ᔨᕆᒤᐊᐅᑉ ᐊᒡᓚᖏᑦ 51:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐱᑎᒃᓵᕐᑏᑦ ᐱᑎᒃᓯᒥᖕᓂᒃ ᐊᒃᓱᓈᓕᕐᓯᑦᑍᓕᓕᑦ, ᐅᓇᑕᐅᑎᒥᖕᓂᒡᓗ ᐊᓐᓄᕌᕐᑍᓕᓕ, ᐃᓅᓱᒃᑐᖁᑎᖏᑦ ᐊᒥᐊᒃᑯᔭᐅᑦᑍᓕᓕᑦ ᐅᓇᑕᕐᑎᖁᑎᖏᓪᓗ ᓄᖑᑕᐅᓕᑦ.

ᔨᕆᒤᐊᐅᑉ ᐊᒡᓚᖏᑦ 51:3 Iomraidhean Croise

ᐃᓐᖏᕈᑎᑦ 137:9

ᖁᕕᐊᓱᒍᒫᕐᐳᖅ ᒥᑭᔪᓛᖁᑎᑦᓯᓐᓂᒃ ᑎᒍᓯᔪᖅ ᐃᒋᑦᓯᔪᕐᓗ ᐅᔭᖅᑲᓄᑦ.

ᔨᕆᒤᐊᐅᑉ ᐊᒡᓚᖏᑦ 46:4

ᕿᒻᒥᕐᔪᐊᓯ ᐊᓄᓕᕐᓯᐅᒃ, ᐃᑭᒪᕕᓕᕐᓱᕐᓗᒋᓪᓗ ᕿᒻᒥᕐᔪᐊᓯ! ᐃᓂᒋᓂᐊᕐᑕᑦᓯᓐᓄᐊᓕᕆᑦᓯ ᐅᓇᑕᐅᑎᓂᒃ ᓇᓴᕐᓯᒪᓗᓯ, ᖃᓗᒋᐊᓯ ᕿᓪᓚᕆᒃᓴᓕᕐᓯᒋᒃ ᐅᓇᑕᐅᑎᓂᒃ ᐊᓐᓄᕌᕐᓗᓯ.

ᔨᕆᒤᐊᐅᑉ ᐊᒡᓚᖏᑦ 50:14

“ᐹᐱᓘᓂᒥᐅᑦ ᐊᕙᑕᖏᕐᓗᒋᑦ ᐱᑎᒃᓵᓕᕐᓯᒋᒃ ᖃᕐᔪᓯ ᐊᒥᐊᒃᑯᑦᑍᓕᓗᒋᑦ ᐊᑕᓂᕐᒧᑦ ᐊᔪᕐᑐᓕᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 50:21

“ᐅᓇᑕᕆᐊᕐᑕᐅᓕᑦ ᒥᕋᓮᒥᐅᑦ ᓄᓇᓕᖏᑦ, ᐱᑳᑦᒥᐅᓪᓗ ᒪᓕᒡᓗᒋᑦ ᑐᖁᕋᕐᑕᐅᓗᑎᒃ ᓄᖑᑕᐅᓕᑦ. ᐊᑕᓂᖅ ᐅᖃᕐᐳᖅ, ᑎᓕᓯᑦᔪᑎᓕᒫᒃᑲ ᐱᓂᐊᕈᑎᒋᓯᒋᒃ.

ᔨᕆᒤᐊᐅᑉ ᐊᒡᓚᖏᑦ 50:27

ᐊᖑᓴᓪᓗᓐᖑᕋᑖᕐᑐᖁᑎᖏᑦ ᑐᖁᕋᕐᑕᐅᓕᑦ, ᑐᖁᓮᕕᖕᒧᐊᕐᑕᐅᓗᑎᒃ ᑲᑉᐱᐊᓐᓇᒦᒃ ᑖᒃᑯᓄᖓ ᐅᓪᓗᖅ ᓇᓪᓕᐅᓯᒪᖕᒪᑦ ᓱᒋᐊᕐᑕᐅᕕᒃᓴᖓᑦ!

ᔨᕆᒤᐊᐅᑉ ᐊᒡᓚᖏᑦ 51:53

ᐹᐱᓘᓂᒥᐅᑦ ᕿᓚᖕᒧᑦ ᑎᑭᐅᓯᒪᔪᓐᓇᕋᓗᐊᕐᐸᑕ, ᐱᔭᐅᑦᔧᕐᓯᒪᓂᖓᓄᑦ ᐅᓇᖕᒥᓇᖏᒃᑲᓗᐊᕐᐸᑕ, ᐊᓯᕈᐃᔪᒃᓴᓂᒃ ᑎᑭᕝᕕᐅᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 9:21

ᐃᒐᓛᑎᒍᑦ ᑐᖁ ᑎᑭᐅᑎᓯᒪᖕᒪᑦ, ᐱᔭᐅᑦᔧᕐᓯᒪᕕᑦᑎᓐᓄᓪᓗ ᓴᖅᑭᓯᒪᖕᒪᑦ, ᐊᖅᑯᑎᑦᑎᓐᓂᓗ ᓄᑕᕅᕈᑎᑎᑦᓯᓪᓗᓂ, ᐃᓄᒋᐊᒃᑐᒃᑯᕕᖕᓂᒡᓗ ᐃᓅᓱᒃᑐᐃᕈᑎᑎᑦᓯᓪᓗᓂ.

ᒨᓯᓯ ᑕᓪᓕᒪᖏᑦ 32:25

ᐃᒡᓗᖃᖏᑦᑐᓂ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᑲᑉᐱᐊᓇᕐᑐᓄᑦ ᑎᑭᑕᐅᔪᒫᕐᐳᑦ ᐊᖏᕐᕋᒥᖕᓂ, ᑐᖁᕋᕐᑕᐅᔪᒫᕐᐳᑦ ᐃᓅᓱᒃᑐᑦ ᐊᖑᑎᑦ ᐅᐃᒡᒐᓱᐃᓪᓗ, ᓄᑕᕋᓛᑯᓗᐃᑦ ᐊᒫᒪᒃᑐᑦ ᐃᓄᑐᕾᓪᓗ ᖃᑯᕐᑕᓂᒃ ᓄᔭᓖᑦ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.