ᔨᕆᒤᐊᐅᑉ ᐊᒡᓚᖏᑦ 52:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓂᐱᑯᓁᓴᐅᑉ ᐊᖓᔪᖅᑲᐅᓂᖓᑕ ᐹᐱᓘᓂᒥ ᐊᕐᕌᒍᖏᑕ 19ᖓᓐᓂ ᑕᖅᑮᑦ ᑕᓪᓕᒪᖓᓐᓂ, ᐅᓪᓗᖏᑕ ᖁᓕᖓᓐᓂ, ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐱᔨᑦᓯᕐᓗᓂ ᐊᖓᔪᖅᑳᕐᔪᐊᒥᓂᒃ ᔨᕉᓴᓕᒧᑦ ᐃᑎᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 52:12 Iomraidhean Croise

ᒨᓯᓯ ᓯᕗᓪᓖᑦ 37:36

ᑍᑦᓱᒪᓂᐅᑎᓪᓗᒍᓕ ᒥᑎᐊᓂᒥᐅᑦ ᓂᐅᕐᕈᑎᒋᕚᑦ ᐄᑦᔨᑉᑎᒥ ᐹᑎ-ᐸᕆᒧᑦ, ᐰᕉᑉ ᐊᖓᔪᖅᑳᖁᑎᖓᓄᑦ, ᐊᖓᔪᖅᑳᒃᑯᕕᖕᒥ ᖃᐅᔨᓴᕐᑏᑦ ᐊᖓᔪᖅᑳᖓᓐᓄᑦ.

ᐊᑕᓃᑦ ᐂᑉᐸᖏᑦ 24:12

ᐊᖓᔪᖅᑳᕐᔪᐊᖅ ᔨᕼᐅᐃᐊᑭᓐ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᐳᖅ ᓴᐱᓕᕋᒥᒃ ᐹᐱᓘᓂᒥᐅᓄᑦ, ᐊᓈᓇᖓᓗ ᐃᕐᓂᖏᓪᓗ ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᒡᓗᖓᓂᓗ ᐊᖓᔪᖅᑳᑦ. ᓂᐱᑯᓁᓴᐅᓪᓗ ᐊᖓᔪᖅᑳᕐᔪᐊᖑᓂᖓᑕ 8ᖓᓐᓂ ᔨᕼᐅᐃᐊᑭᓐ ᑎᒍᓚᐅᕐᐹ ᑎᒍᔭᐅᓯᒪᕕᖕᒥᓃᑎᓕᕐᓗᓂᐅᒡᓗ.

ᐊᑕᓃᑦ ᐂᑉᐸᖏᑦ 25:8

ᑕᖅᑮᑦ ᑕᓪᓕᒪᖓᑦᑕ ᐅᓪᓗᖏᑕ 7ᖓᓐᓂ ᐊᕐᕌᒍᐃᑦ 19ᒋᓕᕐᑕᖓᓐᓂ ᓂᐱᑯᓁᓴᐅᑉ ᐊᖓᔪᖅᑳᕐᔪᐊᖑᕕᒋᔭᖏᓐᓂ ᐹᐱᓘᓂᒥᐅᓄᑦ, ᓂᐳᔭᕋᑕᓐ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᔨᕉᓴᓕᒧᐊᕐᐳᖅ.

ᐄᓱᕋᐅᑉ ᐊᒡᓚᖏᑦ 5:12

ᓯᕗᓕᕕᓂᑦᑕᓕ ᕿᓚᐅᑉ ᒎᑎᖓ ᓂᓐᖓᒃᑎᓚᐅᕐᒪᒍ, ᓵᓚᐅᑎᓚᐅᕐᒪᒋᓪᓗ ᐊᖓᔪᖅᑳᕐᔪᐊᒧᑦ ᓂᐱᑯᓁᓴᒧᑦ ᐹᐱᓘᓂᒥᐅᑕᕐᒧᑦ, ᐊᖓᔪᖅᑳᕐᔪᐊᖑᓚᐅᕐᑐᖅ ᑲᐅᓪᑎᐊᒥᐅᓄᑦ ᐊᐅᓚᑦᓯᓂᓕᒫᖓᓂ, ᑐᒃᓯᐊᕐᕕᒡᔪᐊᕐᓗ ᐊᓯᕈᕐᑕᐅᓚᐅᕐᐳᖅ, ᐃᓄᖏᓪᓗ ᐊᐅᓪᓚᕈᑦᔭᐅᓪᓗᑎᒃ ᐹᐱᓘᓂᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 2:3

ᑕᕝᕙ ᐊᖓᔪᖅᑳᕐᔪᐊᖅ ᐅᖃᐅᑎᕙᕋ, “ᑕᕝᕙᑐᖅ ᐊᖓᔪᖅᑳᕐᔪᐊᖅ ᐃᓅᓂᐊᕐᐳᑎᑦ ᐃᓱᖃᖏᑦᑐᒧᑦ! ᖃᓄᕐᓕ ᑮᓇᕋ ᖁᕕᐊᓱᖕᓂᕐᒥᒃ ᓴᖅᑭᔮᕐᑎᑦᓯᔪᓐᓇᕋᔭᕐᐸ, ᐃᒡᓗᒐᓴᒡᔪᐊᑦ, ᓯᕗᓕᕕᓂᕐᒪ ᐃᓗᕕᖃᕐᕕᒋᔭᖏᑦ, ᓯᖁᑦᑎᕐᑕᐅᓯᒪᑎᓪᓗᒋᑦ, ᐃᑎᕐᑕᕐᕕᒃᔪᐊᖏᓪᓗ ᐃᑯᒪᒧᑦ ᓄᖑᑕᐅᓯᒪᑎᓪᓗᒋᑦ?”

