ᔨᕆᒤᐊᐅᑉ ᐊᒡᓚᖏᑦ 51:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᓂᐱᒥᓄᑦ ᓂᓪᓕᕌᖓᑦ ᓯᓚ ᐃᒃᑑᓕᔮᕈᓐᓇᕐᐳᖅ, ᓄᕗᔭᓂᒃ ᓴᖅᑭᑎᑦᓯᔪᓐᓇᕐᑐᖅ ᓄᓇᕐᔪᐊᑉ ᑭᒡᓕᖓᓂᑦ, ᓯᓚᓗᓕᕌᖓᑦ ᖃᐅᒻᒪᓪᓚᖃᕐᑎᑦᓯᔪᓐᓇᕐᐳᖅ, ᐊᓄᕌᓕᕐᑎᑦᓯᕙᒃᑐᖅ ᐊᓄᕆᒃᑯᕕᖁᑎᒥᓂᑦ.

ᔨᕆᒤᐊᐅᑉ ᐊᒡᓚᖏᑦ 51:16 Iomraidhean Croise

ᒨᓯᓯ ᓯᕗᓪᓖᑦ 8:1

ᒎᑎᐅᓪᓕ ᐃᖅᑲᐅᒪᓚᐅᕐᐰᑦ ᓄᐊᒃᑯᑦ ᐆᒪᔪᓪᓗ ᐆᒪᔪᖁᑏᓪᓗ ᐅᒥᐊᕐᔪᐊᕐᒦᖃᑎᖏᑦ. ᒎᑎᓗ ᐊᓄᕌᓕᕐᑎᑦᓯᕗᖅ ᓄᓇᕐᔪᐊᕐᒥ, ᐃᒪᕐᓗ ᑎᓂᑉᐸᓪᓕᐊᓯᓪᓗᓂ.

ᔫᐱᐅᑉ ᐊᒡᓚᖏᑦ 37:13

ᓯᓚᓗᖕᒥᒃ ᑎᑭᑎᑦᓯᖃᑦᑕᕐᐳᖅ ᓱᒋᐊᕐᓯᑦᔪᑎᒋᓪᓗᒋᑦ, ᐅᕝᕙᓗ ᓄᓇᒥᒃ ᖃᐅᓯᕐᑎᑦᓯᔪᒪᓪᓗᓂ, ᐅᕝᕙᓗ ᓇᒡᓕᖕᓂᕐᒥᓂᒃ ᓴᖅᑭᑎᑦᓯᔪᒪᓪᓗᓂ.

ᔫᐱᐅᑉ ᐊᒡᓚᖏᑦ 38:22

ᖃᓐᓂᒃᓮᑦ ᐊᐳᑎᑦ ᐃᓂᖏᓐᓄᑦ ᐃᑎᓚᐅᕐᓯᒪᕖᑦ, ᐅᕝᕙᓗ ᓇᑕᖅᑯᕐᓁᑦ ᐃᓂᖏᓐᓂᒃ ᑕᑯᓚᐅᕐᓯᒪᕕᑦ?

ᔫᐱᐅᑉ ᐊᒡᓚᖏᑦ 40:9

ᒎᑎᑐᑦ ᓲᖑᓂᖃᕐᑎᒋᕖᑦ? ᓂᐱᖅᑯᕐᑐᔪᓐᓇᕐᐲᑦ ᑖᑦᓱᑐᓇᖅ ᑲᓪᓕᕐᕙᓗᒃᑐᑎᑐᑦ?

ᐃᓐᖏᕈᑎᑦ 104:7

ᓱᐊᒃᑲᕕᒋᑦ ᑕᕝᕙ ᕿᒫᕗᑦ; ᑲᓪᓗᖁᑎᕕᑦ ᓂᐱᖓᓄᑦ ᐅᐃᒪᔮᕐᓗᑎᒃ ᕿᒪᒃᓯᕗᑦ.

ᐃᓐᖏᕈᑎᑦ 135:7

ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.

