ᔨᕆᒤᐊᐅᑉ ᐊᒡᓚᖏᑦ 51:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓴᕆᐊᓕᒥᐅᑦ ᔫᑕᒥᐅᓪᓗ ᕿᒪᒃᑕᐅᓯᒪᓐᖏᓚᑦ ᒎᑎᒥᖕᓄᑦ ᐊᑕᓂᕐᒧᑦ ᐊᔪᒐᖃᖏᑦᑐᕐᔪᐊᕐᒧᑦ ᓄᓇᖓᑦ ᐸᓯᔭᒃᓴᐅᒐᓗᐊᕐᑎᓪᓗᒍ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦᑕ ᓵᖓᓂ.

ᔨᕆᒤᐊᐅᑉ ᐊᒡᓚᖏᑦ 51:5 Iomraidhean Croise

ᐊᑕᓃᑦ ᓯᕗᓪᓖᑦ 6:13

ᐃᓂᖃᖃᑕᐅᓂᐅᕐᐳᖓ ᐃᓴᕆᐊᓕᐅᑉ ᑭᖑᕚᖏᓐᓂ, ᕿᒪᖕᓂᐊᕐᓇᒋᓪᓗ ᐃᓴᕆᐊᓕᒥᐅᑦ ᐃᓄᖁᑎᒃᑲ.”

ᐊᑕᓃᑦ ᐂᑉᐸᖏᑦ 21:16

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.

ᐄᓱᕋᐅᑉ ᐊᒡᓚᖏᑦ 9:9

ᓯᐊᓛᖑᓚᐅᕐᐳᒍᑦ, ᑭᓯᐊᓂᓕ ᓯᐊᓛᖑᑏᓐᓇᓚᐅᓐᖏᓚᑦᑎᒍᑦ ᐴᕐᓯᐊᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᕙᑦᑎᓐᓂᒃ ᐱᐅᒃᓴᕐᑎᓚᐅᕐᐸᑎᑦ ᐱᔪᓐᓇᕐᑎᑕᐅᓚᐅᕐᐳᒍᓪᓗ ᐃᓅᖏᓐᓇᕐᓗᑕ ᑐᒃᓯᐊᕐᕕᒡᔪᐊᖅ ᐋᖅᑭᒋᐊᕈᓐᓇᕐᓗᒍ, ᓯᖁᒥᓯᒪᓚᐅᕐᑐᖅ ᑲᑉᐱᐊᓇᖏᑦᑐᒦᑦᓱᓐᓇᕐᓗᑕᓗ ᑕᒫᓂ ᔫᑎᐊᒥ ᔨᕉᓴᓕᒥᓗ.

ᐃᓐᖏᕈᑎᑦ 94:14

ᐊᑕᓂᐅᑉ ᐃᓄᖁᑎᓂ ᕿᒪᖕᓂᐊᖏᒻᒪᒋᑦ; ᑭᖑᕐᖑᑦᔨᔪᒃᓴᖁᑎᓂᓗ ᖁᔭᓈᕐᓂᐊᕐᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 44:21

“ᔧᑰ ᑕᒪᒃᑯᐊ ᐃᖅᑲᐅᒪᒃᑭᑦ, ᐃᓴᕆᐊᓪ ᐱᔨᒋᒐᒃᑭᑦ; ᐱᓐᖑᕐᑎᓚᐅᕋᒃᑭᑦ ᐱᔨᒋᕙᒋᑦ; ᐄᓱᕆᐅᓪ ᐅᕙᓐᓄᑦ ᐳᐃᒍᕐᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 51:15

ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᒪᕐᔪᐊᓂᒃ ᒪᓪᓕᕐᑎᑦᓯᔪᓐᓇᕐᑐᖅ ᐃᒃᑑᓕᔮᕐᑎᓪᓗᒋᓪᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ ᐊᑎᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 62:12

ᑖᒃᑯᐊ ᑍᔭᐅᔪᒫᕐᐳᑦ ᐃᓄᖕᓂᒃ ᐃᑦᔪᕐᓁᑦᑐᓂᒃ, ᐊᑕᓂᐅᑉ ᐃᒻᒥᓄᑦ ᐅᑎᕐᑎᓯᒪᔭᖏᓐᓂᒃ; ᐃᓕᑦᓯᓕ ᑍᔭᐅᔪᒫᕐᐳᓯ, ᓇᓂᔭᐅᓂᑯᓂᒃ, ᕿᒪᒃᑕᐅᓂᑰᖏᑦᑐᓂᒃ ᐃᒡᓗᒐᓴᒡᔪᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 14:19

