ᔨᕆᒤᐊᐅᑉ ᐊᒡᓚᖏᑦ 51:53 - ᐊᒡᓔᑦ ᐃᑦᔪᕐᖕᓁᑦᑐᑦ

⁵³ ᐹᐱᓘᓂᒥᐅᑦ ᕿᓚᖕᒧᑦ ᑎᑭᐅᓯᒪᔪᓐᓇᕋᓗᐊᕐᐸᑕ, ᐱᔭᐅᑦᔧᕐᓯᒪᓂᖓᓄᑦ ᐅᓇᖕᒥᓇᖏᒃᑲᓗᐊᕐᐸᑕ, ᐊᓯᕈᐃᔪᒃᓴᓂᒃ ᑎᑭᕝᕕᐅᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 51:53 Iomraidhean Croise

ᒨᓯᓯ ᓯᕗᓪᓖᑦ 11:4

ᐅᖃᕐᓗᑎᒡᓗ, “ᐃᒡᓗᒐᓴᒡᔪᐊᓕᐅᓚᐅᕐᑕ ᐳᕐᑐᔪᐊᓗᖕᒥᒃ ᕿᓚᖕᒧᑦ ᑎᑭᐅᒪᓗᒍ, ᑖᓐᓇ ᐃᓕᑕᕆᔭᐅᑦᔪᑎᒃᓴᕆᓂᐊᕋᑦᑎᒍ, ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᖁᓇᑦᑕ ᓇᒧᑐᐃᓐᓇᖅ.”

ᔫᐱᐅᑉ ᐊᒡᓚᖏᑦ 20:6

ᐊᔪᖏᑦᑐᕐᔪᐊᖑᓂᖓ ᕿᓚᖕᒧᑦ ᑎᑭᐅᑎᓯᒪᓕᕋᓗᐊᕈᓂ, ᓂᐊᖁᖓᓗ ᓄᕗᔭᓄᑦ ᑎᑭᐅᑎᓯᒪᓕᕋᓗᐊᕐᐸᑦ,

ᐂᓮᐊᓯᐅᑉ ᐊᒡᓚᖏᑦ 13:17

“ᑕᑯᒋᑦ, ᒥᑏᔅᒥᐅᓂᒃ ᑲᔪᖏᕐᓮᓕᕐᐳᖓ ᑖᒃᑯᓂᖓ ᐅᓇᑕᕆᐊᕈᒪᓕᖁᓪᓗᒋᑦ. ᓯᐅᓪᕕᕆᒥᒃ ᓱᓇᐅᔪᕆᒃᓯᖏᑦᑐᓂᒃ ᒎᓗᒥᒡᓗ ᖁᕕᐊᒋᔭᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 41:25

ᐊᖑᒻᒥᒃ ᓂᕈᐊᓚᐅᕐᐳᖓ ᓯᕿᓂᐅᑉ ᓄᐃᕕᐊᑕ ᓇᓛᓂ ᓄᓇᖃᕐᑐᒥᒃ, ᑖᓐᓇ ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᓱᒫᕐᐳᖅ ᑖᑦᓱᒪ ᐊᑎᕋ ᓂᓪᓕᐊᕕᒋᔪᒫᕐᐹ; ᐅᓇᑕᕆᐊᕈᒫᕐᐳᕐᓗ ᐊᐅᓚᑦᓯᔨᐅᔪᓂᒃ ᑐᓪᓕᕋᕐᑐᑎᑐᑦ ᓱᓇᐅᑎᑦᓯᔪᒫᓐᖏᓚᖅ ᒪᕐᕋᕐᑎᑐᑦ, ᒪᕐᕋᓕᐅᕐᑎ ᑍᒫᒃ ᓯᖃᓪᓕᓯᕙᖕᒪᑦ ᒪᕐᕋᕐᒥᒃ ᑐᓪᓕᕋᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 47:5

ᓂᐱᖃᖏᓪᓗᑎᑦ ᐃᒃᓯᕙᓕᕆᑦ, ᑖᕐᑐᒦᓪᓗᑎᓪᓗ, ᑲᐅᓪᑎᐊᒥᐅᑦ ᐸᓂᖓ; ᑍᔭᐅᓂᐊᕈᓐᓃᕋᕕᑦ ᐊᖓᔪᖅᑳᕐᔪᐊᖃᕐᕕᐅᑉ ᐊᕐᓇᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 47:7

ᐅᖃᓚᐅᕐᐳᑎᑦ, ‘ᐃᓱᖃᖏᑦᑐᒧᑦ ᐊᕐᓇᖁᑎᒋᔭᐅᖏᓐᓇᕐᓂᐊᕐᐳᖓ,’ ᑕᒪᒃᑯᐊ ᐆᒻᒪᒻᒥᐅᑕᕐᑖᕆᓚᐅᓐᖏᓚᑎᑦ, ᐃᓱᒪᒃᓴᕐᓯᐅᕈᑎᒋᓇᒋᓪᓗ ᑭᖑᓂᒃᓴᖏᑦ.