ᐃᓐᖏᕈᑎᑦ 79:1

ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 1:3

ᐊᑕᓂᕐᓗ ᐅᖃᓚᐅᕆᕗᖅ ᔫᓮᐊᐅᑉ ᐃᕐᓂᖓ ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᓕᕐᑎᓪᓗᒍ, ᐊᒻᒪᓗ ᑭᖑᓂᖓᒍᑦ ᐊᑕᓂᖅ ᐅᖃᖃᑦᑕᓚᐅᕆᕗᖅ ᔨᑎᑬᐊ ᔫᓮᐊᐅᑉ ᐃᕐᓂᖓᑕ ᐊᖓᔪᖅᑲᐅᓂᖓᑕ 11ᖓᓐᓄᑦ ᑎᑭᓪᓗᒍ. ᑖᑦᓱᒪᓗ ᐊᕐᕌᒎᑉ ᑕᖅᑭᖏᑕ ᑕᓪᓕᒪᖓᓐᓂ ᔨᕉᓴᓕᒥᐅᑦ ᐃᓄᖏᑦ ᐊᐅᓪᓚᕈᑦᔭᐅᓂᖏᑕ ᓄᓇᒋᓐᖏᑕᒥᖕᓄᑦ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 32:29

ᑲᐅᓪᑎᐊᒥᐅᓪᓗ ᑎᑭᒃᑯᑎᒃ ᐃᒡᓗᒐᓴᒡᔪᐊᑦ ᐃᑯᐊᓪᓚᒍᒫᕐᐹᑦ, ᐃᑯᒪᒧᑦ ᓄᖑᑕᐅᖁᓪᓗᒋᑦ, ᑍᒃᑯᐊᓗ ᓂᓐᖓᒡᕕᒋᓚᐅᕐᑕᒃᑲ ᒎᑎᓐᖑᐊᒧᑦ ᐰᓕᒧᑦ ᑐᓂᕐᕈᓯᖃᑦᑕᕐᓂᖏᓐᓄᑦ ᕔᓂᒥᒃ ᐃᒡᓗᒥ ᖄᖏᓐᓂ; ᐃᑯᒪᒧᑦ ᓄᖑᑕᐅᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 39:11

ᓂᐱᑯᓁᓴᓕ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐊᖓᔪᖅᑳᖁᑎᒥᓂᒃ ᓂᐳᔭᕋᑕᓐᒥᒃ ᐊᖅᑯᑎᖃᕐᓗᓂ ᐱᖁᔨᑦᔪᑎᓕᐅᕐᐳᖅ ᔨᕆᒤᐊ ᐱᑦᔪᑎᒋᓪᓗᒍ ᐃᒫᒃ:

ᔨᕆᒤᐊᐅᑉ ᐊᒡᓚᖏᑦ 39:9

ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᑦ ᑎᒍᓪᓗᓂᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ ᐃᓚᒋᓪᓗᒋᑦ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᑐᑦ ᑖᑦᓱᒧᖓ.

ᔨᕆᒤᐊᐅᑉ ᐊᒡᓚᖏᑦ 52:14

ᑲᐅᓪᑎᐊᒥᐅᑦ ᐅᓇᑕᕐᑎᖏᑦ ᐊᖓᔪᖅᑳᒥᖕᓂᒃ ᐃᓚᓖᑦ ᔨᕉᓴᓕᐅᑉ ᐊᕙᓗᕐᔪᐊᓕᒫᖓ ᓯᖁᑦᑎᓚᐅᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 52:29

ᓂᐱᑯᓁᓴᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᐃᑦ 18ᖓᓐᓂ ᐊᐅᓪᓚᕈᑦᔨᓚᐅᕐᐳᖅ ᔨᕉᓴᓕᒥᐅᓂᒃ 832ᓂᒃ.

ᑖᓂᐊᓕᐅᑉ ᐊᒡᓚᖏᑦ 1:1

ᐊᖓᔪᖅᑳᕐᔪᐊᑉ ᔨᕼᐅᐃᐊᑭᒻ ᐊᕐᕌᒍᓂᒃ ᐱᖓᓱᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᔫᑕᒥ, ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᓚᐅᕐᐳᖅ ᔨᕉᓴᓕᒻᒧᑦ, ᐅᓇᑕᕐᑐᒃᓴᖁᑎᒥᓂᒡᓗ ᐊᕙᓗᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 2:14

ᐊᕆᐅᑭᓕ ᐊᖓᔪᖅᑳᕐᔪᐊᑉ ᐅᓇᑕᕐᑐᓴᖁᑎᖏᑕ ᐊᖓᔪᖅᑳᖓᑦ, ᑐᖁᕅᔭᕐᑐᕐᑎᓪᓗᒍ ᐹᐱᓘᓂᒥᐅᑦ ᓯᓚᑐᔪᖁᑎᖏᓐᓂᒃ, ᑖᓂᐊᓕᐅᑉ ᐅᖃᖃᑎᒋᕚ, ᓯᓚᑐᓂᕐᒥᓄᑦ ᐅᖃᐅᓯᕐᓄᓪᓗ ᐋᖅᑭᒃᓱᑦᓯᐊᕐᓯᒪᔪᓄᑦ.

ᓴᑲᕅᐊᐅᑉ ᐊᒡᓚᖏᑦ 8:19

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.