ᔨᕆᒤᐊᐅᑉ ᐊᒡᓚᖏᑦ 51:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐹᐱᓘᓂᒥᐅᑦ ᐋᖅᑭᒍᓐᓇᕋᔭᓚᐅᕐᑑᒐᓗᐊᑦ ᐋᖅᑭᒃᑕᐅᓐᖏᓚᕐᓕ, ᕿᒪᒡᓗᒍ ᓄᓇᑐᖃᑦᑎᓐᓄᑦ ᐂᓕᕐᑕ, ᐃᖅᑲᕐᑐᕐᑕᐅᓂᒃᓴᖓ ᐊᖏᓗᐊᓕᕐᒪᑦ ᐱᕈᕐᓯᒪᓗᐊᓕᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 51:9 Iomraidhean Croise

ᑯᕉᓂᑲ ᐂᑉᐸᖏᑦ 28:9

ᐊᑕᓂᐅᓪᓕ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ ᑍᑲᓃᑦᑐᖃᕐᐳᖅ, ᐅᐱᑎᒥᒃ ᐊᑎᓕᖕᒥᒃ; ᐅᓇᑕᕐᑐᒃᓮᓪᓗ ᐸᕐᕆᐊᕐᐰᑦ ᓴᒥᐊᕆᐊᒧᑦ ᑎᑭᑦᑐᑦ, ᐅᖃᐅᑎᓪᓗᒋᓪᓗ, “ᑕᑯᒋᑦ, ᐊᑕᓂᐅᑉ ᓯᕗᓕᑦᓯ ᒎᑎᖓᑕ ᔫᑕᒥᐅᑉ ᓂᓐᖓᐅᑎᓯᒪᖕᒪᒋᑦ, ᑕᕝᕙ ᑐᓂᓚᐅᕐᐰᑦ ᐃᓕᑦᓯᓐᓄᑦ, ᑭᓯᐊᓂᓕ ᑐᖁᓚᐅᕐᐸᓯ ᓂᓐᖓᐅᑎᓪᓗᓯᐅᒃ ᑕᒪᓐᓇᓗ ᕿᓚᖕᒧᑦ ᑎᑭᐅᑎᕗᖅ.

ᐄᓱᕋᐅᑉ ᐊᒡᓚᖏᑦ 9:6

ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.

ᐂᓮᐊᓯᐅᑉ ᐊᒡᓚᖏᑦ 13:14

“ᕿᒫᔪᒫᕐᐳᑦ ᒐᔨᐊᓕᑎᑐᑦ ᐆᒪᔪᕐᓯᐅᕐᑐᒥᑦ ᕿᒫᔪᑎᑐᑦ, ᓰᐱᑎᑐᓪᓗ ᐰᕐᓯᔨᖃᖏᑦᑐᑎᑐᑦ; ᐃᓄᓕᒫᑦ ᓵᓐᖓᓕᕈᒫᕐᐳᑦ ᐃᓅᖃᑎᒥᖕᓄᑦ, ᐃᓄᓕᒫᓪᓗ ᓇᖕᒥᓂᖅ ᓄᓇᒥᖕᓄᑦ ᕿᒫᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 47:15

ᑕᒪᒃᑯᐊ ᑍᒤᑦᓱᒫᕐᐳᑦ ᐊᒃᓱᕈᕐᓗᓯ ᐱᓇᓱᐊᕐᓯᒪᔭᓯ, ᓄᓇᖃᕐᑐᑦ ᐊᓯᑦᓯᓐᓂᑦ ᓂᐅᕕᐊᕆᓯᒪᔭᓯ ᐃᓅᓱᖕᓂᑦᓯᓐᓂᑦ; ᐃᖏᕐᕋᕙᖕᒪᑕ ᓇᖕᒥᓂᖅ ᐅᐸᒍᒪᔭᒥᖕᓄᑦ; ᑖᒃᑯᐊᓕ ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓛᓯ.”

ᔨᕆᒤᐊᐅᑉ ᐊᒡᓚᖏᑦ 46:16

ᒪᑭᑕᔪᓐᓇᕐᓂᐊᓐᖏᓚᑦ ᐅᕐᕈᔭᕌᖓᒥᒃ ᖃᓕᕇᓕᕐᐸᓪᓕᐊᓂᐊᕐᐳᑦ, ᐅᖃᕐᓗᑎᒡᓗ, ‘ᒪᑭᓪᓗᑕ ᐅᑎᓚᐅᕐᑕ ᐃᓅᖃᑎᑦᑎᓐᓄᑦ, ᓄᓇᒧᓪᓗ ᐃᓅᕕᒋᓚᐅᕐᑕᑦᑎᓐᓄᑦ, ᕿᒫᓗᑕ ᓴᕕᒡᔪᐊᒥᑦ.’

