ᔨᕆᒤᐊᐅᑉ ᐊᒡᓚᖏᑦ 51:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᑕᓂᐅᑉ ᐱᔪᓐᓇᕐᓂᕐᒥᓄᑦ ᓄᓇ ᓴᓇᓚᐅᕐᐹ; ᓯᓚᕐᔪᐊᕐᓗ ᐱᓐᖑᕐᑎᓚᐅᕐᐹ ᓯᓚᑐᓂᕐᒥᓄᑦ ᕿᓚᒡᓗ ᓯᐊᒻᒪᖓᑎᑉᐹ ᑐᑭᓯᐅᒪᑦᓯᐊᕐᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 51:15 Iomraidhean Croise

ᔫᐱᐅᑉ ᐊᒡᓚᖏᑦ 9:8

ᐃᑲᔪᕐᑕᐅᓚᐅᕐᓯᒪᓐᖏᓚᖅ ᕿᓚᖕᓂᒃ ᐃᓯᕕᑦᓯᓕᕐᑎᓪᓗᒍ, ᑐᓪᓕᕋᕈᓐᓇᕐᓗᓂᓗ ᐃᒪᕐᔪᐊᑉ ᐃᖏᐅᓕᖏᓐᓂᒃ;

ᐃᓐᖏᕈᑎᑦ 104:2

ᐃᓕᖕᓂᒃ ᐅᓕᒃᓯᒪᕗᑎᑦ ᖃᐅᒪᔪᒥᒃ ᐊᓐᓄᕌᕆᓪᓗᒍ, ᕿᓚᒃ ᐃᓯᕕᑉᐸᑦ ᑐᐱᕐᑎᑐᑦ ᑖᓗᑕᕐᑎᑐᓪᓗ.

ᐃᓐᖏᕈᑎᑦ 104:24

ᐊᑕᓃᖅ, ᐱᓂᐊᕐᓂᑎᑦ ᐊᖏᔪᕐᔪᐊᖑᕗᑦ! ᑕᒪᕐᒥᒃ ᓯᓚᑐᓂᕐᓄᑦ ᐋᖅᑭᒃᓯᒪᕙᑎᑦ. ᓄᓇᕐᔪᐊᖅ ᑕᑕᑉᐳᖅ ᐆᒻᒪᕐᑎᓯᒪᔭᕐᓂᒃ.

ᐃᓐᖏᕈᑎᑦ 107:25

ᑖᓐᓇ ᐱᖁᔨᖕᒪᑦ, ᑕᕝᕙ ᐊᓄᕌᓕᕐᐳᖅ ᐊᖅᑯᓇᓕᕐᓗᓂ, ᐃᖏᐅᓕᐊᓗᐃᓪᓗ ᒪᑭᓯᕗᑦ ᐃᒪᕐᐱᖕᒥ.

ᐃᓐᖏᕈᑎᑦ 136:5

ᓯᓚᑐᓂᕐᒥᓄᑦ ᕿᓚᖕᓂᒃ ᓴᓇᓚᐅᕐᑐᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:19

ᐊᑕᓂᐅᑉ ᓄᓇᕐᔪᐊᖅ ᓯᓚᑐᓂᕐᒥᓄᑦ ᐱᒋᐊᕐᑎᓯᒪᕚ; ᖃᐅᔨᒪᓂᕐᒥᓄᓪᓗ ᕿᓚᒃ ᐃᓂᑖᕐᑎᓯᒪᕚ;

ᐂᓮᐊᓯᐅᑉ ᐊᒡᓚᖏᑦ 40:22

ᑖᓐᓇᐅᕗᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᔪᖅ ᓄᓇᕐᔪᐊᑉ ᐊᖕᒪᓗᕐᓂᖓᑕ ᖁᓛᓂ, ᐃᓄᐃᑦ ᓄᓇᒥ ᐱᒡᓕᕐᑕᐅᔮᕐᑐᑎᑐᑦ ᑍᒤᒻᒪᑕ, ᕿᓚᒃ ᐃᓯᕕᓯᒪᖕᒪᒍ ᑖᓗᑕᕐᑎᑐᑦ, ᑐᐱᕐᑎᑐᓪᓗ ᓇᑉᐸᕐᑎᓪᓗᒍ ᐃᓯᕐᓯᒪᕕᐅᔪᓐᓇᕐᓯᑎᓪᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 40:26

ᖁᒻᒧᑦ ᑕᑯᓴᓚᐅᕆᑦ ᕿᓚᒡᓗ ᑕᑯᓗᒍ: ᑭᐊᐸᒃᑯᐊ ᓴᓇᔭᕕᓂᖏᑦ? ᑖᑦᓱᒪ ᓴᖅᑭᑎᑦᓯᓚᐅᕐᑑᑉ ᐅᓄᕐᓂᖏᑦ ᖃᐅᔨᒪᕔᑦ, ᐃᓘᓐᓇᑎᒡᓗ ᐊᑐᓂᑦ ᐊᑎᖃᕐᑎᓪᓗᓂᒋᑦ: ᑖᓐᓇ ᐱᔪᓐᓇᕐᓂᕐᔪᐊᖃᕋᒥ, ᑖᑦᓱᒧᖓ ᓴᖅᑭᔮᖏᑦᑐᕐᑕᖃᓐᖏᓚᖅ ᐊᑕᐅᓯᕐᒥᒡᓘᓐᓃᑦ.

