ᔨᕆᒤᐊᐅᑉ ᐊᒡᓚᖏᑦ 51:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᐹᐱᓘᓂᒥᐅᑦ ᐅᓇᑕᕐᑎᖁᑎᖏᑦ ᓴᐱᓕᕐᐳᑦ, ᐱᔭᐅᑦᑍᓕᕕᖕᒥᓃᒃᑲᓗᐊᕐᓗᑎᒃ, ᑕᖃᓂᕐᒧᑦ ᐊᕐᓇᑎᑐᑦ ᑍᒤᓕᕐᒪᑕ, ᐊᖏᕐᕋᖏᑦ ᐃᑯᐊᓪᓚᒃᑕᐅᖕᒪᑕ, ᐃᑎᕐᑕᕐᕕᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 51:30 Iomraidhean Croise

ᐃᓐᖏᕈᑎᑦ 107:16

ᐅᒃᑯᐊᑦ ᑲᓐᓄᔧᑦ ᓯᖁᒥᒻᒪᒋᑦ, ᓴᕕᕋᔧᓪᓗ ᓴᓐᓂᕈᐊᑦ ᓇᑲᓪᓗᒋᑦ ᒪᕐᕉᓕᕔᑦ.

ᐃᓐᖏᕈᑎᑦ 147:13

ᑖᑦᓱᒪ ᐃᑎᕐᑕᕐᕕᒡᔪᐊᕕᑦ ᐅᒃᑯᐊᖏᑕ ᓴᓐᓂᕈᐊᖏᑦ ᓲᖑᔫᑎᒻᒪᒋᑦ; ᕿᑐᕐᖓᑎᓪᓗ ᓮᒻᒪᕐᑎᓪᓗᓂᒋᑦ ᐃᓕᖕᓃᑦᑐᑦ.

ᐃᓐᖏᕈᑎᑦ 76:5

ᐊᖑᑎᑦ ᓴᓐᖏᔪᑦ ᑎᒡᓕᒐᕐᕕᐅᓯᒪᕗᑦ, ᐃᑎᔪᒥᒡᓗ ᓯᓂᓕᕐᐳᑦ; ᐅᓇᑕᕐᑐᒃᓮᑦ ᐊᔪᖏᑦᑐᕐᔪᐊᑦ ᐊᒡᒐᑎᒃ ᐊᑐᕈᓐᓇᓐᖏᓔᑦ ᖃᐅᔨᒪᓂᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 19:16

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐄᑦᔨᑉᑎᒥᐅᑦ ᐊᕐᓇᑎᑐᑦ ᑍᒤᓕᕈᒫᕐᐳᑦ, ᓴᔪᒍᒫᕐᐳᑦ ᑲᑉᐱᐊᓱᒡᓗᑎᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᒡᒐᖕᒥᓄᑦ ᓴᔪᒃᑎᑦᓱᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 47:14

ᑕᑯᒋᑦ, ᐃᕕᒃᓱᒐᕐᑎᑐᑦ ᐸᓂᕐᑐᑎᑐᑦ ᑍᒤᑦᓱᒫᕐᐳᑦ, ᐃᑯᒪᒧᑦ ᓄᖑᑕᐅᔪᑎᑐᑦ; ᐃᒻᒥᖕᓂᒡᓗ ᓴᐳᑎᔪᓐᓇᕈᒫᓐᖏᓚᑦ ᐃᑯᐊᓚᔪᖅ ᐊᖏᓗᐊᕈᒫᕐᒪᑦ; ᐃᑯᒪ ᐅᖅᑰᓯᑦᑎᕐᕕᒃᓴᑐᐃᓐᓇᐅᔪᒫᖏᒻᒪᑦ, ᓴᓂᐊᓂᓗ ᐃᒃᓯᕙᕕᒃᓴᐅᔪᒫᕋᓂ.

ᔨᕆᒤᐊᐅᑉ ᐊᒡᓚᖏᑦ 48:41

ᐃᒡᓗᒐᓴᒡᔪᐊᑦ ᓵᓚᒋᔭᐅᓗᑎᒃ ᑎᒍᔭᐅᔪᒫᕐᐳᑦ, ᐱᔭᐅᑦᔧᕐᓯᒪᔫᒐᓗᐊᓪᓗ ᐱᔭᐅᓗᑎᒃ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒧᐊᐱᒥᐅᑦ ᐅᓇᑕᕐᑐᒃᓴᖁᑎᖏᑕ ᐆᒻᒪᑎᖏᑦ ᐊᑦᔨᖃᕈᒫᕐᐳᑦ, ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒋᔭᖓᑐᑦ ᐋᓐᓂᐊᓂᖃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 50:15

ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 51:32

ᑰᑦ ᐃᑳᕈᑎᖃᕈᓐᓃᕐᑎᑕᐅᕗᑦ, ᐃᒡᓗᐃᑦ ᐱᔭᐅᑦᔧᕐᓯᒪᔪᑦ ᐃᑯᐊᓪᓚᒃᑕᐅᕗᑦ, ᐅᓇᑕᕐᑏᓪᓗ ᐅᐃᒻᒪᒃᑎᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 51:57

ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ ᐋᖓᔮᓕᕐᑎᓐᓂᐊᕐᐸᒃᑲ, ᐊᐅᓚᑦᓯᔨᖏᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐱᖃᓯᐅᑎᓗᒋᑦ, ᓯᓂᓕᕈᑎᒃ ᑐᐸᒍᒫᓐᖏᓚᑦ; ᐊᖓᔪᖅᑳᖑᓂᕐᐹᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᐊᑎᖃᕐᑐᖅ ᑕᒪᑐᒥᖓ, ᐅᖃᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9

ᔨᕉᓴᓕᐅᑉ ᐃᑎᕐᑕᕐᕕᖏᑦ ᓄᓇᒧᑦ ᒪᖑᒃᑎᑉᐰᑦ, ᐹᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᐰᑦ, ᐊᖓᔪᖅᑳᕐᔪᐊᖓᑦ ᐃᕐᓂᖏᓪᓗ ᐊᐅᓪᓚᕈᑦᔭᐅᕗᑦ ᐃᓅᖃᑎᒌᒡᔪᐊᓄᑦ; ᐱᖁᔭᖏᓪᓗ ᐊᑑᑎᔪᓐᓁᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᐊᑕᓂᕐᒥᑦ ᐱᔪᓂᒃ ᑕᑯᑎᑕᐅᕙᒍᓐᓁᕐᐳᑦ.

ᐂᒨᓯᐅᑉ ᐊᒡᓚᖏᑦ 1:5

ᑕᒫᓯᑰᓯᐅᓪᓗ ᐃᑎᕐᑕᕐᕕᖓᑕ ᓴᕕᕋᔭᖓ ᓱᕋᒃᑎᕐᓂᐊᕐᐸᕋ, ᓄᓇᖃᕐᑐᓪᓗ ᐂᕙᓐ ᓇᕐᓴᖓᓂ ᓄᖑᑎᓐᓂᐊᕐᐸᒃᑲ, ᑍᓐᓇᓗ ᑎᒍᒥᐊᕐᑐᖅ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᖓᓂᒃ ᐱᑦ-ᐄᑕᓂᒥ; ᓯᕆᐊᓪᓗ ᐃᓄᖏᑦ ᑎᒍᔭᐅᓂᐊᕐᐳᑦ ᑭᕆᒧᑦ ᐊᐅᓪᓚᕈᑦᔭᐅᓗᑎᒃ,” ᐊᑕᓂᖅ ᐅᖃᕐᐳᖅ.

ᓇᕼᐅᒥᐅᑉ ᐊᒡᓚᖏᑦ 3:13

ᑕᑯᒋᑦ, ᐅᓇᑕᕐᑐᒃᓴᖁᑎᓯ ᐊᕐᓇᑎᑐᑦ ᑍᒤᑉᐳᑦ ᐊᑯᓐᓇᑦᓯᓐᓂ, ᓄᓇᒋᔭᑦᓯᓗ ᐃᑎᕐᑕᕐᕕᖏᑦ ᐊᑭᕋᑦᓯᓐᓄᑦ ᒪᑐᐃᖓᑦᓯᐊᕐᐳᑦ; ᐃᑎᕐᑕᕐᕕᒃᔪᐊᑦᓯᓗ ᓴᕕᕋᔭᖏᑦ ᐃᑯᒪᒧᑦ ᓄᖑᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:10

ᐅᖓᓯᒋᔮᓂ ᓇᖏᕐᓗᑎᒃ ᑕᑯᓐᓇᕈᒫᕐᐹᑦ, ᐋᓐᓂᐊᑎᑕᐅᓂᖓᓄᑦ ᐱᖃᓯᐅᑦᔭᐅᔪᒪᖏᓐᓂᕐᒧᑦ, ᐅᖃᕐᓗᑎᒡᓗ, “ᑲᑉᐱᐊᓐᓇᒦᒃ! ᑲᑉᐱᐊᓐᓇᒦᒃ! ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ! ᐃᑲᕐᕋᕐᒥᒃ ᐊᑕᐅᓯᕐᒥᒃ ᐃᖅᑲᕐᑐᕐᑕᐅᖕᒪᑦ ᓄᖑᑎᑕᐅᓪᓗᓂᓗ.”