ᔨᕆᒤᐊᐅᑉ ᐊᒡᓚᖏᑦ 46:21

ᐊᑭᓕᕐᓱᐊᖑᓪᓗᑎᒃ ᐅᓇᑕᕆᐊᕐᑎᑕᐅᔫᒐᓗᐊᑦ ᐃᒻᒧᒃᓯᐅᒐᐅᑉ ᓄᕐᕋᖓᑐᑦ ᖁᐃᓂᓂᕐᒧᑦ ᐱᒡᒐᕐᑐᑎᑐᑦ ᑍᒤᑉᐳᑦ, ᕿᒪᒃᓯᑐᐃᓐᓇᕐᐳᑦ ᐊᑭᒪᓂᕐᒥᒃ ᐊᔪᕋᒥᒃ, ᐅᓪᓗᖅ ᑲᑉᐱᐊᓱᒃᑎᑕᐅᕕᖓᑦ ᓇᓪᓕᐅᑎᓯᒪᖕᒪᑦ, ᑎᑭᐅᑎᓯᒪᖕᒪᑕ ᓱᒋᐊᕐᑕᐅᕕᖕᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 50:16

ᑲᓐᖓᕐᓱᐃᔩᑦ ᐲᔭᕐᓯᒋᒃ ᐹᐱᓘᓂᒥᑦ, ᐱᕈᕐᓰᕕᖕᒥ ᓇᑲᑎᕆᔪᑎᑐᑦ ᐃᕕᖕᓂᒃ, ᐅᓇᑕᕈᒪᔪᑦ ᐱᓪᓗᒋᑦ, ᐃᓅᖃᑎᑐᖃᑦᓯᓐᓄᑦ ᐅᑎᓕᕆᑦᓯ, ᓄᓇᑐᖃᑦᓯᓐᓄᓪᓗ ᕿᒫᓕᕆᑦᓯ.”

ᔨᕆᒤᐊᐅᑉ ᐊᒡᓚᖏᑦ 8:20

ᑲᑎᕐᓱᐃᕕᒃ ᐱᕈᕐᑐᓂᒃ ᐊᓂᒍᕐᓯᒪᓕᕐᐳᖅ, ᐊᐅᔭᕐᓗ ᐃᓱᓕᓪᓗᓂ. ᓱᓕᓕ ᐱᐅᓕᔭᐅᓐᖏᓚᒍᑦ.

ᕼᐆᓯᐊᑉ ᐊᒡᓚᖏᑦ 7:13

“ᑲᑉᐱᐊᓐᓇᒦᒃ ᑖᒃᑯᐊ, ᐅᕙᓐᓂᒃ ᕿᒤᓚᐅᕐᒪᑕ! ᐅᕙᓐᓂᒃ ᐊᑭᕋᕐᑐᓕᓚᐅᕐᒪᑕ, ᐊᓯᕈᕐᑕᐅᔪᒫᓕᕐᐳᑦ! ᐱᐅᓕᔪᒪᓚᐅᕋᓗᐊᕐᐸᒃᑲ, ᐅᕙᓐᓂᒡᓕ ᓴᒡᓗᑦᔪᑎᖃᓚᐅᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:4

ᑕᕝᕙ ᑐᓴᕆᕗᖓ ᓂᐱᒥᒃ ᕿᓚᖕᒥᑦ ᐅᖃᕐᑐᒥᒃ: “ᐃᓄᖁᑎᒃᑲ, ᑖᑦᓱᒪᓐᖓᑦ ᐊᓂᒋᑦᓯ, ᑖᑦᓱᒪ ᐊᔪᕐᑐᓕᓂᖏᓐᓂᒃ ᐃᓚᖏᐅᑎᖁᓇᓯ, ᑲᑉᐱᐊᓱᒃᑎᑕᐅᓂᒃᓴᖓᓂᒡᓗ ᐱᖃᑕᐅᖁᓇᓯ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:5

ᑖᑦᓱᒪ ᐊᔪᕐᑐᓕᓂᖏᑕ ᐊᖏᓂᖏᑦ ᕿᓚᖕᒧᑦ ᑎᑭᓯᒪᓕᕐᒪᑕ, ᒎᑎᐅᓪᓗ ᐳᐃᒍᕐᓂᐊᓐᖏᓔᑦ ᑖᑦᓱᒪ ᐊᔪᕐᑐᓕᓂᖏᑦ.