ᔨᕆᒤᐊᐅᑉ ᐊᒡᓚᖏᑦ 49:16

ᑲᑉᐱᐊᓱᒃᑎᑦᓯᓂᕆᖃᑦᑕᕐᑕᑦᓯᓐᓄᑦ, ᐱᐅᔪᕆᓂᑦᓯᓐᓄᓪᓗ ᐅᐃᕕᕐᕆᔭᐅᕗᓯ, ᐃᓈᕈᐃᑦ ᕾᕈᓱᖏᓐᓂ ᐊᖏᕐᕋᖃᕐᐳᓯ, ᐳᕐᑐᔪᒦᓐᓇᓱᐊᕐᓗᓯᓗ ᐊᖏᕐᕋᖃᕈᒪᓪᓗᓯ ᐳᕐᑐᓂᕐᐹᓃᑦᑐᓂᒃ ᓇᒃᑐᕋᓕᐅᑉ ᐃᕙᕕᖃᕐᕕᖏᑎᑐᑦ, ᐃᓂᒋᔭᑦᓯᓐᓂᑦ ᑲᑕᒃᑎᑦᓱᒫᕐᐸᑦᓯ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:21

“ᐅᓇᑕᕆᐊᕐᑕᐅᓕᑦ ᒥᕋᓮᒥᐅᑦ ᓄᓇᓕᖏᑦ, ᐱᑳᑦᒥᐅᓪᓗ ᒪᓕᒡᓗᒋᑦ ᑐᖁᕋᕐᑕᐅᓗᑎᒃ ᓄᖑᑕᐅᓕᑦ. ᐊᑕᓂᖅ ᐅᖃᕐᐳᖅ, ᑎᓕᓯᑦᔪᑎᓕᒫᒃᑲ ᐱᓂᐊᕈᑎᒋᓯᒋᒃ.

ᔨᕆᒤᐊᐅᑉ ᐊᒡᓚᖏᑦ 50:25

ᐊᑕᓂᐅᑉ ᐅᓇᑕᐅᑎᓂ ᓴᖅᑭᑎᒻᒪᒋᑦ, ᓂᓐᖓᕕᒃᔪᐊᕐᓂᕐᒥᓄᓪᓗ ᓱᒋᐅᑎᓂ ᐊᑐᐃᓐᓇᕈᕐᐰᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐱᓇᓱᐊᒐᒃᓴᖃᓕᕐᒪᑦ ᑲᐅᓪᑎᐊᒥᐅᑦ ᓄᓇᖁᑎᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 50:45

ᑍᒤᒻᒪᑦ ᑐᓴᓕᕐᓯᒋᒃ ᐊᑕᓂᐅᑉ ᐹᐱᓘᓂᒥᐅᓄᑦ ᐱᓂᐊᕐᓂᕆᔪᒪᔭᖏᑦ, ᐃᓱᒪᒋᓯᒪᔭᖏᓪᓗ ᑲᐅᓪᑎᐊᒥᐅᓄᑦ, ᐱᕈᕋᑖᕐᓂᑯᐃᑦ ᐊᒡᓛᑦ ᓰᐱᖁᑎᖏᑦ ᐅᓂᐊᕐᓗᒋᑦ ᐊᐅᓪᓚᕈᑎᔪᒫᕐᐰᑦ, ᓇᑎᕐᓇᖅ ᐃᕕᒃᓱᒐᓕᒃ ᓂᕆᓇᓱᒡᕕᖓᑦ ᓯᖁᑦᑎᕐᓂᐊᕐᐸᕋ ᐊᑭᓂᐊᕐᕕᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 51:11

“ᖃᕐᔪᓯ ᑮᓐᓇᒃᓴᓕᕐᓯᒋᒃ ᓴᐴᓗᑕᓯᓗ ᑎᒍᓗᒋᑦ! ᐊᑕᓂᐅᑉ ᒥᑏᔅᑯᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᔭᒃᑎᒻᒪᒋᑦ ᐹᐱᓘᓂᒥᐅᓂᒃ ᐊᓯᕈᐃᔪᒪᓪᓗᓂ ᐃᓱᒪᒋᔭᖃᕐᒪᑦ, ᐊᑕᓂᖅ ᐊᑭᓂᐊᕈᒫᕐᒪᑦ ᑐᒃᓯᐊᕐᕕᒃᔪᐊᖁᑎᓂ ᐱᑦᔪᑎᒋᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 51:25

ᑕᑯᒋᑦ, ᐊᑭᕋᕆᓕᕐᐸᒋᑦ ᐊᓯᕈᕐᓮᔨᑐᐃᓐᓇᐅᒐᕕᑦ, ᓄᓇᕐᔪᐊᓕᒫᒥ ᐊᓯᕈᐃᔨᐅᒐᕕᑦ, ᐊᑕᓂᖅ ᐅᖃᕐᐳᖅ. ᑕᓖᒃᑲᒃ ᐃᓵᒃᑎᒍᒃᑭᒃ ᐃᓐᓈᕉᑉ ᓯᓇᕐᔪᐊᓂᑦ ᐃᔪᒃᑲᕈᕕᑦ, ᖃᖅᑲᐅᓕᕈᒫᕐᐳᑎᑦ ᐃᑭᓐᓂᑯᑎᑐᑦ ᑍᒤᓕᕐᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 51:48