ᐂᓮᐊᓯᐅᑉ ᐊᒡᓚᖏᑦ 42:5

ᒎᑎ ᐊᑕᓂᖅ ᐅᖃᕐᐳᖅ, ᐱᓐᖑᕐᑎᑦᓯᓯᒪᔪᖅ ᕿᓚᖕᒥᒃ ᐃᓯᕕᓪᓗᒋᓪᓗ, ᓯᐊᒻᒪᕐᑎᑦᓯᓚᐅᕐᑐᖅ ᓄᓇᕐᔪᐊᕐᒧᑦ ᑕᕝᕙᓐᖓᑦ ᐱᔪᓂᒃ, ᐃᓄᖕᓂᒃ ᐊᓂᕐᓂᖃᕐᑎᑦᓯᔪᖅ ᑕᕝᕙᓂ ᐃᓂᖃᕐᑐᓂᒃ, ᐊᓂᕐᓂᖃᕐᑎᑦᓯᓪᓗᓂᓗ ᐃᓅᔪᓂᒃ:

ᐂᓮᐊᓯᐅᑉ ᐊᒡᓚᖏᑦ 44:24

ᐊᑕᓂᖅ ᐃᓕᖕᓂᒃ ᐅᑎᕐᑎᑦᓯᔪᖅ ᐃᒻᒥᓄᑦ, ᐃᒡᓕᐊᑉ ᐃᓗᐊᓂ ᓴᓇᓚᐅᕐᑐᖅ ᐃᓕᖕᓂᒃ; ᐃᒫᒃ ᐅᖃᕐᐳᖅ, “ᐊᑕᓂᐅᕗᖓ, ᑕᒤᓐᓂᒃ ᓴᓇᓚᐅᕐᑐᖅ, ᐃᓄᑑᑦᔨᓪᓗᖓ ᕿᓚᖕᒥᒃ ᐃᓯᕕᑦᓯᓚᐅᕐᐳᖓ, ᓄᓇᓗ ᓯᐊᒻᒪᒃᓗᒍ ᓴᓇᓚᐅᕐᐸᕋ;

ᐂᓮᐊᓯᐅᑉ ᐊᒡᓚᖏᑦ 45:12

ᐅᕙᖓ ᓄᓇᕐᔪᐊᖅ ᓴᓇᓚᐅᕐᐸᕋ, ᐃᓄᒋᓂᐊᕐᑕᖏᓐᓂᒡᓗ ᓴᖅᑭᑎᑦᓯᓪᓗᖓ; ᐊᒡᒐᓐᓄᓪᓗ ᕿᓔᑦ ᐃᓯᕕᑎᓚᐅᕐᐸᒃᑲ, ᕿᓚᖕᒦᑦᑐᓪᓗ ᐋᖅᑭᒃᓯᒪᕗᑦ ᐱᖁᔨᓂᕋ ᒪᓕᒡᓗᒍ.

ᐂᓮᐊᓯᐅᑉ ᐊᒡᓚᖏᑦ 48:13

ᐃᓛᒃ ᐊᒡᒐᓐᓄᑦ ᓄᓇᕐᔪᐊᖅ ᑐᓐᖓᕕᓕᐅᓚᐅᕐᐸᕋ, ᐊᒡᒐᓐᓄᓪᓗ ᑕᓕᕐᐱᓐᓄᑦ ᕿᓔᑦ ᐃᓯᕕᓚᐅᕐᐸᒃᑲ; ᕾᖁᒐᒃᑭᑦ, ᐊᑕᐅᑦᓯᒃᑯᑦ ᓵᓐᓄᐊᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 51:13

ᐳᐃᒍᕐᓯᒪᓪᓗᑎᑦ ᐊᑕᓂᕐᒥᒃ, ᐃᓕᖕᓂᒃ ᓴᓇᓚᐅᕐᑐᒥᒃ, ᕿᓚᖕᒦᑦᑐᓂᒃ ᐃᓯᕕᑦᓯᓯᒪᔪᖅ ᓄᓇᕐᔪᐊᕐᒥᒡᓗ ᐃᓂᒋᔭᒃᓴᖓᓄᑦ ᐃᓕᓯᓯᒪᔪᖅ, ᓯᕘᕋᖃᑦᑕᕐᐲᑦ ᐅᓪᓗᖅ ᓈᓗᒍ ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖓᓂᒃ, ᑐᖁᑦᓯᔪᒪᑎᓪᓗᒍ? ᐊᑭᕋᕐᑐᕐᑎᕖᑦ ᑲᑉᐱᐊᓇᕐᓂᖓ ᓇᓃᒻᒪᑦ?

