ᔨᕆᒤᐊᐅᑉ ᐊᒡᓚᖏᑦ 51:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᓄᓇ ᓴᔪᒃᐱᓗᒃᐳᖅ ᐋᓐᓂᕇᓯᕐᑐᑎᑐᑦ, ᐊᑕᓂᐅᑉ ᐹᐱᓘᓂᒥᐅᓄᑦ ᐊᑭᓂᐊᕐᓂᕆᔪᒪᔭᖓ ᓇᓪᓕᐅᑎᖕᒪᑦ, ᐹᐱᓘᓂᒥᐅᑦ ᓄᓇᖓᑦ ᓱᓁᕈᑦᔭᐅᖕᒪᑦ ᓄᓇᖃᕐᕕᐅᔪᓐᓇᕈᓐᓃᕐᐳᖅ ᑭᓇᒃᑯᑐᐃᓐᓇᕐᓄᑦ.

ᔨᕆᒤᐊᐅᑉ ᐊᒡᓚᖏᑦ 51:29 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 14:16

“ᐃᓕᖕᓂᒃ ᑕᑯᔪᑦ ᑕᑯᓐᓈᕈᒫᕐᐹᑎᑦ, ᐃᓱᒪᒋᓗᑎᓪᓗ, ‘ᑖᓐᓇ ᑕᕝᕚ ᓄᓇᕐᔪᐊᕐᒥᒃ ᓴᔪᒃᐱᓗᒃᑎᑦᓯᕙᓚᐅᕐᑐᖅ, ᐊᖓᔪᖅᑲᐅᕕᒡᔪᐊᓂᒡᓗ ᑲᑉᐱᐊᓱᒃᑎᑦᓯᓂᕐᒧᑦ ᓴᔪᒃᑎᑦᓯᕙᓚᐅᕐᑐᖅ,

ᐂᓮᐊᓯᐅᑉ ᐊᒡᓚᖏᑦ 24:20

ᓄᓇᕐᔪᐊᕐᓗ ᐊᖔᔮᕐᑐᑎᑐᑦ ᐅᕐᕈᔮᕈᒫᕐᐳᖅ, ᐃᒡᓗᑎᑐᓪᓗ ᐊᓄᕆᓯᐅᕐᓗᓂ ᐅᕚᔪᑎᑐᑦ ᐊᐅᓚᔪᒫᕐᐳᖅ, ᓄᓇᕐᔪᐊᖅ ᐊᔪᕐᑐᓕᓂᕐᒥᓄᑦ ᐅᖁᒤᑦᑐᒦᑎᒻᒪᑦ, ᐅᕐᕈᔪᒫᕐᐳᖅ ᒪᑭᒃᑲᓐᓂᕐᓂᐊᕈᓐᓃᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 50:13

ᐊᑕᓂᕐᒧᑦ ᓂᓐᖓᒡᕕᐅᓯᒪᓂᕐᒥᖕᓄᑦ ᐃᓄᖃᕈᓐᓃᕈᒫᕐᐳᑦ ᓱᓇᖃᕈᓐᓃᕐᓗᓂᓗ, ᐹᐱᓘᓂᒥᒃ ᐊᖅᑯᓵᕐᑐᑦ ᑕᒪᕐᒥᒃ ᑲᒪᓂᐊᕈᑎᒋᔪᒫᕐᐹᑦ ᑲᑉᐱᐊᓲᑎᒋᓗᒍᓗ ᓱᕋᒃᓯᒪᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 50:36

ᐅᖃᕐᑎᖁᑎᖏᑦ ᓴᒡᓗᑐᔪᑦ ᑐᖁᑕᐅᔪᒫᕐᐳᑦ, ᓯᓔᓐᓂᖏᑦ ᓇᓗᓇᕈᓐᓃᕈᒫᕐᒪᑕ ᐅᓇᑕᕐᑎᖁᑎᖏᑦ ᑐᖁᕋᕐᑕᐅᔪᒫᕐᒪᑕ ᑲᑉᐱᐊᓱᖕᓂᕐᔪᐊᖃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 50:43