ᕿᓚᖕᒥᓗ ᓄᓇᒥᓗ ᓯᕆᑦᔪᑕᐅᔪᒫᕐᐳᖅ ᐹᐱᓘᓂ, ᐅᓐᓄᐊᓪᓗᐊᑉ ᓇᓛᓂᑦ ᐊᓯᕈᐃᔪᒃᓴᑦ ᑎᑭᑦᓱᒫᕐᒪᑕ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:56

ᐹᐱᓘᓂᒥᐅᑦ ᑎᑭᑕᐅᓂᐊᕐᒪᑕ ᐊᓯᕈᐃᔨᒧᑦ ᐅᓇᑕᕐᑎᖁᑎᖏᑦ ᑎᒍᔭᐅᓂᐊᕐᐳᑦ, ᐱᑎᒃᓯᖏᓪᓗ ᓱᕋᒃᑎᕐᑕᐅᓗᑎᒃ. ᒎᑎ ᐊᑕᓂᖅ ᐊᑭᓂᐊᕐᑎᐅᖕᒪᑦ, ᐊᑭᓂᐊᕈᒫᕐᐰᑦ ᖁᓚᕐᓇᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 51:58

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐹᐱᓘᓂᒥᐅᑦ ᐊᕙᓗᕐᔪᐊᖓ ᐃᑦᔪᔪᐊᓘᒐᓗᐊᖅ ᓄᖑᑎᑕᐅᓗᓂ ᒪᓂᖅᑲᒦᓕᕈᒫᕐᐳᖅ, ᐃᑎᕐᑕᕐᕕᖏᓪᓗ ᐃᑯᐊᓪᓚᒃᑕᐅᓗᑎᒃ. ᐃᓄᐃᑦ ᐱᓇᓱᐊᕕᒃᔪᐊᕐᓂᕆᓚᐅᕐᑕᖏᑦ ᐊᑐᕐᓇᕐᓂᖃᓐᖏᓚᑦ, ᐃᓅᖃᑎᒌᒡᔪᐊᓪᓗ ᓴᓇᖃᑦᑕᕐᓯᒪᔭᖏᑦ ᐃᑯᐊᓪᓚᖅᑯᑎᒃᓴᓐᖑᕐᐳᑦ.”

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᐂᒨᓯᐅᑉ ᐊᒡᓚᖏᑦ 9:2

ᐃᑎᕐᓴᓕᐅᕋᓗᐊᕐᐸᑕᓗ ᑐᖁᖓᔪᑦ ᐃᓂᖓᓐᓄᑦ, ᑍᑲᓐᖓᑦ ᑎᒍᔪᒫᕐᐸᒃᑲ; ᒪᔪᕋᓗᐊᕐᐸᑕᓗ ᕿᓚᖕᒧᑦ ᑕᕝᕙᓐᖓᑦ ᐊᖅᑲᕐᑎᑦᓱᒫᕐᐸᒃᑲ.

ᐂᒨᓯᐅᑉ ᐊᒡᓚᖏᑦ 9:4

ᑎᒍᔭᐅᒐᓗᐊᕐᐸᑕᓗ ᐊᑭᕋᒥᖕᓄᑦ, ᐱᖁᔨᔪᒫᕐᐳᖓ ᓴᕕᒡᔪᐊᒥᒃ, ᑖᑦᓱᒪᓗ ᑐᖁᑦᓱᒫᕐᐰᑦ; ᑕᑯᓐᓇᕈᒫᕐᐸᒃᑲᓗ ᐱᐅᖏᑦᑐᒧᑦ ᐱᒋᐊᕈᒪᓗᒋᑦ ᐱᐅᔪᒨᖏᑦᑐᖅ.”

ᕼᐊᐸᑲᐅᑉ ᐊᒡᓚᖏᑦ 2:9

ᑲᑉᐱᐊᓐᓇᒦᒃ! ᓇᖕᒥᓂᖅ ᐃᓚᖏᑕ ᐊᔪᕐᓴᕈᓐᓁᕈᑎᒃᓴᖏᓐᓂᒃ ᐱᐅᖏᑦᑐᓕᓂᒃᑯᑦ ᐱᑖᕋᓱᐊᕐᑐᖅ, ᐃᓚᒋᔭᓂ ᖁᓪᓕᕐᐹᖑᑎᑦᓱᒪᓪᓗᒋᑦ, ᓴᐳᑎᔭᐅᔪᓐᓇᕈᒪᓗᓂ ᖃᓄᐃᓕᔭᐅᓐᓇᕐᑑᑉ ᐱᔪᓐᓇᕐᓂᖓᓂᑦ!