ᔨᕆᒤᐊᐅᑉ ᐊᒡᓚᖏᑦ 27:5

ᐱᔪᓐᓇᕐᓂᕐᔪᐊᓐᓄᑦ ᐊᐅᓚᑦᓯᓂᓐᓄᓪᓗ ᓄᓇ ᓴᓇᓚᐅᕐᐸᕋ ᐃᓄᖏᓪᓗ ᐆᒪᔪᖏᓪᓗᑦᑕᐅᖅ, ᑐᓂᑦᔪᑎᒋᓪᓗᒋᓪᓗ ᑐᓂᑦᔪᑎᒋᔪᒪᔭᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:17

“ᐊᑕᓃᖅ ᐊᑕᓂᐅᓂᕐᐹᖑᔪᑎᑦ ᕿᓚᒃ ᓄᓇᕐᔪᐊᕐᓗ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ, ᐃᓕᖕᓄᑦ ᐊᔪᕐᓇᕐᑐᖃᖏᒻᒪᑦ.

ᓴᑲᕅᐊᐅᑉ ᐊᒡᓚᖏᑦ 12:1

ᐊᑕᓂᐅᑉ ᐅᖃᐅᓯᖓ ᐃᓴᕆᐊᓕᒥᐅᑦ ᐱᓪᓗᒋᑦ, ᐊᑕᓂᖅ ᕿᓚᓕᒫᒥᒃ ᓈᓯᓯᒪᔪᖅ, ᓄᓇᕐᔪᐊᒥᒡᓗ ᑐᓐᖓᕕᓕᐅᓚᐅᕐᑐᖅ, ᐃᓄᖕᒥᒡᓗ ᐊᓂᕐᓂᕐᑖᕐᑎᑦᓯᓚᐅᕐᑐᖅ, ᐃᒫᒃ ᐅᖃᕐᐳᖅ:

ᐋᐴᓯᑕᓖᑦ ᐱᓂᐊᕐᓂᖏᑦ 14:15

“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:24

ᒎᑎ ᑖᓐᓇ ᓴᓇᓚᐅᕐᑐᖅ ᓯᓚᕐᔪᐊᕐᒥᒃ ᐃᓗᓕᖏᓐᓂᒡᓗ ᑕᒤᓐᓂᒃ, ᐊᑕᓂᐅᕗᖅ ᕿᓚᖕᒥ ᓄᓇᒥᓗ, ᐃᓄᖕᒧᑦ ᓴᓇᔭᐅᓯᒪᔪᓂ ᐃᓂᖃᓐᖏᓚᖅ,

ᕉᒪᒥᐅᓄᑦ 1:20

ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ, ᒎᑎᐅᑉ ᑕᑯᒃᓴᐅᓇᓂ ᐱᔪᓐᓇᕐᓂᖏᑦ, ᐊᔪᒐᖃᖏᓐᓂᖓᓗ ᐃᓱᖃᖏᑦᑐᖅ, ᒎᑎᐅᓂᖓᑕᓗ ᐃᓕᖅᑯᓯᖓ, ᓇᓗᓇᖏᑦᓯᐊᕐᓗᑎᒃ ᑕᑯᒃᓴᐅᖕᒪᑕ, ᑐᑭᓯᔭᐅᔪᓐᓇᕐᐳᓪᓗ ᓴᓇᓯᒪᔭᖏᑎᒍᑦ ᓇᓗᓁᕐᑕᐅᖕᒪᑕ. ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᕈᓐᓃᕐᐳᑦ.

ᕉᒪᒥᐅᓄᑦ 11:33

ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:11

“ᓂᕐᑐᒐᒃᓴᑑᕗᑎᑦ, ᐊᑕᓂᕗᑦ ᒎᑎᕗᓪᓗ, ᐅᐱᒋᔭᒃᓴᑑᕗᑎᑦ, ᐱᔪᓐᓇᕐᓂᖃᕐᑐᑑᓪᓗᑎᓪᓗ. ᐱᓐᖑᕐᑎᑦᑎᓯᒪᒐᕕᑦ ᓱᓇᓕᒫᓂᒃ, ᐱᖁᔨᓂᒃᑯᓪᓗ ᓴᖅᑭᓯᒪᕗᑦ ᐱᓐᖑᕐᑎᑕᐅᓪᓗᑎᒡᓗ.”