4 ᑲᐅᓪᑎᐊᒥᐅᑦ ᓄᓇᖓᓂ ᑐᖁᕋᕈᒫᕐᐳᑦ, ᐊᖅᑯᑎᖏᓐᓂ ᐃᑭᓕᕐᑕᐅᔪᒫᕐᐳᑦ.
ᓇᓪᓕᐊᑦ ᓇᓂᔭᐅᔪᑦ ᑲᐱᔭᐅᓗᑎᒃ ᑐᖁᑕᐅᔪᒫᕐᐳᑦ, ᐊᖑᔭᐅᔪᓪᓗ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ.
ᐃᕝᕕᓪᓕ ᐊᓂᑕᐅᑐᐃᓐᓇᕐᓯᒪᕗᑎᑦ, ᐃᓗᕕᕐᓯᒪᓇᒡᓘᓐᓃᑦ, ᑎᒥᕕᓃᑦ ᑕᒫᓂᑐᐃᓐᓈᕐᑐᖅ ᓇᖁᔭᕐᓇᕐᐳᖅ, ᐅᓇᑕᕐᑐᓂ ᑐᖁᑕᐅᔪᕕᓃᑦ ᐊᓐᓄᕌᕕᓂᖏᑎᑐᑦ, ᓴᕕᒡᔪᐊᒧᑦ ᑲᐱᔭᐅᓯᒪᔪᑎᑐᑦ, ᐃᑎᕐᓵᓘᑉ ᐅᔭᕋᖏᓐᓄᑦ ᐃᒋᑕᐅᑐᐃᓐᓇᖃᑕᐅᓯᒪᒐᒥ, ᑎᒥᕕᓂᕐᑐᑦ ᑐᓪᓕᕋᕐᑕᐅᑐᐃᓐᓇᕐᑐᑎᑐᑦ.
ᐃᓅᓱᒃᑐᖁᑎᖏᑦ ᐊᖅᑯᑎᖏᓐᓂ ᑐᖁᕋᕐᑕᐅᔪᒫᕐᐳᑦ, ᐅᓪᓗᒥᓗ ᑍᑲᓂ ᐅᓇᑕᕐᑎᖁᑎᖏᑦ ᓄᖑᑕᐅᔪᒫᕐᐳᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.
ᑍᒤᒻᒪᑦ ᐃᓅᓱᒃᑐᖁᑎᖏᑦ ᑐᖁᕋᕐᑕᐅᔪᒫᕐᐳᑦ, ᐅᓇᑕᕐᑐᒃᓴᖁᑎᖏᓪᓗ ᑐᖁᑕᐅᓗᑎᒃ ᑕᒪᕐᒥᒃ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ.
ᕿᒻᒥᕐᔪᐊᑦ ᕿᒧᒃᓯᐅᑎᓪᓗ ᑐᖁᑕᐅᔪᒫᕐᐳᑦ, ᐅᓇᑕᕐᑎᑖᖑᓂᑯᐃᑦ ᓄᓇᖃᕐᑐᑐᖃᐅᖏᑦᑐᑦ ᑐᖁᑕᐅᖃᑕᐅᔪᒫᕐᐳᑦ, ᐊᕐᓇᕐᑎᑑᓕᕈᒫᕐᐳᑦ! ᐊᔪᕐᓴᖏᑦᔪᑎᖏᑦ ᓇᒡᕚᕐᑕᒐᐅᔪᒫᕐᐳᑦ.
ᐹᐱᓘᓂᒥᐅᑦ ᕿᓚᖕᒧᑦ ᑎᑭᐅᓯᒪᔪᓐᓇᕋᓗᐊᕐᐸᑕ, ᐱᔭᐅᑦᔧᕐᓯᒪᓂᖓᓄᑦ ᐅᓇᖕᒥᓇᖏᒃᑲᓗᐊᕐᐸᑕ, ᐊᓯᕈᐃᔪᒃᓴᓂᒃ ᑎᑭᕝᕕᐅᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”