ᔫᑕᒥᐅᑦ ᓇᕐᕈᒋᓪᓚᕆᓕᕐᐱᒌᑦ? ᓮᐅᓂᓗ ᑕᕐᓂᕐᐱᑦ ᐆᒥᒋᓕᕐᐸᐅᒃ? ᓱᖕᒪᓪᓕ ᐋᓐᓂᕐᑕᐅᑎᑉᐱᑎᒎᑦ? ᐋᖅᑭᒃᑕᐅᔪᓐᓇᖏᑦᑐᒥᒃ? ᖃᓄᐃᓐᓇᖏᑦᑐᒥᒃ ᕿᓂᕋᓗᐊᕐᐳᒍᑦ ᐱᐅᖏᑦᑐᒧᓪᓕ ᑎᑭᑎᑕᐅᕗᒍᑦ; ᐋᖅᑭᒃᑕᐅᓂᕐᒥᒃ ᓂᕆᐅᒃᑲᓗᐊᕐᐳᒍᑦ ᑕᑯᒋᓪᓕ ᑲᑉᐱᐊᓇᕐᑐᖔᓄᑦ ᑎᑭᑎᑕᐅᕗᒍᑦ.

ᔨᕆᒤᐊᐅᑉ ᐊᒡᓚᖏᑦ 14:9

ᓱᖕᒪᑦ ᓇᓗᓕᕐᓯᒪᔪᑎᑐᑦ ᑍᒤᖃᑕᐅᕕᑦ? ᐅᓇᑕᕐᑎᑐᑦ ᐊᔪᖏᑦᑐᕐᔪᐊᑐᑦ ᐃᑲᔪᕈᓐᓁᓪᓕᔪᑐᑦ, ᐃᕝᕕᓪᓕ ᐊᑕᓃᖅ ᐊᑯᓐᓇᑦᑎᓐᓃᑉᐳᑎᑦ, ᐃᓕᖕᓄᓪᓗ ᕾᖁᔭᐅᓯᒪᕗᒍᑦ; ᐊᑏ ᕿᒪᒃᑍᓕᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 16:18

ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᔪᒫᕐᐸᒃᑲ ᐱᐅᖏᑦᑐᓕᓂᖏᓐᓄᑦ ᐊᔪᕐᑐᓕᓂᖏᓐᓄᓪᓗ, ᓄᓇᖁᑎᒐ ᓇᕐᕈᓇᕐᓯᑎᑕᐅᓯᒪᖕᒪᑦ ᐆᒪᖏᑦᑐᓂᒃ ᒎᑎᓐᖑᐊᓕᐅᕐᕕᐅᓪᓗᑎᒃ, ᑭᖑᕐᖑᑎᔭᒃᓴᕋᓗ ᓇᕐᕈᓇᕐᑐᓂᒃ ᒎᑎᓐᖑᐊᓂᒃ ᑕᑕᑎᕐᓯᒪᕚᑦ.”

ᔨᕆᒤᐊᐅᑉ ᐊᒡᓚᖏᑦ 19:4

ᐅᕙᓐᓂᒃ ᕿᒤᓚᐅᕐᒪᑕ, ᐊᓯᖏᑕᓗ ᒎᑎᒋᔭᖏᓐᓄᑦ ᓄᓇᑎᒃ ᐃᓂᑖᖑᑎᓪᓗᒍ ᓇᕐᕈᓇᕐᓯᑎᑉᐹᑦ, ᐆᑕᒃᓴᓂᒡᓗ ᑐᓂᕐᕈᓯᕐᕕᒋᕙᒃᓗᒋᑦ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓂᒃ, ᔫᑕᐅᓪᓘᓐᓃᑦ ᐊᖓᔪᖅᑳᕐᔪᐊᖏᑕ ᖃᐅᔨᒪᓚᐅᕐᓯᒪᖏᒻᒥᔭᖏᑦ; ᑕᕝᕙᓂᓗ ᑐᖁᕅᕙᒃᓗᑎᒃ ᐸᓯᔭᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 23:15

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕉᓴᓕᒦᑦᑐᑦ ᐱᓪᓗᒋᑦ: “ᑕᑯᒋᑦ, ᓂᕆᑎᑦᓱᒫᕐᐸᒃᑲ ᓂᕿᒥᒃ ᖃᒃᑭᓐᓇᕐᑐᒥᒃ, ᐃᒥᕐᑎᓪᓗᒋᓪᓗ ᐃᒪᕐᒥᒃ ᑐᖁᓐᓇᕐᑐᒥᒃ, ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ ᔨᕉᓴᓕᒥ ᐱᒋᐊᕐᕕᐅᓪᓗᑎᒃ ᐅᒃᐱᖏᓐᓂᖅ ᓯᐊᒻᒪᕐᐸᓪᓕᐊᓕᕐᒪᑦ ᓄᓇᓕᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 31:37

