ᔨᕆᒤᐊᐅᑉ ᐊᒡᓚᖏᑦ 51:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ; ᐹᐱᓘᓂᒥᐅᑦ ᐸᓂᖓ ᓂᐊᖂᔭᒃᓴᓂᒃ ᓴᓃᔧᕕᒃᑎᑐᑦ ᑍᒤᑉᐳᖅ, ᑐᓪᓕᕋᕐᑕᐅᓚᐅᕐᓗᓂ ᑲᑎᕐᓱᐃᕕᒃᓴᖓ ᓇᓪᓕᐅᑎᔪᒫᕆᕗᖅ.”

ᔨᕆᒤᐊᐅᑉ ᐊᒡᓚᖏᑦ 51:33 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 18:5

ᑲᑎᕐᓱᐃᕕᒃ ᓇᓪᓕᐅᑎᓚᐅᕐᑎᓐᓇᒍ ᓄᓇᕋᖏᑦ ᑲᑕᒐᕐᓯᒪᓕᕐᑎᓪᓗᒋᑦ, ᕔᓂᒃᓮᑦ ᐸᐅᕐᖓᖏᑦ ᐱᕈᕇᕐᓯᒪᑦᓯᐊᓕᕐᑎᓪᓗᒋᑦ, ᐱᕈᕐᑐᑦ ᓄᐃᓕᕐᑐᑦ ᓇᑲᑎᕈᒫᕐᐰᑦ ᓇᐹᕐᑐᐃᑦ ᓄᕗᖏᓐᓂᒃ ᓇᑲᑎᕆᑦᔪᑎᒧᑦ, ᐊᕙᓚᖓᔪᐃᓪᓗ ᓇᐹᕐᑐᒥᒃ ᓯᐊᒻᒪᒃᐸᓪᓕᐊᔪᑦ ᐲᔭᕈᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 21:10

ᐃᕝᕕᑦ ᓂᐊᖂᔭᒃᓴᑎᑐᑦ ᐊᓇᐅᓕᕐᑕᐅᓪᓗᑎᑦ ᐃᕖᔭᕐᑕᐅᓯᒪᔪᑎᑦ, ᖃᓄᕐᓕ ᐅᖃᐅᓯᕐᒥᒃ ᑐᓴᕐᓯᒪᕗᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ ᑐᓴᓚᐅᕐᑕᓐᓂᒃ ᐃᓴᕆᐊᓕᒥᐅᑦ ᒎᑎᖓᓐᓂᑦ ᐅᖃᐅᓯᒃᓴᒥᒃ ᐃᓕᖕᓄᑦ.”

ᐂᓮᐊᓯᐅᑉ ᐊᒡᓚᖏᑦ 47:1

“ᐊᖅᑲᕐᓗᑎᑦ ᒪᓂᖅᑲᒥ ᐃᒃᓯᕚᓕᕆᑦ, ᐹᐱᓘᓂᐅᑉ ᐸᓂᖓ ᐅᐃᒡᒐᓱᒃ; ᒪᓂᖅᑲᒥ ᐃᒃᓯᕚᓕᕆᑦ ᐃᒃᓯᕙᐅᑕᕐᔪᐊᕐᒥᐅᖏᑦᑐᖅ, ᑲᐅᓪᑎᐊᒥᐅᑦ ᐸᓂᖓ! ᑍᔭᐅᓂᐊᕈᓐᓃᕋᕕᑦ ᐋᓐᓂᕐᓴᕅᑦᑐᒥᒃ ᓂᑲᓇᕐᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 51:32

ᑰᑦ ᐃᑳᕈᑎᖃᕈᓐᓃᕐᑎᑕᐅᕗᑦ, ᐃᒡᓗᐃᑦ ᐱᔭᐅᑦᔧᕐᓯᒪᔪᑦ ᐃᑯᐊᓪᓚᒃᑕᐅᕗᑦ, ᐅᓇᑕᕐᑏᓪᓗ ᐅᐃᒻᒪᒃᑎᑕᐅᕗᑦ.

ᕼᐆᓯᐊᑉ ᐊᒡᓚᖏᑦ 6:11

“ᐃᓕᑦᓯᓗ, ᔫᑕᐅᑉ ᐃᓄᖏᑦ, ᑲᑎᕐᓱᐃᕕᒃᓴᒥᒃ ᐋᖅᑮᕕᒋᓯᒪᕙᑦᓯ, ᐃᓄᖁᑎᒃᑲ ᐅᑎᕐᑎᓕᕈᒃᑭᑦ ᐱᕙᓪᓕᐅᑎᒃᓴᖏᓐᓂᒃ.”

ᔪᐃᓕᐅᑉ ᐊᒡᓚᖏᑦ 3:13

ᐱᕈᕐᑐᓂᒃ ᑭᓪᓗᐃᑦᔪᑏᑦ ᑎᒍᓕᕐᓯᒋᒃ, ᐱᕈᕐᑐᑦ ᐱᕈᕇᕐᒪᑕ ᑲᑎᕐᓱᐃᕕᒃ ᓇᓪᓕᐅᑎᖕᒪᑦ. ᕾᓗᓯ, ᐱᓇᓱᐊᕆᐊᕐᑐᓕᕆᑦᓯ ᐸᐅᕐᖎᑦ ᐃᑦᑏᔭᕐᓗᒋᑦ, ᕔᓂᓕᐅᕐᕕᒃ ᑕᑕᒻᒪᑦ ᐃᒻᒥᕐᓱᕐᕕᖏᓪᓗ ᖄᒥᒻᒪᑕ, ᐃᓅᖃᑎᒌᒡᔪᐊᑦ ᐊᔪᕐᑐᓕᓂᖏᑦ ᐊᖏᓗᐊᕐᒪᑕ.