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑐᓴᕐᑎᑕᐅᒐᒥ ᑕᓕᖏᒃ ᓄᑮᕈᑎᕘᒃ, ᑯᒃᓴᓱᖕᓂᕐᒧᑦ ᐅᑯᒤᒃᓴᓕᕐᐳᖅ, ᐋᓐᓂᐊᓕᕐᓗᓂᓗ ᐊᕐᓇᑎᑐᑦ ᐃᕐᓂᓱᒃᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 50:45

ᑍᒤᒻᒪᑦ ᑐᓴᓕᕐᓯᒋᒃ ᐊᑕᓂᐅᑉ ᐹᐱᓘᓂᒥᐅᓄᑦ ᐱᓂᐊᕐᓂᕆᔪᒪᔭᖏᑦ, ᐃᓱᒪᒋᓯᒪᔭᖏᓪᓗ ᑲᐅᓪᑎᐊᒥᐅᓄᑦ, ᐱᕈᕋᑖᕐᓂᑯᐃᑦ ᐊᒡᓛᑦ ᓰᐱᖁᑎᖏᑦ ᐅᓂᐊᕐᓗᒋᑦ ᐊᐅᓪᓚᕈᑎᔪᒫᕐᐰᑦ, ᓇᑎᕐᓇᖅ ᐃᕕᒃᓱᒐᓕᒃ ᓂᕆᓇᓱᒡᕕᖓᑦ ᓯᖁᑦᑎᕐᓂᐊᕐᐸᕋ ᐊᑭᓂᐊᕐᕕᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 50:46

ᐹᐱᓘᓂᒥᐅᑦ ᑎᒍᔭᐅᓂᕋᕐᑕᐅᓂᖓᑦ ᑐᓴᕐᑕᐅᒍᓂ ᓄᓇᕐᔪᐊᖅ ᓴᔪᒍᒫᕐᐳᖅ, ᕿᐊᓂᖓᓗ ᑐᓴᕐᑕᐅᔪᒫᕐᐳᖅ ᐃᓅᖃᑎᒌᒡᔪᐊᓄᑦ.”

ᔨᕆᒤᐊᐅᑉ ᐊᒡᓚᖏᑦ 51:26

ᐃᒡᓗᓕᐅᕐᑐᓄᑦ ᑎᕆᖅᑯᒃᓴᒥᒃ ᐅᔭᕋᒃᓴᕐᑖᕐᕕᐅᓚᐅᕐᓯᒪᒃᔮᓐᖏᓚᑎᑦ, ᑐᓐᖓᕕᒃᓴᐅᓂᐊᕐᑐᒥᒡᓘᓐᓃᑦ ᐅᔭᕋᒃᑖᕐᕕᐅᓂᐊᓐᖏᓚᑎᑦ, ᓱᓁᕈᓯᒪᔪᒫᕋᕕᑦ ᐃᓱᖃᖏᑦᑐᒧᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:28

ᐃᓅᖃᑎᒌᒡᔪᐊᑦ ᐅᓇᑕᕆᐊᕐᑐᒃᓴᓕᐊᕆᓗᒋᑦ ᐅᐸᓗᖕᒊᔭᓕᕐᓯᒋᒃ ᐹᐱᓘᓂᒧᑦ, ᒥᑏᔅᒥᐅᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᓯᔨᖁᑎᖏᓪᓗ, ᐊᖓᔪᖅᑳᖁᑎᖏᓪᓗ, ᓄᓇᓖᓪᓗ ᑖᒃᑯᓄᖓ ᐊᐅᓚᑕᐅᔪᑦ.