ᐊᑕᓂᖅ ᐃᒫᒃ ᐅᖃᕐᐳᖅ, “ᕿᓚᐅᑉ ᐊᖏᓂᖓ ᐆᒃᑐᕋᕐᑕᐅᔪᓐᓇᕋᔭᕐᐸᑦ, ᓄᓇᕐᔪᐊᓪᓗ ᑐᓐᖓᕕᖓ ᖃᐅᔨᔭᐅᔪᓐᓇᕐᓯᓗᓂ, ᑕᕝᕙ ᐃᓴᕆᐊᓕᒥᐅᑦ ᑭᖑᕚᖏᑦ ᐃᒋᑦᓱᒫᕐᐸᒃᑲ ᐱᓂᐊᕐᓂᕆᓚᐅᕐᑕᖏᑦ ᐱᑦᔪᑎᒋᓪᓗᒋᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 46:28

ᓯᕘᕋᓂᐊᕋᓯ ᔧᑯᒃᑯᑦ ᐃᓄᖁᑎᒃᑲ, ᐃᓚᒋᒐᑦᓯ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᓂᒃ ᐊᓯᕈᕐᑕᐅᑎᑦᓯᓯᒪᒐᓗᐊᕐᐳᖓ, ᓯᐊᒻᒪᕐᑎᓪᓗᓯᓗ ᓇᒧᑐᐃᓐᓇᖅ, ᓄᖑᑕᐅᑎᒻᒪᕆᖕᓂᐊᓐᖏᓚᑦᓯᓕ ᐋᖅᑭᒋᐊᕐᓂᐊᕐᐸᑦᓯ ᐊᑲᐅᔪᒦᖁᔨᓂᓐᓄᑦ ᑭᓯᐊᓂ; ᐋᖅᑭᒋᐊᓚᐅᖏᓪᓗᑎᑦ ᓴᒃᑯᓐᓂᐊᓐᖏᓚᒋᑦ, ᐅᕙᖓ, ᐊᑕᓂᐅᔪᖓ ᑕᒪᑐᒥᖓ ᐅᖃᕐᐳᖓ.”

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᔨᕆᒤᐊᐅᑉ ᐊᒡᓚᖏᑦ 51:19

ᔧᑰᓪᓕ ᒎᑎᖓ ᑖᒃᑯᑎᑐᓇᖅ ᑍᒤᓐᖏᓚᖅ, ᑕᒤᓐᓂᒃ ᐱᓐᖑᕐᑎᑦᓯᔨᐅᖕᒪᑦ, ᐃᓄᖁᑎᖏᑕᓗ ᑭᖑᕚᕇᖏᑦ ᐱᒋᐊᕐᑎᓯᒪᕔᑦ, ᐊᑕᓂᕐᒥᒃ ᐊᔪᒐᖃᖏᑦᑐᕐᔪᐊᕐᒥᒃ ᑖᓐᓇ ᐊᑎᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 8:17

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᕕᒌᑦ? ᖃᓄᐃᓐᖏᓛᖅ? ᔫᑕᐅᑉ ᑭᖑᕚᖏᑦ ᓇᕐᕈᒋᔭᓐᓂᒃ ᐱᓇᓱᐊᑐᐃᓐᓇᕐᐸᑕ ᑕᕝᕙᓂ ᐱᓇᓱᐊᕐᑕᒥᖕᓂ, ᓄᓇ ᓈᔭᐅᑎᓪᓗᒍ ᐱᕋᔭᖕᓂᕐᓂᒃ, ᓱᓕ ᓂᓐᖓᒃᓴᒃᑲᓐᓂᕐᓗᖓ? ᑕᑯᒋᑦ, ᕿᔪᑯᑖᒥᒃ ᐊᑭᕈᕐᒥᒃ ᕿᖓᕐᒥᖕᓄᐊᕐᓯᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 9:9

ᑕᕝᕙ ᐅᖃᐅᑎᕚᖓ, “ᐃᓴᕆᐊᓕᐅᑉ ᔫᑕᐅᓪᓗ ᑭᖑᕚᖏᑦ ᐸᓯᔭᒃᓴᐅᓗᐊᕐᒪᑕ; ᓄᓇ ᐊᐅᖕᒥᒃ ᑕᑕᒻᒪᑦ, ᐃᒡᓗᒐᓴᒡᔪᐊᕐᒥᐅᓪᓗ ᐊᑦᔨᒌᒃᑎᑦᓯᓇᑎᒃ; ᐅᖃᖃᑦᑕᕐᒪᑕ, ‘ᐊᑕᓂᖅ ᓄᓇᒥᒃ ᖁᔭᓈᕐᓯᕗᖅ, ᑕᑯᓐᓇᕈᓐᓃᕐᓗᓂᓗ.’