ᐂᒨᓯᐅᑉ ᐊᒡᓚᖏᑦ 1:3

ᐊᑕᓂᖅ ᐃᒫᒃ ᐅᖃᕐᐳᖅ: “ᐱᖓᓱᑦ ᑕᒫᓯᑰᓯᐅᑉ ᐊᔪᕐᑐᓕᓂᖏᑦ ᐱᓪᓗᒋᑦ, ᓯᑕᒪᖓᓪᓕ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᒋᓕᐊᑎᒥᐅᓂᒃ ᑐᓪᓕᕋᕐᓯᒪᓂᖏᑦ ᐱᓪᓗᒋᑦ, ᑐᓪᓕᕅᑦᔪᑎᓄᑦ ᓴᕕᕋᔭᓕᖕᓄᑦ.

ᒤᑲᐅᑉ ᐊᒡᓚᖏᑦ 4:12

ᖃᐅᔨᒪᓐᖏᓚᓪᓕ ᐊᑕᓂᐅᑉ ᐃᓱᒪᖓᓂᒃ, ᐱᓇᓱᐊᕈᒪᔭᖓᓗ ᑐᑭᓯᔭᐅᓯᒪᖏᒻᒪᑦ; ᑲᑎᕐᓱᕈᒫᕐᐰᑦ ᓂᐊᖂᔭᒃᓮᑦ ᑲᑎᕐᓱᕐᑕᐅᕙᖕᓂᖏᑎᑐᑦ ᐃᕖᔭᕐᑕᐅᕕᖕᓂ ᐊᓇᐅᓕᕐᑕᐅᓪᓗᑎᒃ.

ᒤᑲᐅᑉ ᐊᒡᓚᖏᑦ 4:13

“ᓮᐅᓂᐅᑉ ᐃᓄᖏᑦ ᐊᑭᕋᓯ ᐊᓇᐅᓕᕆᐊᕐᑐᓕᕐᓯᒋᒃ! ᐱᔪᓐᓇᕐᓯᑎᓐᓂᐊᕐᐸᑦᓯ ᓲᖑᓯᑎᓪᓗᓯ ᐃᒻᒧᒃᓯᐅᒊᑦ ᐸᖕᓂᖏᑎᑐᑦ ᓴᕕᕋᔭᖕᓂᒃ ᓇᒡᔪᖃᕐᓗᑎ ᑯᑭᖃᕐᓗᑎᒡᓗ ᑲᓐᓄᔭᓂᒃ, ᐊᓯᕈᐃᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ, ᐱᖁᑎᑖᕕᓂᖏᓪᓗ ᐅᓇᑕᕐᓂᒃᑯᑦ ᐅᑎᕐᑎᑕᐅᓂᐊᕐᐳᑦ ᐃᑦᔪᕐᓁᑎᑕᐅᓗᑎᒃ ᐊᑕᓂᐅᔪᒧᑦ ᓯᓚᕐᔪᐊᓕᒫᒧᑦ.”

ᕼᐊᐸᑲᐅᑉ ᐊᒡᓚᖏᑦ 3:12

ᓄᓇᕐᔪᐊᒃᑯᑦ ᐱᓱᒃᐳᑎᑦ ᓂᓐᖓᐅᒪᓪᓗᑎᑦ; ᓂᓐᖓᕕᒃᔪᐊᕐᓯᒪᓪᓗᑎᓪᓗ ᐃᓅᖃᑎᒌᒡᔪᐊᑦ ᑐᓪᓕᕋᕐᐸᑎᑦ.

ᒫᑎᐅᓯᐅᑉ ᐊᒡᓚᖏᑦ 13:30

ᑍᒤᒻᒪᑦ ᓂᐊᖂᔭᒃᓮᑦ, ᐱᕈᕐᓂᕐᓗᒃᑐᓪᓗ, ᐱᕈᖃᑎᒌᑐᐃᓐᓇᓚᐅᕐᓕᑦ ᑲᑎᕐᓱᐃᕕᒃᓴᖅ ᓇᓪᓕᐅᑎᓚᐅᖏᓐᓂᖓᓂ, ᑲᑎᕐᓱᐃᕕᒡᓕ ᓇᓪᓕᐅᑎᒃᐸᑦ ᓇᑲᑎᕆᔩᑦ ᐅᖃᐅᑎᔪᒫᕐᐸᒃᑲ: ᐱᕈᕐᓂᕐᓗᒃᑐᑦ ᓇᑲᑎᖅᑳᕐᓗᒋᑦ, ᕿᓚᒃᓱᕐᓯᒋᑦ ᑲᑎᓪᓗᒋᑦ ᐃᑯᐊᓪᓚᒐᒃᓴᐅᖁᓪᓗᒋᑦ, ᑭᖑᓂᖓᒍᓪᓕ ᓂᐊᖂᔭᒃᓮᑦ ᑲᑎᓯᒋᒃ ᑲᑎᕐᓯᕕᓐᓄᐊᕐᓗᒋᑦ!”

ᒫᑎᐅᓯᐅᑉ ᐊᒡᓚᖏᑦ 13:39

ᐊᑭᕋᕐᑐᕐᑎ ᐱᕈᕐᓂᕐᓗᒃᑐᒃᓴᓂᒃ ᑲᓐᖓᕐᓱᐃᔪᖅ ᑖᓐᓇᐅᕗᖅ ᓵᑖᓇᓯ; ᓇᑲᑎᕆᕝᕕᒃ ᑕᕝᕙ ᓯᓚᕐᔫᑉ ᐃᓱᐊ, ᑲᑎᕐᓱᐃᔩᑦ ᑕᕝᕙ ᐂᖏᓖᑦ.