ᐃᓐᖏᕈᑎᑦ 147:18

ᑖᑦᓱᒪ ᐅᖃᐅᓯᓂ ᑎᓕᖕᒪᒍ, ᑕᕝᕙ ᐊᐅᒃᑎᑉᐰᑦ; ᐊᓄᕆᖁᑎᓂ ᓱᐴᓕᕐᑎᒻᒪᒍ, ᑕᕝᕙ ᐃᒪᕈᕐᓗᑎᒃ ᖁᕕᓕᕐᐳᑦ.

ᐃᓐᖏᕈᑎᑦ 18:13

ᑕᕝᕙ ᐊᑕᓂᖅ ᐃᒃᑐᓚᐅᕐᑎᑦᓯᕗᖅ ᕿᓚᖕᒥ, ᖁᑦᓯᖕᓂᕐᐹᖑᔫᓪᓗ ᓂᐱᖓ ᑐᓴᕐᓴᐅᓪᓗᓂ, ᓇᑕᖅᑯᕐᓇᕐᑎᒍᑦ ᐊᐅᒫᓗᒃᑎᒍᓪᓗ ᐃᑯᐊᓚᔪᑎᒍᑦ.

ᐃᓐᖏᕈᑎᑦ 46:6

ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ; ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.

ᐃᓐᖏᕈᑎᑦ 68:33

ᕿᓔᑦ ᕿᓚᖏᓐᓂ ᐃᑭᒪᔪᒧᑦ, ᑍᒪᓐᖓᓂᓴᐅᔪᒧᑦ! ᑕᑯᒋᑦ, ᓂᓪᓕᐊᕗᖅ ᐃᒃᑐᑑᕐᑐᒥᒃ, ᐊᔪᖏᑦᑐᕐᔪᐊᕐᒥᒃ ᓂᐱᖃᕐᓗᓂ.

ᐃᓐᖏᕈᑎᑦ 78:26

ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐊᓄᕆ ᕿᓚᖕᓂᑦ ᐱᔪᖅ ᐊᓄᕌᕐᑎᓚᐅᕐᐹ, ᐱᔪᓐᓇᕐᓂᕐᒥᓄᓪᓗ ᐅᓪᓗᓪᓗᐊᑉ ᓇᓛᓂᑦ ᐊᓄᕌᕐᑎᓗᒍ;

ᒨᓯᓯ ᐂᑉᐸᖏᑦ 10:13

ᑕᕝᕙ ᒨᓯᓯᐅᑉ ᐊᔭᐅᑉᐱᐊᓂ ᐃᓴᐅᑎᕚ ᐄᑦᔨᑉᑎᐅᑉ ᖁᓛᓄᑦ, ᐊᑕᓂᕐᓗ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐊᓄᕌᓕᕐᑎᑦᓯᕗᖅ ᓄᓇᒧᑦ ᐅᓪᓗᓕᒫᖅ ᐅᓐᓄᐊᓕᒫᕐᓗ ᓈᓪᓗᒍ; ᐅᓪᓛᓐᖑᕐᑎᓪᓗᒍ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐊᓄᕌᕐᑑᑉ ᐱᒡᓕᕐᑕᐅᔮᕐᑐᑦ ᑎᑭᑎᑉᐰᑦ.

ᒨᓯᓯ ᐂᑉᐸᖏᑦ 10:19

ᐊᑕᓂᕐᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ ᐊᓄᕆᒥ ᓴᓐᖏᔪᒥᒃ ᑎᑭᑎᑦᓯᕗᖅ, ᑕᒪᑐᒧᖓᓗ ᑕᒪᒃᑯᐊ ᐱᒡᓕᕐᑕᐅᔮᕐᑐᑦ ᑎᒃᑕᐅᓕᕐᐳᑦ ᐃᒪᕐᒧᑦ ᐊᐅᐸᓗᒃᑕᒧᑦ; ᐊᑕᐅᓯᕐᒥᒡᓘᓐᓃᑦ ᐱᒡᓕᕐᑕᐅᔮᕐᑐᒥᒃ ᐄᑦᔨᑉᑎᐅᑉ ᓄᓇᖓᓂ ᐊᒥᐊᒃᑯᑕᖃᕈᓐᓃᕐᓗᓂ.