ᕼᐆᓯᐊᑉ ᐊᒡᓚᖏᑦ 1:10

ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”

ᕼᐆᓯᐊᑉ ᐊᒡᓚᖏᑦ 2:1

ᐃᓴᕆᐊᓕᒥᐅᖑᖃᑎᑎᑦ ᐅᖃᐅᑎᒃᑭᑦ, “ᐊᒥ ᐃᒫᒃ—ᐃᓄᖁᑎᒃᑲ,” ᓇᔧᓪᓗ ᐅᖃᐅᑎᓗᒍ, “ᕈᕼᐋᒪ ᐃᒫᒃ—ᓂᑲᒋᔭᐅᓕᕐᐳᑎᑦ.”

ᕼᐆᓯᐊᑉ ᐊᒡᓚᖏᑦ 2:3

ᑐᓴᖏᑉᐸᑦ, ᐊᓐᓄᕅᔭᕐᓂᐊᕐᐸᕋ ᐊᓐᓄᕌᖃᕈᓐᓁᖁᓪᓗᒍ ᐃᓅᓕᓵᕐᓂᕆᓚᐅᕐᑕᒥᑐᑦ, ᐸᓂᕐᑎᓐᓂᐊᕐᐸᕋ ᓄᓇᑐᑦ ᓱᓇᖃᖏᑦᑐᑎᑐᑦ, ᐃᒥᕈᓕᕐᑎᓐᓂᐊᕐᐸᕋᓗ ᓄᓇᑐᑦ ᐸᓂᕐᑐᑐᑦ, ᑐᖁᓂᐊᕐᐳᕐᓗ ᖀᓪᓗᓂ.

ᕼᐆᓯᐊᑉ ᐊᒡᓚᖏᑦ 4:1

ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 12:6

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᐅᑉ ᐊᐅᓚᑦᓯᔨᖏᑦ ᐃᑯᒪᑎᑐᑦ ᑍᒤᑦᓱᒫᕐᐳᑦ ᐃᑯᐊᓪᓚᖅᑯᑎᑎᑐᑦ ᓇᐹᕐᑐᒐᓴᒡᔪᐊᓂ, ᐃᑭᑦᓯᔪᑎᑐᓪᓘᓐᓃᑦ ᐃᕕᖕᓂᒃ ᓂᐊᖂᔭᒃᓴᓂᒃ ᐱᕈᕐᓰᕕᖕᒥ. ᓄᖒᑦᓯᔪᒫᕐᓗᑎᒡᓗ ᐃᓄᓕᒫᓂᒃ ᐊᕙᑎᒥᖕᓃᑦᑐᓂᒃ. ᔨᕉᓴᓕᒥᓕ ᓄᓇᖃᕐᑐᑦ ᐊᒃᑐᕐᑕᐅᔪᒫᓐᖏᓚᑦ ᐃᓂᒥᖕᓂ.

ᓴᑲᕅᐊᐅᑉ ᐊᒡᓚᖏᑦ 12:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 2:12

ᐊᑕᓂᐅᑉ ᓱᓕ ᔫᑕ ᐱᑖᕆᒃᑲᓐᓂᕈᒫᕆᕚ ᓄᓇᖁᑎᒥᓄᑦ ᐃᑦᔪᕐᓁᑦᑐᒧᑦ ᐃᓚᓕᐅᑎᓗᒍ, ᔨᕉᓴᓕᓗ ᓂᕈᐊᕐᓯᒪᔭᒥᓂᒃ ᑍᒃᑲᓐᓂᓕᕈᒫᕆᕚ.

ᓴᒧᐃᓕ ᓯᕗᓪᓖᑦ 12:22

ᐊᑕᓂᐅᑉ ᐃᓄᖁᑎᓂ ᐃᒋᓐᓂᐊᓐᖏᓔᑦ, ᐊᑎᓂ ᐃᑦᔪᕐᓁᑦᑐᖅ ᐱᓪᓗᒍ, ᐊᑕᓂᐅᑉ ᖁᕕᐊᒋᓚᐅᕐᒪᒍ ᐃᓕᑦᓯᓐᓂᒃ ᐃᓄᖁᑎᑖᕆᐊᒃᓴᖅ ᓇᖕᒥᓂᕐᑖᕆᓗᓂᓯ.