕐᓂᐊᓐᖏᓚᑎᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑎᒍᔭᐅᔪᒫᕐᐳᑎᑦ, ᐃᒡᓗᒐᓴᒡᔪᐊᖁᑎᑎᓪᓗ ᐃᑯᐊᓪᓚᒃᑎᑕᐅᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 6:5

ᐅᓐᓄᐊᖔᒃᑯᑦ ᐅᓇᑕᕆᐊᕐᕕᒋᓂᐊᕐᐸᕗᑦ, ᐊᕙᓗᕐᔪᐊᖏᓪᓗ ᓱᕋᒃᑎᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 7:14

ᑍᒤᒻᒪᑦ, ᓮᓗᐊᒧᑦ ᐱᓂᐊᕐᓂᕆᓯᒪᔭᕋ ᐃᒡᓗᖁᑎᓐᓄᑦᑕᐅᖅ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᐱᓂᐊᕈᑎᒋᓂᐊᓕᕆᕙᕋ, ᑐᒃᓯᐊᕐᕕᒃᔪᐊᖅ ᐅᒃᐱᕆᔭᓯ ᑐᓂᓚᐅᕐᓯᒪᔭᕋ ᐃᓕᑦᓯᓐᓄᑦ ᓯᕗᓕᕕᓂᑦᓯᓐᓄᓪᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:5

ᐊᑕᓂᖅ ᐊᑭᕋᕐᑎᑐᑦ ᑍᒤᓕᕐᐳᖅ ᐃᓴᕆᐊᓕᒥᐅᓂᒃ ᓄᖑᕅᓪᓗᓂ, ᐃᒡᓗᒐᓴᒡᔪᐊᖁᑎᖏᑦ ᓄᖑᑎᒻᒪᒋᑦ ᐱᔭᐅᒌᒃᑯᑎᖏᓪᓗ ᓯᖁᑦᑎᕐᓱᒋᑦ ᔫᑕᐅᑉ ᐸᓂᖏᓐᓄᑦ ᓇᓂᑐᐃᓐᓇᖅ ᕿᒃᓵᖕᓇᕐᑐᖃᕐᑎᑦᓯᕗᖅ ᐅᒡᒍᐊᕐᓇᕐᑐᖃᕐᑎᑦᓯᓪᓗᓂᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:6

ᑐᒃᓯᐊᕐᕕᒡᔪᐊᖅ ᐃᓂᒋᓂᕋᕐᑕᓂ ᓯᖁᑦᑎᕐᑕᐅᑎᑉᐹ ᐱᕈᕐᓰᕕᒃᑎᑐᑦ ᑖᓐᓇ ᑲᑎᕕᒋᕙᒃᑕᕗᑦ, ᐊᑕᓂᐅᑉ ᓮᐅᓂ ᐳᐃᒍᕐᑕᐅᑎᑉᐹ ᓇᓪᓕᐅᓐᓂᕐᓯᐅᕐᕕᐅᕙᒃᑐᓂᒃ ᓴᐸᑎᓂᓗ, ᐊᖓᔪᖅᑳᕐᔪᐊᖅ ᑐᓂᕐᕈᓯᕐᑎᑦᓯᔩᓪᓗ ᓂᓐᖓᕕᒃᔪᐊᕐᓂᕐᒥᓄᑦ ᓇᕐᕈᒋᓕᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7

ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:8

ᓮᐅᓂᐅᑉ ᐊᕙᓗᕐᔪᐊᖏᑦ ᐅᕐᕈᑎᑕᐅᖁᓪᓗᒋᑦ ᐊᑕᓂᐅᑉ ᑲᔪᓯᑎᑉᐹ, ᐆᒃᑐᕋᐅᑎᒧᑦ ᐆᒃᑐᕋᕐᐹ ᐊᓯᕈᕐᑕᐅᓂᒃᓴᖓ ᓇᓪᓕᐅᑎᖁᓪᓗᒍ, ᓇᐸᔪᕐᔪᐊᖏᑦ ᐃᒡᓗᒐᓮᓪᓗ ᐊᑭᓐᓇᖏᑦ ᐊᓯᕈᕐᑕᐅᑎᑉᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 16:41

ᐃᒡᓗᓯᓗ ᐃᑯᐊᓪᓚᒍᒫᕐᐰᑦ ᐃᖅᑲᕐᑐᕐᑕᐅᔪᒫᕐᐳᓯᓗ ᐊᕐᓇᒐᓴᒡᔪᐊᓄᑦ ᑕᑯᓐᓇᕐᑕᐅᑎᓪᓗᓯ; ᐊᕐᓇᕐᓂᐊᕐᑎᐅᓂᓯ ᓄᖅᑲᕐᑎᑦᓱᒫᕐᐸᕋ, ᐊᔪᕐᑐᓕᓂᕐᒧᓪᓗ ᑐᓂᓯᖃᑦᑕᕐᓂᓯ ᓄᖅᑲᕐᑎᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 24:21

‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.

ᐂᒨᓯᐅᑉ ᐊᒡᓚᖏᑦ 2:5

ᔫᑕ ᐃᑯᐊᓪᓚᒃᑎᓐᓂᐊᕐᐸᕋ, ᔨᕉᓴᓕᐅᓪᓗ ᕿᒫᕕᖏᑦ ᓄᖑᑎᓐᓂᐊᕐᐸᒃᑲ.”

ᐂᒨᓯᐅᑉ ᐊᒡᓚᖏᑦ 6:11

ᑕᑯᒋᑦ, ᐊᑕᓂᖅ ᐱᖁᔨᓕᕐᐸᑦ, ᐃᒡᓗᕐᔪᐊᖅ ᓯᖁᑦᑎᕐᓂᐊᕐᐳᖅ, ᐃᒡᓗᕋᓛᕐᓗ ᓯᖃᓪᓕᓗᓂ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᓴᑲᕅᐊᐅᑉ ᐊᒡᓚᖏᑦ 11:1

ᐅᒃᑯᐊᑎᑦ ᒪᑐᐃᒃᑭᑦ ᓕᐸᓇᓃ, ᓇᐹᕐᑐᖁᑎᑎᑦ ᑐᑭᓕᐊᕐᑐᑦ ᓰᑕᕇᑦ ᐃᑯᒪᒧᑦ ᓄᖑᑕᐅᖁᓪᓗᒋᑦ!

ᒫᑎᐅᓯᐅᑉ ᐊᒡᓚᖏᑦ 24:2

ᔩᓱᓯᐅᑉ ᐅᖃᐅᑎᕔᑦ, “ᑕᒪᒃᑯᐊᓕᒫᑦ ᑕᑯᒥᓇᕐᓂᖏᑦ ᑕᑯᒐᓗᐊᕐᑕᓯ, ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐅᔭᕅᑦ ᐃᓂᒥᓂ ᖃᓕᕇᒃᑐᖃᕈᓐᓃᕈᒫᕐᐳᑦ; ᐃᓘᓐᓇᓕᒫᖓ ᓯᖁᒥᑕᐅᔪᒫᕐᒪᑦ.”