ᒨᓯᓯ ᐂᑉᐸᖏᑦ 14:21

ᒨᓯᓯᐅᓪᓗ ᑕᓕᓂ ᐃᓵᒃᐹ ᐃᒪᕐᒧᑦ, ᐊᑕᓂᐅᓪᓗ ᐃᒪᖅ ᐅᑎᕆᐊᕐᑎᑉᐹ ᐊᓄᕆᐊᓗᖕᒧᑦ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᑦ, ᐅᓐᓄᐊᓕᒫᖅ ᐊᓄᕌᕐᑐᐊᓘᖕᒪᑦ ᐃᒪᖅ ᐊᕕᒃᐳᖅ ᑕᒪᓐᓇᓗ ᓄᓇ ᐸᓂᑦᓯᐊᕐᑑᓕᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 10:5

ᓯᕈᐱᒻᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᕗᑦ ᑐᒃᓯᐊᕐᕕᒡᔪᐊᑉ ᓯᓚᑖᓄᑦ ᑎᑭᓪᓗᒍ, ᒎᑎᐅᑉ ᐊᔪᒐᖃᖏᑦᑑᑉ ᐅᖃᓪᓚᖕᓂᖓᑕ ᓂᐱᕐᔪᐊᖓᑐᑦ.

ᐂᒨᓯᐅᑉ ᐊᒡᓚᖏᑦ 9:7

ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ, ᐃᑎᐅᐱᐊᒥᐅᓄᑦ ᐊᑦᔨᐅᓐᖏᑎᑕᐅᓇᓱᒋᕕᓰ ᐅᕙᓐᓄᑦ? ᐊᐅᓪᓚᕐᑎᓚᐅᓐᖏᓚᑦᓰ ᐄᑦᔨᑉᑎᒥᑦ, ᑍᒫᒃᑕᐅᖅ ᐱᓕᔅᑍᓂᒥᐅᑦ ᑲᑉᕼᐊᑐᐊᕆᒥᑦ, ᓯᕆᐊᒥᐅᓪᓗ ᑭᕆᒥᑦ?”

ᔫᓇᐅᑉ ᐊᒡᓚᖏᑦ 1:4

ᐊᑕᓂᐅᓪᓕ ᐃᒪᕐᕕᒃ ᑎᓕᒃᓕᕐᕕᒋᕚ ᐊᓄᕆᕐᔪᐊᒥᒃ, ᐊᖅᑯᓇᕐᑐᐊᓘᓚᐅᕐᐳᕐᓗ ᐅᒥᐊᕐᔪᐊᖅ ᓱᕋᑐᐃᓐᓇᕆᐊᖃᕐᓗᓂ ᐊᒡᓛᑦ.

ᔫᓇᐅᑉ ᐊᒡᓚᖏᑦ 4:8

ᓯᕿᓂᐅᓪᓗ ᓄᐃᓂᖓᓂᑦ ᒎᑎᐅᑉ ᐊᑐᐃᓐᓇᕈᕐᐹ ᐊᓄᕆ ᐆᓇᕐᑐᖅ ᓯᕿᓂᐅᑉ ᓄᐃᕕᖓᑕ ᓇᓛᓂᑦ, ᓯᕿᓂᕐᓗ ᔫᓇᐅᑉ ᓂᐊᖁᐊᓄᑦ ᐊᑭᖕᒥᒃᐳᖅ, ᔫᓇᓗ ᓄᑭᖃᕈᓐᓁᑲᓴᓕᕐᐳᖅ ᑕᒪᑐᒧᖓ ᐊᑭᖕᒥᒃᑐᒧᑦ. ᕿᓚᓈᕐᐳᕐᓗ ᑐᖁᔪᒪᓪᓗᓂ, ᑐᒃᓯᐊᕐᐳᕐᓗ, ᐅᖃᕐᓗᓂ: “ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”