ᔨᕆᒤᐊᐅᑉ ᐊᒡᓚᖏᑦ 51:37

ᐹᐱᓘᓂᒥᐅᑦ ᖃᑦᑎᒃᓯᓯᒪᓕᕈᒫᕐᐳᑦ ᓄᓇᓕᕕᓂᑐᐃᓐᓇᐅᓕᕈᑎᒃ, ᑎᕆᒐᓂᐊᖓᔪᓄᑦ ᐃᓂᐅᓕᕐᓂᐊᕐᐳᖅ ᑕᑯᒥᓁᑦᑐᕐᔪᐊᖑᔪᒫᕐᐳᖅ, ᐃᓄᖃᖏᓪᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 51:43

ᓄᓇᓕᖁᑎᖏᑦ ᓱᓁᕈᑎᔪᒫᕐᐳᑦ, ᐸᓂᕐᓗᑎᒃ ᓯᐅᕋᕐᔪᐊᑎᑐᑦ ᑍᒤᓕᕐᓗᑎᒃ ᓄᓇᖃᕐᕕᐅᔪᓐᓃᕐᓗᑎᒡᓗ, ᐃᖏᕐᕋᔪᓄᓪᓗ ᐊᖅᑯᑎᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 8:16

ᐊᑭᕋᑦᑕ ᕿᒻᒥᕐᔪᐊᖏᑕ ᓂᓪᓕᐊᓂᖏᑦ ᑐᓴᕐᓴᐅᓕᕐᐳᑦ ᓄᓇᒥᑦ ᑖᓐᒥᐅᓂᑦ ᐱᔪᑦ, ᕿᒻᒥᕐᔪᐊᖏᑕ ᐊᖑᑕᐅᓂᖏᑕ ᓂᑦᔮᓂᖏᓐᓄᑦ ᓄᓇᓕᒫᖅ ᓴᔪᒃᐱᓗᓕᕐᐳᖅ. ᕾᓕᕐᐳᑦ ᓱᓁᕈᑦᔨᔭᕐᑐᕐᓗᑎᒃ ᓄᓇᒥᒃ, ᐃᒡᓗᒐᓴᒡᔪᐊᖏᓐᓂᒡᓗ ᐃᓄᐃᕈᑦᔨᔭᕐᑐᕐᓗᑎᒃ.

ᔪᐃᓕᐅᑉ ᐊᒡᓚᖏᑦ 2:10

ᓄᓇᕐᔪᐊᕐᓗ ᓴᔪᒃᑎᑉᐹᑦ, ᕿᓔᓪᓗ ᓴᔪᒃᐳᑦ; ᓯᕿᓂᕐᓗ ᑕᖅᑭᕐᓗ ᑖᕐᓯᕘᒃ, ᐅᓪᓗᕆᐊᓪᓗ ᖃᐅᒪᔫᓐᓃᕐᐳᑦ.

ᐂᒨᓯᐅᑉ ᐊᒡᓚᖏᑦ 8:8

ᓄᓇ ᑕᒪᑐᒧᖓ ᓴᔪᒃᐱᓪᓚᖕᓂᐊᓐᖏᓛᖅ? ᓄᓇᖃᕐᑐᓪᓗ ᑕᒫᓂ ᐅᒡᒍᐊᕐᓂᐊᓐᖏᓛᑦ? ᑰᒃᑎᑐᑦ ᓁᓕᑐᑦ ᖄᒥᑦᓱᒫᕐᐳᖅ, ᖃᑉᐳᑑᕐᓂᖓᓄᓪᓗ ᐃᖅᑲᑦᑕᕐᑕᐅᓚᐅᕐᓗᑎᒃ, ᑰᑭᒡᓕᖕᒥᓗᓂᓗ ᓁᓕᑐᑦ ᐄᑦᔨᑉᑎᐅᑉ ᑰᖓᑐᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:2

ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ ᐊᓂᕐᓂᕐᓗᖕᓄᑦ ᓵᑖᓇᓯᒥᓐᖔᕐᑐᓄᑦ ᐃᓂᒋᔭᐅᓕᕐᐳᖅ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᖃᓄᐃᑦᑐᑐᐃᓐᓇᕐᓄᑦ, ᐊᓂᕐᓂᕐᓄᑦ ᐱᐅᖏᑦᑐᓄᑦ ᐆᒥᓇᕐᑐᓄᓪᓗ ᑎᖕᒥᐊᓄᑦ ᐃᓂᒋᔭᐅᓕᕐᐳᖅ;